Quote: ووصف ترامب هاريس بأنها "مجنونة" و"غبية كالصخرة"، وزعم أنها قللت في السابق من أهمية تراثها الأسود، في حين يريد بعض المانحين والمستشارين لترامب أن يلتزم المرشح الجمهوري بشكل أكبر بانتقادات سياساتها.
كما حذر أعضاء تحالف "الأميركيون السود من أجل ترامب" من أن الاستخفاف بهاريس قد يضره في تواصله مع الناخبين السود.
08-30-2024, 07:40 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 11018
Quote: ترامب زيهو وزي البشير وامثاله يعتمدون على تشويه الخصم باي اسلوب لكن اظنه خاسر وزي ما بقول المثل عاجز الرأي مضياع للوقت شكرا هدى
سلام أخ صديق~ أتفق معاك الدور عليكم ، التصويت ثم التصويت ودا الممكن عندكم ، الشعب السودانى ما كان عنده طريقة هزيمة المخلوع البشير بصناديق الإقتراع كانت الثورة وستظل حتى هزيمة الكيزان وجنجويدهم تحياتى
08-31-2024, 05:10 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: طرمبة ده شخص غير مؤاخذ شوفي ناس رويتر تحققوا من صحة (هذيانه) ده كيف
حيدرنا سلام~ أتفق معاك تماما … *بالله شفت الطاؤوس دا فى اللقاء معه فى مؤتمر الصحفين السود كان جرئ كيف! وبنرجسية تشابه نرجسية كثيرين يتساءل ويمثل البراءة والعفوية - يمارس التزوير والزوغان ويرش فى الإساءات *هذا "النرجسي" الطاؤوس ، دَخْلَته هجمة شديدة بإنسحاب بايدن لخبط عليه حساباته، بعدها جاء فاكر هزيمة " كَامُلا هارس" حتكون ساهلة زى ما عمل مع هلارى كلينتون *ما خلى إساءة زمان هو وجماعته ما لصقوها فى هلارى وأغلب الإساءات بسبب زوجها كلينتون *طبعا كل "النرجسيين" ، ما عندهم تعطيل فى الإساءة للمرأة *أتمنى الشعب الأمريكى ، المرة دى يشوف باقى الدول التانية زى الحصل فى إنجلترا وفرنسا *لا يهم انها تكون امرأة، سوداء، آسيوية او غيره عشان الطاؤوس دا ينكر ليها حقها فى انها تكون ما تكون - المهم انها إنسان ستؤدى وظيفة رئيس أفضل مئات المرات منه وأمثاله…
08-31-2024, 05:33 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
ترامب يمثل الراسمالية المتوحشة في، منتهى، انحطاطها زي نادي، الروتاري، الضيع، ثورة الشباب الكنداكة هاريس، بتواسيه نص الجمهوريين ما ديرنه والمهاجرين والسود وجل، نساء امريكا ايضا الجري ده مو هيلي، انا ترامب، ماسورة
عادلنا سلام~ كلامك دا صاح تماما ، بس خوفى من نظام الإنتخابات فى بلاد الأمريكان يعنى ممكن غالبية الناخبين يصوتوا ضده ، لكن نظامهم العجيب دا " Electoral College ” يفوزه- ربنا يكذب الشينة. *للأسف الجمهوريين معظمهم ملتزمين ، يعنى يصوتوا للحزب بصرف النظر عن المرشح وحتى لو كان هذا "النرجسي" الأنانى *الأمل زى كلامك فى أصوات النساء وكمان الشباب والمجموعات المحايدة ……… *أما حكايته مع سمك الشارك دى غريبة شديد ،لما احتاج اخفف من مآسى السودان ، امشي اسمع ورجغاته عن الشارك وأضحك *قال أفضل ليه يتكهرب وما تضربه سمكة الشارك، ودايما يتفرج فى سمك الشارك وخاصة انه أظن بعد خلى نيويروك "المدينة" ………يا حليل ناس امتثال وسكن جوار المحيط بقى خائف زيادة
08-31-2024, 06:00 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: quote ر أعضاء تحالف "الأميركيون السود من أجل ترامب" +++++++++++++++++++++++++++++++++++ slaves by soul and blood
سلام أخ حسن فرح~ مسالة تحالف السود دى واضح جدا انه دا شغل وخداع سياسى، زى ما عاملين هنا فى أوروبا، سرقوا بروفايلات مشاهير قالوا ديل يطلبوا من الناخبين التصويت للنرجسي دا… فى زى اثنين ثلاثة كدا ، شابة زعلانة شديد وواحد تانى ما قادر يحدد موقفه وطبعا هنالك كانيا ويست😀
*فى الحقيقة بمجرد تنازل بايدن وترشيح كَامُلا مجموعة كبيرة من السود كان عندهم لقاء أمنوا فيه للدفاع عن اى هجوم على كَامُلا هارس وأيضًا أمنت ميشيل أوباما على عدم الصمت ومقولة دكتور مارتن لوثر كينغ فى البال: " في النهاية،نحن لا نتذكر كلمات أعدائنا،بل صمت أصدقائنا."
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هدى ميرغنى
صديق مهدى على
حيدر حسن ميرغني
adil amin
Hassan Farah
فيس بوك
تويتر
انستقرام
يوتيوب
بنتيريست