الجيش من بداية الحرب مبلول ومدقوق دق العيش وكل ما يلقى تفاوض يقعد يتجرجر عشان عاوز يصلح موقفه التفاوضى عسكريا واخرا البلاهة بتاعت ضرب المدن الاحتلاها الجنجويد بالطيران بدون فرز بين مدني من جنجويدى الحصلت قبل يومين وما جابت نتيجه وعلى ضوئها اتجرجروا فى موضوع القاهرة (عديمي البروتوكول) مشكلة الجيش كلما يمشى عشان يجيب تار يصلح بيه موقفه التفاوضى (كجيش) يجي راجع مبلول وهو *مسقط* ليه مدينه مدينتين ..
لأنه كل تفكيرم فى التفاوض وضعهم كجيش ما وضع السودان وانسانه .. تفكيرم فى موقعم هم وحلفائهم المستهبلين واسيادهم (كرتي وناسو) شنو من السلطة وادارة البلد وح يربحوا شنو؟ .. والمدخل دا خسران وكل مره بيخسر اكتر لأنهم مهزومين .. لكن لو طلعو نفسهم كجيش مهزوم وحلفائهم كمجارمة ومستهبلين وختوا السودان وانسانه كقائد وموجه للتفاوض هم براااااهم مفترض يطالبوا باخراج جميع (حملة السلاح) من العملية السياسية واولم الجيش ومحاسبة المجرمين ويطالبوا باعادة هيكلة بل وتاسيس الجيش من جديد بعد الشافوه عيانا بيانا ويطالبوا بحل الجنجويد من خلال الموقف السودانى الكبير وعريض وهادر ما من خلال موقع الجيش المهزوم ومعرد..
يقدموا للسودانيين وللمجتمع الدولى المعنى الحقيقي للحريص على بلده ومواطنى بلده بدل مصلحة شوية دبابير وتحالف مستهبلين..
من واقع الجيش ح تسقط مدن ويواصلوا الانسحابات من التفاوض وح يتهزموا من الجنجا أكتر.. من واقع السودان الوطن الحرب بلهاء ما فيها رابح لان الخسران الوحيد هو الوطن.. بطلوا تفاوض الجيش المهزوم وابدوا تفاوض السودان الوطن الكبير. السلام سمح #حرب_عبثية
08-24-2024, 06:15 PM
Nasr Nasr
تاريخ التسجيل: 08-18-2003
مجموع المشاركات: 11355
Quote: مشكلة الجيش كلما يمشى عشان يجيب تار يصلح بيه موقفه التفاوضى (كجيش) يجي راجع مبلول وهو *مسقط* ليه مدينه مدينتين ..
لأنه كل تفكيرم فى التفاوض وضعهم كجيش ما وضع السودان وانسانه .. تفكيرم فى موقعم هم وحلفائهم المستهبلين واسيادهم (كرتي وناسو) شنو من السلطة وادارة البلد وح يربحوا شنو؟ .. والمدخل دا خسران وكل مره بيخسر اكتر لأنهم مهزومين ..
08-24-2024, 06:26 PM
Hassan Farah Hassan Farah
تاريخ التسجيل: 08-29-2016
مجموع المشاركات: 11404
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Nasr
Hassan Farah
فيس بوك
تويتر
انستقرام
يوتيوب
بنتيريست