هاجم قوات الجنجويد الفاشر من اربع محاور منذ الساعه السادسة صباحا الي الساعه 12 ظهرا وكان هذا الهجوم متوقعا منذ بدوا في تدوين المدينه قبل عشره ايام في ضرب المستشفيات والاحياء السكنيه وكان الجنجويد ياملون في حدوث اختراق قبل أي مباحثات في جنيف الا انا القوات المشتركه والمستنفرين وقوات الشعب المسلحه دمرت كل القوه التي هاجمت عبر اعداد كبيره من المرتزقه التشاديين الذين ينتمون الي حركه فاكت التشاديه بقياده مهدي بشير الا انا طياران ذات البروج أصرت علي اخذ مهدي بشير الي البروج علي حسب موقع ذات البروج انا هنالك تخفيضات كبيره للذين لديهم الرغبه للذهاب الي الجحيم
08-10-2024, 03:55 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32994
ول أبا نصر الدين سلام مهدي بشير .. أسير لدي الحكومة التشادية منذ عام 2021م في الأحداث التي أدت لمقتل الرئيس إدريس ديبي. متي تم أطلاق سراحه؟ ومتي وكيف عاد إلي FACT؟
ما أظن الذي قتل هو مهدي بشير
بريمة
08-10-2024, 04:13 PM
نصرالدين ادم فضل نصرالدين ادم فضل
تاريخ التسجيل: 02-18-2016
مجموع المشاركات: 159
سلام اخي ودابا بريمه كلامك صحيح هو كان اسير لدي السلطات التشاديه لكن التشاديين طلعوا اذكياء أخذوا قروش الكفيل وتاني اتخلصوا من ناس المعارضه المسجونين بتاع FACT اخرجوهوم من السجون وارسلوهم الي السودان ممكن عادي ودابا تمشي الفيس بوك وتجد ليه فيديو قبل يومين عاملوا هو راكب في اللاندكروزر وبيهدد ناس الفاشر تاني انتا متاح ليك تدخل قروب الجهازيه وتلقي التعازي هنالك ودابا دول الساحل والصحراء لقوا السودان الأرض الخصبه علشان ينهوا المجتمعات الهايمه في الصحراء بطريقه ساهله
08-10-2024, 04:24 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32994
والله يا ول أبا، داوستم دواس رجال لصالح الفلول .. يا أخ ما تنضموا للأشاوس خلونا نطردوا الفلنقايات .. تذكرونى بقصة عمنا أصطاد غزالة وكراعها أتكسرت وجاريه وهى ضالع .. طلعت في جبل وعمنا وكلابه وراها حذو الحافر بالحافر ... فجأة ظهر نمر من كركور ووقف بين عمنا وكلابة والغزالة ..
عمنا جاء راجع إلا بسماح الوصف .. يعضي في أصبعه يسوي هيييع النمر!! .. أنتم أخوانا لكن بقيتم بيننا وبين صيدتنا .. كما يقول عمنا هييييع الفلول!
بريمة
08-10-2024, 04:38 PM
زهير ابو الزهراء زهير ابو الزهراء
تاريخ التسجيل: 08-23-2021
مجموع المشاركات: 11803
Quote: يا بريمه هؤلاء يريدون ضليل الراي والعام هم في الميدان حالتهم صعبه
أنا شفت الفيديو الذي ظهر فيه الشخص الذي قال عنه أحد أفراد مجموعته "يا مهدي بشير .." لكن الشخص في ظنى أسم علي أسم .. مهدي بشير التشادي، لديه شعر آفرو غزير جداً .. يعنى مثل السافنا .. لكن الشخص الذي في الفيديو شعره قصير ..
بريمة
08-10-2024, 05:23 PM
نصرالدين ادم فضل نصرالدين ادم فضل
تاريخ التسجيل: 02-18-2016
مجموع المشاركات: 159
سلام ودابا والله بريمه الزول القال لناس الدعم السريع الفاشر فيه فلول المفروض الزول دا يشنقه في ساحه عامه لكن الزول دا بيكون عاوز ينهي الدعم السريع وهذا الان الحاصل معركه اليوم دا اكعب من المعركه الذي تم فيه مقتل علي يعقوب صور القتلي والعربات المدمر في أطراف الفاشر منظر بشع شديد ناس الدعم السريع في واحد غبي منهم عمل ليهم شرك بمعركه استنزاف واليوم تم قتل اربع من قيادات الدعم السريع لذا من الأفضل لناس الدعم يشوفوا ليهم مكان فيه فلول لو استمروا بهذه الطريقه ما بيفضل واحد ربنا يجيب العواقب سليمه ويوقف هذه الحرب اللعينه ارجع لمقابله ود الكابلي مع عليوه نايب الحاكم واسمع التسجيل كويس ا
08-10-2024, 05:38 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32994
أنت عارف بعض أخبار الفاشر قاعد ينشرها .. عبد العزيز ود كندية .. معنا في الولايات المتحدة .. عبد العزيز كذّاب .. أو قول حاطب ليل؛ يغذيه بالمعلومات المضللة زميل المنبر ذو اليد سلمان .. والسبب ذو اليد نفسه ما متواجد داخل الفاشر لكي ينقل مشاهدات بل قاعد يعلف من شذرات الأخبار التى تصله .. ويبثها عبد العزيز كأنها حقائق دامغة.
أعمل حسابك من ناس النجر ديل .. مصداقيتك مهمة .. أقرأ للأخ زهير في كيف يكون الأنسان صحفي محترف لينقل الحقيقة المجردة.
بريمة
08-10-2024, 05:59 PM
نصرالدين ادم فضل نصرالدين ادم فضل
تاريخ التسجيل: 02-18-2016
مجموع المشاركات: 159
سلام ودابا انا معلوماتي من ناس البيت اخواني اشقاي طوالي اي ما في حاجه بخليه بينقل اخبار مفبركه لاني لما اخذ المعلومه باعمل استجواب عديل كدا واي صوره لافي داخل الفاشر انا بعرف الحي والطريق والمنطقه
اقول ليك حاجه يا بريمه والله واحد انا بعرفه قاعد في الفاشر منذ الحرب ابتدات وقبل اسبوعين كان موجود في الفاشر امبارح لقيتوا في الفيس بوك في بورسودان سالتوا متين جيت بورسودان قال لي جاء وراجع الفاشر بكره قلتي ليه الناس بيقولوا كذا وكذا والله العظيم الرجل ضحك وقال حاضرب ليك من الفاشر بعض اسبوع وقال الفاشر دا يوم القيامة الجنجويد مابيدخلوه هو زول عارف مقدار القوه الموجوده الزول دا يا بريمه عمل لي طمام قال الناس الييتحارب ناس الدعم السريع هم ربع القوه والبقيه نايمين ولو قاموا من النوم حتسمع اول يوم استلموا الجنينه الاخبار عندنا لكن لا نستطيع كتابه كل التفاصيل لانوا المعلومات ليست للنشر
08-10-2024, 06:06 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32994
تسلم يا ول أبا وزي ما عارف هى الحرب .. وكل زول عايز يكبر كومه .. أهل الفاشر عانوا وما في أي سبب يخليهم يعانوا .. سلام جوبا حمى الفاشر لو لا المشتركة خرجت من الحياد. غلطة كلفت الشعب السودانى أرواح وموارد ومعاناة.
بريمة
08-11-2024, 02:42 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9302
Quote: يا بريمه هؤلاء يريدون ضليل الراي والعام هم في الميدان حالتهم صعبه
سلام ابوالزهور, ممكن تكون اختلفت مع الاخ نصرالدين في مداخلة بالبوست الاخر و لكن انت رجل مبدئى A man of principles ف خليك ثابت على مبدئك و جيب لينا اخبار بالتفاصيل من عندك. نعم الوضع معقد في الطريفين حيث قرأت هذا اليوم علي الفيس بوك عدد كبير من البوستات تنعى المقتولين من سكان الفاشر بعضهم اقارب. نعم ميدان اليوم كان صعبا و حسب ما وصلتنى من اخبار نهاية اليوم تم صد قوات الدعم السريع او تراجعو و قد يعاودو الهجوم مرة اخرى. زى ما بقولو "قد تكسب معركة اليوم و تخسر معركة الغد و لكن الحرب مستمرة حتى الان. دعواتنا ان تتوقف. هذا ليس وقت الاحتفال لكسب معركة او البكاء لخسارة اخرى. فقط نتمنى ان يتوقف سيل الدماء.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
نصرالدين ادم فضل
Biraima M Adam
زهير ابو الزهراء
Moawia Mohammed
Mahjob Abdalla
فيس بوك
تويتر
انستقرام
يوتيوب
بنتيريست