Quote: "الدعم السريع". فتركيبة هذه القوات، بحسب قوله، اختلفت اليوم عنها في 15 أبريل يوم نشوب الحرب القائمة في السودان. حيث كانت قوة شبه نظامية بقانون، لكنها انتهت في يومنا إلى تحالف من ست ميليشيات، بل واستصحبت جماعة مستنفرة معروفة بـ"أم باغة" تقاتل لأجل الغنيمة. و"أم باغة" مما يطلق على الجماعة من الجنجويد الذين اشتهروا بربط باغات البلاستيك الفارغة سوى من حصى بداخلها بسروج خيولهم خلال مهاجمتهم لأهل القرى لإرهابهم. وبين قوى "الدعم السريع" اليوم طلاب غنيمة آخرون مستنفرون من قبلها عرفوا بـ"الكسابة" (جمع كاسب) ممن كتبت عنهم شبكة "عاين" قصة أخيرة بعنوان "الكسابة: النهابون والدعم السريع". فلم يعد "الدعم السريع"، بحسب فضل الله، جيشاً موحداً وإنما مجموعات عسكرية يرغب قادة "الدعم" في التنسيق بينها. لكن "المؤشرات جميعها ترجح احتمالية تفككها وتحولها إلى عصابات تهاجم المدن من أجل السلب والنهب في ظل الضعف البائن على الأجهزة الأمنية والعسكرية".
07-07-2024, 08:17 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
Quote: ويقول أحد العناصر التي تنشط في نقل المقتنيات من أمدرمان إلى إقليم كردفان لـ(عاين)، – طلب عدم ذكر اسمه- إن “الأشخاص الذين يعملون في هذا النشاط هم جزء من قوات الدعم السريع، ويقاتلون إلى جانبها في المعارك الحربية، لكن غالبيتهم من ما يعرف بـ المناصرين الذين انضموا إليها بعد اندلاع الحرب، وليست لديهم أرقام عسكرية”. ويضيف: “أتيت إلى الخرطوم ضمن الفزع، وشاركت في مأموريات عسكرية حيث لم نتقاض أي أجور من الدعم السريع، لذلك فكرت برفقة آخرين في الانخراط في العمل التجاري حيث نشتري البضائع وبيعها في غرب أمدرمان، وأيضاً نرحل جزءاً منها إلى الولايات الغربية لتحقيق أكبر قدر من الأرباح”. وتابع: “انضم آلاف الشبان من إقليمي كردفان ودارفور إلى قوات الدعم السريع بغرض إسنادها في حربها مع الجيش، وتربط جميع المنضمين الجدد صلة قرابة بأفراد الدعم السريع النظاميين، فكل جندي أو ضابط استنفر إخوانه وأبناء عشيرته، وكان السواد الأعظم منهم انخرط في صفوف الدعم السريع بغرض النهب وتحقيق كسب مالي سريع، ولا أحد يعترضهم أو يحاول عرقلة نشاطهم”. شهادة أخرى يدلي بها أحد سكان حي ود البنا بأمدرمان لـ(عاين)، ويسمى بشير الصادق، تدعم تورط قوات الدعم السريع في أعمال النهب في العاصمة السودانية ومحاباة العصابات التي تنشط فيها خاصة الكسابة، ويقول إنه كان يشاهد سيارات محملة بالبضائع والأثاثات المنزلية تعبر جسر شمبات نحو أم درمان على مدى أشهر عديدة منذ اندلاع الحرب”.
07-07-2024, 08:23 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
مرحب اختنا هدى الميرغنية اعرف الاخ بشير الصادق و هو صادق فيما قاله وقتها كنت اسكن في سوق الشجرة والتي لا تبعد اكثر من امتار من ود البنا و الدليل علي كلامه ان بيتنا تم احتلاله لشهور في حي نبته في بحري .صوره جارنا و الذي اثق فيه تماما البيت خالي من كل شي هؤلاء الحرامية سرقو حتى المكيفات لان جزء من اهلي خارج السودان و الجزء الاخر بين الدويم و كوستي و الشمالية لعنة الله على الكيزان و الجنجويد القتلة و بعد انجلاء هذه الغمة ستسمعي الكثير من القصص المؤلمة من شهود عيان عاشوا الماساة
تحياتي
07-08-2024, 10:24 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: مرحب اختنا هدى الميرغنية اعرف الاخ بشير الصادق و هو صادق فيما قاله وقتها كنت اسكن في سوق الشجرة والتي لا تبعد اكثر من امتار من ود البنا و الدليل علي كلامه ان بيتنا تم احتلاله لشهور في حي نبته في بحري .صوره جارنا و الذي اثق فيه تماما البيت خالي من كل شي هؤلاء الحرامية سرقو حتى المكيفات لان جزء من اهلي خارج السودان و الجزء الاخر بين الدويم و كوستي و الشمالية لعنة الله على الكيزان و الجنجويد القتلة و بعد انجلاء هذه الغمة ستسمعي الكثير من القصص المؤلمة من شهود عيان عاشوا الماساة
تحياتي
سلام أخ خضر~ يماثل قول الراحل المقيم القدال: "الخير يمشى على الصحارى تمصره فى بشيكيرها" كان يتحدث عن خير السودان- قد تكون الأمطار التى لا نستفيد منها واحدة من الخيرات المعنية لكن حقيقة موجود الذهب ، اليورانيوم المياه وغيرها الكثير من الخيرات … *الجنجويد شالوا كل الخيرات حتى وان كانت أثاث المنازل ومصروه فى بشكير الصحارى *لن يتوقف النهب …
07-08-2024, 11:15 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1865
أميرة العزيزة~ الحصل فى السودان ما حصل فى بلد نهب ، قتل وتبعاته - نفس المرتزقة ديل لم يمارسوا نفس العمائل فى اليمن *واحد تشادى اسمه جوجو فى بداية الحرب فى شوارع الخرطوم - قال هدفهم إو جايين عشان يدمروا السودان ***قصة الحرب تتوقف لن يكون ودا ما تشاؤم منى ، لآنه لسه اهدافهم ما أتحققت (حقوق المعنى والتحليل محفوظة لمولانا) وتكونت مليشيات وقادة جدد - جابوهم فزعة أصبحوا الكل فى الكل تانى ما بيأتمروا بإمرة آل دقلو والبرهان الدلاهة حاميهم وعايز يحافظ عليهم ودا ظاهر من ايام الحرب الأولى ، أرجعو يا حلوين وشنو من رحم الجيش ودلاهة زى دى *ناسهم الطموحين زى كوز لندن - من الأيام الأولى ، الحوار، الحوار ليه: لانه عايز البلد كاملة يجوا يلقوا كراسى فيها لأنهم من زمن عندهم تكوين حاجة كدا "حزب العرب" بحسب كلام البعشوم فى ما معناه - ممكن تقولوا أو تدخلوا فى شخصية العرب وتدرعوا العقال كمان(دى من عندى) —-قاليهم لكن كان مشيتوا الخليج بيضحكوا عليكم…
*شوفى البكتبوا ديل -احتفالات بالدمار و كلمات عجيبة انبشكت، شلع ، وفجغ ومجغ عبارات توضح الجواهم برضه من نفس التوثيق قال "الجنجويد حياتهم رماد وعايزين كل الناس حياتهم تكون رماد" *أعوذ بالله منهم
07-09-2024, 08:04 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
Quote: النبوءة الكدايسية لحميدتي كانت تكشف عن حقد طبقي دفين.
والكثير من السودانيين لديهم احقاد طبقية دفينة ايضا نسبة للفوارق الطبقية الهائلة.
الشيوعيون عندهم علاج معقول وغير مكلف للمشاعر الطبقية الحاقدة.
وايضا عندما تختفي "الدولة"، لا يمكن ان نتوقع مجتمعا فاضلا في غياب صاحبة الجلالة.
سلامات حبابك سلامات والإحترام ،أخى أسامة~ تصدّق الحملة الحاقدة دى بدأت من أزمان مثلا بعد مجزرة فض الإعتصام كانوا لافين فى الشوارع مدججين بالسلاح والدنيا قبائل عيد يدخلوا الدكاكين ، يشيلو العايزنه وكمان يسألوا ببدائية شديدة مثلا الخرطوم وين؟ وهم فى نص الخرطوم *وقتها شفت مقال ومعاه صورة واحد مدجج بالسلاح دخل عند الحلاق، قعد فى الكرسى يعاين، الوالد قال أطفاله يتساءلوا لو قتلنا حنكون شهداء؟ *الوالد كتب كتابة جميلة عن ملاحظته انه الشخص كان مستغرب من المحل، كتب انه الشخص دا من حقه يتعلم ويعيش كويس بدل حمل سلاحا أكبر من حجمه وتهديد البشرية. ***الأيام ديك حميدتى كان فرعونا رهيبا ينطط من مكان لمكان والاحتفالات والحكامات ولما الناس قالت لا لا ، توعدهم بالدمار وانه العمارات العجباكم دى تسكنها الكدايس ،ومن أقواله ايضا "فض فوه" ان كان موجودا "الخرطوم حتفضى زى مليط" … وقد كان ولكن ليس الكدايس الأليفة… *هزمهم الشعب السودانى يوم 30 يونيو ، جوبكوها ناس حمدوك *بالمناسبة يا أسامة واحد قال - لما بلادكم ديك أصلا حتفرض علينا رئيس وقتها ، كانت تشوف لينا واحد قوى يخوف العسكر
…حول اختفاء الدولة: كنت أقوم الصباح بعد شوية ساعات نوم مجهجه أتساءل - الحرب وقفت؟ الآن رغما انى لا أحب التشاؤم - الدوروها زاتهم اصبحوا يتساءلوا نفس السؤال ، فلقد خرجت تماما من يدهم *السودان أصبح عبارة عن نهابة لافين، لدرجة انه ما مستغربة من عدم صمود شوية الجيش المتواجد فى المدن، مبانيهم المطر ترميها خليك تهجم عليهم جموع غفيرة تسبقهم وتمشى معهم وخلفهم الفوضى والوحشية ، ممكن عادى يلزوا اى حيطة وينهبوا كل ما يجدون وبعدها يتحركوا لمدينة أخرى ويتصايحوا الله اكبر ! وجماعتهم فى الميديا والفضائيات يحتفلوا ويهللوا "انبشكت"
*إن الدمار مدورو وتتنوع المليشيا والفزع للنهب
07-09-2024, 06:54 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
والكثير من السودانيين لديهم احقاد طبقية دفينة ايضا نسبة للفوارق الطبقية الهائلة
سلام اخت هدى و ضيفك الاخ اسامه, في تقديرى هذه نظرة ضيقة بنحسر في المقارنة بين سكان الخرطوم (العاصمة) و كل بقية السودان هم فقراء و حاقدين على الطبقة الخرطومية ذات الامتياز الهائل و لذلك ترى الريف بقطعو تذكرة اتجاه واحد نحو الخرطوم. عما يحدث الان, هل تعرف انو هؤلاء لما كان بدخلو قرية و يشفشفو كل اللى فيها من طبقة الفقراء و فى الاخر يمسكو الجداد و ربما بيضها ان لم يجدو شيئا. هل هذا يصب في خانة الحقد الطبقى؟
07-09-2024, 07:38 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: سلام اخت هدى و ضيفك الاخ اسامه, في تقديرى هذه نظرة ضيقة بنحسر في المقارنة بين سكان الخرطوم (العاصمة) و كل بقية السودان هم فقراء و حاقدين على الطبقة الخرطومية ذات الامتياز الهائل و لذلك ترى الريف بقطعو تذكرة اتجاه واحد نحو الخرطوم. عما يحدث الان, هل تعرف انو هؤلاء لما كان بدخلو قرية و يشفشفو كل اللى فيها من طبقة الفقراء و فى الاخر يمسكو الجداد و ربما بيضها ان لم يجدو شيئا. هل هذا يصب في خانة الحقد الطبقى؟
سلامى وإحترامى أخى محجوب~ نعم ، أتفق معاك فى كلامك دا الحاصل فى السودان دا يا ريته لو كان حقد طبقى أدى إلى ثورةً ، كلنا بنترص فيه من أجل التغيير وتقليل لو ما إزالة الفوارق *بدايات آل دقلو كانوا محتجين بإنهم فى الحراية والجماعة المشغلنهم تحت المكيفات ، دى أحقاد بينهم وموجهة جدا *الغريبة لما آل دقلو فاتوا الجميع فى الأملاك والمقتنيات والراحات ، لسه مصرين ومتظلمين، زى مسألة الكدايس وكلام دلقو 2 الخرطوم دى حقت "مينو" *عزت+الماهرى لسه زعلان انه عبد الخالق ومبارك الفاضل كان بيشربوا مع بعض ولا عزموه😀 *ابو جلحة يتهكم على شباب الخرطوم -انه حيديهم حق الإيسكريم الآن هو بقى قائد مليشيا كبير ولبسة مختلفة وعصاية كمان لكن ما زال بنفسه شئ من حتى … ***كلامك سليم فى شغل النهب المحزن جدا من الفقراء لدرجة انه قصة الحرامى داك أشرف منهم قالوا نط يسرق من بيت لقى البيت فقرآ واضحا قال ليهم القاعدين ليها شنو المفروض تجوا تسرقوا معاى وبحسب المكتوب فى المداخلة الأولى فى واحدين جوا للفزع الحربى تحولوا إلى نهابة ، وعدد من سكان المدن نفسها ممكن يعملوا أو عملوا نفس الشئ معليش للإطالة:- الحاصل فى السودان مخالف كل النظريات والتحليل *انها الحرب والفوضى الشاملة - زمنا وما بعيد يدخلوا على القرى فى غرب السودان وينهبوا ويقتلوا ويحرقوا ويكسروا حتى أزيار الموية والآن السودان كله بالدور حلة ما خلوها… دا شغل أهدافه مختلفة تماما
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هدى ميرغنى
osama elkhawad
خضر الطيب
Amira Hussien
Mahjob Abdalla
فيس بوك
تويتر
انستقرام
يوتيوب
بنتيريست