|
|
|
 Re: يا جِنَو.. مهاجر وين مخلينا (Re: حيدر حسن ميرغني)
|
لا لا لا يا محيرنا
واضح انك عبرتا ذي شيخك الجبتو دا
غايتو الشافك بتجدع ما كضب
خليت الجنجا بقيت مع الجن؟
جن في ضهر جواد 😁
قال الستارة بتتحرك رغم انو الشجرة
ما بتتحرك ما عارف انو في اختراع
اسمو مروحة ممكن تحرك الستارة؟
غايتو الواحد لما يعبر الناس بتقول
اللهم لا تمحنا و لا تبلينا ولا تركب
الجن فينا 😁
| |
 
|
|
|
|
|
|
|
 Re: يا جِنَو.. مهاجر وين مخلينا (Re: كمال عباس)
|
قصة حقيقية يا حيرنا
حصلت لي حكاها لي صاحبي
كنت ساكن في بيت في ابروف
البيت واقع في زقاق ذي الشراب
زوجتي قالت لي البيت فيهو شي
ما طبيعي و بالذات في المطبخ
انا لاحظت الحاجة دي برضو في البرندة
يوم وانا جاي من التلفزيون بالليل
لقيتا شايلة الولد وواقفة قدام البيت
سالتها الحاصل شنو قالت لي و انا في الحوش
الولد بدا يصرح و بعاين في الحيطة قال ليها
في خروف في الحيطة رغم انها ما شافت شي
قلت ليها بكرة بمشي للواء ابو حراز
مشيت ليهو قال لي منطقتكم دي الجن موجود
جا اليوم التاني دور كل البيت قال عاوز شخص
غير بالغ كان اخوي معانا في البيت اداهو سبحة
وهم واقفين في المطبخ قال ليهو انا حاقرا
لو السبحة دي وقفت قنا بستلما منك وانت اطلع
واقفل باب المطبخ وراك وانحنا شايفين المشهد كلو
من شباك المطبخ بعدها طلع سمعنا صوت هوا شديد
في حين انو الجو كان عادي بعدها بثواني سمعنا
صوت كلاب بره جا قال الجن طلع كان شايل ليهو
باغة فيها اعشاب و موية رشاها على عتبات البيت
و على عتبت باب الشارع قال الجن دا تاني ما حيدخل
البيت لكن حتسمعو الباب بضرب بالليل
المدام هنا اتجننت قالت لي احسن اليومين دي
نمشي بيت اهلي انا قلت ليها مدام نسى العشرة
واختار سواكا حبيب
معقولة
بس في ناس كده 😂
الجن موجود يا حيدرنا لكن زولك دا ما عندو دليل دامغ
تحياتي
| |
|
|
|
|
|
|
|
|
|
Re: يا جِنَو.. مهاجر وين مخلينا (Re: خضر الطيب)
|
Quote: زوجتي قالت لي البيت فيهو شي
ما طبيعي و بالذات في المطبخ |
حصل لي نفس الشيء ورب الكتاب
بنتي الصغرى كان عمرها عام وزيادة بالتمام لما كانت بتلعب بالكورة في صالة الشقة بالليل
كانت بشوت الكرة لجهة المطبخ الخالي من اي بشر وترتد الكرة إليها كأنه في زول بلعب معاها
اخرتها جرت على المطبخ لما الكورة ما رجعت وقعدت تضحك وتتكلم كلام ما مفهوم كأنها تخاطب بشر
براحة ضايرتها وما حدثت امها .. بالليل شلت مرتبة ومشيت توووش نمت في المطبخ زاتو
الصباح الجيران التحتنا جو اشتكوا لزوجتي انه في اصوات اواني وحلل عالية جدا صدرت من شقتنا وانا طبعا ما شعرت بها اطلاقاً
المهم اتصلنا على صاحبة الشقة قالت نعم في جني طفل (صالح)
غايتو قضينا معاه فترة الإيجار ولعبنا زييين وما جانا اي شيء.
| |
|
|
|
|
|
| |
حيدر حسن ميرغني
Hafiz Bashir
خضر الطيب
Biraima M Adam
بدر الدين الأمير
كمال عباس
فيس بوك
تويتر
انستقرام
يوتيوب
بنتيريست