|
|
|
 Re: قائد فرقة الجيش في الفاشر يطالب بخروج آمن (Re: زهير ابو الزهراء)
|
سلام للقحاطه والجنجويد
طولتا ما دخلتا القروب لكن لمن قريت العنوان
والله ضحكتا لمن شربت مويه
عرفتا انوا السودانيين ديل ناس مساكين
سايقنهم بالخلاء أغلبيتهم والعاملين صحفين طلعوا
مجرد افراد عاديين بينقلوا اخبار
ورسايل من قروبات ومواقع وهميه
والخطير والمصحك انو بيضحكوا عليهم
وبيضيعوا زمنهم وقاعدين بيناقشوا
في الاخبار والشمارات وفاكرين انو يقدموا شيء
نافع
بخصوص الفاشر
منذ هلاك قاتل الأطفال ومدمر المستشفيات
والمرافق الصحيه في المدينه اختفي الجنجويد الي جحورهم
واخونا ودابا قال الجنجا وصلوا الي أسوار القياده
ومره وسط المدينه الواحد لما يقرأ هذه الكتابات بيشعر انو
الناس ديل عايشين في كوكب المشتري او زحل
اولا
الفاشر محميه بدماء أبنائها وهم الجيش والقوات المشتركه
والمستنفرين
وقايد الحاميه دا نايم في مكانه لا هو ولا غيره بيحدد مصير
المدينه
الناس في الفاشر رايقه ذي القعونج
لما بيسمعوا بكلامك التكتبوا هنا
بيتخيلوا افلام الخيال العلمي
الخلاصة
خلال الأسبوعين الجايين ما تسمعوا بحاجه
اسموا جنجويد في الفاشر ومليط
الواحد ما عاوز يكشف ليكم البيحصل شنو
بس لقيت فرصه قلتا اتونس مع ابوالزهور
موقع دارفور نيوز تابع عبدالواحد محمد
والناس ديل صمود الفاشر ما عاجبهم
انتظر فقط خلال أسبوع اسبوعين
بعض داك ارجع لكلامك الكاتبوا الان واقراه
سوف تضحك
تحياتنا
| |
 
|
|
|
|
|
|
|
|
Re: قائد فرقة الجيش في الفاشر يطالب بخروج آمن (Re: نصرالدين ادم فضل)
|
ول أبا نصر الدين
حبابك وجيداً جيت.
الفاشر الأن، قائد الحامية يساوم لتسليمها مع خروج آمن له وللجيش. الحركات لو عايزة تواصل القتال لوحدها تجرب ولكن سوف تهزم لأنها الأن علي خلاف مع حكومة تشاد.
في نظري يا ول أبا، أن تحكّموا صوت العقل ودعوا الدعم السريع يستلم الفاشر دون إراقة دماء.
شاهدت كثير من الفييوهات التى تعكس طبيعة عيش القبائل مع بعضها في شمال دارفور، لا تجعلوا النظام يدخلكم في تصفيات أثنية وأنتم وحدكم الذين تكتوون بنارها.
بريمة
| |
|
|
|
|
|
|
|
|
Re: قائد فرقة الجيش في الفاشر يطالب بخروج آمن (Re: Biraima M Adam)
|
نصر الدين جاب ليكم النجيضة من الاخر ..
و يا ابو ال.نور انت جبت الخبر ده من ياتو قروب ..
ما يكون من قروب مستشاري زعيم الجنجويد...
فارس السلطان على دينار عصى على الجنجويد الغزاة..
وبعدين مستحيل قائد حامية عسكرية يستسلم لانه
بيكون فقد شرف العسكرية ويكون هذا التصرف الجبان
منه سبة في سجله العسكري حتى يموت ..
| |
|
|
|
|
|
|
| |
زهير ابو الزهراء
Biraima M Adam
أبوبكر عباس
نصرالدين ادم فضل
فيس بوك
تويتر
انستقرام
يوتيوب
بنتيريست