|
|
|
 Re: قلنا الروب .. الروووووب. (Re: Zein Abdalla)
|
أول حاجة مبروك البوست.
تاني؛
أنت بس بتكون مكجن الزول عشان كدا بتكون غاضب من حركة بوستاته،
داير أديك نصيحة بحكم أنا زول عجوز وأكبر منك خبرة في المكاجرات؛
واحدة من أكبر قيم الحرية في المنبر دا انك تتعلم تتجاهل بعض الكتابات تجاهل تام،
مرّة دكتور المشرف رسل لي رسالة في الخاص رد على تقاطع في الفيسبوك قال؛
يا أبوبكر، يا أخي، أنت أحسن زول وبتعرف كل حاجة، بس رجاءً ما تتقاطع معاي، الدنيا دي واسعة بتشيلنا الاتنين،
أها هسّ أنا بس قاعد أكابر الناس البتتحمل مكاجرتي؛ الخواض، بريمة وإسماعيل
الناس البكرهها بقيت ما بجي جنب بوستاتها عملاً بنصيحة الدكتور؛ الدنيا واسعة بتشيلنا كلنا
| |
 
|
|
|
|
|
|
|
|
Re: قلنا الروب .. الروووووب. (Re: أبوبكر عباس)
|
والله لا مكجن ولا حاجة... اذا حصل دقيت في اي واحد منهم قاللابتوب يقعد يعمل داونلود زي ٥ دقايق ثم الصفحة تتجمد. مليان فديوهات.
حسع صاحبك اسامة وصل موضوع الحقيبة لعدة صفحات... معظمها لا علاقة له بالحقيبة. لكن برضه ممكن تقرأ البوست ... يعني غير ممل.
| |
|
|
|
|
|
|
|
|
|
Re: قلنا الروب .. الروووووب. (Re: حيدر حسن ميرغني)
|
| Quote: ما معقول ٤ بوستات تترفع ١٢ مرة في اليوم ومع بعض. |
الله يكون في عونك يا دوك.
هسي أنا ظهور المستنير أبو بكر بعمل لي مشكلة .. لما يظهر تكون عارفه جاي بتدبيسه ..
لو كان بكري يسمح بالبرمجة في المنبر كان الواحد عينه ما تشوف إلا النور، كان أدق فيه "بلوك" متى ما ظهر أو أمسح ليك باسورده، تانى المنبر يشمو قدحة.
الله غالب، الخبرات موجودة لكن مكبوتة.
بريمة
| |
|
|
|
|
|
|
|
|
Re: قلنا الروب .. الروووووب. (Re: حيدر حسن ميرغني)
|
| Quote: حرررم .. أيامها قلنا الروووب من شوبير ده |
سلام حيدر
بالله كان هو شوبير.
انا صغير كنت بحب الكورة. آخر كورة شفتها في السودان كانت بين فريق الهلال وفريق القوز.
انا مشيت عشان اشجع القوز.كنت دائمآ احب المباريات البكون فريق الهلال او المريخ طرف فيها ضد أي فريق من الفرق الصغري ... يعني طوالي أشجع في ال underdogs.
كورة الهلال والقوز الهلالاب عاملين ضجة بيقولو اذا فازوا حيحققوا ما فعله المريخ قبل سنوات بالفوز بالدوري دون هزيمة.
جات ضربة حرة خارج خط ١٨ بمتر او مترين لصالح القوز. لعيبة الهلال عملو حيطة وحارس المرمى زغبير يرجع يصلح فيهم. لاعب القوز كان ممتاز جدآ اسمه (ود الجاك) شات الكورة وطوالي في الشبكة. بوضوح بنسمع في زغبير يشاكل في الدفاع وانهم اتحركوا قبل الضربة وهم السبب.
اظن الهلال سجل قون واتعادل. بس ربك رب الخير تجي ضربة حرة لصالح القوز في نفس المكان السجلوا منه الهدف. زغبير سمعناهو بيحذر في الدفاع بيقول ليهم اوع تتحركوا. ود الجاك رفع الكورة (لوب) خلف الحيطة واحد لاعبي القوز استلم الكورة وانفرد بزغبير وسجل قون.
الى ان دخل القون حيطة الهلال واقفة في مكانها وما اتحركت ... القوز فاز في المباراة.
لم رجعت البيت لقيت بتاعين الكورة منتظرني عشان يعرفوا النتيجة. قلت ليهم الهلال غلبوه، لكن اهم حاجة اذا حسع مشيتو الاستاد حتلقوا حيطة الهلال لسه واقفة اصلا زغبير هددهم وقال ليهم اوع تتحركوا
| |
|
|
|
|
|
|
|
|
|
Re: قلنا الروب .. الروووووب. (Re: Zein Abdalla)
|
يا سلام على كورتنا في ذلك الزمان يا زين
القوز والنيل والتحرير والموردة وغيرهم من فرق الوسط ، كانوا بعبع للهلال والمريخ
كانوا بدقو كفر صح اقرب لما نراه اليوم في الدوريات الاوروبية الكبرى
| |
|
|
|
|
|
|
|
|
|
Re: قلنا الروب .. الروووووب. (Re: حيدر حسن ميرغني)
|
مرحب دكتور زين
كل عام انت و الاسرة بالف خير
Quote: الروووب
مصطلح مستخدم عندنا في السودان في التراث الوطني والثقافة الشعبية.
يمسكك احدهم بقوة ويريد أن (يجرسك) يقول لك : قول الروب.
واحيانا انت نفسك عندما تُسد كل الطرق في وجهك وتفلس وتقفل معاك، تقول عن نفسك : انا قلت الروب عديييل.
الكلمة عربية فصحى، ليس لها علاقة باللبن والحليب والروب ومشتقاته كما قد يتبادر الى الذهن.
يقول ابن منظور في لسان العرب وغيره من اصحاب معاجم اللغة وقواميس المعاني : رأب الرجل روباً ورؤوباً اذا تحير.
واذا فترت نفسه وجسمه.
وقيل اذا اصبح خائر البدن والنفس.
وقيل رأب الرجل، اذا اختلط عقله (فكت منو).
وحار أمره ورأيه.
وهي تعني الاستسلام.
وان قواي قد خارت.
واعلن هزيمتي.
ملاحظة : 🤣
هذه حصة في اللغة قد نحتاجها في هذه الايام🌚
*الروووووب*🦦🤗👌🏻👌🏻
|
| Quote: ما معقول ٤ بوستات تترفع ١٢ مرة في اليوم ومع بعض. |
انت اكيد قاصدني و الف مرحب بوجهة نظرك
البوستات دي انا عندي فيها امال و اكيد ما حتضيع مع الاهمال
فشنو ذي ما قاليك دكتور الغنم التجاهل كخاصية مرات بكون مريح
عظيم تحياتي
| |
|
|
|
|
|
|
|
|
|
Re: قلنا الروب .. الروووووب. (Re: حيدر حسن ميرغني)
|
Quote: الله يكون في عونك يا دوك.
هسي أنا ظهور المستنير أبو بكر بعمل لي مشكلة |
سلام بريمة
وكل عام وانتم بخير.
ابوبكر دا فعلآ مستنير... حسع انت كشفت ليهو انه ظهوره بيسبب مشكلة... خلاص بعد دا حيستغل الموضوع دا.
زمان المستنير فجأة اعلن انه بيؤيد حسن الترابي عشان السودان يتصلح.
قلت الحصل شنو للمستنير، فطلع اذكى مننا. قال ما معناه أن الترابي وجماعته احسن من يحققوا هدف فصل الدين ، عشان بعد الناس تشوف الاعمال البعملوها باسم الدين حيشوفو ويعرفو شنو بعمل فيهم الدين... بيان بالعمل.
المستنير دا مثقف دينيآ وكاد ان يعمل دراسات في علم مقارنة الاديان، اظن تركها عشان ما بتستحق يضيع وقته في ما لا يفيد.
| |
|
|
|
|
|
|
|
|
|
Re: قلنا الروب .. الروووووب. (Re: حيدر حسن ميرغني)
|
| Quote: تعيش وتشوف آمالك يا خضر |
وانت كمان يا حيدرنا ربنا يحقق آمالك و امانيك
آمالي والله حققت منها الكثير يا حيدرنا
و لله الحمد و المنة وذلك الفضل من الله
و املي الباقي لي هو السودان وهو كان اولوية
و مازال و سيظل ما حييت
و املي ياهو الباقي لي
اتمنى ان ينهض من جديد كما كان
و معزتي و حبي لهذا الوطن لا تحدها حدود
لانه وطن الجدود و هو تاريخ لا تحده حدود
تحياتي
| |
|
|
|
|
|
|
|
|
|
Re: قلنا الروب .. الروووووب. (Re: خضر الطيب)
|
والله، يا زين، أنا عندي شخصيات في مجالات متعددة بحبها وبتمنى أكون زيها في الزاوية ديك؛
مثلاً بحب جداً أستاذ علم الأديان المقارن المستنير جداً الذي وصل مرحلة اليقين، الأستاذ الدكتور؛
محمد محمود أستاذ علم الأديان المقارن بجامعة لندن
وفي نفس الوقت بحب دكتور الترابي، يا أخي، الزول دا رجّ الدين دا جنس رج!
وبرضو قاعد أتمنى أكون أديب متميز زي الطيب صالح أشرب في القهوة في شارع الشانزليزية،
وأكون شاعر زي محمود درويش وأن اغرم بيهودية،
وأن أكون لاعب كرة قدم ارتكاز زي المرحوم الفاضل جبريل لاعب اتحاد مدني،
الذي كان من المفترض أن يصل لمرحلة كابتن الهلال ومنتخب السودان لكن حصلت ليهو حاجة عجيبة في مفترق طرق مسيرته الكروية؛
كان مفكوك من الاتحاد وتحرك وفد من الهلال لمدني للتفاوض معه وفي نفس الوقت وفي نفس الوقت ناس هلال بورتسودان أو حي العرب كانوا دايرنو وسمعوا بالهلال متحرك لمدني،
ناس بورتسودان قالوا لواحد زميله في الليل دا لازم تحرك لينا الفاضل من مدني ويبيت في القضارف عشان ناس الهلال ما يلقوهو في مدني
فعلاً زميله فعلها وأضاع موهبة كروية لن تتكرر ووقع هناك لمدة أربعة سنوات وضاع
| |
|
|
|
|
|
|
| |
Zein Abdalla
أبوبكر عباس
حيدر حسن ميرغني
Biraima M Adam
خضر الطيب
فيس بوك
تويتر
انستقرام
يوتيوب
بنتيريست