Quote: قصف طيران مليشيات البرهان وفلول المؤتمر الوطني الإرهابي اليوم مصفاة الجيلي للبترول بالبراميل المتفجرة ودمره بالكامل في مسلك تعويضي عن هزائمها المتتالية في جميع محاور القتال بالبلاد. إن تدمير مصفاة الجيلي للبترول عمل إرهابي بامتياز يخالف القانون الدولي الإنساني واتفاقيات جنيف ويكشف مدى الإحباط واليأس الذي وصلت إليه هذه المليشيات الإرهابية التي تختبئ تحت اسم الجيش. لقد أخطأت مليشيات البرهان الفاسدة حينما ظنت أنها بتدمير مصفاة الجيلي ستنجو من ملاحقة أشاوس قواتنا لكن الحقيقة التي يجب عليها إدراكها أنها لا تستطيع تدمير الأرض التي يقف عليها جنودنا بشجاعة يحققون النصر تلو النصر. إننا إذ ندين هذا الفعل الجبان نضع الرأي العام المحلي والعالمي أمام مسؤولياته لتصنيف مليشيات البرهان وفلول المؤتمر الوطني جماعة إرهابية يهدد وجودها أمن واستقرار السودان والإقليم والعالم. هذه الأفعال اليائسة لن تزيد أشاوس قواتنا إلا إصرارا وعزيمة للمضي قدما لتخليص شعبنا من هذه العصابة الإجرامية وإلى الأبد وإعادة بناء السودان على أسس جديدة ترفع الظلم والتهميش عن جميع الشعوب السودانية وتحقق السلام والعدالة والمساواة.
الرحمة والمغفرة لشهدائنا الأبرار الناطق الرسمي باسم قوات الدعم السريع
المليشيا تصرخ وتئن وتتوجع يا محمد
فهل أتاك حديث الصراخ ؟
05-22-2024, 01:56 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: قالوله ناسك كم؟ ورينا ناسك وين؟ ورينا شان تسلم العوده خاتي الشق ما قال وحاتك طق تب ما وقف بين بين لي موته اتقدم قال ما بجيب الشين أنا ما بجيب الشين أنا لو سقوني الدم
05-22-2024, 02:05 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
إنت مصر علي عنصرية قبلية تجاوزها السودانيين بفراسخ الشهيد محمد صديق بطل سوداني لا نعرف ولا دايريين نعرف قبيلته شنوو ولو أن القبلية أستعرت في السودان بمناسبة هذه الحرب فأعلم أن خسارتك ستكون كبيرة فالوطنيين في هذا السودان أغلبية فاعلة وقوية وهم في كل السودان وبين كل التكوينات وستهزم كل محاولات التفرقة والشتات العنصري والقبلي
ثم لو أن رجالكم ديل لو صحي رجال ودايرين يحرسونا اليوقوفوا نهب البيوت والرواكيب والقطاطي مش في المدن بس بل حتي في أصغر القري شئ مخزي أن يسرق راجل ملابس داخلية مستعملة لأمرأة
05-22-2024, 08:16 PM
محمود الدقم محمود الدقم
تاريخ التسجيل: 03-19-2004
مجموع المشاركات: 12875
اولا-الذي يريد ان ينتزع ثار محمد صديق دييييك النقعة، وديلاااااك الدعامة بالكدمول مثل النمل في شرق وغرب النيل وفي العاصمة المثلثة وفي كل قواعد ومراكز الجيش الحساسة في الخرطوم بحري وامدرمان و80 في المائة من تراب السودان، وعلي بعد كيلومترات من شندي وغيرها، لكن الثار من منو؟ من الذي خذل ملازم معاش محمد صديق؟ الجيش الذي تباطا في امداده بما يحتاج في الوقت المناسب؟ قوات العبط الخاص بشندي التي قالت له طالما انت اخترت جانب الجيش امشي معاهم الله معك وهذا فراق بيننا وبينك كما جاء في التسجيل الفديو الخاص بالمرحوم محمد صديق؟ واخذ ناس المهام الخاصة يقولون للمستنفرين في معسكرات التدريب منو من جماعة محمد صديق عشان تمشو ليهو؟؟ و التسجيلات محمد صديق قبل يتوفاه الله موجودة و مبعثرة في منصة اكس؟ عايزين تنتقموا من منو بالضبط؟ ثانيا-وماذا عن مئات الضباط الاخرين الذين توفاهم الله في المعارك في السنة السوداء هذه؟ لماذا لا تتباكون عليهم؟ لماذا لم تلطمون وتنتحبون عليهم؟ وتذرفون دموع التماسيح ،،اللواء ايوب؟ وغيره؟ ماذا عن ضباط الجيش الذين قتلتهم غارات الجيش وهم اسري داخل المصفي وداخل القصر الجمهوري؟ وداخل القيادة العامة تنفيذا لتعليمات الهبنقة الانحرافي؟ لماذا لا تتحدثون عن مالك عمر بشير الدارفوري الضابط في حركة العدل والمساواة الذي قتل في نفس اليوم مع محمد صديق؟ ولا واحد فيكم فتح الله عليه بكلمة ان يترحم عليه؟ هل لانه الزغاوة مثلا؟ ماذا عن بقية الضباط الذين قتلوا مع محمد صديق في نفس المعركة في نفس اليوم؟ ثالثا-من يسياخذ بثار العقيد اركان حرب مخابرات دائرة بحري الذي اخذ من مقره والشمس في كبد السماء نهارا جهارا قبل اكثر من ثلاث سنوات وتم ربطه مثل العنز من قبل الدعامة، و شحن في تاتشر واخذه الدعامة الي الرياض شرق الخرطوم ومكث هناك مع الدعامة قرابة الاسبوعين قبل ان يتوسل البرهان لحميتي لاطلاق العقيد استخبارات الجعلي -ودا اسمه كدا اسمه الجعلي-، من سينتقم ويثار له؟ رابعا- البكائيات والحسينييات والكربلائيات الوهمية هذه لن تحل او تربط مشكلة، امشوا جده ووقعوا اتفاق سلام مع الدعامة حتي لا تجدو انفسكم خسرتم الف محمد صديق، او كمان اعملوا ليكم مشاه مثل الخلق وادقشوا النقعة وكاتلوا الزير سالم وجوج وماجوج وابجلحة والجوفاني وكيكل وذوي القرنين وبرشم وبريمة وغيرهم..
05-22-2024, 08:22 PM
محمود الدقم محمود الدقم
تاريخ التسجيل: 03-19-2004
مجموع المشاركات: 12875
-ناتي لحنك المصفاة، اولا طالما انتم مبسوطين بتدمير وطنكم ارضاء للمليشيات كي تعود وتحكم، اذن امشو للشركة الوطنية الصينية التابعة لجمهورية الصين الشعبية والشريك الاساسي في المصفاة كما تنامي لعلمي واقنعوهم لماذا قصفتم المصفاة دون ان تستشيروهم؟ واقنعوا حكومة جنوب السودان التي تواضعتم معها في اتفاق ابوجا بخصوص مرور نفط الجنوب عبر بورتسودان مرورا بفلترته بالجيلي ماذا انتم فاعلون معها لو حاولت جوبا مقاضاتكم امام المحاكم الدولية بخصوص قصفكم للمصفاة فقط لان محمد صديق قتل اسيرا او غيره؟ وهل ستنتقمون لناس الجزيرة ايضا ولا ياكلوا نميهم براهم؟ علي النعمة جيش سوداني تحفة واللسطة واخر اللسطة...وفلول مغفلين يقودهم مغفليين،، اللهم زد وبارك..
05-22-2024, 09:35 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
غضب من الحماقات والتفاهات بتاعت الملايش بتاعكتم ديّّ ما قادرين تكاتلوا امشو وقعوا علي بياض دايرين تكاتلوا ديك النقعة، سنة كاملة ما قادرين تسجلوا انتصار واااااااااااااااااااااااااااااااااااااااااحد يتيم علي الدعامة؟ غضب لانكم تاركين الدعامة يستبيحوا مقراتكم العسكرية في نيالا في الضعين في. القيادة العامة في الجزيرة في الفاشر في الجيلي في الفاو وعلي تخوم النيل الابيض وفي امدرمان وشرق النيل تتركوا دا كلووووووووووووووووو وتقومو تقصفوا شرق الفاشر ومدنييين وتقصفوا كبكابية اليوم ومليط وتدمرو ابار الماء ومستشفي بابنوسة وابراج الاتصالات دي انتصاراتكم؟ مئات والالاف الضباط من جيشكم قتل في المعركة ما تباكيتم عليهم وتتباكوا لي الان علي محمد صديق؟ والمرحوم محمد صديق من تسعة اشهر حسم امره ؟ شي يثير العجب حقا والله!!!!
05-22-2024, 10:13 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
مفاوضاااات *عشان جنحويد العالم بين عمر 14 ل40 سنة(الحقوق محفوظة طبعا) ، ما يكملوا *وعشان كل يوم تتكشف طبيعتهم زيادة *وعشان حميدتى أصبح مجرد وجود صورى للنهب المسلح السريع وكثرت المليشيات والقيادات
أما المنازل والمستشفيات والمبانى القاعدين فيها بنحارب من داخلها
#ما فى مليشيا بتحكم دولة
05-22-2024, 10:29 PM
محمود الدقم محمود الدقم
تاريخ التسجيل: 03-19-2004
مجموع المشاركات: 12875
Quote: أما المنازل والمستشفيات والمبانى القاعدين فيها بنحارب من داخلها
تحاربو من داخلها حق مكتسب كفلته الشرائع السماوية والارضية، لكن تقومو تقصفوا المستشفيات؟ المدارس؟ المساجد؟ مسجد نيالا الكبير قبل بضع اشهر مثالا؟ تقصفوا المدنيين الابرياء في الفاشر قبل يوم واليوم 22 مايو تقصفوا كبكابية المافيها دعامة اساسا؟ تكتلوا 700 راس ابل في مليط؟ تهدموا ابار المياه في مليط؟ تدمرو مستشفي البراحة الفيها مرضي سرطان مواطنيين عاااادين وعشرة دعامي فقط؟ تدمرو المصفاة وبكرة كبري جبل الاولياء وغيره ولمن نقول ليكم دي ممتلكات شعب تقولوا حنبني مثلها العشرات؟ حتبنوها بشنو ان شاءالله؟ لا الصين لا روسيا لا الامارات لا قطر لا السعودية حثقف فيكم تاني ناااااهي؟ او كمان ابقوا زي المتصحيف عزمي عبدالرازق القال علي البرهان بيع جزء من الميناء لدولة تحميهم افضل من ان تفقد البلد كلها، يعني حنك البصيرة ام حمد..الكلام موجه لعزمي...
05-22-2024, 10:34 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
اما بالنسبة للانتهاكات الحدثت في الحرب دي انا عندي كلامي من شهر مايو الفات من السنة الفاتت علينا ان نضع البيض كله في سله واحدة جميع الاطراف الشاركت في الحرب: -دعامة -كيزان بالفلول -كيزان بهئية عمليات -كيزان بحركة العدل والمساواة -كيزان بسلاح الجو -كيزان بخلطة الكاميكازي الايرانية والمعدلة محليا -كيزان بالدواعش -كيزان بالاستحمار والمستحمرين -فلنقيات عند الطلب -زعامات مرتزقة -كلهم من يشملهم التحقيق ديل كلهم يخضعو لتحقيقات من قبل محكمة جرائم الحرب الدولية مقرها لاهاي او لو في بديل افضل وبحقق العدالة فاهلا
05-22-2024, 10:48 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
البخلي دا فزع، واستنفار كتائب مليشيات البراء وشرائهم لميناوي وتمبور والصالح صلوحة وموسي هلال مؤسس مؤسسة الجنجويد استنفار ما فزع شنو؟ 😂 وهل كيكل من غرب السودان؟ هل المك شوتال من غرب السودان؟ هل البيشي من غرب السودان؟ جنابو الجعلي ابن شندي هل من غرب السودان؟ اللهم يا مثبت العقول ثبت عقولنا 🤣🤣
05-22-2024, 11:10 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: البخلي دا فزع، واستنفار كتائب مليشيات البراء وشرائهم لميناوي وتمبور والصالح صلوحة وموسي هلال مؤسس مؤسسة الجنجويد استنفار ما فزع شنو؟ 😂
يا سلام على الطُعم 👍 شفت كيف كنت عايزة أفتح بوست عديل بالمعنى دا دى الفكرة ، أقلب هذى المقولة إلى البيخلى حق الجنجويد فزع وإستنفار شنو وحق الآخرين "استحمار" (الحقوق طبعا محفوظة)😀
*ونشكرك أكيد على التسهيلات وعدم ضياع الزمن
05-22-2024, 11:28 PM
محمود الدقم محمود الدقم
تاريخ التسجيل: 03-19-2004
مجموع المشاركات: 12875
لا طعم ولا طعمية انتو قلتو بان الدعم السريع عرب شتات.. بتوع صحاري.. اوكي لا باس.. طيب الجيش يفترض فيه انه احترافي.. ومنظم يخضع لقوانين وضوابط مرعية الاجراء. يعني مهام الجيوش التدخل لحماية العرض والارض.. سؤالنا لكم ببساطة يا بتوع الطعم والطعية.. لماذا هرب جيشكم من وجه عرب الصحراء تاركا الدفاع عن الارض والعرض للنساء يخضعن للتدريب من قبل اشخاص هم اساسا لا ينتمون للجيش؟ طيب يا سيدتي الفاضلة.. الدعامة استنفروا خلق الله عشان يحتلو بيوتكم، جيشكم هرب ليه؟ كتائب البراء هربت من الجزيرة ليه؟ الخمسين الف مستنفر بالجزيرة هربوا ليه؟ حضرة اللواء ركب الهلكوبتر مع الوالي فارا بجلده ليه؟ ليه لجا جيشكم وكتائبكم للاستنفار والتجيش وشراء تمبور ومناوي والفلنقاي جبرين؟ انتم قلتوا موسي هلال رب الجنجويد الارتكب جرائم ضد الانسانية ليه تستعينو وتستنفرو بيه؟ كونكم قبلتم باستنفار الدعامة كفزع هذا يعني اساسا انكم فقدتم ثقتكم في جيشكم وبقيتم تحتمو وراء الاستنفار والمستنفرين الذين تنقصهم خبرة قتالية، وهنا الطعم الانا صرفت قرابة الساعة كي اقودكم له،،، تشكرون علي المشي بارجلكم علي الطعم 😂
05-22-2024, 11:53 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
المختصر المفيد دا اعتراف كامل ومتكامل بأن النهب المسلح /الجنجويد مليشيات "معتدية" يجب على الجيوش محاربتها ولما الجيش "عرد" الجنجويد عادى واصلوا ما بدأوه من هجومهم على المدنين وإبادتهم وتشريدهم *فكرة الفزعة الاستنفارية (الاستثمارية ) أو الإستحمارية (الحقوق محفوظةطبعا) قديمة جدا جدا عند الجنجويد ، بس الفيديو جديد ولذيذ😀
*ما عارفة زعلتكم شديد كدا ليه لما حصلت فى المناطق الأخرى من السودان
05-23-2024, 00:10 AM
محمود الدقم محمود الدقم
تاريخ التسجيل: 03-19-2004
مجموع المشاركات: 12875
Quote: المختصر المفيد دا اعتراف كامل ومتكامل بأن النهب المسلح /الجنجويد مليشيات "معتدية" يجب على الجيوش محاربتها ولما الجيش "عرد" الجنجويد عادى واصلوا ما بدأوه من هجومهم على المدنين وإبادتهم وتشريدهم
معليش مداخلتي السابقة كنت اراهن برضو علي ذكاءكم وكدا/ وكنت اتحدث وفق فرضيتكم انتم عشان كدا جبت ليك فيديو البرهان عشان اقرب ليك الفهم والمغزي والمعني علي كل حال الدعم السريع تاسس وفق لوائح القوات المسلحة وتتبع لقائد الجيش وبموافقة البرلمان السوداني يبقي صلحو جيشكم، صلحوا احزابكم، صلحو برلمانكم واسحبو الثقة من الدعم السريع من الجيش ساعتئذ تعالوا نتناقش حول الفرضية الثانية وهي فرضية المليشيا يعني قصة الطعم والطعمية اصلا لا اراها في طاولة نقاشنا يا سيدتي الفاضلة....
05-23-2024, 00:17 AM
محمود الدقم محمود الدقم
تاريخ التسجيل: 03-19-2004
مجموع المشاركات: 12875
الشرك والطعم الذي حصرتك فيه هو اننا كنا ننتظر منك هنا في هذا البوست تديني قتل الابرياء في كبكابية وفي شرق الفاشر وتديني قصف مستشفي بابنوسة والبراحة وتديني جيشك البكتل المواطنيين في مليط في نيالا كنت اتوقع منك تديني جيش الانحرافي الكتل اولادكم الضباط داخل القصر الجمهور قبل بضع اشهر كنت تمنيت منك ان تديني ساااااي مجرد ادانة قتل الاطفال في الجنينة وتطالبي بتحقيق محلي اقليمي افريقي دولي لكن يا حسرة ودا ازدواجية المعايير الكنت بكرر فيها من احدي عشر شهرا احلام سعيدة يا سيدتي
نقاش معك انتهي لعدم وصول لمشتركات في الحوار شكرا لك كل حال علي وقتك
05-23-2024, 00:25 AM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 6193
Quote: المختصر المفيد دا اعتراف كامل ومتكامل بأن النهب المسلح /الجنجويد مليشيات "معتدية" يجب على الجيوش محاربتها ولما الجيش "عرد" الجنجويد عادى واصلوا ما بدأوه من هجومهم على المدنين وإبادتهم وتشريدهم *فكرة الفزعة الاستنفارية (الاستثمارية ) أو الإستحمارية (الحقوق محفوظةطبعا) قديمة جدا جدا عند الجنجويد ، بس الفيديو جديد ولذيذ😀 *ما عارفة زعلتكم شديد كدا ليه لما حصلت فى المناطق الأخرى من السودان
جاءني اعترافك جاهز وإنت بحسب وصفك لنفسك غير جنجويدى لكن من مشجعى اللعبة الحلوة وعليه، الفرصة الاعترافية بتاعت الجنجويد مليشيات معتدية جاءتنى من غير محامى سإلصق كلامى دا تانى يا سيدى الفاضل (الحقوق محفوظة من لقاءات مراوغى مستشارى الجنجويد فى القنوات) *وبكدا بقينا متفقين، تمام حسب لغة الأتراك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elhadi
هدى ميرغنى
Biraima M Adam
Nasr
محمود الدقم
طلحة عبدالله
فيس بوك
تويتر
انستقرام
يوتيوب
بنتيريست