|
|
|
 Re: نلتمس من القوات المسلحة إعادة الشهيد محمد (Re: Elhadi)
|
للأسف استخبارات الجيش هي من قدمت للججنجويد مقدم هذا المغوار على طبق من ذهب إنتقاما منه لدوره في الثورة المجيدة،
للأسف يا استاذ هادي نحن قاعدين نتعامل مع ثعالب تتبادل الأدوار ، المؤامرة على ثورة الشعب اكبر مما تتخيل،
الجنجويد والفلول مختلفين في تقاسم السلطة ومتفقين في إبادة كل ما يقف ضد مصالحهم .
| |
  
|
|
|
|
|
|
|
|
Re: نلتمس من القوات المسلحة إعادة الشهيد محمد (Re: ترهاقا)
|
سلام هادي
هب ان الجيش منح محمد صديق رحمه الله رتبة فريق اول، المرحوم حيستفيد شنو من الرتبة دي وهو في قبره؟
يا سيدي الفاضل الجيش لو عايز يكرم الفقيد فعلي هذا الجيش تاسيس نفسه بشكل صحيح، يا هادي ما ممكن انت برتبة لواء تخلي فرقة كاملة اسمها الفرقة الاولي مشاه مدني وتترك خلفك اطنان من المعدات العسكرية والذخيرة؟ ما ممكن تكونو قيادات جيش -مثلا- ومواقعك العسكرية تتساقط واحدة تلو الاخر الاخري مثل قطع الديمنو؟
عشرة الف عسكري جيش سلموا انفسهم للدعم السريع في دارفور وكردفان والنيل الازرق بكامل ارادتهم؟ ثلاثة الف عسكري هربوا دنقاس الي العمق التشادي من وجه الدعم السريع؟ 1500 عسكري توسلوا سالفا كير ان يقبلهم لاجئين في جوبا هروبا من منطقة الردوم!!! سقوط القيادة العامة ومكاتبها في يد الدعم السريع في 48 ساعة!!! سقوط المركزية!!
مصفاة الجيلي!!! ضباط يتحدثون عن الشؤون العسكرية في لايفات علي الفيسبوك والتيكتوك!!! ضباط يشتمون خاش ابو البرهان علي الكباشي علي ياسر العطا!! ولا توجد محاكمات!!!الدعامة بقولوا لاسري الجيلي وهم في وضعية ارنب نط قول بااااااع فيكرر اسري الجيش وضباطه برتب عقيد بااااااااااااع.اررر..اررر!!
عايز تكرم الجيش يا الهادي يا ظريف يا خفيف يا حساس وعايز تكرم شهداء الجيش عليك بالدعوة لهيكلة ام ابو الجيش طوبة طوبة وبناءه من جديد وان يكون هناك جيش واحد احد لا شريك له في الامن والامان لا مليشيات ولا خلافو غير كدة فالدعم السريع لن يدخل شندي والدامر فحسب، بل سيدخل بورتسودان ويلقي القبض علي البرهان كما حدث مع محمد صديق..
This is the main point bro
| |
|
|
|
|
|
|
|
|
|
Re: نلتمس من القوات المسلحة إعادة الشهيد محمد (Re: حيدر حسن ميرغني)
|
تمنح الرتب العسكرية لمن ليس لهم خلفية عسكريةًولا اهلية أمثال المصباح وغيره
ولا يعاد محمد صديق للخدمة لان هذا الموقف لن ل يرضي كرتي
برهان وحميدتي تامروا علي محمد صديق ورفدوه من الجيش
والجنجويد اغتالوه خسة وغدر في جريمة حرب مكتملة الأركان - لانه هزمهم بثباته وصموده ولم ينكسر ويغرد وتنتزع منه معلومات كالجزولي وأنس عمر
كرتي الذي دمر الجيش وبرهان الذي اضعف الجيش لصالح الجنحويد ليس في مصلحتهم وجود كفاءات وعناصر ثورية بالجيش لذا قضو عليها بالتمكين والفصل واستبدالهم بالمفسدين وأهل الولاء للكيزان = الولاء علي حساب الكفاءة
يرفد محمد صديق غير المحزب والمودلج ويبقي الضابط الكوز إبراهيم الحوري
| |
|
|
|
|
|
|
|
|
|
Re: نلتمس من القوات المسلحة إعادة الشهيد محمد (Re: كمال عباس)
|
في الموقف دا الدعاء افضل ليه
يا رب العالمين يا رحمن يا رحيم تكرم نزل الشهيد محمد صديق
وتعف عنه وترض عليه وتبدل سيئاته حسنات
يا رب العالمين تقبل كل شهداء الأمة السودانية
يا رب العالمين أكرم الله السودان بسلام يشع نوره في كل الارض
| |
|
|
|
|
|
|
|
|
|
Re: نلتمس من القوات المسلحة إعادة الشهيد محمد (Re: Nasr)
|
| Quote: هب ان الجيش منح محمد صديق رحمه الله رتبة فريق اول، المرحوم حيستفيد شنو من الرتبة دي وهو في قبره؟ |
غض النظر عن هو حا يستفيد شنو يا أخ محمود الدقم
ده حق من حقوقه وحقوق ورثته ـ ورد لاعتباره وتقدير معنوي وتكريم لتضحياته
وتقدير للآخرين ليحذو حذوه في البسالة والثبات والاستجابة لنداء الواجب.
المرحوم ده كان عادي ممكن يدفن دقن ويتخارج يمشي مصر ولا أي حتة زي ما عمل غيرو وخصوصاً إنو ليست عليه التزامات بالقتال بعد خروجه من صفوف الجيش
| |
|
|
|
|
|
|
| |
Elhadi
ترهاقا
محمود الدقم
حيدر حسن ميرغني
كمال عباس
Nasr
فيس بوك
تويتر
انستقرام
يوتيوب
بنتيريست