|
|
|
 Re: يا برهان ما تجننا ياخ؟؟؟ دخل ايران في اللع (Re: Biraima M Adam)
|
مرة تقولوا دايرين حل سوداني وما دايرين تدخل أجنبي
ومرة تصرحوا جيبوا فلان عشان يكاتل لينا
أيران برضك دولة أستعمارية وعندها مصالحها
وكانت قد دعمت ديكتاتورية البشير
تلك الديكتاتورية التي أسقطناها وحلفاءها في ثورة ديسمبر
وحتي شيعة العراق متضررين من تدخلها في بلدهم
خلينا معانا في السلام ورفض الحرب
لا البرهان ولا أيران ولا الجن الأحمر بيقدر علي الحرب دي
أحسن لينا السلام بأي طريقة جاء
| |
 
|
|
|
|
|
|
|
|
Re: يا برهان ما تجننا ياخ؟؟؟ دخل ايران في اللع (Re: جمال المنصوري)
|
Quote: مرة تقولوا دايرين حل سوداني وما دايرين تدخل أجنبي
ومرة تصرحوا جيبوا فلان عشان يكاتل لينا
أيران برضك دولة أستعمارية وعندها مصالحها
وكانت قد دعمت ديكتاتورية البشير
تلك الديكتاتورية التي أسقطناها وحلفاءها في ثورة ديسمبر
وحتي شيعة العراق متضررين من تدخلها في بلدهم |
جبيبنا نصر
شكرا للتداخل
تعرف يا نصر العاجبني فيك شديد انك سياسي ما عندك اي فكرة في السياسة
انا موقفي واحد من يوم ما بدت الحرب دي انا مع بل الدعامة لأخر فرد فيهم لأسباب اتكلمت عنها كتير ومن ضمنها انهم بيخدموا اجندة خارجية.
يا نصر المثل بقول ليك الما بشوف من الغربال يبقى اعمي.. حلسة مجلس الامن يوم الاثنين الماضي كشفت حجم المؤامرة الدولية على السودان
الما داير يشوف الحكاية ان شالله عنو ماشاف
شوف يا باشا ما فيش دولة في العالم ده كله قائمة على اسس انسانية او اخلاقية، كل الدول بتراعي مصالحها الا دولتنا نحن، يا خوي التحالفات الدولية لحماية المصالح المشتركة واقع
لا ينكره الا مكابر، فرنسا والمانيا حلفاء رغم مرارات الحروب بينهما، اليابان وامريكا حلفاء برغم ان امريكا ضربت اليابان بقنبلتين نوويتين، امريكا وفيتنام فيتنام بتصنع بموافقة امريكا بعض
التكنولوجيا الامريكية وانت عراف ما كان بين امريكا وفيتنام، الصين تم تطويرها بايد امريكية بعد زيارة نكسون التاريخية..فما تجي تقول لي شيعة وسنة والعراق متضرر منها، ما كمان العراق طيلة 10 سنين
كان بيدمر في ايران..
الجرب دي ورتنا انو 3 دول محيطة بينا هي على التوالى السعودية ومصر وشرق ليبيا ومن خلف الشاشة بعض الدول الخليجية كنا بنهلل مصر يا اخت بلادي، قاتلنا معاها في كل حروبها
من العام 1948 وحتى حرب اكتوبر 73 مصر قبضت تمن سكوتها على المخطط البيدار حاليا.
ارض الحرمين اللي نحن عندنا جنود بيساهموا في حمايتها حين عز الرجال عليها، واقفة ضدنا وبتساهم في انو ما يصلنا السلاح وسبق لها في اول ايام الحرب ان مولت الجنجويد واقامت منبر جدة
عشان ياخدوا نفس ويتسلحوا
تتبعهم 4 دول افريقية مجاورة متدخلة في الحرب مباشرة، وبتدعم المليشيا مباشرة بالقوة البشرية والعتاد الحربي بما فيها دولة جنوب السودان، عاوزني في ظل الكماشة دي اعمل شن؟
اوع تقول لي سلام، لأنو السلام في الحالة دي سيكون انتصار للمؤامرة الدولية وح يدفع ثمنه السودان ارضا وشعبا، سواء كنت تعلم في دس مصيبة وان كنت لا تعلم فالمصيبة اعظم
Quote: خلينا معانا في السلام ورفض الحرب
لا البرهان ولا أيران ولا الجن الأحمر بيقدر علي الحرب دي
أحسن لينا السلام بأي طريقة جاء |
ده شنو ده يا كافي البلا
يا زول قول بسم الله شنو الانهزامية دي قال السلام باي طريقة
كيف يعني؟
والله دي اكبر مصيبة واسوأ اجابة تصدر عن مواطن خليك من سياسي محنك زيك كده
السلام الذي لا تحرسه قوة هو سلام الجبناء الممكن يتعايشوا ويعيشوا حتى في وحل الذل والهزيمة
اشمعنى الان؟
ليش السلام ده ما كان يكون قبل بداية الحرب؟
ليه ما نفذ الدعم السريع اتفاق جدة الذي نص على الخروج من بيوت المواكنين
ولا كلمة السلام دي بقت كلمة تترمي كده وخلاص؟
| |
|
|
|
|
|
|
|
|
|
Re: يا برهان ما تجننا ياخ؟؟؟ دخل ايران في اللع (Re: Biraima M Adam)
|
Quote: ول أبا المنصوري
عفارم عليك، أنت رجل موسوعي وذاكرتك حاضرة. لكن مشكلتك ليس في الحوار، بل في قراءة الأحداث وصياغة المبررات.
مبررات ول أبا نصر في الحل السودانى-السودانى .. أنا ذاتي شايفها أفضل مخرج. |
يا بريمة
ما فيش حد بيرفض الحل السوداني السوداني
انا مع السودان للسودانيين
ورافض للتدخل العربي في السودان بكل اشكاله
ما فيهم خير
عشان نبني دولة سودانية متحضرة ومتطورة لا زم نبعد عن هذا المحور
| |
|
|
|
|
|
|
|
|
|
Re: يا برهان ما تجننا ياخ؟؟؟ دخل ايران في اللع (Re: جمال المنصوري)
|
يا برهان
اصبح واضح شديد انو السعودية تمثل الخطر الاكبر على وجود السودان
السعودية بتعتبرنا ملحق خدم ال سعود الذي يجب ان يكون دائما كذلك
ياخي بص بعين الحكمة
اذا كان السعوديون بيتعاملوا مع اليمن اصل العرب بانه ماعندهم حق يحكموا نفسهم بالطريقة العوزنها هم وبتكتل الاطفال والنساء والشباب لا لذنب ارتكبوهوا ضد السعودية
فما بالك بالعبيد السودانيين هل تفتكر ح يحبوا لينا الخير
يا باشا
مصر والسعودية بيحبوا يرونا دائما في موقف ضعف
فاعمل حسابك من هسع
وفكر كويس
ايران عندها خصومة مع الدول دي كلها، والدول دي كلها بتضمر لينا الشر
دحين تحالف مع ايران وخليك صريح معاهم قول ليهم عاوزين تحالف مصالح حيوية تساعدونا ونساعدكم
ما فيها شيء
بس الشاه\ انو ايران مش قابلة للبيع، ايران بلطجي محترم
تدفع ليها بتقبض وبتبلك في نفس الوكت
يعني العرب لو عاوزين يكافو شر ايران ح يدفعوا ثروتهم دي كلها
وهي ح تقول ليهم هل من مزيد
يا زول ما تبقى مسكين
العبها صاح وفي الاخر ح تتعلم من ايران كيفية الشفشة على اصولها
نحن لازم نلاعب العالم بنفس اسلوبوا حكاية انتو يا سودانيين اطيب شعب ده حنك بغشونا بيه
خلينا نوريهم الوش الاخر
| |
|
|
|
|
|
|
|
|
|
Re: يا برهان ما تجننا ياخ؟؟؟ دخل ايران في اللع (Re: نصر الدين عشر)
|
Quote: التدخل دا حلال على ايران وحرام على الامارات؟
اجنحوا للسلم يا بلابسة ...
لا اوكرانيا نفعتكم ولا روسيا حلتكم
تواضعوا واذهبوا للمفاوضات
هذه الهستيريا بحسم الحرب بفوهة البندقة سوف تورد البلد مورد الهلاك والانقسام |
عارف يا نصر الدين الاسئلة زي دي مفيدة
شوف نقول بسم الله ونبدأ
منو اللي اتدخل اولا؟
ماذا يريد؟
هل تدخلوا ده اضر بالبلاد والعباد ولا لا؟
بعد نجاوب مع بعض بوريك الحلال وين والحرام وين... كويس
شوف يا سيدي
تفرق كتير لمن يكون وجودك نفسه في خطر نتيجة تدخل غصا عنك وبالقوة وبي تطلب المساعدة من اخر عشان تبعد عنك الخطر ده... ان شاء الله يكون وقع ليك؟
في ظل الاجندة دي ما فيش مفاوضات بتودي لسلام، لأنه فرص السلام كان ممكن تكون قبل بداية الحرب، لأن الاسباب اللي ادت للحرب لسع قائمة.. كويس كده؟
اي مفاوضات دلوكت معناها ان الطرف المتدخل في الازمة السودانية سيفرض شروطه.. كويس؟
الدعوة لأستدعاء التدخل الايراني هو لأحداث توازن في القوة عشان لمن تمشي تفاوض يكون عندك كرت تفاوض بيه (ايران أو القبول بالشروط)
كلمة اخيرة:
قبل ما تتداخل ادرسني كويس عشان لمن تجي ترمي لي اسئلة زي دي تكون عارف انا ح ارد ليك كيف؟
ودي ما ح تحصل
| |
|
|
|
|
|
|
|
|
|
Re: يا برهان ما تجننا ياخ؟؟؟ دخل ايران في اللع (Re: جمال المنصوري)
|
Quote: عارف يا نصر الدين الاسئلة زي دي مفيدة
شوف نقول بسم الله ونبدأ
منو اللي اتدخل اولا؟
ماذا يريد؟
هل تدخلوا ده اضر بالبلاد والعباد ولا لا؟
بعد نجاوب مع بعض بوريك الحلال وين والحرام وين... كويس
شوف يا سيدي
تفرق كتير لمن يكون وجودك نفسه في خطر نتيجة تدخل غصا عنك وبالقوة وبي تطلب المساعدة من اخر عشان تبعد عنك الخطر ده... ان شاء الله يكون وقع ليك؟
في ظل الاجندة دي ما فيش مفاوضات بتودي لسلام، لأنه فرص السلام كان ممكن تكون قبل بداية الحرب، لأن الاسباب اللي ادت للحرب لسع قائمة.. كويس كده؟
اي مفاوضات دلوكت معناها ان الطرف المتدخل في الازمة السودانية سيفرض شروطه.. كويس؟
الدعوة لأستدعاء التدخل الايراني هو لأحداث توازن في القوة عشان لمن تمشي تفاوض يكون عندك كرت تفاوض بيه (ايران أو القبول بالشروط)
كلمة اخيرة:
قبل ما تتداخل ادرسني كويس عشان لمن تجي ترمي لي اسئلة زي دي تكون عارف انا ح ارد ليك كيف؟
ودي ما ح تحصل |
دارسك كويس يا جمال
الحاجة الوحيدة الما فهمتها هي رحلة تحولك الرهيبة من جمهوري كبير الى بلبوسي يهتف للحرب ويتمنى استمرارها
بالنسبة لاجاباتك ما مقنعة بتاتا
يعني تدخل ايران ممكن يطيل امد الصراع وممكن ندخل في مرحلة اللاعودة؟
هل تتفق مع هذه الجزئية
| |
|
|
|
|
|
| |
جمال المنصوري
حيدر حسن ميرغني
Biraima M Adam
Nasr
نصر الدين عشر
فيس بوك
تويتر
انستقرام
يوتيوب
بنتيريست