Quote: غروسي: طهران على بعد أسابيع قليلة من الحصول على ما يكفي من اليورانيوم لإنتاج قنبلة ذرية
الحقيقة ان ايران امتلكت القنبلة النووية تلميحات المسؤولين الايرانيين تقول ذلك امريكا لع[ت دورا كبيرا في جعل الضربات المتبادلة بين طهران وتل ابيب بهذا الضعف لأنها تعلم جيدا ان الحرب الاقليمية القادمة ستكون نووية بامتياز التعصب الشيعي X التطرف الصهيوني لذلك صرحت امريكا اثناء العدائيات بين تل ابيب وطهران بانها لن تسمح بازالة الدولة اليهودية ، هذا التصريح الامريكي يحمل في طياته انذارا لأسرائيل قبل طهران بانه قد فات الاوان وان على اسرائيل ان تتعقل الان سيكون لأيران صوتا ودرعا وسيف وسيستمع لها العالم (ايران دولة ضاربة في التاريخ لم يحن الوكت لكوش ان تنهض وتستعيد مجدها طيلة مات حكامنا بيلعقوا احذية المصرييين ويتمسحوا بالعروبيين ويتبنوا قيم دين السعوديين فنحن الخاسرون
Quote: رجولك بقت ترجف، صرت تكابس في الإيرانيين.حان الأوان أن نعيد كرامة إنسان السودان بدون جهة أو هوية ..
بريمة يا صديقي من الليلة نسبة لارتفاع مقدراتك ح نرقيك ل (برمة) ههههههها قلت لي بدون جهة دي كلمة حق اريد بها باطل امال الممولين المعاكم ديل تقول عنهم شنو ؟ باشا كن كوشيا ولا تكن تشاديا او مصريا او عربيا او باقي هوامل افريقيا تكن سيدا العرب والدول الاسلامية تريدنا دائما في اخر القائمة لتنفق علينا والله العظيم على ما اقول شهيد قبل ما يجينا نميري كان العربي او المصري او الافريقي ب يفضل يغترب في السودان يا بريمة بحكم عمل والدي بالسكة حديد تنقلنا في جميع جهات السودان بما فيها الجنوب هل تصدق انو في كوستي في عيد الضحية سنة 1968 ابوي اشترى خروف ب 25 قرش (طرادة) ابوي ماسك الحبل الفي رقبة الخروف وانا واخوي كل واحد ماسك كراع في الخروف وندفر يا الله جبناهو البيت ماهية ابوي كانت 12 جنيه (هل تصدق وقية الدهب كانت 75 قرش) الجنيه السوداني كان 12.5 ريال سعودي 1.5 جنيه ونص مصري... 3.5 دولار اغلى بيت للإيجار في عطبرة كان 4 جنيه امي كانت بتديني 7 قروش عشان الخضار كنت بجيب لحمة كيلو ب 3 قروش كمونية ب 5 مليم (تعريفة، ملوخية وسلطة وفول ورغيف ده كلو ب 3.5 قرش المدارس داخلية والكتب بي تجي من مطابع لونغ مانس بوك جواز السفر ب يدخلنا 16 دولة في العالم بدون تأشيرة النساء ما كانوا ب يلبسوا التوم كانوا بمشو موضة وما في جنس بني ادم ب يقدر يعاكسهم كانوا ب يسوقوا العجلات البارات مفتوحة والمساجد مفتوحة الهلال جنب الصليب جنب النجمة ما بتعرف ده من ده المطرة صابة ب مفدار كان في حاجة اسمها الربيع السكارى ب يعرفوا الله اكتر من علماء هذا الزمان الامانة 100% ما في كضب
نميري جاب القوميين العرب بدلوا كل شيء باسم العروبة وجاب الشريعة يمين الله الشريعة قامت بي هني المجاعة جات بهناك القلاية استوطنت يا كافي البلا شمس نار طيلة الفصول صيف يتخلله مطر مدمر يمتد لتسعة اشهر شتاء كده ضبلان 3 شهور وعينك ماتشوف الا النور بقينا ناكل الربا والتالف ونحبذ الكضب، الرشوة على عينك يا تاجر زمن الكيزان ولي هسع الناس كانت زمان تسميها كروة وبعدين سموها بلصة ورقعة الحاجة البعرفها ومتأكد منها لو عاوز تهرب البرهان تقدر بكل بساطة نقاط التفتيش كلها ب تترشي الراتب 12 الف وايجار البيت 60 الفـ ده غير مصاريف البيت ويقول ليك (الله اكبر) الله مولانا ولا مولا لهم شهداءنا في الجنة وشهداهم في النار غايتوا الله قادر يجمع الاضداد في مكان واحد والمغناطيس شاهد على ذلك لكن تربية ما في كله حرام في حرام يعني ممكن تقول ببساطة ولادة حرام
كوش أصلاً يا منصوري، ما كان عندها حضارة تذكر، هي مجرد ابنية قبور استخدمت فيها السُّخرة، زايد انو معدل ذكاء الفرس أعلى بكثير من سكان النيل بالسودان، زايد وجود القبائل الرعوية الهمجية بغرب السودان، يجعل من الصعب تكوين حضارة على النيل بالسودان، ناس شمال أفريقيا محظوظين؛ ذو القرنين جعل بينهم وبين هؤلاء الرعاة الهمجيين سد الصحراء الكبرى
04-24-2024, 12:35 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: نيمري جاب القوميين العرب بدلوا كل شيء باسم العروبة
من هم القوميين العرب؟ هل هم عرب السودان؟ بالمناسبة حينما نتحدث نحن عرب السودان، نتحدث أصالة عن أنفسنا ، قسماً بالله عرب الخليج سمعنا بهم قريب دا .. هل تصدق نعرف إننا نحن العرب وبس .. حتى ظهر الراديو والتلفزيون والجرايد ودخلنا المدارس حتى صرنا نعرف هناك عرب غيرنا. وهل تصدق لم ننفعل بأي شيئ يخص جغرافية العرب إلا بالحرب الفسلطينية ..
لكن دعنى نقول ليك من هم الذين جاءوا بمسألة العروبة وهياج العروبة في السودان .. هم النوبيون! نعم النوبا في الشمال لقلة الموارد وشح مصادر العمالة، أدخلوا مسألة نحن عرب العرب .. بروفسير محي الدين صابر بروفسير بدر الدين مدثر بروفسير عبد الرحمن علي طه الفنانون أمثال العطبراوي (وإلي العرب تنسب الفطن) .. والفرعون محمد وردي تعرب وقدم لقاءات فيها فذلكة عن أن غناءنا وعروبتنا وأفريقيتنا وليس نوبيتنا هى مصادر الألهام الغنائي.
لو تلاحظ، نحن كعرب، أنفصلنا من main stream بتاع العروبة منذ زمن طويل .. بدليل زمن هجرة قبائلنا كانت هناك لغات سائدة منها لغة الأستنطاء نحن نحتفظ بها وبسماتها ذاتها في عهد صدر الأسلام ولو تطورت عندنا تطورت بمعزل عن بقية العرب.
لغة أكلونى البراغيت، قيل للأعرابي كيف قضيت ليلتك قال: "أكلونى البراغيث"، الواو في أكلونى أدخلت فاعل أخر للجملة وناس سيبوية قالوا الجملة لا تحتمل فاعلين، فتصبح لغة غير فصيحة، ركيكة. أهل العراق حاججوا أن الأعرابي يتحدث بطلاقة بلغة أهله وحينما بحثوا عنهم وجودوه من قبائل طئ العربية المعروفة .. وكذلك وجدوا ذات اللغة عن قبائل الأزد اليمانية .. وهى ضمن أصول قبائلنا في غرب السودان. اليوم أنتهت لغة أكلونى البراغث في الدول العربية .. ونحن نجيدها مثل حواريي موسي للتوارة .. وهذا ما نعنى نحن عرب أصالة عن أنفسنا.
أنتم يا ول أبا من تلامون بإرتفاع وترة العروبة في السودان من أجل العمالة والأقتصاد .. وفعلاً أستفدتم! لكن الأمر صار ليكم بمبي حينما عرفتم أن العروبة ليس هى كلمة جوفاء بل تحمل معها دين وتراث وأخلاق وتصور للحياة وذلك يتعارض في كثير من الوجوه مع أصنامكم (ههههاي!) فإرتددتم علي عقبيكم تبحثون عن شماعة في عرب الشتات لتلصقوا فيهم النعرات العروبية التى أثرتموها أنتم ...
وما تفعله كريت في القرض، تلقاه في جلدتا!
بريمة
04-24-2024, 12:47 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
بريمة القوميون العرب ناس غيركم خالص ديل خليط من البعثيين والناصريين فكر كدي خاتف لونين لكن بيشتركوا معاكم في القسوة والفكر الرعوي والعنترية الفارغة وبيشتركوا مع الشيوعيون والاسلاميزن في الهيكل التنيظمي في ححين راس الهرم عند الاسلاميين هو الخلافة عندهم في حاجة اسمها القيادة القومية على راسها القائد الملهم.. بيختلفوا مع الشيوعيين التقليديين في انو في الشيوعية القيادة الفعلية للجنة المركزية اما عندهم فالقيادة القومية او القطرية تحت جزمة المهيب او ناصر ... بيقدسوا القادة المهزومين المأزومين، ويشتركون مع الدزل العربية في توريث الحكم..
04-24-2024, 12:51 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: كوش أصلاً يا منصوري، ما كان عندها حضارة تذكر،هي مجرد ابنية قبور استخدمت فيها السُّخرة،زايد انو معدل ذكاء الفرس أعلى بكثير من سكان النيل بالسودان،زايد وجود القبائل الرعوية الهمجية بغرب السودان،يجعل من الصعب تكوين حضارة على النيل بالسودان،ناس شمال أفريقيا محظوظين؛ذو القرنين جعل بينهم وبين هؤلاء الرعاة الهمجيين سد الصحراء الكبرى
اابو بكر التحفة دي ح احتفظ بيها واورثها لعيالي باعتبار انها تفسير مقنع لسورة الكهف خصوصا لأية (حتى إذا بلغ مغرب الشمس وجدها تغرب في عين حمئة ووجد عندها قوما قلنا ياذا القرنين إما أن تعذب وإما أن تتخذ فيهم حسنا ) اريتو كان قرضهم اكيد اتخذ فيهم حسنا والا ما كان عقابهم ليوم الليلي في
Quote: حينما عرفتم أن العروبة ليس هى كلمة جوفاء بل تحمل معها دين وتراث وأخلاق وتصور للحياة وذلك يتعارض في كثير من الوجوه مع أصنامكم (ههههاي!)
هههها بريمة اوع تكون صدقت انو عندكم دين واخلاق؟ غايتو دينكم ده في الهندوسية ما شفناه انتو والكيزان بدل ما تعبدوا الله الاله بتاعكم قاعد يعبدكم يملك ولا يحكم ترفعون له الاحكام للتصديق فقط
04-24-2024, 01:26 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: بريمة اوع تكون صدقت انو عندكم دين واخلاق؟ غايتو دينكم ده في الهندوسية ما شفناه انتو والكيزان بدل ما تعبدوا الله الاله بتاعكم قاعد يعبدكم يملك ولا يحكم ترفعون له الاحكام للتصديق فقط
الزول المنصوري اليوم كاتمها فوق وتحت .. أنتم في كوش عندكم شيئ أقوي من عرقي التمر ولا شنو؟
حسبي الله ونعم الوكيل!
بريمة
04-24-2024, 01:39 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: الزول المنصوري اليوم كاتمها فوق وتحت .. أنتم في كوش عندكم شيئ أقوي من عرقي التمر ولا شنو؟
عرقي التمر الهين ده هو في سكرة اكتر من البمر بيهو السودان ده يمين بالله الحاصل ده حلطة مخدرات على خمور بلدية وافرنجية ياخ في غيبوبة اكتر من كده كيف والله لوى تصوري عن الله انه فوق الوصف وانه الكمال والجمال عينه لقلت انكم تعبدون ابليس ذات نفسه ياخ السودانيون فيهم كل المتناقضات التى نصت جميع الاديان على انها غير اخلاقية وتلقاهم قاطهين شك انهم على حق وداخلين الجنة داخلين انا مرات كرات كدي بيتخيل لي انو القرأن ده نزل على بني اسرائيل فقط اما الباقين أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنزَلَ اللَّهُ عَلَىٰ رَسُولِهِ ۗ
04-25-2024, 00:12 AM
Awad Omer Awad Omer
تاريخ التسجيل: 12-26-2005
مجموع المشاركات: 760
مستمتعين جدا بال Reflection التاريخي وبالاستنارة الجميلة والتفاصيل المبثوثة في الديالوق الجميل بتاعكم دة ... ارجو مواصلة الدخول في الغريق لقدام مع حفظ البوصلة ودرجة حرارة الغرفة في المعدل المعقول..والتعشيقة من 4 ولي تحت
تحياتى وشكري
04-25-2024, 03:36 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3595
Quote: استاذ المنصوري.... الاستاذ بريمه السلام عليكم
مستمتعين جدا بال Reflection التاريخي وبالاستنارة الجميلة والتفاصيل المبثوثة في الديالوق الجميل بتاعكم دة ... ارجو مواصلة الدخول في الغريق لقدام مع حفظ البوصلة ودرجة حرارة الغرفة في المعدل المعقول..والتعشيقة من 4 ولي تحت
تحياتى وشكري
تسلم اخونا عوض عمر
04-25-2024, 05:31 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: كتب جمال المنصوري جملة لا تشبهه وأظنها زلّة لسان؛ "غايتو دينكم ده في الهندوسية ما شفناه"
سلامات اخونا وحبيبنا بكور قبل ان اوضح اوجه المقارنة ولماذ جاءت بالصورة الولت ليك عاوز اقول ليك كلمتين الاولى ارجو منك ان تقبل اعتذاري عن اي سوء فهم وصلك من عبارتي السابقة الحاجة التانية: من امبارح وانا بكتب في الردود وكل ما ارفعها يرد علي الاخ بكري بعبارة، لقد استهلكت الباغة الممنوحة لك لهذا اليوم يرجى معاودة الاتصال غدا الحاجة المحيراني ما فهمت الباغة دي شنو؟ غايتو وانا نائم اتذكرت انو مداخلاتي جابت ليها سايد افيكت ممكن اخونا بكري فهم زي ما خونا بريمة فهم وقال ليك كفاية عليه العرقي لحد هني ..
عموما يا سيدنا بكور وجه المقارنة او المفارقة كالاتي: اهندوسية دين محترم فيه الهة متخصصة تخصصات دقيقة بعضها في اوجه محور الخير والبعض الاخر في اوجه ما يسمى بمحور الشر ولك مطلق الحرية في اختيار الاله الانت شاعر انو بيحقق طموحاتك شريطة ان تخلص له في عبادتك.. الدين بتاع ناس بريمة والكيزان واجلاف الجزيرة العربية الوضع فيه معكوس، يقولون انهم يعبدون اله واحد ولكن المفارقة لنو هو البعبدهم، يقوم بعمل كل شيء لأسعادهم، ما عليه الا يوقع بس يبيح لهم التمتع بالنساء والتقية في الكلام (الكذب) انتهاك الحرمات، قتل المرتد، ومحاربة اهل الكتاب ختى الجزية، الرشوة، الحسد، والحقد، الاغتصاب، التغنم، السب والقذف، قلة الادب ده كله في سبيل الله ومن ثم موعدهم الجنة ضحى والاغرب من كل هذا وذاك، انو غيرهم مافي زول عنده الحق يدخل الجنةغيرهم ويا ويلك لو جبت سيرة انو النار غير خالدة، اذا لقد انكرت معروفا بالضرورة ويجب قتلك دي المفارقة
04-25-2024, 08:57 AM
Hassan Farah Hassan Farah
تاريخ التسجيل: 08-29-2016
مجموع المشاركات: 11404
Quote: مستمتعين جدا بال Reflection التاريخي وبالاستنارة الجميلة والتفاصيل المبثوثة في الديالوق الجميل بتاعكم دة ... ارجو مواصلة الدخول في الغريق لقدام مع حفظ البوصلة ودرجة حرارة الغرفة في المعدل المعقول..والتعشيقة من 4 ولي تحت
تحياتى وشكري
أنت عارف، المنصوري، دا دحيشتي!
يقال أن واحد من أعراب البادية، نزل عليه الليل وهو بمعية قوم كردافة، فأستأذن ليقادر؛ فقالوا له أهل المنطقة أن المشي ليلاً غير آمن، وهذه طريقتهم في تخويف الناس الذين يسافرون بمناطقهم أن هناك بعاتي حتى لا يسافرون ويدخلوا في مزارع البطيخ والفول ليلا.
أصر الرجل وذهب بحمارته ومعها دحيشتها، وفي أثناء السير تأكل الدحيشه العشب الأخضر ثم تركض لتحق بأمها. وفي غلفة منه جاءت الدحيشة تركض بشده، فأنخلع الرجل وصرخ بصوت خوف عالي ووواي! ثم أستدرك أها دي دحيشتي!
شفت الأعرابي الذي صرخ من دحيشته دا أنا ذاتي الأن.
غايتو الكفار أبووا أن لا ينفكوا مننا .. كفار قرش المصطفي ص وصحابته كفونا شرهم.. أها وقعنا في كفار كوش!!
بريمة
04-25-2024, 10:20 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: سلامات اخونا وحبيبنا بكور قبل ان اوضح اوجه المقارنة ولماذ جاءت بالصورة الولت ليك عاوز اقول ليك كلمتين الاولى ارجو منك ان تقبل اعتذاري عن اي سوء فهم وصلك من عبارتي السابقة الحاجة التانية: من امبارح وانا بكتب في الردود وكل ما ارفعها يرد علي الاخ بكري بعبارة، لقد استهلكت الباغة الممنوحة لك لهذا اليوم يرجى معاودة الاتصال غدا الحاجة المحيراني ما فهمت الباغة دي شنو؟ غايتو وانا نائم اتذكرت انو مداخلاتي جابت ليها سايد افيكت ممكن اخونا بكري فهم زي ما خونا بريمة فهم وقال ليك كفاية عليه العرقي لحد هني ..
عموما يا سيدنا بكور وجه المقارنة او المفارقة كالاتي: اهندوسية دين محترم فيه الهة متخصصة تخصصات دقيقة بعضها في اوجه محور الخير والبعض الاخر في اوجه ما يسمى بمحور الشر ولك مطلق الحرية في اختيار الاله الانت شاعر انو بيحقق طموحاتك شريطة ان تخلص له في عبادتك.. الدين بتاع ناس بريمة والكيزان واجلاف الجزيرة العربية الوضع فيه معكوس، يقولون انهم يعبدون اله واحد ولكن المفارقة لنو هو البعبدهم، يقوم بعمل كل شيء لأسعادهم، ما عليه الا يوقع بس يبيح لهم التمتع بالنساء والتقية في الكلام (الكذب) انتهاك الحرمات، قتل المرتد، ومحاربة اهل الكتاب ختى الجزية، الرشوة، الحسد، والحقد، الاغتصاب، التغنم، السب والقذف، قلة الادب ده كله في سبيل الله ومن ثم موعدهم الجنة ضحى والاغرب من كل هذا وذاك، انو غيرهم مافي زول عنده الحق يدخل الجنةغيرهم ويا ويلك لو جبت سيرة انو النار غير خالدة، اذا لقد انكرت معروفا بالضرورة ويجب قتلك دي المفارقة
المنصوري، أنت كالذي يعبد الله علي حرف، فإن أصابته مصيبة أنقلب علي عقبيه .. وهذه نقطة ضعفكم؛ والله غبار نعال محمد ص خيرٌ لنا من نعيم الدنيا كلها. ومع ذلك غير متشددين في الدين نرقصوا مردومنا وكاتمنا ونطرب للحياة كطيور الدوح.
إيران شنو تخوف بها أحفاد رجال كانوا مع رسول منذ صدر الأسلام وحينما توفاه الله العجل وأرتدت قريش وقبائل الأعراب وقال أبو بكر الصديق قولته، لو منعونى عقال بعير كانوا يودونه لرسول الله لقاتلتهم فيه. في تلك اللحظة الفارقة وقفت قبائل جهينة (نحن أحفاد جيهنة) مع أمير المؤمنين حتى ثبت الله علي يده الحق.
بريمة
04-25-2024, 11:04 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3595
ناس دارفور زمان حاولوا يورونا بشاعة وعدم إنسانية الجنجويد، لكننا لم نصدقهم وكنا نتخيلهم ينسجون هذه القصص الخيالية، ثم هجم علينا هؤلاء الرعاع وراينا هول معاناة الدارفوريين، وصدقنا كما قال ملاسي؛ صدقنا دون شك روايات السيف والنار ومذكرات يوسف مخائيل وسجين الخليفة لشارلز نيوفيلد
04-25-2024, 11:28 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: ناس دارفور زمان حاولوا يورونا بشاعة وعدم إنسانية الجنجويد، لكننا لم نصدقهم وكنا نتخيلهم ينسجون هذه القصص الخيالية، ثم هجم علينا هؤلاء الرعاع وراينا هول معاناة الدارفوريين، وصدقنا كما قال ملاسي؛ صدقنا دون شك روايات السيف والنار ومذكرات يوسف مخائيل وسجين الخليفة لشارلز نيوفيلد
بل العكس، لم يكن مثقفي الوسط النيلي يصدقوا ما يفعل بنا جيشكم حينما نقول يقتلنا بالبراميل المتفجرة الحارقة ويدمر بنانا التحية ويحرق الزرع والضرع حتي رأيتم ذلك عيانا في أم درمان والخرطوم، يقتلون المواطنين ويعتبروهم ضحايا collateral damage .. ويقطعون رؤوس القتلي ويقتلون الأبرياء بالشبهات؛
النوبة في الجبال كادوا أن يفنوا بسبب القتل علي الشبهات أنهم حركة شعبية. الزغاوة وحدهم لو هناك إحصائية أمينة أنهم يفوقون ك نسبة مئوية أي أثنية أخري قتلت. الزغاوة قتلاهم يفوقون قتلي المساليت عدداً ونسبة.
كتاب: الغائصون في دماء أمة، للأستاذ منير شيخ الدين، وثق جرائم أشبه بال horror movies .. وحينما شعروا بخطورته عليهم أغروه بالمال فبدل إن كان مرشح رئاسة في فترة التوالي السياسي، أعطوه المال وصار اليوم تاجر بين الخليج وأفريقيا جنوب الصحراء، ونسي دماء أهله.
وما ترونه اليوم ضدكم، هذا بسبب ما جنتيتم لأنفسكم ..
بريمة
04-25-2024, 11:45 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
ابو علي كيفنك يابن عمي عداك العيب نحن معروفين من قديم ناس سلك وناس سكر وناس كتا وكتل وناس كرم وناس موة وناس فزع ونجده يعني ممكن ببساطة تقول علينا ناس جنيا ودين ده ما بنقص مننا شيء ولا بنشتكي لزول ولا بنخاف من زول لمن كانت البلاد شرقا وغربا ترتعد من الرقاص الدولىن نحن طردناه شر طردة رسال لينا هيئة العمليات يمين ححاصرناهم لمن اتدخلت الوساطات علمناكم مواجهة العسكر بالسلمية قعدنا في ميادين الدامر لمن اتجرس اللواء حاكم الاقليم ما جربتونا قريب في الكتال لكن ما فات شيء خلي الجنجويد يجو ناحيتنا وبنوريكم يعض الاستعراضات وان كان نفر من ابنائنا قد فدم عروض جيدة لولا الاسد الركض في رئاسة الحرس الوطني الغالي ود بابكر كان اسع تشجنون في المراكب في اتجاه صعدة (هههه) من الكاب فقط 15 شهيد الواحد يصاب يتعالج ويرجع للقتال حتى يستشهد تصدق يا حسن انو حتى الانجليز ما قدروا يحكمونا؟ خليك من الحكومات الوطنية صاحبكم النميري في بداية انفلابه زار المنطقة مع نفر من اعضاء مجلس قيادة الثورة منهم فاروق حمدالله القطر وصل الدغش محطة الكاب المناصير لاقوه بالسلاح احتفالا بقيادة الثورة قام صحى مخلوع قام قال للحرس جرد الناس دي من سلاحها قايلهم دايرين يضربوه المرحوم فاروق عارف يعني شنو مناصير قال ليه مصادرة سلاح شنو يازول اعمل حسابك لو عملت كده يمين جتتك ما تتلقي قوم حي الناس ديل، وقد كان.. القطر بتاع عيد الضحية المشهور في الثمانينات من القرن الماضي الانكسر في الكحيلة فد كنصوري اكل القطر لحمة لمن شبعوا ولمن القطر اتصلح لمن حاولو يدوه قروش قال ليهم اخير لكم تغيبو من نظري قبل ما الحقكم امات طه.. منصوري موقد نار انا انا من اعز ديار انا انا من دبار منصور انا وللضيف بعقر التور انا
04-25-2024, 11:53 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
بريمة جبت ضقلها يجر دحيشتك كيف يازول لو قلت دحشي مقبولة لكن دحيشتك كيف؟ على العموم ما في مشكلة اصله السكران في ذمة دحشه انا غايتو بوصلك واحدي من اتنين يا جهنم يا كمان سقر
04-25-2024, 11:58 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: المنصوري، أنت كالذي يعبد الله علي حرف، فإن أصابته مصيبة أنقلب علي عقبيه .. وهذه نقطة ضعفكم؛ والله غبار نعال محمد ص خيرٌ لنا من نعيم الدنيا كلها. ومع ذلك غير متشددين في الدين نرقصوا مردومنا وكاتمنا ونطرب للحياة كطيور الدوح.
إيران شنو تخوف بها أحفاد رجال كانوا مع رسول منذ صدر الأسلام وحينما توفاه الله العجل وأرتدت قريش وقبائل الأعراب وقال أبو بكر الصديق قولته، لو منعونى عقال بعير كانوا يودونه لرسول الله لقاتلتهم فيه. في تلك اللحظة الفارقة وقفت قبائل جهينة (نحن أحفاد جيهنة) مع أمير المؤمنين حتى ثبت الله علي يده الحق.
وحات الله المعبود بالحق انا ما كدي لكن ربي اكرم من الهكم ربي يريدني ان استخدم الجوة الفاخورة ده استخدام امثل لكن الهكم الانتو فعلا بتعبدوه عاوزكم حمير وعلى احسن حال عاوزكم بغال
اوع تكون فاكر انو انا عاوز اخوفكم بايران كان كدي فهمتني غلط انتو موضوعكم منتهي خالص سويعات وينفض سامركم ايران دي يا باشا عشان نبيني جيش قومي قوي يحافظ على الدولة وحدودها ويسترد ما نهب من اراضيها وثرواتها وما ينتج لينا واحد زي الرقاص الشلع البلاد والعباد ده كل مافي الموضوع
04-25-2024, 12:26 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
موضوعك مخستك. أليس إيران هى من تقف مع تنظيم الأخوان منذ الثمانيات؟ الدفاعات الصناعية واليرموك أليس كلها إيرانية؟ من جرانا إلي الحروب الدينية عابرة القارات غير إيران؟
في محاولة كيزان السودان للأنجرار خلف تجربة خمينى إيران، وقعنا في المقاطعة .. أمريكا غسلتنا ومرصتنا وشرتنا في حبال غيسل الأرهابين لما نشف أقتصادية من أي سيولة.
المشكلة الحقيقة التي تستدعى بها إيران، أنك كمتمسك بالتراث الكوشي البائد تريد نصراً يعيده لكم حتى تعيدوا تشييد أصناكم (aka إهرامات إسم الدلع)؛ حضارة كلها تدور حول تقديس الموت ودفن الموتي، وأحسن ما فيها قبورها. دي حضارة شنو؟؟!! وتقديسكم للموت ليس لإجلاله، بل خوفاً منه .. أنتم تدفنون الأحياء لأن الميت عظيم، أخشي أنكم ترون الكيزان هكذا عظماء وأن دفنهم بواسطة الدعم السريع يعنى دفن ما تبقي لكم من آلهة. ح ندفنهم!
أنتم لا تملكون حق الحياة، حق الحياة حق إلهى وكل إنسان من حقه الطبيعى أن يعيش حراً وكريماً وآمناً، هذا ما نطلبه، حقنا الذي خولنا أياه خالقنا. أنتم ترفضون ذلك وح ننتزعوه منكم عنوة، رجالة وحمرة عين.
إذا قبلتم بأخوي وأخوك، كويس معنا ومعكم .. وإلا ح نقيفوا معكم قنا، كما نفعلوا اليوم. والحشاش يملأ شبكتو.
بريمة
04-25-2024, 01:03 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
موضوعك مخستك. أليس إيران هى من تقف مع تنظيم الأخوان منذ الثمانيات؟ الدفاعات الصناعية واليرموك أليس كلها إيرانية؟ من جرانا إلي الحروب الدينية عابرة القارات غير إيران؟
برمة انت لسع في حكاية كيزان دي الكيزان اهم قدامك بكتلوا في بعض: وموضوعهم منتهي لا يا باشا الحروب الدينية جرانا ليها السلفيون اليهود والمسلمين والمسيحيين على التوالي بعدبن جاء صراع الاقطاب الدزل الحزلينا كلها عاملة تحالفات، اللي مع روسيا واللي مع امريكا واللي مع بريطانيا، واللي مع فرنسا نحن في الزحمة دي ما عندنا مكان مع الكبار مافي قدامنا غير ايران، واهي مقاسنا ومالو نرجع تاني لمصانعنا الايرانية وكل برغوت على قدر دمه
04-25-2024, 01:32 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32957
Quote: الدزل الحزلينا كلها عاملة تحالفات، اللي مع روسيا واللي مع امريكا واللي مع بريطانيا، واللي مع فرنسا نحن في الزحمة دي ما عندنا مكان مع الكبار مافي قدامنا غير ايران، واهي مقاسنا ومالو نرجع تاني لمصانعنا الايرانية وكل برغوت على قدر دمه
دا الحوار الدائر بينى والحوثي عادل. وهو حوار أفضل بكثير من هذا الحوار، عادل يظن لو أنضممنا لدول ال BRICKS ح نكون في وضع أفضل من أن نكون في حلف مع أمريكا! وأنا أقول له لا .. حلف البريكس حلف إقتصادي، نحن عايزين حليف يكون حليف إقتصادي وأمنى عسكري في نفس الوقت. أمريكا توفر لنا الحماية الأمنية والأقتصادية ..
أيران حلف أمنى فقط في هذه المرحلة وتبحث عن حلفاء يقفونا معها من أجل تحقيق أهدافها في السلاح النووي .. ليه نحن نتحمل وزر حليف نووي ناشئ، ممكن يهرب سلاحه النووي ويخبأه عندنا وتوشي بنا التكنلوجيا المتطورة التي تشم رائحة ما تحت سروال الواحد. ويضربونا كما ضربت هيروشيما .. أو يقوم السلاح النووي المخزن يتلف نكون محل نفايات ننوية .. دا كله العاصرنا عليه شنو؟ أنت قايل أمريكا تهابي ما بين الناس، لا أمريكا دولة عظمى ترعي مصالحها، وأنت بجوارها تحقق مصالحك بأتباع وصفتها .. وزارة الخارجية الأمريكية لديها وصفة جاهزة لكل من يرغب في تعاون مثمر .. دون مرعاة لدينك .. لأنها دولة علمانية وتتخذ موقف محايد من الدين .. تدين أو لا تدين شيئ يخص بلدك.
خلاصة القول إيران، ح تكبر كومها بالأغراءات مثل المسيرات .. عشان تحس أنك something وأنت بكده تصير تابع ذليل تأتمر بأمرها .. تجعلك proxy لحروبها .. ممكن تطلق مسيراتها من أرضك مثل ما فعلت قبل شهرين، مسيرات تجسس إيرانية تنطلق من شرق السودان وتحلق فوق سماء إسرائيل، الأن نحن هدف مشروع لإسرائيل.
أنا أقول أرقدوا للبطان من أبطال أشاوس الدعم السريع .. خلاكم داخين زي فئران الجرة. اليوم، 3 مسيرات حلقت في السماء فوق .. فوق مروي!
بريمة
04-25-2024, 02:04 PM
كمال عباس كمال عباس
تاريخ التسجيل: 03-06-2009
مجموع المشاركات: 17934
المستنير خرف كوش ما عندها حضارة ؟ وما دمت تسششهد بالميثولوجيا. والدين وكمان ايضا الأساطير ارجع العهد القديم وشوفو كتب شنو عن كوش وارض العظام وعن اثر وتأثير تلك المملكة في التاريخ كوش مملكة عظيمة حكمت مصر - الاسرة ٢٥ من بعانخي لتهراقا بل امتدّت سلطتها وسطوتها الي الي فلسطين وأرض اليهود ولم يوقف تمددها في اسيا سوي تحالف عدة جيوش ودويلات ويوجد فيها اكثر الاهرامات عددا في العالم ولو ذهبت للمتحف المصري في القاهرة ستجد طابقا كاملا مخصصا لتلك الحضارة ثانيا الصحراء الكبري لم تقف عائقا بين الشمال الأفريقي من ناحية مصر وأرض كوش والنوبة ويمكن اكثر دولة او دويلات تداخلت مع مصر وتمازجت معها واثرت فيها وتأثرت بها كانت ارض كوش - والنوبة ونبتة
يعني ارتباط مصر بالسودان في التاريخ القديم والأوسط كان اكبر من ارتباطها بالمغرب والجزاير وتونس وبالمناسبة دول شمال أفريقيا. عدا مصر لم يكن لها حضارة فاعلة وتاريخ عريق يماثل حضارة كوش ثالثا التاريخ القديم هو. معابد وأهرامات ورسوم ومنحوتات وأبنية - راجع اليونان وروما ومصر وللسودان وكوش نصيب في ذلك كما ان مملكة مروي القديمة كانت من الرواد في صهر الحديد
رابعا لا اعتقد ان هذه المعلومات غايبة عليك او فانت عليك وربما دخلت كمكاوة للزينة وكان يمكن ان تفعل ذلك من دون تبخيس لحضارتنا يمكن ان تقول لها ان تلك الحضارة نبتت في السوداني النيلي والزراعي " يعني بناها الجلابة " القدامي وانو العقلية العروبية المستوردة التي ينتحلها بريمة او يدعيها كانت تعتبر هذه الآثار. أنصاب وأصنام وكفريات ولو لاحظت انو بريمة تداخل وبعقليته الأصولية ليحكم بكفر اهل كوش وبانهم اشد كفرا من كفار قريش ؟ ربما لان كفار قريش عرب
Quote: انو العقلية العروبية المستوردة التي ينتحلها بريمة او يدعيها كانت تعتبر هذه الآثار. أنصاب وأصنام وكفريات ولو لاحظت انو بريمة تداخل وبعقليته الأصولية ليحكم بكفر اهل كوش وبانهم اشد كفرا من كفار قريش ؟ ربما لان كفار قريش عرب
قال عقلية عروبية مستوردة!! آزول قول بسم الله، نحن عرب أصالة عن أنفسنا وأنت كهنوت كوشي، ما في حاجة أسمها كوشيون اليوم، هذه شعوب بائدة مثل قوم عاد وثمود وقوم صالح وقوم لوط. لماذا لم يحاول العرب إحياء تلك الشعوب وإعادة حضارتها للوجود ومنهم من كانوا ينتحتون من الجبال بيوتا عظيمة؟
نحن اليوم عرب السودان، نعتبر الأثار كانت أصنام ومتعايشين معها من باب إنها تمثل إرث تأريخي لأخوتنا في الوطن، إبراهيم خليل الله جاهد في أصنام قريش قبل الأسلام كسّرهم جت وجعلهم جزازاً إلا كبيراً لهم، ثم علق عليه الفأس، وقال فعل الفعلة كبيرهم هذا، فأسألوهم إن كانوا ينطقون. اليوم ليس هناك لات ولا عزي ولا يغوث ونسرا ومنات الثالثة الأخري في بلاد الحرمين الشريفين.
وبمثل ما كان لقريش كفارها، أيضاً لنوبيا كفار كوشيون تمسكوا بأصنامهم في وجه جند الله، جدنا عبد الله بن أبي السرح رضي الله عنه ومعه جحافل صحابته الغر المحجلين. وما زال الصنميون يمتكسون بالمورث الكوشي ليس من ناحية ثقافية بل يريدون إعادة اللغة والممارسات الكوشية والصلوات والمواثيق الكوشية. لماذا لم يحاول كفار قريش إعادة الأصنام في مكة؟
إنتهت الأصنام والوثينات في بلاد الأسلام، أنتم دايرين بها شنو؟ ماذا ينقصكم كمسلمون؟ أعزكم الله بالأسلام وأعزكم الله بأميز صحابة المصطفي ص الذين حلوا بالأرض النوبية.
بريمة
04-25-2024, 03:21 PM
كمال عباس كمال عباس
تاريخ التسجيل: 03-06-2009
مجموع المشاركات: 17934
بريمة اولا. دولة كوش او نبتةتحديدا دولة قديمة جدا ولم تصلها رسالة سماوية او دين فكيف تفضل عليهم كفر قريش التي وصلها دين الاسلام ورفضته وقبل كانت المسيحية معروفة في بلاد الحجاز ؟ ثانيا راجع تاريخ السودان وخصوصا السودان النيلي - وطبعا انت وبزعمك لم تكن جزء من ذلك التاريخ فقد دخل اسلافك السودان عبر شمال أفريقيا - في قبل خمسة او ستة قرون هذا بحسب ادعاءك. وانسلاخك من حضارات وتاريخ السودان !
ثانيا الحضارة الكوشية " ونبتة ومروي القديمة وغيرها من الحضارات كانت دياناتها وضعية وسودانية - او علي الاقل ليس لها ارتباط بالديانات السماوية المعروفة وقد أعقبتها. ثلاثة ممالك مسيحية امتدّت من سوبا وحتي ارقين وحروب العرب والمسلميين كانت مع دولة المغرة المسيخية وهي لا علاقة بممالك كوش التاريخية ذات الآثار والأهرامات والمعابد
راجع التاريخ والحضارات السودانية فالسودان لم يبداً تاريخه بسقوط الأندلس وهجرات عرب شمال أفريقيا لعمق القارة او الي الي غرب السودان كما تزعم !
04-25-2024, 04:06 PM
كمال عباس كمال عباس
تاريخ التسجيل: 03-06-2009
مجموع المشاركات: 17934
بريمة اولا. دولة كوش او نبتةتحديدا دولة قديمة جدا ولم تصلها رسالة سماوية او دين فكيف تفضل عليهم كفر قريش التي وصلها دين الاسلام ورفضته وقبل كانت المسيحية معروفة في بلاد الحجاز ؟ ثانيا راجع تاريخ السودان وخصوصا السودان النيلي - وطبعا انت وبزعمك لم تكن جزء من ذلك التاريخ فقد دخل اسلافك السودان عبر شمال أفريقيا - في قبل خمسة او ستة قرون هذا بحسب ادعاءك. وانسلاخك من حضارات وتاريخ السودان !
ثانيا الحضارة الكوشية " ونبتة ومروي القديمة وغيرها من الحضارات كانت دياناتها وضعية وسودانية - او علي الاقل ليس لها ارتباط بالديانات السماوية المعروفة وقد أعقبتها. ثلاثة ممالك مسيحية امتدّت من سوبا وحتي ارقين وحروب العرب والمسلميين كانت مع دولة المغرة المسيخية وهي لا علاقة بممالك كوش التاريخية ذات الآثار والأهرامات والمعابد
راجع التاريخ والحضارات السودانية فالسودان لم يبداً تاريخه بسقوط الأندلس وهجرات عرب شمال أفريقيا لعمق القارة او الي الي غرب السودان كما تزعم !
04-25-2024, 04:23 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3595
سلام يا أخ جمال. عدة عوامل تحول دون إنتماء إيران للنادى النووي: الاتفاق النووي الشامل (JCPOA) الذي يفرض قيوداً على برنامجها النووى. الرقابة الدولية التي تفتش المنشآت النووية. الضغوط الدولية التي تمنع التطوير النووي. والشراكة في مجال الطاقة لأغراض سلمية للتخفيف من التوترات.
الدول الغربية، فى الغالب، تضخم قوة إيران كى تشرعن لضربها أو لإبتزازها كما فعلت بالعراق…..!
04-25-2024, 06:55 PM
كمال عباس كمال عباس
تاريخ التسجيل: 03-06-2009
مجموع المشاركات: 17934
وأنت. كمسلم يا ابوبكر لأيتم إيمانك ولا يعد إيمانك إيمان مالم تومن بالعهد القديم. " والتوراة جزء منه !
عموما العهد د. القديم. كما ا. تعلم. لايتضمن. التوراة والشق الديني والروحي فقط وانما. يتضمن. سجل تاريخي كتب في عصور مختلفة وهو. يؤرخ ويدون تاريخ. اليهود والشعوب. المجاورة لهم. والتي احتكّت بهم ومن ضمنها الكرسيين
وعلي ذكر احداث العهد القديم راجع سفر التكوين حينما. اتي الرب متنزها في حديقته مسرورا بعد إكمال مهمته في الخلق!!
04-25-2024, 10:21 PM
Awad Omer Awad Omer
تاريخ التسجيل: 12-26-2005
مجموع المشاركات: 760
عني ارتباط مصر بالسودان في التاريخ القديم والأوسط كان اكبر من ارتباطها بالمغرب والجزاير وتونس وبالمناسبة دول شمال أفريقيا. عدا مصر لم يكن لها حضارة فاعلة وتاريخ عريق يماثل حضارة كوش
H
السلام عليكم
تعرف ليبيا دي ما ساهلة وتونس كمان ما ساهلة ...السودان دة يحتاج نظرة ومراجعه...
تعرف الزول الشال الصليب مع المسيح وساعده لحدي ما وصل راس جبل Golgotha للصلب في مدينة "اايليا " الزول دة كان مع اهله في كان هناك اسه سيمون السيريني او بالعربي سمعان السيريني وناس بيقولو القيراواني...الزول ده ليبي وكانت مدينه سيرين شمال ليبيا اشهر ميناء علي البحر المتوسط جهةافريقيا ....وتونس دي هي التي فيها تكونت الدولة الفاطميه بعد قدوم مؤسسها عبدالله من سوريا ومنه لليمن حتي تقوي الفطميون وفتحو مصر لاحقا وحكموها واسسو الجامع الازهر كمنارة استمرة عبر القرون ... ا
04-26-2024, 03:26 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: إنتهت الأصنام والوثينات في بلاد الأسلام، أنتم دايرين بها شنو؟ ماذا ينقصكم كمسلمون؟ أعزكم الله بالأسلام وأعزكم الله بأميز صحابة المصطفي ص الذين حلوا بالأرض النوبية.
حبيبي برمة ياخ يتخيل لي من الافضل تركز في الهندسة التاريخ ده شعرا ما عندك ليه رقبة شوف في حاجة اسمها التاريخ الواقعي (علم الاثار archaeology ) العلم ده بيقول انو المسلمين الاوائل هدموا اصنام الكعبة، ولكن لم يهدموا الاتي: * عمرو بن العاص فتح مصر ولم يهدم اي من الاصنام والتماثيل الفرعونية. * الذين غزو منطقة فلسطين والعراق لم يتعرضوا لأصنام وتماثيل حضارات هلال الخصيب وما بين النهرين. * محمد بن القاسم الثقفي غزا خراسان ولم يتعرض لتمثالي بوذا في ممر خيبر حتى جاءت طالبان وهدمتهما في اواخر القرن الماضي. الاثار دي شاهد حتى الان ان المسلمون الاوائل تمسكوا بالاية دي: (قُلْ سِيرُوا فِي الْأَرْضِ فَانظُرُوا كَيْفَ بَدَأَ الْخَلْقَ ۚ ثُمَّ اللَّهُ يُنشِئُ النَّشْأَةَ الْآخِرَةَ ۚ إِنَّ اللَّهَ عَلَىٰ كُلِّ شَيْءٍ قَدِيرٌ (20) المسلمون الجدد لم يفهموا الدين كما فهمه الاسلاف الاسلاف استهدفوا اصنام عرب الجزيرة لأنها متجذرة في وجدان العرب لو تركوها لظلوا متعلقين بها لكن لم يهدموا اصنام الاخرين لعدم ارتباط الوجدان العربي بها.. كلامك عن انكم راعيتم الجيرة عشان كده ما هدموتها عندو مغالطتين: 1- الاولى عدم الفهم الحقيقي للخطاب الديني. 2- اذا كان فهمكم للدين هو الصحيح تبقوا خالفتم تعاليم دينكم بوجوب هدمها. برمة انا غيرت راي و حترج بنص لعبة السلم والثعبان للمربع الاول وتبقى بريمة حتى اشعار اخر
04-26-2024, 03:39 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: سلام يا أخ جمال. عدة عوامل تحول دون إنتماء إيران للنادى النووي: الاتفاق النووي الشامل (JCPOA) الذي يفرض قيوداً على برنامجها النووى. الرقابة الدولية التي تفتش المنشآت النووية. الضغوط الدولية التي تمنع التطوير النووي. والشراكة في مجال الطاقة لأغراض سلمية للتخفيف من التوترات.
الدول الغربية، فى الغالب، تضخم قوة إيران كى تشرعن لضربها أو لإبتزازها كما فعلت بالعراق…..!
حبيبنا محمد ادم كلامك صحيح لمن يكون موقعك الاسترتيجي ليس كموقع ايران ايران يا سيدي متغلغلة حتى في امريكا نفسها من الناحية الاثنية مرورا بدول الشرق الاوسط والاقصى بجانب وقوع سواحل الخليج والمحيط الهندي ختى سري لانكا مرورا ببي باكستان والهند تحت ظل قوتها العسكرية باشارة من اصبعها تتقطع سبل التجارة العالمية شرقا وغربا، شمالا وجنوبا. عشان كده امريكا واسرائيل وكل حلفائهما لم يستطيعوا استمالة اوروبا وروسيا والصين لفرض قيود على ايران لهذا استطاعت طرد البرادعي ومجموعته ولم تسمح لهم بمراقبة نشاطها النووي وبس. السودان موقعه الاستراتيجي يصل لنفس المستوى عشان كده الدول العربية بتتدخل عبر قادة الدولة والجيش الضعفاء عشان يظل البركان خامد اطول مدة ممكن
04-26-2024, 08:44 AM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5585
اخونا المنصورى،كلامك بمجمله صحيح، لكن عايز أوضح الآتى: فعلا، إيران لديها تأثير في مناطق عديدة حول العالم، ولكن ليس دائماً بنفس القدر كما في منطقة الشرق الأوسط. ايران تمتلك قوة عسكرية تؤثر في المنطقة، ولكن ليس بالشكل الذي يمكن أن تتحكم بالتجارة العالمية شرقًا وغربًا، شمالًا وجنوبًا،ده كلام يبدو مبالغ فيه. يمكن القول إن العقوبات الدولية تفرض بعض القيود على إيران، وايضا لا يمكن إنكار أن بعض الدول لديها نفوذًا وتأثيرًا على سياساتها. هى لم تطرد البرادعى وإنما غادرها بسبب اختلاف وجهات النظر حول بعض القضايا، مثل برنامجها النووي والتطورات السياسية فيها.! صحيح أن للسودان موقعاً استراتيجياً هاماً، ولكن ليس بنفس القدر الذي يمكن أن يؤثر به إلى هذه الدرجة على الدول الإقليمية أوالدولية.
04-26-2024, 09:05 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: ايران تمتلك قوة عسكرية تؤثر في المنطقة، ولكن ليس بالشكل الذي يمكن أن تتحكم بالتجارة العالمية شرقًا وغربًا، شمالًا وجنوبًا،ده كلام يبدو مبالغ فيه.
كويس يا حبيبنا محمد انك اتفقت معاي جزئيا لكن خليني اوضح ليك موضوع التحكم ده كيف؟ معظم ابار النفط الخليجية واكبرها انتاجا تقع في الطرف الشرقي للجزيرة العربية او فلتقل انها تقع على الساحل الغربي للخليج هذه الابار تقع تحت مرمى الاسلحة الصغيرة والمتوسطة الايرانية وده ببساطة بيعني ايران ممكن تدمرها تدميرا تاما مما يعني ان 18مليون برميل يوميا العجز ده امريكا ما ح تقدر تعوضه باي حالدول منتجة هي روسيا وفنزويلا وايران، والصين بمستوى اقل لأنها دولة مستهلكة للطاقة بصورة كبيرة الدول خارج مظلة اوبك غير مؤثرة ده ح يخلي معظم دول العالم بما فيها اوروبا ستكون تحت رحمة العملاق الروسي تخضع للنفوذ الروسي، التجارة نفسها لن تخضع لقانون العرض والطلب انما ستخضع لشروط المسيطرين على الطاقة، والطرق البديلة ستكون ايضا خاضعة لنفس الشروط مع ارتفاع التكاليف عشان كده امريكا واسرائيل فشلتا في فرض عقوبات على ايران ده الانا قصدنو من ان ايران ستسيطر على طرق التجارة الدولية
04-26-2024, 09:02 PM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5585
Quote: إيران ممكن تضرب منشآت النفط بالمناطق الشرقية ولكن ماذا بعد ذلك !!!! صدقنى مصلحة إيران تكمن فى حماية تلك المنشآت وليس فى تدميرها..!
يا ابو حميد ده في الوضع العادي انحنا بنتكلم عن وضع استثنائي، على خلفية كلامك ده:
Quote: عدة عوامل تحول دون إنتماء إيران للنادى النووي: الاتفاق النووي الشامل (JCPOA) الذي يفرض قيوداً على برنامجها النووى. الرقابة الدولية التي تفتش المنشآت النووية. الضغوط الدولية التي تمنع التطوير النووي.
وانا قلت ليك :
Quote: حبيبنا محمد ادم كلامك صحيح لمن يكون موقعك الاسترتيجي ليس كموقع ايران ايران يا سيدي متغلغلة حتى في امريكا نفسها من الناحية الاثنية مرورا بدول الشرق الاوسط والاقصى بجانب وقوع سواحل الخليج والمحيط الهندي ختى سري لانكا مرورا ببي باكستان والهند تحت ظل قوتها العسكرية باشارة من اصبعها تتقطع سبل التجارة العالمية شرقا وغربا، شمالا وجنوبا. عشان كده امريكا واسرائيل وكل حلفائهما لم يستطيعوا استمالة اوروبا وروسيا والصين لفرض قيود على ايران لهذا استطاعت طرد البرادعي ومجموعته ولم تسمح لهم بمراقبة نشاطها النووي وبس.
يعني اي حركة كده ولا كده من امريكا او اسرائيل ايران ح تعمل كده:
Quote: معظم ابار النفط الخليجية واكبرها انتاجا تقع في الطرف الشرقي للجزيرة العربية او فلتقل انها تقع على الساحل الغربي للخليج هذه الابار تقع تحت مرمى الاسلحة الصغيرة والمتوسطة الايرانية وده ببساطة بيعني ايران ممكن تدمرها تدميرا تاما مما يعني ان 18مليون برميل يوميا العجز ده امريكا ما ح تقدر تعوضه باي حالدول منتجة هي روسيا وفنزويلا وايران، والصين بمستوى اقل لأنها دولة مستهلكة للطاقة بصورة كبيرة الدول خارج مظلة اوبك غير مؤثرة ده ح يخلي معظم دول العالم بما فيها اوروبا ستكون تحت رحمة العملاق الروسي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال المنصوري
Biraima M Adam
أبوبكر عباس
Awad Omer
Hassan Farah
كمال عباس
Mohamed Adam
فيس بوك
تويتر
انستقرام
يوتيوب
بنتيريست