يلا يا قبة ورينا قصة الاغنية دي شنو بالله في جيل صاعد ما عارف حاجة عن اساطين ام درمان ونحن في المنافي نتحدى الزهايمر وباستدعاء النوستالجيا بعد رحل السر قدور واغاني واغاني وجاتنا القردة تلهو في السوق
03-23-2024, 04:07 AM
adil amin adil amin
تاريخ التسجيل: 08-01-2002
مجموع المشاركات: 39159
Quote: تحياتي أستاذ عادل ذوقك راقي في الأغنيات المختارة والشاب الأخير دا مبهر جدا
حسب أحساسي قبه من الناس المقاطعين للمنبر بسبب مناصري الحرب وعسي أن يكون بخير في ذلك البرد
سلام ابو الزهور ايوه الحرب تخرج اسوا ما في النفس البشرية وقسمت السودان شيعا لكن الزول يتحذ موقف واعي ومهما كان الموقف ده بحدث الفرق نحن محتاجين للوحدة الوجدانية في البورد ده علي الاقل شوف الاية دي في القران مجرد رجلين من قوم موسى تنخذو موقف وخلدهم القران رغم ان قوم موسي فيهم الاعيان والكبار والمستكبرين والاثرياء والمثقفبن ﴿قَالَ رَجُلَانِ مِنَ ٱلَّذِینَ یَخَافُونَ أَنۡعَمَ ٱللَّهُ عَلَیۡهِمَا ٱدۡخُلُوا۟ عَلَیۡهِمُ ٱلۡبَابَ فَإِذَا دَخَلۡتُمُوهُ فَإِنَّكُمۡ غَـٰلِبُونَۚ وَعَلَى ٱللَّهِ فَتَوَكَّلُوۤا۟ إِن كُنتُم مُّؤۡمِنِینَ﴾ [المائدة ٢٣]
قبة اتخذل في الناس الراهن عليهم للاسف في التغير وضاع السودان ما بين زمننا مستنيه وزمنا جرعني اسية والناس ما عايزة تقعد في الواطا وتلعب الكورو ارض الزول ده ارباب كان بتفاقدني طوالي في البورد
03-23-2024, 04:19 AM
adil amin adil amin
تاريخ التسجيل: 08-01-2002
مجموع المشاركات: 39159
حياك الله السر فعلا كان مع العشاق، نجمو شارق وعندي، مساجلات ده معاه في، البورد، ظريفة بكل، اسلحة الدمار الشامل، في رمضان وغير رمضان لكن الزمن ابا يوقف شوية ويهدينا، لحظات هنية ونرجع الوطن وبقي، معانا هذا الوطن الاسفيري، بس، نتفاقد، بعض فيه
03-27-2024, 04:49 AM
adil amin adil amin
تاريخ التسجيل: 08-01-2002
مجموع المشاركات: 39159
معقولة بس قبة يغيب عن المشهد هنا وما نعرف.... كيف هسة مع ناس تقدم ولي، ابو هاشم. https://youtu.be/rT4Qhu0rWc4؟si=xRRVqHhiCaQ1-TkZhttps://youtu.be/rT4Qhu0rWc4؟si=xRRVqHhiCaQ1-TkZhttp://https://youtu.be/rT4Qhu0rWc4؟si=xRRVqHhiCaQ1-TkZhttp://https://youtu.be/rT4Qhu0rWc4؟si=xRRVqHhiCaQ1-TkZ
06-02-2024, 05:11 AM
خضر الطيب خضر الطيب
تاريخ التسجيل: 06-24-2004
مجموع المشاركات: 6391
والله قبة ده ركن اساسي في، البورد، ده، وفي، معركة النفس، الطويل ضد الجنجويد بريمة واحسن منك، يا براعم مايو والعلم القبيح كان بتفاقدني،.... وبدور، بيه ريد، ساكت لكن المرة دي الزوووول ده ما براه قلنا ليه تعال نركب ليك مكنة حركة شعبية وبركة ختمية.... والانتخابات، والفانوس حرق القطية ترجع ام درمان من غير، ج. رذان والشارلستون.... الترفيرا، والقميص، التحرمني، منك وسينما العرضة،،، وعوضية سمك واستاد، هلال، ده كلو برجع ...باسس حديثة الحرب الشينة دي، مجرد، كابوس، وزبد، واعراض، التحرر، من مرض، السودان القديم بنقلع بكره شكرا لدعم البوست ما قادرت انزل الاغنية لانه تلفوني، اتحوووث... بقى، ما قادر ينزل ايقونة الامبد والتضمين ما عارف ليه والشغل من التلفون مزعج اغاني عثمان مصطفي تذكرني معرض. ابو جنزير كنا بنجي، من البركس نزور المعرض ونسمعا ترجرج في، الجو وتاني ايضا اغنيات صلاح، مصطفي، وفي اغاني ارتبطت لينا، بالسينمات ايضا قبل يبدا، للفلم اهو شايف عمك #################### بتاع سينمات وتحمد ربك، ما لاقيتني ايام جاهلتي، الاولى. يا بطة 😍🦆
06-02-2024, 01:03 PM
خضر الطيب خضر الطيب
تاريخ التسجيل: 06-24-2004
مجموع المشاركات: 6391
Quote: وتحمد ربك، ما لاقيتني ايام جاهلتي، الاولى. يا بطة 😍🦆
كويس اني لا قيتك في جاهليتك الأخيرة دي العن من غيرا 😁 و قلت عوضية سمك هذه السيدة لها التحية و التقدير و اتمنى ان تكون بخير لكن نسيت عمنا المرحوم السُكي و ترنتي انت الظاهر عليك من خدم بحري 😁😁
والزمن كان مبتسم والليالي جميلة حالمة كانت الايام بتمضي حلوة ريانة و مسالمة لا شكينا من الزمن لا التقينا بلحظة ظالمة و بي هنانا الدنيا كانت يا حبيب العمر عالمة
ومشي امرك يا بطة 😁
تحياتي
06-03-2024, 03:56 AM
adil amin adil amin
تاريخ التسجيل: 08-01-2002
مجموع المشاركات: 39159
مشي امرك يا قدر كويس سوووق البوست كده وجيب اغاني تناسب ذوق قبة لحدي ما يظهر ويبان بكون لابت ليه بي راي هو كان زييك من جماعة شكرا حمدوووك🐿️وخرفان انيمال فارم القحاتة 🐑🐑🐑 والقصة جابت ليه الصمرقع ...وبقت عليه قصة ربيع الدنيا لا قدرت اقرب، من ضراك ولا قدرت لفراقك. اصل اصلو كبسولة الختمية والحركة الشعبية. علاج مر ما بنبلع. لبعاعيت مايو 💊💊💊🍼 بالله زيدان والعييان شديد، اسحاق الحلنقي بنتاسف على الروح من الايام ونتحسر طبعا دي قصتا غير كان حيين بنتلاقى واحذر، تجي بلدين ماليزيا النقر راجيك بي غادي، وصنعاء جقود في، كهف برهوت كاكي في الدوحة بس.🍼😋.....
06-15-2024, 03:17 AM
adil amin adil amin
تاريخ التسجيل: 08-01-2002
مجموع المشاركات: 39159
قبة يا الحرموني منك وانا السايل دوام عنك حسن عطية. نحن راجعين في، المغيرب اريتك شفت بغنوها الاقباط كيف في الواتس ما قدرت انزلا هنا والله اقباط، السودان سوو البدع والله يرحم صفوت فانوس 😭😭😭😭 تعال لينا في، كاودا ما مشكلة. تبقي حركة شعبية من غير مكنة ختمية احسن ليك من لبظ قحت وتقدم 🚀🚀🚀🚀🚀🚀🚀
08-07-2024, 03:49 PM
adil amin adil amin
تاريخ التسجيل: 08-01-2002
مجموع المشاركات: 39159
والنسى قديمو تاه زي، شعب، الله المحتار الان " السودانيين" عاش ابوهاشم والحركة الشعبية في، كاودا 💚💛💙 وعاش علي، محمود، حسنين في حلفا القديمة = كوش الجديدة بالله واحد ينزل لي، قبةده نحن راجعين في، المغيرب، شرط يغنيها ولي المجنون مش، حمد، ااريح طيب الله ثراه تلفوني ما برفع يوتيوب
09-26-2024, 04:44 AM
adil amin adil amin
تاريخ التسجيل: 08-01-2002
مجموع المشاركات: 39159
يا حليل قبة والسر قدور والنيل، الازرق، واغاني، اغاني مسخ علينا قبة البوردً والسر قدور الفضائيات والدنيا من زمن بعيد زي ساقية فينا مدورة لماذا لم يفتقد احد، برنامج اغاني، واغاني في، رمضان ده الفن والرياضة وحدت كل السودانيين السياسة والساسة والخساسة. فرتقت كل، السودان كل من هب ودب عايز، يقعد في راس، الشعب، السوداني، ويرفس، حاصل فارغ والنتيجة. قدامكم كل واحد مركب شريحة من بلد، ويورجغ في فضائية لا جابتو انتخابات ولا مشورة شعبية الله يرحم الامبراطور السر قدور حبيب كل السودان والسودانين ومفخرة الدامر الاعلامي الحر، الواعي، المتخصص ومجود عملو 😍
05-08-2025, 05:41 AM
adil amin adil amin
تاريخ التسجيل: 08-01-2002
مجموع المشاركات: 39159
يا حليلك يا قبة والله كثر، المتسكعين وقل، المتحاوريين وقريبا البورد، والسودان ما بفضل فيه غير الكداييس الاستعلاء الغربي بنظرية. عبء الرجل، الابيض المزيفة والاستعلاء العربي الاجوف اهان الافريقيين... والاستعلاء المصري الاخرق اهان السودانيين وحرم العالم من معرفة اصلهم وفصلهم حتى الان والهرطقة خارج المؤسسات الاكاديمية.... اضعفت السودان كقوة حضارية كبرى عبر العصور المصارعة التي قيل انها رومانية... هي، كوشية وموجودة الى الان في جبال، النوبة السودان...... هنا بدات الحضارة عادل الامين كاتب وباحث سوداني مستقل
05-08-2025, 05:46 AM
adil amin adil amin
تاريخ التسجيل: 08-01-2002
مجموع المشاركات: 39159
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
زهير ابو الزهراء
السر عبدالله
خضر الطيب
فيس بوك
تويتر
انستقرام
يوتيوب
بنتيريست