|
|
|
 Re: مسيرات الأشاوس .. تضرب مرتزقة أوكرانين .. د� (Re: Biraima M Adam)
|
🤣🤣🤣🤣
بريمة انت فاطر ولا شنو ؟
ياخ ارحم نفسك شوية . ( ولا عاوز تحلل قريشاتك ) 😁
مسيرات شنو وبطيخ شنو . ووين كمان ! في قلعة الصمود كرري .!!
والله ي عمك كرري دي لو جبتوا " حصان طروادة " مابتشموها .
بعدين تعال ياخ . انا بعاين ليكم ساي " انت وبقيه العقد الفريد " . شابكننا مسيرات ، وعده جديدة ،وطائرات شبح ، وووو . 😁
ماعندكم حاملة طائرات ؟ 🤣
غايتو انا مابعرف . لاشائف مسيرات ، ولاغيرو . حتي مسيرات الجيش ماقاعدين نشوفها ." يمكن تكون شغالة بعيد مننا " والله اعلم . السماء عندنا في امدرمان صافيه ( في شوية غيوم كده والجو بارد شوية ) . ورمضان السنة دي عندنا جميل جدا ، ممزوج بفرحه الانتصارات ، وسحق المرتزقة ، وقرب عودة الناس لبيوتها ، ونهاية هذا الفلم 😁
الخلاصة :
جيب كلام يخش العقل فانت مهندس كبير ، وحاضر علي الدوام في كل المحافل والساحات ، ولديك معجبين .😁. فشنو . ماتحرق ورقك ،،،
تحري . تحري . دقة الاخبار . وماتمشي تخم ساي من الكوش .،،،
| |
 
|
|
|
|
|
|
|
 Re: مسيرات الأشاوس .. تضرب مرتزقة أوكرانين .. د� (Re: Hasheem Karouri)
|
ول أبا هاشم كاروري
سلام
| Quote: تحري . تحري . دقة الاخبار . وماتمشي تخم ساي من الكوش .،،، |
خلينى نثبت ليك المسيرات عملت لي ناسكم شنو ... في بابنوسة، جنابو صالح الفوتي، ضرب بنفسه تنكرات المياه التى تنقل الماء للفرقة 22 بابنوسة التى نسيتموها تب كأن الذين محاصرون فيها ليس جيش يتبع للجيش السودانى. المسيرة جات طاخ لما الموية سالت من التانكر .. ثانى خبر، القائد أحمد قجة وصل القضارف ككيف؟ الأشاوس ردموكم مسيرات في الفاو وجيشكم هرب .. الثالث، أركب ليك رقشة وأمشي القيادة العامة الجانب الشمال تجاه النيل الأزرق .. الأشاوس رجموا الفلول في الحراسة هناك و جروا خلوا المكان بدون حراسة ..
أنت من رجعت للمنبر، أنا عرفت أن الأمر سخن معاكم ..
قوات الشيخ موسي هلال .. قوات الصحوة داخل مدرعات الشجرة .. لقيتم شغلهم ككيف؟
رمضان ح يبقي نار منقد عليكم ..
بريمة
| |
|
|
|
|
|
|
|
|
Re: مسيرات الأشاوس .. تضرب مرتزقة أوكرانين .. د� (Re: Biraima M Adam)
|
| Quote: أنت من رجعت للمنبر، أنا عرفت أن الأمر سخن معاكم .. |
بالله مش عيب عليك تقول لي كده ؟
بدل ماتقول لي حمدالله علي السلامة ، وبركة الشفناك طيب .
علي اي حال انا غيابي كان بسبب انقطاع الاتصال ، ووضحت ذلك في احد البوستات . ناسك ناس الجاهزية ، مصرين يخلوا عاصمتنا الخرطوم ، مظلمة بدون ضوء ، ولا شعاع ، ولا اتصال . ولا اي شئ . لكن .
طالما نحن حيين ، حنصلح ، ونعمر ، كل ماتم تدميره . حتي الغرب . ماشين عليه نصلح ونعمر . وانتو موتوا بغيظكم . 😀
| |
|
|
|
|
|
|
|
|
|
Re: مسيرات الأشاوس .. تضرب مرتزقة أوكرانين .. د� (Re: Hasheem Karouri)
|
اوعك تكون مسكت ضنب الككو يا ول ابا بريمة وتكون صور الاوكرانيين من
اوكرانيا والمسيرات الروسية هي الضربتهم داخل مكاتبهم ...لأننا شايفين
الداخل المكتب كلهم اوكرانيين وما فيهم واحد سودانى ...
وسؤال أخير يا ول ابا بريمة : هل أنت موافق على الاتفاق الذي ربما سيتم توقيعه
في القاهرة لإيقاف الحرب بين الجيش والدعم السريع ؟ اظنك سمعت بهذا الاتفاق
على الرغم من البعض بيقول انه دى اشاعة ....
| |
|
|
|
|
|
|
| |
Biraima M Adam
Hasheem Karouri
جمال المنصوري
السر عبدالله
فيس بوك
تويتر
انستقرام
يوتيوب
بنتيريست