|
|
|
 Re: دق الحلل في تحرير الاداغة (Re: جلالدونا)
|
في كل حروب الدنيا يعرف ما يسمّى ببنك الاهداف
هذه الاهداف تحدد و يتم تقييمها حسب اهميتها
فما هي اهمية الاذاعة في قائمة بنك اهداف جيش الكوز؟
صفر كبير طالما الاذاعة و التلفزيون شغالين من منطقة اخرى
نمسك بنك اهداف الجنجويد
هل امدرمان كلها اصبحت ذات اهمية للجنجويدي
بعد ان تغيّرت قواعد حرب الطيران من الطيران الحربي الذي تم اسقاط معظمه الى المسيرات
و هل تمثل العاصمة كلها هدفا للجنجويدي بعد ان حولها الى ارض يباب
واضح تماما انسحاب الجنجويدي من الاذاعة
ف لى شنو دق الحلل
| |
 
|
|
|
|
|
|
|
|
Re: دق الحلل في تحرير الاداغة (Re: بدر الدين الأمير)
|
| Quote: فما هي اهمية الاذاعة في قائمة بنك اهداف جيش الكوز؟ |
جلال
كل عام وانت بخير
اهمية الاذاعة ليس في انها (هنا ام درمان اذاعة جمهورية السودان)
ثلاثي اضواء المسرح (الاذاعةن قصر الشباب، ومجلس الشعب)
صرة البرتقال ابو صرة (سلاح المهندسين، السلاح الطبي، كبري الخرطوم ام درمان)
يعني مركز قيادة يطل على الطرق الرئيسية التي تؤدي الى القيادة العامة، القصر الجمهوري المدرعات)
الجنجويد لم ينسحب ولم يفكر في الانسحاب نهائيا، وده ظاهر في تصريحات الناطقين الرسميين باسم الدعم السريع
عمران: المؤتمر الوطني والفلول غدروا بنا (هدنة)
الربيع: الدعم السريع كان منسحب.
هل هي هدنة ام انسحاب
في حاجات كده بتتحسى احساس ما بتتفهم
لكن على كل حال
هنا ام درمان اذاعة جمهورية السودان
ام المعارك لأن ذروة التحدي بين الجنجويد والجيش كانت هنا ام درمان
| |
|
|
|
|
|
|
|
|
|
Re: دق الحلل في تحرير الاداغة (Re: جمال المنصوري)
|
سلام جلالدونا وينك يا ريس
الهدنة لم يتفق عليها الطرفان لأنه الجيش كان يعلم أن الدعم السريع أنهك تماماً
لذا وضع الجيش شروط تعجيزية للهدنة منها انسحاب الدعم من كل المدن التي احتلاها ولم يوافق الدعم
الدعم بسبب غياب الأهداف الواضحة له للحرب وما بعدها ولجهل قياداته انشر في كل المدن
وكان عليه التركيز على العاصمة محل الرئيس بنوم والطيارة بتقوم
أي تغيير للسلطة كان بيتم في الخرطوم مش في الولايات ولكن غلطة الشاطر بمية وغلطة البليد بألف
الجيش عنده أركان حرب على عكس الدعم وكان تخطيطه استراتيجي وما منع من الجسم السريع إلا فساد قيادته وتشبثها بالسلطة
السرقة والنهب المارسوه ناس الدعم السريع وترويعهم للمواطنين خلى الناس يتسلحوا ضده ويجبروا الجيش على النزول للمواجهة في الشوارع
الجيش عمل توازن في التسليح من ايران ومن السوق الاسود للسلاح بدعومات مالية خفية
الخلاصة الجيش اجبر على المواجهة مع دعم منهك وبلا قضية ومكروه من الشعب المسروق والمهجر
إني أرى نهاية مأساوية للدعم السريع تلوح في الأفق
| |
|
|
|
|
|
|
|
|
|
Re: دق الحلل في تحرير الاداغة (Re: Hafiz Bashir)
|
سلام اخونا جلال
الاذاعة. " يمكن. عندها نفسي ووجداني لدا الناس - كتاريخ وتوثيق. وأرشيف
ولكن من الناحية الوظيفية. - الاذاعة والتلفزيون. كمبني واستديو في العقود الاخيرة - اصبحت قليلية القيمة التأثير وخصوصا في عهد النت والخدمات الفضائية - لان البث وهو الوظيفة الأساسية يمكن ان يتم من اي مكان
ومن ناحية اخري فان تضخيم تاثير استعادة هذه المباني. الان
كان يقابله تضخيم. من الجنجويد لاحتلالها والبقاء. فيها بصورة بدأ فيها احتلال بوزاي ويستوي احتلال القصر الجمهوري ومجلس الوزراء
لذا. ممكن يقال الجنجويدي. الذي يقلل من شأن استعادتها انو you can’t have it both ways
تضخيم حينما كانت عندك وتبخيس حينما أضحت عند غيرك
اما غير الجنجنويد فيمكن الحوار معهم في جدوي هذه الخطوة وثمارها وفي نقد التضخيم والمبالغة في الاحتفاء با استعادتها
| |
|
|
|
|
|
|
|
|
|
Re: دق الحلل في تحرير الاداغة (Re: كمال عباس)
|
| Quote: امرلا يساوي قشرة بصلة |
ما في مبرر للمبالغة اللاموضوعية في التقليل من أهمية الإذاعة غير الحزن.
قطاع كبير من الشعب السوداني فرح واحتفل بتحرير الاذاعة من قبضة الجنجويد،
لماذا يحزن القحاتة لما يفرح به الشعب السوداني؟
ولماذا يبذل القحاتة كل هذه الجهود والمبالغات في التقليل من سبب هذه الفرحة التي فرحها السودانيين؟
من أين أتى هؤلاء؟
قال اداغة قال.
| |
|
|
|
|
|
|
|
|
|
Re: دق الحلل في تحرير الاداغة (Re: Hafiz Bashir)
|
اخونا حافظ بشير صدق ان جيش الفلول حرر مبنى الاذاعة والتلفزيون عن طريق القوة وهذا كذب لان قوات الدعم السريع انسحبت استجابة للهدنة التي اعلنها مجلس الامن يوم الجمعة الماضي
تحياتي
جلة ورمضان كريم
| |
|
|
|
|
|
|
|
|
|
Re: دق الحلل في تحرير الاداغة (Re: صديق مهدى على)
|
Quote: اخونا حافظ بشير صدق ان جيش الفلول حرر مبنى الاذاعة والتلفزيون عن طريق القوة وهذا كذب لان قوات الدعم السريع انسحبت استجابة للهدنة التي اعلنها مجلس الامن يوم الجمعة الماضي
تحياتي
جلة ورمضان كريم |
صديق يا جماعة بقى جنجويدي
هدنة شنو دي؟
من طرف واحد ولا شنو؟
يا باشا القائد العام ونوابه قالوا مافي اي هدنة ولا تفاوض مع الجنجويد
يا صديق الدعم السريع في طريقه الى جهنم باسرع مما تتصور
| |
|
|
|
|
|
|
|
|
|
Re: دق الحلل في تحرير الاداغة (Re: جمال المنصوري)
|
| Quote: لان قوات الدعم السريع انسحبت استجابة للهدنة |
طبعاً يا صديق مهدي إنت عارفني ما قاعد ارد على التعليقات الزي تعليقك دا،
لكن بما إنو الدنيا رمضان وتكثر الصدقات في رمضان للفقراء والمساكين وبما أنك مستحق للصدقة، فأنا حأرد عليك من باب الصدقة.
يا صديق كلمة هدنة وانسحبت ما ممكن يتلمن في جملة واحدة طالعة من راس زول عاقل.
| |
|
|
|
|
|
|
|
|
|
Re: دق الحلل في تحرير الاداغة (Re: حيدر حسن ميرغني)
|
حيدر يا متجونجد
كلم اصحابك القحاتة يحسبوها كويس،
الترويج ونشر الاخبار عن على كرتي وكتائب البراء بأنهم وراء تحرير الإذاعة له تأثيرين
1. يقلل من قيمة تحرير الإذاعة وإنتصارات الجيش بصورة عامة لدى الشعب السوداني.
2. يرفع اسهم علي كرتي وكتائب البراء لدى الشعب السوداني.
احسبوها كويس عشان ما تخسروا قواعدكم الشعبية.
| |
|
|
|
|
|
|
|
|
|
Re: دق الحلل في تحرير الاداغة (Re: منتصر عبد الباسط)
|
Quote: كيف انك ورمضان كريم
ياسيدى جنجويد الكيزان انسحبو فوق رأي
وكتايب الكيزان ماكدبوش خبر ودقو الحلل |
هلا ود الامير و تصوم و تفطر غلى خيز
واحدة من الاحتمالات انو الاتنين متفقين على الشغل ده
مش الجنجويدي قال للبرهان بالطريقة دي البلد ح تتفرتك
البرهان قال ليهو خليها تتفرتك بتجينا راجعة
يديك العافية
| |
|
|
|
|
|
|
|
|
|
Re: دق الحلل في تحرير الاداغة (Re: adil amin)
|
Quote: جلال
كل عام وانت بخير
اهمية الاذاعة ليس في انها (هنا ام درمان اذاعة جمهورية السودان)
ثلاثي اضواء المسرح (الاذاعةن قصر الشباب، ومجلس الشعب)
صرة البرتقال ابو صرة (سلاح المهندسين، السلاح الطبي، كبري الخرطوم ام درمان)
يعني مركز قيادة يطل على الطرق الرئيسية التي تؤدي الى القيادة العامة، القصر الجمهوري المدرعات)
الجنجويد لم ينسحب ولم يفكر في الانسحاب نهائيا، وده ظاهر في تصريحات الناطقين الرسميين باسم الدعم السريع
عمران: المؤتمر الوطني والفلول غدروا بنا (هدنة)
الربيع: الدعم السريع كان منسحب.
هل هي هدنة ام انسحاب
في حاجات كده بتتحسى احساس ما بتتفهم
لكن على كل حال
هنا ام درمان اذاعة جمهورية السودان
ام المعارك لأن ذروة التحدي بين الجنجويد والجيش كانت هنا ام درمان |
مرحب استاذنا المنصوري و عساك من عوّادو
نعم الاذاعة من ضمن الاهداف و لكن ليس لها الاولوية و طال ما جات سيرة الحاجات الما بتتفهم بين كوز الجيش و كوز الجنجويد فهمت حاجة واحدة بس
مثلما هبشوا الجنجويدي في بداية الحرب عادوا و هبشوهو في الاذاعة
و حيث انهم لم يجدوا اسرى فذلك يعني انه تم اخلاءها بالمأسورين كمان ودخلت كتائب البراء تقدل و في اول فيديوهاتها اهداء الانتصار للانصرافي و ليس لقائد الجيش
و ده بيؤكد عبثية تحرير الاذاعة
وعادت امدرمان لاجواء الحرب من جديد و فر الخفاف و تم اسر الثقال و كأنك يا زيد ما غزيت
| |
|
|
|
|
|
|
|
|
|
Re: دق الحلل في تحرير الاداغة (Re: جلالدونا)
|
Quote: و حيث انهم لم يجدوا اسرى فذلك يعني انه تم اخلاءها بالمأسورين كمان ودخلت كتائب البراء تقدل و في اول فيديوهاتها اهداء الانتصار للانصرافي و ليس لقائد الجيش
و ده بيؤكد عبثية تحرير الاذاعة |
حبيبنا جلال
تحياتي مرة اخرى
لا يا جلال الاسرى تم تحريرهم بواسطة القوات الخاصة قبل ايام من اقتحام الاذاعة بس عشان حالتهم:
بعض النساء والفتيات حوامل نتيجة الاغتصاب
البعض تم حقنه بمخدر الايس واصبح مدمنا
البعض حالته الصحية لا تسمح بتصويره
راجع الفيديوهات في الاسبوع السابق للاقتحام
| |
|
|
|
|
|
|
|
|
|
Re: دق الحلل في تحرير الاداغة (Re: جمال المنصوري)
|
ما تستعجلوا .. الأهداف تغيرت .. الأن الإعداد يجري علي قدم وساق لدك حصون الفلول في وادي سيدهم وكرري. ديك المخاضة التى تبين "الكوكة"!
أنتظروا بس
---------------
جلالدونا رمضان كريم
بريمة
| |
|
|
|
|
|
|
|
|
Re: دق الحلل في تحرير الاداغة (Re: Biraima M Adam)
|
| Quote: ما تستعجلوا .. الأهداف تغيرت .. الأن الإعداد يجري علي قدم وساق لدك حصون الفلول في وادي سيدهم وكرري. ديك المخاضة التى تبين "الكوكة"! |
يا بريمة
نحن صبرنا 11 شهر غالبنا نصبر تاني كم سنة؟
باشا
انت بتحلم
قسم بالله لو الممول ذات نفسه دخل الحرب دي مباشرة ح يخسرها
باشا صواريخ فرط صوتية بعيدة المدى موجودة
طائرات مسيرة تستطيع الوصول لمسافات 6500 كيلومتر موجودة
كدي شوف تتخارج من الجزيرة كيف؟
| |
|
|
|
|
|
|
|
|
|
Re: دق الحلل في تحرير الاداغة (Re: جمال المنصوري)
|
Quote: سلام جلالدونا وينك يا ريس
الهدنة لم يتفق عليها الطرفان لأنه الجيش كان يعلم أن الدعم السريع أنهك تماماً
لذا وضع الجيش شروط تعجيزية للهدنة منها انسحاب الدعم من كل المدن التي احتلاها ولم يوافق الدعم
الدعم بسبب غياب الأهداف الواضحة له للحرب وما بعدها ولجهل قياداته انشر في كل المدن
وكان عليه التركيز على العاصمة محل الرئيس بنوم والطيارة بتقوم
أي تغيير للسلطة كان بيتم في الخرطوم مش في الولايات ولكن غلطة الشاطر بمية وغلطة البليد بألف
الجيش عنده أركان حرب على عكس الدعم وكان تخطيطه استراتيجي وما منع من الجسم السريع إلا فساد قيادته وتشبثها بالسلطة
السرقة والنهب المارسوه ناس الدعم السريع وترويعهم للمواطنين خلى الناس يتسلحوا ضده ويجبروا الجيش على النزول للمواجهة في الشوارع
الجيش عمل توازن في التسليح من ايران ومن السوق الاسود للسلاح بدعومات مالية خفية
الخلاصة الجيش اجبر على المواجهة مع دعم منهك وبلا قضية ومكروه من الشعب المسروق والمهجر
إني أرى نهاية مأساوية للدعم السريع تلوح في الأفق |
مرحب اخونا عبد الغني ورمضان كريم
خلينا اول حاجة نفرّق بين شروط الهدنة و شروط الاستسلام
ما اشترطه الجيش هو شروط استسلام و مع ذلك لم يعلق الجنجويدي بغيرالتزامه بالهدنة
في بيان لهم ان الانسحاب من الاذاعة تم باتفاق بينهما عبر ضباطا ارتباط بين الطرفين… جيش جنجويد
و كان الانسحاب سيتم بهدوء لولا دخول مليشيا البراء على المشهد لصناعة نصر زائف
نعم لا أحد ينكر جرائم و موبقات الجنجا لكن هل الكوز و جيشه بريء من هذه الافعال
مجرد اعلان الجنجويدي الانسحاب من الاذاعة ده بيقول انها هدف لا قيمة له
ثم الجيش ده لماذا رفع حاويات كبري حنتوب و انسحب من مدني و تزكها للجنجا دون أي مقاومة
كما فعل في كثير من المدن و اشهرها انسحاب الجيش الى دولة مجاورة
الطرفين ماب يتشكّروا ياخ و لا يستحقون الاحترام
نسأل الله ان يضرب الظالمين بالظالمين
| |
|
|
|
|
|
|
|
|
|
Re: دق الحلل في تحرير الاداغة (Re: جلالدونا)
|
Quote: العزيز جلالدونا
تحياتي وانشالله من معتوقي النار يا صديقي في هذا الكريم
وينك غياب مستمر
عساك تكون بخير |
هلا زهير و جمعا ان شاء الله
جري و شغل والله ... الحرب دي ختتنا في حتة ضيقة والله
اللهم اهلك طرفيها و عجل بالنصر و الفرج للشعب المكلوم
| |
|
|
|
|
|
|
|
|
|
Re: دق الحلل في تحرير الاداغة (Re: جلالدونا)
|
Quote: تحرير الإذاعة دا أكل مع القحاطة جنبة
وحات الله زعلانين أكتر من الجنجويد ذاتم. |
هسي عليك مولنتك مقدودة الذمة دي
انت جادي في استعمالك لي كلمة تحرير
مولنة موليتة بس
قال زعلانين قال
| |
|
|
|
|
|
|
| |
جلالدونا
بدر الدين الأمير
جمال المنصوري
زهير ابو الزهراء
Hafiz Bashir
كمال عباس
صديق مهدى على
معاوية المدير
حيدر حسن ميرغني
منتصر عبد الباسط
adil amin
Biraima M Adam
فيس بوك
تويتر
انستقرام
يوتيوب
بنتيريست