|
|
|
 Re: ما معني كلمة جغم او انجغم ومن اين جاءت الك (Re: محمد نور عودو)
|
سلام اخ محمد نور و رمضان كريم.
الكلمة دى في العامية السودانية و عندنا في دارفور مستخدمة برضو.
لو تتذكر المرفعين لما يهاجم حمار اثناء المطاردة بجغم الورك. او الكلمة دى بتستخدم في هذا الاطار.
فى المعنى العام كدا "اللقمة الكبيرة".
ممكن تقول الزول ده قرم حته صغيرة من الفاكهة الفلانية و ممكن تقول الجمل جغم البطيخ في المزرعة.
| |
 
|
|
|
|
|
|
|
|
Re: ما معني كلمة جغم او انجغم ومن اين جاءت الك (Re: محمد نور عودو)
|
احتمال انا لخبطت الكلمتين و ربما مترادفات بعض. نحن بلغة العجم نقول كجم و ناس دار صباح و اهل بريمة بقولو بقولو جغم.
المهم فهمى للاستخدام الحديث للكلمة في هذه الحرب, هو امعان في القساوة تجاه الطرف الاخر يعنى كأنهم مرافعين بياكلو (بجغمو) في الضحية كدا لمن يموت. ما زى الاسود البكتلو الضحية اولا قبل اكله.
| |
|
|
|
|
|
|
|
|
|
Re: ما معني كلمة جغم او انجغم ومن اين جاءت الك (Re: محمد نور عودو)
|
السلام عليكم الأعزاء محمد ومحجوب وكل عام
وأنتم وأحبابكم بخير وصحة وأمن وأمان وسلام
كلمة جغم بضم حرفي الجيم والغين وتقرأ - جوقوم
معروفة ومتداولة عندنا حتي الآن في اللغة النوبية
بلهجة أهل دنقلا - ولها أكتر من معني في الأكل والشرب
مثل الأكل أو الشرب بسرعة وإستعجال وكدلك صدور
الصوت عند الأكل والشرب والله أعلم
ويا ريت نسمع إفادة من أستاذنا علي عبد الوهاب ومن
أهل لغة أنداندي.
شرحنا من قبل كلمة كرب والمتداولة كذلك مع هذه الخرب
العبثية - فنطلق كلمة كراب (بفتح كل الحروف ) في الجزء
الأخير من نسيج العنقريب (آنقرين كراب) وهي عملية شد حبال
العنقريب من هذا الجزء كلما الحبال تراخت او تقطعت بكترة
الإستعمال. والله أعلم
| |
|
|
|
|
|
|
|
|
|
Re: ما معني كلمة جغم او انجغم ومن اين جاءت الك (Re: محمد نور عودو)
|
Quote: معروفة ومتداولة عندنا حتي الآن في اللغة النوبية
بلهجة أهل دنقلا - ولها أكتر من معني في الأكل والشرب
مثل الأكل أو الشرب بسرعة وإستعجال وكدلك صدور
الصوت عند الأكل والشرب والله أعلم |
إضافة بسيطة هنا أن المقصود بالأكل والشرب في
هذا المفام هوالحيوان وليس الإنسان ولكن يمكن تشبيه
من يأكا ويشرب بهذه الطريقة بالبهائم والعياذ بالله
| |
|
|
|
|
|
|
|
|
|
Re: ما معني كلمة جغم او انجغم ومن اين جاءت الك (Re: محمد محمد قاضي)
|
أول من استخدمها إصطلاحا لتعني تم (الجام الخصم واسكاته) 👉لا يعني ان اقنعه بالحجة والدليل والحجة
بل بالارهاب ورفع كرت التكفير (والشيوعية ) حيث الاخيرة تم شحنها وتفخيخها لتعطي تقريبا نفس المعني
كوادر تنظميات الاتجاه الاسلامي الذي لا يهتم كتير بالسياسة علي راسهم طلاب انصار السنة حيث دخولهم
ميدان اركان النقاش والمناظرات لنشر الدعوة علي حسب اعتقادهم، عدم اهتمامهم بالسياسة
اعتقد اعطاهم التبرير لإدخال واستخدام كمية من المصطلحات ولغة غريبة جدا الي ميدان
نقاشات الطلاب، اركانهم كانها عروض كومدية ( الهيلهوب محمد موسي ) الخ
(إغتصبو )لغة السياسة والدبلوماسية، التنظيم السياسي وكادره هدف مباشر بالنسبة ليهم
نقد بلا وازع او حدود لغة حادة جدا وجلافة وصلف.
لطبيعة انجزاب الغالبية للثرثرة والضحك حتي وان كان علي علي حساب الآخرين( خصوصيتهم،حقوقهم) الخ اركان نقاشهم
يحضرها حشود كبيرة
٠تاخد فرصة للنقاش معاهم تعيب عليهم الحدة والهجوم وتذكرهم بسماحة الدعوة التي يدعون نشرها
يقول ليك نحن هنا لجغمك والجامك (داير دين تعال عندنا حلقة في الجامع) وبكون عندهم واحد منهم في كليتك بكون اداهم اي شي عنك
فتبدا حفلة الشواء
بعض كوادرهم الاتخرجت اخدت فكرة ركن النقاش للاسواق بدل الداعية ابو مكرفون الكان تركيزو علي الدين
علومه وفقهه الخ اصبح ركن للنقاش والنقد والجغم لانو ماف تنظيمات تناقشهم في الاسواق تفرغو تماما للصوفية
وحتي انقسمو بيناتهم ملل وطوائف تجغ بعضها البعض
من اقوالهم، دا صوفي اجغمو ولميت ليك في صوفي جغمتو لمن ريحتو بقت تنشم طير طير
وطبعا كل اغاني الحفلات والقونات مصطلحات ولغة يستخدموها دون استيحاء من أجل الدعوة والجغم
تقع علي عواتقهم جزء كبير من تعكيير وتسميم المناخ السياسي والفكري حيث الاختلاف
اغلبه ( جاغم ومجغوم) والمبدأ الانتصار وان علي حساب الآخر دون الاهتمام بال(consequences) سايكوبات
ظاهرة ظلالها تُلاحظ تقريبا في كل مكان
| |
|
|
|
|
|
|
|
|
|
Re: ما معني كلمة جغم او انجغم ومن اين جاءت الك (Re: حامد عبدالله)
|
https://youtu.be/T0JWrgyvjEk؟si=OfGid61xT0dIEf9Ahttps://youtu.be/T0JWrgyvjEk؟si=OfGid61xT0dIEf9A
https://youtu.be/8bre0AgBQwQ؟si=n0D5YCLHbMNB2EPnhttps://youtu.be/8bre0AgBQwQ؟si=n0D5YCLHbMNB2EPn
https://youtu.be/20U1PYgHxEc؟si=fH7Nhb25LiFnLjhChttps://youtu.be/20U1PYgHxEc؟si=fH7Nhb25LiFnLjhC
https://youtu.be/BVxgRoJDwCM؟si=823OGkX0K8Hm_rcihttps://youtu.be/BVxgRoJDwCM؟si=823OGkX0K8Hm_rci
| |
|
|
|
|
|
|
|
|
|
Re: ما معني كلمة جغم او انجغم ومن اين جاءت الك (Re: Mahjob Abdalla)
|
أظن إستعمال جغم في سياق القتل تخريج جديد للكلمة .. هى أصلاً للشرب .. جغمة اللبن، جغمة الشاي، جغمة السم .. أي تكرعه. والجغم هو الشرب المتقطع.
زمان في مناطقنا ظهرت كلمة "نشفطك" .. الواحد يقول ليك، نشفطك منخر واحدة .. وهى تريقة وتقليل من شأن الذي تقاتله بأنه لا يسوي شيئ.
بريمة
| |
|
|
|
|
|
| |
محمد نور عودو
Mahjob Abdalla
محمد محمد قاضي
حامد عبدالله
Yasir Elsharif
Biraima M Adam
أبوبكر عباس
فيس بوك
تويتر
انستقرام
يوتيوب
بنتيريست