# القندول الفنقل الريكة #

بلغنا من صديقنا للدود / مصطفى هاتريك مايلي نصه:
بعد طول غياب التقيت صديقي ( ود الكِويّس) و هو لمن فاتهم وصفه
مُنظرٌ ( كويس) .بعد التحيات سألته : عامل أيه هناك مع البرد ده ؟؟
جاء ردُّه ، بطيبعة الحال خارج الإطار كعادته : والله مصر يا أخت بلادي
شقيقة دي خايتو عليــها جنس حاجات و فيها دروس عصرو عبر. من زارا
البلهان ، بعد ما عرف أخيرن يلعبا صاح المرة دي ، مع سمهم القدر غداهم ،
و لو إنها يعني جات ورا شديد بعدما حسنا بحَّ وقربنا نقول : حيحات!!
ولكن أهو أن تأتي متأخرن خيرٌ من ألَّا تأتي بتاتن!!

+ ما هو قالو الغصن بتحكو الهبوب و الغُثاء بحركو السيل
الدابَّة الوحيدة اللي لا يَمْشِي عَلَىٰ بَطْنِها وَمِنْهُم ولا تمْشِي عَلَىٰ رِجْلَيْنِ
وَ لا تمْشِي عَلَىٰ أَرْبَعٍ" وإنما تحركها شحنة مشاعر وأحاسيس
كلما يخطف البرق أبصارهم إما خوفاً أو طمعاً.
+ كنا بنقول في شنو؟: أنو بت بمبمة تدثرت بثوب الوقار على غرار
برز الثعلب يوماً في تياب الواعظينا !! وعمت صفا / نتباه و وقفت وقفة
جكسا في مت 06 و تاج السر عباس بتاعت"أوصاف حبيبي و قدلته
فتشجع و أضاف ود الكوٍِّيس...: ليه ياخ نحن بنصر إنه كنبة وراء
دايمن تشيل أربع ةقلت في نفسي أممممك، التَّباخ ضاق سِمُّو!

قاللي: تعرف مشكلة السودان الأساسية هي الراكب الزايد ده
: لا اا لا ياخ وضح أبن أفصح يا ـأخ العرب !!
: يعني الصنع الهايس ده صممها على أساس تلاته ركاب وراء
... شوف المصريين ديل... بشيلوها تلاته... و بكونوا مرتاحين راحة جد...
نحن الكمساري ينبح ناقص زول وراء
و السواق عنده أهم زول الزول الزايد وراء ده (بيعملو بيه شغل كُرُب)
: طيب و ده علاقته شنو بالسودان البلد الواحد ما قد وما سوف يكون؟؟
: ما نحن مصرِّين ياخ يوم ما نتخلص من الراكب الزايد ده
صدقني بنتخلص من مشاكل كتيرة
: غايتو يا ود الكويس أنا قبلت نظريتك دي
أها دحين و أنتو رأيكم شنو؟؟ يا مهدينا و
ود اللمير أوعة واحد فيكم يمد رويسو!!