|
|
|
 Re: رأس الحكمة : الإمارات تسيطر على مساحة 8 دول (Re: حيدر حسن ميرغني)
|
Quote: العسكر يبيعوا كل شيء في سبيل تشبثهم بالسلطة دون الأخذ في الإعتبار أي رأي
كم من إستثمار أجنبي في بلدنا لم نجنِ منه أي فائدة ، كلها ذهبت لجيوب العسكر والفسدة تجار الدين |
حيدروف
ده كلام صحيح لكن محتاج زيادة شوية
كل الذين حكموا السودان منذ الاستقلال وحتى تاريخه فسدة وخايين وبايعين البلد سواء كانوا سياسيين او عسكريين او تجار او .. أو
بل تعدى الامر الى الشعب نفسه..
تعرف يا حيدر
زمان في التمانينات كنت شغال في المريديان وورديتي ليل على طول
الصباح لمن انتهي من الوردية بقطع السكة حديد وبمر بنمرة 3 وبمشي افطر عن بتاع الفول الفي الركن الشرقي المقابل حديقة القرشي
كانت هيئة الحج والعمرة عندهم مكتب في نمرة 3 ، الناس بتقدم فيه للحج والعمرة
مرة جيت ماري متأخر بي هناك
لقيت ليك 3 انفار بتكلموا مع بعض وبصوات مسموع اتنين بينصحوا في التالت، بيقولوا ليه : يازول مشي امورك اكريه)
وهو بيقاوم بيقول ليهم يعني اعمل الحرام عشان امشي الحج)
واحد قال ليه انما الاعمال بالنيات، وربنا عالم بي نيتك)
ده اللي سمعتو وانا ماري واللي انطبع في ذهني
الخلاصة:
انه رجل الدين القاعد جوه الهيئة (بيترشي في سبيل الله
والحاج الماشي يزور الله محتاج يرشي عشان يزور الله
والشيء التالت زيارة الله دايرة واسطة ورشوة
وطبعا ال3 ديل خط احمر عند المهوسين
والناس دايرة البلد ينصلح حالها
وتخلوا من الفاسدين
اذا كان كل الوطن فاسد
| |
 
|
|
|
|
|
|
|
|
Re: رأس الحكمة : الإمارات تسيطر على مساحة 8 دول (Re: عبد الصمد محمد)
|
سلام عبد الصمد
مشكور على الإضاءة الجيدة جدا دي وانا على دراية بذلك كله من واقع معايشتي لوضع مشابه (سريلانكا) التي اعلنت افلاسها العام قبل الماضي بعد فشلها في الوفاء بتسديد الديون
اليوم وفي ظرف اقل من عام نهضت مرة اخرى بمساعدة من برنامج انقاذ من صندوق النقد الدولي لم يتجاوز 3 مليارات دولار تسدد في مراحل على مدار 48 شهر
إلتزموا ببرنامج الصندوق إلتزام صارم وبدأ الاقتصاد يتعافى تدريجيا بدرجة كبيرة
الفرق هنا ان سريلانكا دولة ديمقراطية يخضع فيها كل شيء لمداولات في البرلمان على عكس مصر التي يحكمها العسكر
كم مرة نجدت دول الخليج مصر ؟ اين ذهبت تلك الاموال؟ هنا تكمن المشكلة
| |
|
|
|
|
|
| |
حيدر حسن ميرغني
جمال المنصوري
Yasir Elsharif
فيس بوك
تويتر
انستقرام
يوتيوب
بنتيريست