|
|
|
 Re: انت ضد الكيزان انت ضد جيشهم الجنجويد ولا ا (Re: بدر الدين الأمير)
|
بدرالدين
ساتكلم عن نفسي
سبق وقلت ان الحرب دي بين المؤتمرين (شعبي ووطني) صراع سلطة
انا مع المؤسسة العسكرية التي تضم كل اطياف الاعراق السودانية، ووجودها مهم للحفاظ على كيان الدولة
ولأنها تحت كل الظروف ما بتعمل البيعمله الدعم السريع...
الدعم السريع مليشيا تعرض خدماتها لمن يدفع اكثر سواء كان مشتري الخدمة محلي او اجنبي
دي الصورة الذهنية العندي
بالنسبة للصراع الكيزاني الكيزاني أو الكيزاني ضد قحت
بصراحة لا زم نعترف بانو الكيزان مخترفين وقحط هواة
الكيزان في الحرب دي من الطرفين حافظوا على كوادرهم بعيدا عن الخطر وباتفاق الطرفين
الطرف الثالث في المعادلة دي هو (المقاومة الشعبية المسلحة)
لغاية دلوكت ما عندها قيادة سياسية واعية
بيحاول الاطراف جميعهم احتوائها ولكن(.............................)
| |
 
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: جمال المنصوري)
|
جمال يامنصورى
سرنى انك ابتدر مداخلتك
انك تتحدث عن نفسك
ودى بتذكرنى بمقولة العبقرى الفرنسى
انتول فرانس حين قال :
ان الذى يود التحدث عن لادب لو كان صادقا
بدلا ان يبدا قوله ايها السادة سوف احدثكم اليوم عن
شكسبير وباسكال عليه القول ايها السادة
سوف احدثكم عن نفسى في علاقتها بشكسبير
وبسكال
وانا هنا ياجمال ايضا اتحدث عن نفسى
| |
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: بدر الدين الأمير)
|
الكيزان الان حاصرو انفسهم
في معقلهم ولاية نهر النيل
بل وحفرو الخنادق قبل الاستسلام
لصنيعتهم الجنجويد وبنادو ياجنجويد تعالو لنا
نحن ناس
دخلوها وصقيرا حام ...
اوالاد بلد نقعد ونقوم
على كيفنا....
اقعدو كما قال الحطيئة
وهو يهجو الزربقان ابن بدر
دع المكارم لاترحل لبقيتها وقعد
انك الطاعم الكاسى
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: بدر الدين الأمير)
|
نحن بقيادة المنصوري بالمنبر وبقيادة محمد جلال هاشم ودكتور عبد الله علي ابراهيم خارج المنبر،
صراعنا ضد الجنجويد صراع بقاء نصل فيه درجة حمل السلاح،
وصراعنا ضد رب الجنجويد صراع سياسي.
المشكلة يا بدر، في الحرب دي ما عندك طريقة تقيف موقف محايد؛
نقاتل مع الجيش في خندق واحد للقضاء على مجرمي الحرب الجنجويد
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: أبوبكر عباس)
|
Quote: لن امنح الجنجويد شهادة حسن
سير وسلوك وهم نسخة كيزانية
تمردت على الكيزان ويمكن استئناسها
ام الكوز اسئناسه هو المستحيل يمشى
على ساقين وزي ماقال الطيب صالح من
اين اتى هولاء الناس بل من هم هولاء الناس
انا افتكر ان الطيب صالح اسرف في وصفهم بالناس |
سلامات يا بدرالدين
مداخلاتك هنا كلها تصلح للاقتباس لكن استوقفتني في هذه المداخلة عبارة ان الجنحويد يمكن اسئناسهم
هم في الحقيقة اتوا الى رشدهم يوم ان رفضوا تعليمات البشير بالفتوى التي تبيح ابادة ثلثى الشعب وموقفهم الاخير حين تبنوا الوثيقةالدسورية وعاهدوا على ان يكونوا لها صمام الامان عندها قرر الكيزان التخلص من هذا البعبع العقبة في طريقهم
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: bakri abdalla)
|
لا يمكن استئناس الجنجويد، كيف؟؟؟؟
ببساطة لأنو فكرتهم قايمة على مقاولات؛
تعال اهزم معاي الجماعة ديل وليك الحق الحصري في نهب وسرقة السكان،
ديل ما عندهم علاقة بشرف ولا قضية
استئناس الجنجويد يعني نهايتهم.
فكرة الكيزان في السرقة والنهب أكثر تطور من الجنجويد،
الكيزان بتركوك تنتج ويحموك ويشيلوا منك نص انتاجك،
سرقة الجنجويد مستعجلة؛
بشيل حقك كلو ويشلك ويقتل الحياة
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: جمال المنصوري)
|
اهلين جمال المنصورى
لك ولك التقدير
ياسيدى في هذه الحرب العبثية
بين جيش الكيزان وجنجويدهم لست
واقف بين بين انا انتمى للحركة الشعبية
قيادة عبدالعزيز الحلو حاربنا ومازلنا نحاب
جيش الكيزان والجنجويد ومواقف الحركة
ومنفستو الحركة الشعبية نحو سودان جديد
مطروح للجميع وانا مع الراي البقول الحركة
تتفاوض مع المنتصر منهم وفي هذا انا اتمنى
ان ينتصر الجنجويد على الكيزان لان الكيزان
لاعهد ولا امان لهم خبرناهم ويخبرهم كل ذو عقل
رغم الماسى والمرارات الجنجويد يمكن تصويبهم
واستئناسهم ام الكيزان فهم تنظيم عابر للحدود
وعابر للدين وعابر للانسانية الكيزان قالوها وفعلوها
يانحكمكم برطيقتنا او نقتلكم بطريقتنا وبيانهم العملى
اشعال هذه الحرب وانت طالما بتجيب تسجيلات لقادة
الجنجويد برضو للامانة جيب تسجيلات قادة الكيزان وفي
ظل حكومة الثورة وفي رمضان قالوها انهم حايشعلو الحرب
ووقتها كانو هم جنحويدهم سمن على عسل
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: بدر الدين الأمير)
|
Quote: الجنجويد برضو للامانة جيب تسجيلات قادة الكيزان وفي
ظل حكومة الثورة وفي رمضان قالوها انهم حايشعلو الحرب
ووقتها كانو هم جنحويدهم سمن على عسل |
مرحب بدر
بالتأكيد خيارك السياسي والغقدي والفكري حق طبيعي لا ينازعك فيه احد
(الحرية لنا ولسوانا)
انا لا ادافع عن الكيزان ولا اؤيدهم
ولكن الكيزان وصلوا الى السلطة تزوجوها ثلاثون عاما حسوما، تمتعوا بها وتمتعت بهم لهم سيئاتهم وكذلك حسناتهم
واتخذوا اخطر القرارات السياسية والاجتماعية، والدينية، وهم مجموعة فكرية منظمة لها قواعد سياسية ممتدة التاريخ.السياسي السوداني وفي المنطقة.
الجنجويد تشكيل عصابي قبلي ، اجرامي يمارس القتل والجرائم الصادمة بصورة طبيعية
تشكيل زي ده يا بدرالدين
الالية البي تخليك تستأنسه شنو؟
وكيف؟
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: جمال المنصوري)
|
ياجمال
الجنجويد وبكل مرتكبوهو من جرم
وبرغم انتصاراتهم على جيش الكيزان
قالو دايرين نوقف الحرب اي لا للحرب
والكيزان بقولو نعم للحرب عشان يستمر
الجنجويد في انتهاكاتهم لكى نصل لمرحلة
وننسى اي شئ نقول الكيزان ارحم من الجنجويد
وبستنفرو في غلابة والمساكين ليحاربو معهم
اوبدلا عنهم وهم يضحكون وامنين في خدرهم الجنجويد
قرارهم عندهم او قل عند قائدهم ام كيزان حدث ولاحرج
اللجنة الامنية بتاعت البشير من جهة على كترتى من جهة
حتى عبدالحيى والطار التوم من جهة ناهيك عن التنظيم العالمى
والدواعش وبوكو حرام وعيييك على قول بشاشة
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: بدر الدين الأمير)
|
Quote: ياجمال
الجنجويد وبكل مرتكبوهو من جرم
وبرغم انتصاراتهم على جيش الكيزان
قالو دايرين نوقف الحرب اي لا للحرب
والكيزان بقولو نعم للحرب عشان يستمر
الجنجويد في انتهاكاتهم لكى نصل لمرحلة
وننسى اي شئ نقول الكيزان ارحم من الجنجويد
وبستنفرو في غلابة والمساكين ليحاربو معهم |
حبيبنا بدر الدين
هسمع كلامك وامشي معاك خطوة خطوة:
طبعا يا بدر بحكم انك سياسي بتفهم في التكتيكات السياسية
وبحكم عضويتك في الحركة الشعبية جناح الحلو انت كمان بتفهم في التكتيكات الحربية
وبالاشارة الى احاديث اعضاء قحط بخصوص خروج الدعم السريع من بيوت المواطنين (يمرقوا منها كيف وهم احتلوها بالقوة)
وبالتعريف السياسي للحرب (هي حركة سياسية عنيفة لأحداث ثغرة في المسار التفاوضي)
لكل هذه الاسباب لا يمكن للجيش ان يقبل بايقاف الحرب وموقف الجنجويد التفاوضي هو الاقوى بحكم سيطرتهم على الارض
والشعب لن يقبل بايقاف الحرب والجنجويد يمارسون على الارض افعال لا يرضاها الضمير الحي لأي انسان مطلق انسان
ده فيما يخص لا للحرب
نعم للحرب ليست خيار الاسلاميين انما اصبح خيار شعبي يضم تيار واسع من المختلفين سياسيا
الدعم السريع يريد ايقاف الحرب للحفاظ على موقف تفاوضي قوي، في ظل تراجع سيطرته على الارض
الدعم السريع في بداية الحرب ولمن كان مسيطر على 99.99% لم يكن شعاره ايقاف الحرب
قائد التمرد كان حاسما (اما ان يسجن البرهان او يدخله القبر)
دي نسيتها مالك يا بدر الدين
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: جمال المنصوري)
|
جمال يامنصورى
انا قبل الحركةالشعبية قيادة الحلو
كنت من الاوائل الاسسو حركة حق
غادرتها لانها غادرت قناعاتى
وحتى الان في الحركة الشعبية لان المنفستو
بتاعها مقنع لقناعتى كمواطن سودانى ولو غادرته
سوف اغادرها ام قحت وحكومتها رميت طوبهم
هم والحزب الشيوعى وقلت راي هنا صالح ام غلط
تلك قضية اخرى تسالنى اني نسيت كلام حميدتى
طيب وانت ليش متناسى كلام الترابى وهو يقول عن
صنيعته البشير حين انتداب لجنة تحقيق قضائى دولية في
جرائم الاغتصاب التمت في دارفور وقول الشبير للقضاء الذين
شكلهم ليحقوق هم بدل اللجنة الدويلة وقوله لهم اي البشير هي الغرابية
دى لو ركبها جعلى دا اغتصاب ولاشرف لها وكلام البشير نقله
الترابى على اجهزة التلفزة ووقتها فتحت به بوست هنا تخيل
مدى تاسير هذا على كل غرابى ناهيك عن جنجويد ماجنجويد
انهم الكيزان انهم الكيزان لاوطن لادين لهم يمكنك ياجمال ان تقوقل
بوستى وعنوانه حديث الترابى عن غتصاب الغرابية
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: بدر الدين الأمير)
|
Quote: طيب وانت ليش متناسى كلام الترابى وهو يقول عن
صنيعته البشير حين انتداب لجنة تحقيق قضائى دولية في
جرائم الاغتصاب التمت في دارفور وقول الشبير للقضاء الذين
شكلهم ليحقوق هم بدل اللجنة الدويلة وقوله لهم اي البشير هي الغرابية
دى لو ركبها جعلى دا اغتصاب ولاشرف لها وكلام البشير نقله |
بدر كيفك
انا ما كوز عشان ادافع عن الكيزان
على الصعيد الشخصي اعتقد اني ساهمت في بالقليل في هذا المنبر في مقاومتهم ودفع شرورهم
الترابي دلوكت انقطع عمله وبفى اثره ما قاله يعتبر ماضي بحكم انه ميت
والبشير اصبح من الماضي
لكن حميدتي موجود وفاعل في الميدان و افعاله واقواله حاضرة الان ومستمرة الى ان تنتهي الحرب
ده الفرق يا بدر
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: جمال المنصوري)
|
ياجمال
انت تصف حميدتى بقائد التمرد
ودي صفة اطلقها عليه الكيزان
وتعنى انه من رحمهم وتمرد عليهم وانا
اصفه بقائد الجنجويد الذين ارتكبو كل
الفظايع فى غرب السودان كله قتلو وشردو
واغتصبو بحماية وفرمان من راس الدولة الكيزانية
والان وهم منتصرين ماقالو دايرين نقيم دولتنا بل قالو
مستعدين للمحاسبة وقيام دولة المواطنة للجميع والكيزان
دايرن دولة الكوزنة والعنصرية والمرة دي ليس بسم الدين
بل بسم جيشهم وكمان الكرامة وعجبى الكيزان يتحدثون
عن كرامة الانسان السودانى ودايرين يحاربو من اجلها متناسين
كل محارقهم في جبال النوبة وجنوب السودان واستباحتهم لكل شئ
بس عبقرية الشعب قاعدة تتفرج عليهم هم وجنجويدهم فخار يكسر بعضه
| |
|
|
|
|
|
|
|
|
|
Re: انت ضد الكيزان انت ضد جيشهم الجنجويد ولا ا (Re: بدر الدين الأمير)
|
يا بدر
في كل الموضوع ده انا ما شايف توصيف لوضع ألأنسان السوداني البسيط
شايف انو الطرح بتاعك وبتاع كل القوى السياسية الأخري هو الوصول الى الحكم، وانو اي انتهاكات لحقوق المواطن ما مطروحة
الشد والجذب موجه نحو الكرسي فقط
وبين ده وداك يتم التصنيف هذا كوز، وذاك جنجويد واولئك قحاطة والاستقطاب على ودنه
من وجهة نظري اي سلام يتجاوز المقاومة الشعبية المسلحة فهو الى زوال
| |
|
|
|
|
|
|
| |
بدر الدين الأمير
جمال المنصوري
أبوبكر عباس
bakri abdalla
منتصر عبد الباسط
فيس بوك
تويتر
انستقرام
يوتيوب
بنتيريست