بورتسودان لم تتعظ من مدني السلام عليكم الاخوه الاعضاء فى الموقع الجميل سودانيز اون لاين رغم ان ماحدث الى ناس مدنى شى حزين ولكن الكثير من الناس كانت شمتانه فى ناس مدنى الذين اغلبهم يسافر الى الخرطوم للعلاج وللسفر ووللجامعات وللتجاره ولكن كانوا من الذين لايحفظون الجميل ورد الجميل عندما نزح او هرب من جحيم الحرب الكثير من الاسر من العاصمه الى مدنى لكى ينقذوا ارواحهم من براثين الحرب والموت وكان من المتوقع فتح القلوب قبل البيوت لكل من اتى الى مدنى ولكن جشع الانسان السودانى ذلك الطبع الدخيل علينا وكنا حتى ال 80 مضرب مثال للكرم والشهامه والجود واكرام الضيف واغاثه الملهوف واهل الفزعه ولكن ذهب كل هذا مع الريح واصبحنا مثل الكلاب المسعوره ناكل بعضنا البعض وناكل مال السحت ونسرق وننهب بلا ادنى ذره من القيم والمثل والرحمه والانسانيه حتى وصل بنا الحال الى نوجر بيوت بمليارات الجنيهات وكاش وهذا البيوت ليست فى باريس ولا نيويورك ولا لندن وانما فى مدنى وعطبره والدامر ودنقلا وحلفا مدن اغلبها قبل الحرب كان يسكننها العجايز والفئران والثعابين والحمير وبعض النساء وكان فى ذلك الوقت كل من هبه ودبه فى احضان العاصمه المثلثه للدراسه والعلاج والتجاره والعمل حتى الهامشى بيع مويه درداقه كانوا يعيشون فى العاصمه هولاء البشر ورغم كل هذا سرق من سرق من الذين استاجروا ودفعوا مليارات الجنيهات شى موسف ياناس مدنى انا لا اقول كل ناس مدنى ولكن الا من رحم الله ربى والله عندنا نسيب متزوج بنت عمتى استاجر فى مدنى بمليارونصف كاش وذهب الى المسجد لصلاه المغرب فدخل صاحب المنزل وبحث عن قروش الرجل وسرق منه خمسه الف دولار والله الرجل كان المبلغ كل ما لديه من نصيب بيت ورثه كان قد بيع فى الخرطوم قبل الحرب وكان الخمسه الف نصيب الرجل وحول كل المبلغ الى دولار قبل الحرب اللعينه سرق المبلغ من الرجل وليس هناك كسر ولا اى شى يدل على ان السارق اتى من خرج المنزل لان الوقت كان يادوب المغرب ثم ان الرجل لم يغيب كثيرا المهم ناس مدنى ما قدروا ظروف الناس ولكن كان الله فى منصف العدل ودرات الدئراه عليهم وهربوا عندما دخل عليهم المرتزقه وهربوا بطريقه مخزيه قبل ان يكون هناك اى اطلاق رصاص الشى المضحك ناس مدنى هربوا جرى مارثوان ولكن ناس الخرطوم وصلوا مدنى على سيارات فارهه ومعاهم قروش التحيه من هنا الى اهل امدرمان الذين فتحوا القلوب والبيوت والمساجد والمدراس واحتضنوا كل اهل امدرمان القديمه ناس ابروف وبيت المال وودنوباى والعمده فتحوا البيوت بلا منى ولا اذى ورايت عشرات الفيديوهات الناس والاسر كل زول عايز يسوق ويحجز اسره لكى يكرمهم ويكونوا فى الضيافه حتى انجلاء الحرب والله اعرف عشرات من الاسر هنا الان فى مصر وفتحوا بيوتهم للناس با المجان وهناك من امر معارفهم بكسر الاقفال والدخول الى المنازل ستظل امدرمان تلك الانثى حضن لكل انسان هارب من حجيم الحرب ومن جحيم الحياه حتى بلغ تعداد امدرمان قبل الحرب 12 مليون نسمه عندما تنجلى الحرب ان شاء الله قريبا كل زول من خارج العاصمه من استغل الناس حقوا يفكر مليون مره ما يجى الخرطوم وامدرمان وبحرى عشان يستاجر بيت ولا شقه لانه لن يكون هناك انسان عاقل وفى كامل قواه العقليه ممكن يقوم بى اعطاء منزله ولا شقته لشخص لم يقف معاك ساعه المحنه ساعه كل زول طلع بما يلبس فقط من ملابس وهناك من لم يستلم راتب منذ اندلاع الحرب وزى مابقول المثل كل قرد يطلع جبلو شى موسف ما وصلت اليه اخلاقنا والمجتمع السودانى وطلع كل خصال سمحه فينا مجرد شعارات زايفه وكضب قصه كيف يكون الحال لو ماكنت سودانى وقصه ايها الناس نحن من وطن عمروا الارض حيث ما سكنوا وقصه كررى تحدث عن رجال وفضل لينا بس أنا أم درمان انا السودان انا الدور البزيد بلدى انا البرعاك سلام وامان يا ولدى انا امدرمان سليلت السيل قسمت الليل وبنت صباح انا الولدونى بالتهليل وهلت فوقى غابه رماح انا ال فى الشاطئ الغربى سقوط غردون مها الحربى انا النيل الطلب قربى مزج بين كافت الالوان ام انا درمان انا امدرمان انا الواحة ويج البسقى والعطشان بروقى تضوى الواحة وتهدى السارب الضهبان والان الى البوست المنقووووول مع تحياتى مصطفى نور عندما إستغلت مدينة مدني ظروف النازحين حذرنا وقلنا إتقوا الله في النازحين وقلنا ما معنى أن تؤجر شقة او بيت بمليار او اكثر لنازح خرج من داره مجبراً ولا يملك شيء!! عندما حذرنا من جشع التجار ورفعهم للأسعار دون مبرر!! عندما حذرنا من إستغلال العيادات الخاصة والصيدليات للنازحين ورفع الأسعار لم يهتم أحد!! مشكلتنا شعباً وحكومة نستثمر الأزمات.... نستغل بعضنا البعض... هاهي بورتسودان تحذو حذو مدني في إستغلال النازحين وكأنهم سواح!!! هناك شعب لا يحس بوجع أخيه... هناك شعب أناني!!! هناك شعب لا يعرف الفضائل ولا مكارم الأخلاق! هناك شعب مدعي فقط!!! نعم مدعي الفضيلة ولا يطبقها! أنظروا إلى غزة بفلسطين؛ لم تسجل حالة سرقة واحدة من بنك او مؤسسة او منزل او محل! لم تسجل حالة إغتصاب واحدة! لم تسجل حالة نهب واحدة! لم تسجل اي جريمة! غزة شعبها تضامن مع بعضه وتقاسم اللقمة والفراش.... وهناك !!!!! وما أدراك ما هناك!!!! سُجلت حالات كثيرة للوشاية من مواطني مدني أنفسهم للعدو الجنجويد!!! هناك شعب يسرق دار الجار الذي نزح خوفاً علي بناته وشرفه!! هناك شعب يسرق بعضه البعض!!! وهاهي بورسودان لم تتعظ لا من العاصمة ولا من مدني!! والله لن يرفع بلاء طالما نحن هكذا.... وعدالة الله سبحانه وتعالى لن تضاهيها اي عدالة. قانون في كتاب الله أقسم به الله من فوق سبع سموات. وعزتي لأنصرنك ولو بعد حين... ربنا حرم الظلم وأهلك القرى بظلم أهلها!! فلا تلقوا بأنفسكم الي التهلكة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
فيس بوك
تويتر
انستقرام
يوتيوب
بنتيريست