*السودانيين وضعف المعرفة بقوانين الهجرة والاقامة في العالم* . محمد نور عودو من خلال عملي و تجاربي وسفري حول العالم لاحظت معظم السودانيين معرفتهم بقوانين الهجرة والاقامة في دول العالم المختلفة ضعيفة جدا وهذا بسبب ضعف قوانين الهجرة والاقامة للاجانب في السودان والتي كانت عبارة بنود وفقرات مكتوبة ولا يعمل بها منذ قيام دولة ضعف هذه القوانين غيب المواطني السوداني عن اهمية واحترام قوانين الهجرة والاقامة في العالم . بعد اندلاع الحرب الاخيرة اضطر السودانيين للهروب خارج السودان الي دول الجوار ودول العالم بحثا عن الامن ليتفاجؤا وينصدموا بقوانين الهجرة في بلاد العالم المختلفة وان في تلك البلاد مافي حاجة اسمها تفضلوا الدار داركم والبيت بيتكم من طرف والعفرية السودانية باكرام الضيف ووووو. لكن هناك كل شئ بالقانون عايز تدخل البلد تدخل بجواز وبفيزا وعندما تدخل البلد تذهب الي مكتب الهجرة وتعمل اللازم والمطلوب باعتبار انك اجنبي وتقيم وفق شروط قانون الهجرة . كثير من السودانيين انصدموا بقوة وصرامة قوانيين الهجرة في دولة اثيوبيا التي كانت لديها قرابة ثلاثة مليون اثيوبي يعيشون في السودان قبل الحرب الاخيرة ومافي سوداني شغال بيهم الشغلة . احتج السودانيين من معاملة السلطات الاثيوبية ووزارة الهجرة مع السودانيين الفارين من الحرب لكن بلا جدوي. ويقال ان رواندا احتجت لعدم احترام السودانيين لقوانيين الهجرة والاقامة في رواندا. هذه الحرب اعطت السودانيين دروس كثيرة من ضمنها درس في معرفة اهمية قوانيين الهجرة وتطبيقها وان شاءالله الناس فهمت الدرس..
02-03-2024, 05:38 AM
زهير ابو الزهراء زهير ابو الزهراء
تاريخ التسجيل: 08-23-2021
مجموع المشاركات: 12513
والله يا محمد نور كلامك عين العقل والمنطق وكما قلت فإن السودانيين قد فهموا الدرس الآن وبعد انتهاء هذه الحرب اللعينة فسوف يضع شعب السودان القوانين الصارمة لاقامة الأجانب وسيقوم بطرد جميع الأجانب من البلاد وإعادة دخولهم وفق قوانين إقامة جديدة صارمة وبرسوم تكلفة عالية جدا ...والما عاجبه الباب يفوت جمل...
02-03-2024, 04:36 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12500
الاخوة الافاضل الاستاذ زهير الاستاذ السر عبدالله الاستاذ علي عبدالوهاب عثمان حكيم المنبر شكرا علي المرور والتعليق وربنا يرفع البلاء عن السودان ويوقف هذه الحرب اللعينة والناس تعود وتبني السودان. يا اخي اهلنا تعبوا وشافوا الويل والمهانة وعرفوا تعامل الناس معانا كيف. اللهم احفظ السودان وشعبه وتحياتي وربنا يجفطكم اينما كنتم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد نور عودو
زهير ابو الزهراء
السر عبدالله
علي عبدالوهاب عثمان
فيس بوك
تويتر
انستقرام
يوتيوب
بنتيريست