|
|
|
 Re: خطة الكيزان لتصفير عداد الثورة (Re: حيدر حسن ميرغني)
|
اتخيّلوا ولاية شمال كردفان دي :
فيها ( 8 محليات ) .
◼️ الدعم السريع مسيطر على 90% من المحليات .
◼️ والكوز ده طلّع قرارو ده في حدود 10% فقط ..!
🛑 الدليل :
◼️ 1/ محلية شيكان :
ودي فيها ( مدينة الأبيض عاصمة شمال كردفان )
دي المدينة القاعد فيها ( الكوز ده بس ) ( ياها فقط المسيطر عليها الجيش ) .
◼️مداخل مدينة الأبيض من كل الإتجاهات مسيطر عليها الدعم السريع .!
◼️ مدخل طريق ( الأبيض بارا ) واصل لحدي ( أمدرمان ) مروراً بمدينة ( بارا وجبرة الشيخ ) :
مسيطر عليهو الدعم السريع .!
◼️ مدخل الأبيض من الطريق الغربي ( طريق الأبيض - النهود ) ومنها بيطلع ( لولايات دارفور )
مدخل مسيطر عليهو الدعم السريع ..!
◼️ مدخل طريق ( الأبيض - الدبيبات ) الطريق ده ماشي لاحدي ( الدلنج كادوقلي ) .
في مدخل الأبيض مسيطر عليهو الدعم السريع .!
◼️ طريق ( الأبيض - الرهد - أم روابة ) الطريق ماشي لاحدي ( كوستي )
في مدخل الأبيض مسيطر عليهو الدعم السريع ،!!
◼️ الارتكازات في الطريق ده لاحدي ( قبل تندلتي بـ 5 كيلو ) كلو ارتكازات دعم سريع ..!!
( وتندلتي دي أول مدينة لولاية النيل الأبيض ) !
◼️ شوفوا الكوز ده قاعد في ورطة قدر شنو ؟ قاعد في كمّاشة .. محاصر من الإتجاهات بالدعم السريع وهو قاعد في حدود 10% ويهاجم في القوى السياسية والثورية ..!!
🛑 وال 90% الباقية دي كلها تحت سيطرة الدعم السريع .!!
وهي على النحو التالي :
◼️ 1/ محلية أم روابة .
◼️ 2/ محلية الرهد .
◼️ 3/ محلية بارا .
◼️ 4/ محلية غرب بارا .
◼️ 5/ محلية سودري .
◼️ 6/ محلية جبرة الشيخ .
◼️ 7/ محلية أم دم حاج أحمد .
🛑 طيب السؤال البخطر على بالكم .. الزول ده من بداية الحرب كان قاعد في الأبيض دي ؟
ما طلع منها كلو كلو ؟
🛑 الإجابة :
◼️ الكوز ده أول من سمع هجوم الدعم السريع وصل ولايتو ، طوالي لمّه أولادو وكل أسرتو وفحّط كسلا .!
◼️ ما اشتغل بالمواطنين الشغلة ..
◼️ بقى مفحّط بين ( كسلا وبورتسودان ) ..
◼️ وشكّل لجان الإستنفار والتعبئة وهو قاعد في كسلا ومعاهو أولادو وأسرتو ..!
◼️ عشان يجي يكتب ورقة لازم يصل محل الختم والترويسة و عشان يحل ( تنسيقيات الحرية والتغيير و لجان المقاومة ) بجرة قلم كان لازم يرجع الأبيض ..!!
🛑 أها رجع كيف ؟
◼️ الكوز ده جازف مجازفة كبيرة جداً عشان يرجع ..
◼️ طبعاً المجازفة دي براهو ما معاهو ألاودو ولا أسرتو ..
◼️ جازف مجازفة الزول الماشي الدهب ..
◼️ مجازفة مغترب ركب السبمك ومخلي أسرتو وأولادو في أمان ..
◼️ كان ممكن يتقبض وتبقى مهزلة حقيقية ومرمطة ليهو ..
◼️ وصل الأبيض عبر طريق ترابي ..
◼️ من تندلتي نزل بالتراب دخل مدينة الأبيض
( بمنطقة بخور طقت ) .
◼️ الطريق دا كان بتدخل بيهو البضائع والمواد التموينية..
◼️ من أول أمس الدّعامة مشو ليهو وعملوا فيهو ارتكازات ..
🛑 يعني الكوز ده مرقتو من ال 10% دي إلا فوق جنحين صقُر ..
◼️ هو في الدخلة : استغل الارتكازات ما بتكون متواجده كل اليوم .. لكن انت وحظك ..
◼️
الكوز ده قاعد في وسط الزنقة دي ، طبعاً مستحيل يهاجم الدعم السريع ماعارفو في نص الورطة دي عادي حا يصلوا حا يصلوا ..
◼️ عشان يرضي أخوته المفحطين الكيزان يقوم يهاجم ( الحرية والتغيير ولجان المقاومة ) ..
◼️ التقول الحرية والتغيير هي المخلاهو في الورطة دي ..
◼️ والي ولاية في حدود 10% ولسانو طويل ..
◼️ والي ولاية مكونة من 8 محليات وهو قاعد في ( محلية واحدة ) ولسانو طويل ..
◼️ والي ولاية محاصر من كل الإتجاهات بالدعم السريع ولسانو طويل ..
◼️ والي يمرق من ولايتو بالتهريب ويدخل ليها بالتهريب : ولسانو طويل ..
🛑 ده والي ولاية اللسان الطويل .
🛑 نحنا هينين ، ونصاحاً زي واطاتنا ، الكلام إنت البمرقك من الأبيض شنو ؟
المهم :
لازم_تقيف
| |
  
|
|
|
|
|
| |
حيدر حسن ميرغني
فيس بوك
تويتر
انستقرام
يوتيوب
بنتيريست