ما صحة تلقي حميدتي دعوة رسمية لزيارة القاهرة

وهاك دي برضو يمكن تنفع يا حيدر رغم إني شايفك ماسك العصاية من النص.
حــــباب ود أب راســــــاً حــــــلـــــو"و بهذه المناسبة يحضرني كنزٌ من سحارة حبوبتي:
قصةٌ كانت زمان تحكيها لنا و هي مستوحاة كذلك من (كليلة ودمنة) .كمضرب مثلٍ لحال من يعسل
لك الكلامو هو يضمر لك السوء كل السوء. لدرجة في لضلمة تلقاه حادر ليك بالدس.
+ حيث إن عمك اب ضنب مرة رسل ابنه الفأر الصغير(أم سيسي) ؛ أمشي يا جنا لناس عمك ابو شنب
ديلك قول لهم السنة دي ناحيتنا محل ما نزل لينا مطر , و ياريت تسمحوا لينا نرحل نخرف حداكم.و أهم شيئ
يا ابني بس تاخد لي بالك من أول كلمة ترحاب يستقبلوك بيها هناك؛ لأنها بتدينا الانطباع الأول وهنا بيت القصيد.
.يلا جرى الفوير حمل الرسالة.و انطلق لا يلوي على شيء. عند الوصول ألقى التحية:- سلام عليكم هوي ناس عمي أب شنب! "
- أهلاً حباب ود أب راساً حلو", هكذا جاءه الرد جماعياً مدوياً من كافة الأعيان الحضور . لم يهتم الفوير گثيارا ، بمقاصد العبارة
(أخذته الغمرة بحفاوة اللقاء). و واصل سرد رسالة أبيه:- قال ليكم أبوي الجقر السنة دي و لا قشة واحدة ما قامت في بلدنا,و متعشمين تخلونا
نجي نقضي الخريف حداكم!!فما ردكم؟ هنا ، يعتدل عمك شيخ الكدايس في جلسته و يقول له في وقارٍ مصطنعفيما طأطا الحضور رؤوسهم:
- موافقين و حبابكم عشرة ، برا كشرة:-طبعاً طبعاً يا بني موافقين و نص و خمسة.. إهييييييييييه ، ودي برضو عايزة كلام يا ابني؟
,عيب كدا! دأنت تخطف رجلك دي الوقت و تجري تجيب كل قبيلتكم الكريمة و لو ما شالكم الكتف تشيلكم العين.
+ انطلقت ام سيسي منططةً عائدة أدراجها عغلى حيث أبيها لا تلوي على شيء.مبهوراً بوعود الكدسة بحسن الوفادة و الرفادة و قال:
- والله يا أبوي ناس عمي الكديس ديل أثبتوا لي إنهم طيبين خالس و كريمين كمان , لي هسي أنا ما شفت من ناحيتم شر ، إلا حسن
النوايا , بس شايف إنكم يا أبوي مزودنها قارشين ملحتم و وشايلنها معاهم تقيلة و الثقة مفقودة. هنا انتهره أبوه بنبرة غاضبه ردته
إلى صوابه وقال|:- يا ولد خلينا بالله من جنس البكش الفارغ دا و قول لي بالحرف: زى ما وصيتك تمسك لي في أول كلمة تمرق من
خشم كبيرهم حين ألقيت التحية؟؟؟- و الله يا أبوي.قابلوني مرحبين كووولهم ،و قالوا لي " حباب ود أب راسن حلو",افتكر كلام ما فيه
حاجة! مش كدا و لا إيه يا أبوي؟ و الله فرحت لامن هبشت راسي براي عرفت إنو مترتر فوقو سكر و لا مجلط بالعسل! نط الجقر لفوق
و قال: - حاجة في عينك يا عبيط! أنت عارف دا معناه أيه؟ معناه نهاية عمرك وعمرنا معاك!! اسمع يا ولد، أنت فعلاً غشيم(طلاع
لأمك أم سيسي) و على نياتك كمان. و أنا تاني ما مرسلك لمشاوير زي دي. وكويس جدن أنك جيت نافد بجلدك.دي كانت شفرة
واضحة بالنسبة لواحد متمرس زي أبوك و خلاص مش رايحين و لا أي حتة خلينا نموت جوعاً أحسن مبين مخالب الكدسة
الأوغاد يفضلوا يمخمخو فينا لا حول السنة.تلاقيهم هسة يتلمضوا في رجا الاستمتاع بوجبة دسم من لحومناو شحومنا.
يلا بس ، قال ليك انكطعت و انشبطت، وين يا ربي!!!؟.
+ تــــــخــــريــــمــــة:عثمان الجقر برضو واحدن كدي مفضي روحو لجنس
الفارغة ومقدودة دي و أمور البِحَّيْت في أنساب الجريوات و والگدسة البعاشيم سمعتو
ذات مرة هو و الفرجوني في حلقة عن ظاهرة مرافعين الولوفالكان الهاجمت الناس من كم
سنة،ومعاهم كلاب جايبنها أظن من أمريكا ،كانوا بيفتو فيها قالو ح تددخل الجنة بغير حساب،
قال إيه قال:لأنو ينتهي نسبها إلى جدها(كلب أصحاب الكهف)داك الكان باسطاً ذراعيه
بالوصيد! بالله عليك موش عجايب تشيب(من فوق و تحت!؟)
معليش فتلنا الخيت ، صحي فيها انصرافية لكن قلنا نغير لكم جو.