١/ كونتو مليشيا الجنجويد يعنى ما عندكم مشكلة اساسا مع الملايش ولا عندكم؟ ٢/ قبلتو تكون فى قوات اخرى مسلحة وتجند غير الجيش ودى اهانة للجيش ولا ما اهانة؟ ٣/ قبلتو تودوهم مرتزقة لليمن يعنى ما عندكم مشكلة مع الارتزاق ولا عندكم؟ ٤/ عملتوا ليهم علاقات سياسية وتجارية مع الامارات يعنى ما عندكم مشكلة تديرم وتدفع ليهم دولة تانية ولا عندكم؟ ٥/ دافعتوا عن اغتصاباتهم وقتلهم وحرقهم للقرى فى دارفور يعنى ما عندكم مشكلة مع الجرائم طيب بتدافعوا عن ياتو اخلاق؟ ٦/ دخلتوا مليشيا فاغنر الروسية فى السودان يعنى ما عندكم مشكلة دول تانية تتدخل بقوات مرتزقة جوووة البلد ولا عندكم؟ ٧/ قوات الامم المتحدة دخلت السودان وانتو قاعدين وموجودين طيب استعباط انكم ما قابلين باى قوى اممية فى السودان دا جبتوه من وين؟
٨/ ناس جهاز الامن بتاعكم اغتصبوا حتى الرجال الشهيد (احمد الخير) طيب ياتو قيم دى المتمسكين بيها وتغشوا بيعا الخلق؟
٩/ الدم الحرام البعد الشرك مباشرة اهدرتوه فى البلد دى بورتسودان فى يناير فى هبة سبتمبر ٢٠١٣ طوال فترة ثورة ديسمبر غير الحروب .. طيب دا الدم الحرام عندكم بلا قيمة ولا معنى ياتو جريمة ما عملتوها؟ عمالة عملتوها قتل الناس والاغتصاب سويتوهم ملايش صنعتوهم بيع للبلد بعتوا... وتلتها ضيعتوه. قوات اممية جبتو طيب هايجين ومفنجطين فى شنو بالضبط؟ الجيش خربتوه والجنحويد عملتوهم مصايبكم وصنع اياديكم عاوزين تغشوا منو؟ روحكم؟ الناس؟ الله؟ الله ما بيتغشى #حرب_التافهين #حرب_عبثية
01-13-2024, 06:23 PM
Nasr Nasr
تاريخ التسجيل: 08-18-2003
مجموع المشاركات: 11414
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
Nasr
حيدر حسن ميرغني
فيس بوك
تويتر
انستقرام
يوتيوب
بنتيريست