غتس يفتش في أرشيفي العمرو 17 سنة ما لقي أية حاجة تخدم مساعيهو القاصدة خخخخخخ يا مولاهم ومن باب الإشفاق عليك ممكن اديك بخرة تستعين بيها في شرشحتي وعافي ليك والله .. شوف قبل كدا في البورد دا مدحت المدعو عقار وقلت انه يستحق أن يكون قائد، أمشي أبحت ارشيفي بتلقى الكلام دا قاعد أكيد. هسة بقول هذا المدعو عقار أرزقي ولا يستطيع أو يصلح أن يدير دكان صغير بتاع سكر وزيت وبصل وحلاوة حربة والكلام دا ينطبق على المدعو مناوي والكوز جبريل بعد انقلابهم على ثورة الشباب وخيانتهم القذرة لدماء الشهداء في دارفور والشمال والوسط. طبعا كائنات سمجة مثل هجو وعسكوري واردول وما شابه من عوام وهوام ما معدودين أصلا وبعتبرهم مجرد لبلاب* ضار أها يا مولاهم حافظ دا انقلاب في موقفي بالنسبة لعقار تحديدا وإذا تلبت لتسألني فرحا جزلا ساخرا وقلت لي ما قلت وما عارف شنو طوالي بعترف ليك بكل شجاعة وفروسية متأصلة وبقول ليك والله ياخ اتغشيت في المدعو عقار وبقية الشرذمة أعلاه خخخخخخ لو لم يفعل المدعو عقار غير جلوسه مع المخلوقة الاسمها رشا أوشي ( بوست مجاور) لكفاه عفانة ورفالة وسوء منقلب خخخخخ .......... *لبلاب لغير الناطقين بها والحناكيش وملتقي الحجج نبات متسلق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
فيس بوك
تويتر
انستقرام
يوتيوب
بنتيريست