الرسالة اصلا تعليق او رد على شخص ما... ه بالمناسبة ليس له انتماء سياسي..ولكنه احد ضحايا الكيزان..وهو في لجنة ضباط الشرطة المعاشيين. . اخونا الشيخ سلام،،، حملتم عبارة الزعط اكثر مما تحتمل،،،، والكلمة العربية حمالة اوجه،،،، اذكر كنا صبيان في عطبرة ،،في المربعات،، وأمام منزلنا ،،،كان في مح ،،يقال له الاندلس،غرب السينما الجمهورية ،جمع بين مطعم ،،وبار ،،،،(،عشاء وسكر) وكان وقتها المزة والعشاء المفضل الجداد[ الفراخ] ،، وقتها لم تك هناك ،مزارع و،مسالخ. ،،، للجداد بتاع (المطعم البار )،بيشتريه حي ،، ،،ويستأجرنا،،،عدد من اولاد حي المربعات حينا ،، ويتفق معانا،، ويقول لينا،،( تضيح الجداده وتظعطا،بي تعريفه )،،،نقوم نجيب حله كبيرة ونملاها موية ونسخنا حد الغليان،،ونرمي فيها الجداد ،،، ،بعد ضبحه،،،،بعد حوالي الربع ساعه،،نطلع الجداد واحده واحده ،،، ونقوم نظعطا ،،،، ظعط صاح،،حتي الريش الناعم داك ما نخليه،،تبقي الجداده. ملساء ونظيفه من شدة الظعط،،والا بتاع المحل يشيل منك الجداده ،،إذا ظعتك ما كويس ،،ويديها لي واحد تاني يظعطا ،،ظعط نضيف،،،، ويقول ليك انت ما بتعرف تظعط،، يا طردك،،يا اداك فرصة اخيرة تظعط ليك جدادة تانية،،، وإذا كمان طردك،،ياكا فقدته ليك كم تعريفة،، وتكون مفلس والليلة ديك مافي سلما،، ولا في عشا ونكون محل تندر اصحابك، ويحكوا في الفلم ويوصفوا في العشا ،، ويقولوا ليك لو كنته بتعرف تظعط صاح كان دخلت السنما،، واتعشيت،،عشوة صاح،،، هكذا كنا نقولها،،، فعبارة ظعط ده عندنا في الأقاليم كانت عبارة عادية،،،، تعني نتف الريش للجداد وده الغالب ،،لأنه كل الطيور كانت بتظعط،،،، حتي كنا نشرك للزازير و القيردون الحاجة الدود رقد للحاجة،، ونضبحا،،ونظعطا وناكلا في تلذذ زي فقد اكتسبنا من ظعطنا ،،،لجداد مطعم الاندلس،،، والظعط. بعد هذه المطاولة،،يعني نتف الريش ،،ولمن شخص. يدق ليه واحد ويجلده جلدة صاح،، ناقل الخبر يقول فلان ،داك ظعط ليك حسين ود التومة ظعطا صاح،، ونتف ريشه نتفا،،،، بل كان يقال للشخص عندما يحلقه الحلاق ،، حلاقة ،شينه، والشعر، نقره بي جهة و زايد بي جهة ،،كنا نقول ليه الضعمطك ده ،منو،؟،، والظعط ليك شعرك كده شنو،؟ والمعطك كده منو؟؟؟،اذا انزلنا كل ما تطرقنا اليه اعلاه ،،ودون تأويل بعيد،، وفي عفوية أهلنا اهل. الأقاليم والريف،،ومن تربي ونشأ فيه،، وانزلناه علي ما فعله فينا ،، القاتل حمرتي،،واوباشه،، من قتل وتنكيل ،واغتصابات ، وسرقات،،، واحتلال منازلنا،وتشريدنا وطردنا منهاواحتلال مدن وحاميات ،،،،،يكون قد ظعطنا،،ونتف ريشنا،،، وظعمطنا،،،، وظعط البرهان زاتو ونتف ريشو،،،،،، ،، وحقه ما يشغلنا عن وقف هذه الحرب العينة عبارة ونخشي ان يسمعها العالم الخارجي،،عبر القنوات،،فهذه مفرده،،وإن اعتبرها البعض مقززة، أو فهما هكذا او انها حقيقة تعني كذا ،العالم الخارجي لا يفهمها،، حقيقة ولا تاويلا،،، فإن كان الرجل اي البرهان ،،قد أطلقها بالمعنى الذي اوردته ،،نكون ظلمناه،بالتاويل،، البعيد وإن الرجل يعينها،، ويعني ما يقول بمعناها التأويلي،،يكون قد فقد البوصلة،،،، وضل الطريق،،، وفقد التركيز،، ويحتاج الي معالج نفسي يعيد له تركيزه،،وثباته الانفعالي،،،، وإن لم يستجيب للعلاج وعجز المعالج النفسي عن تطبيبه ،،يكون ،علي هيئة أركان الجيش ان تقوم بدورها المناط بها في مثل هذه الأحوال فقد عالج قانون القوات المسلحة الأمر في مثل هكذا حال،،،اللهم احفظ السودان من شر ابنائه،قبل اعدائه واخذهما معا اخذ عزيز مقتدر ، عادل سماوي
سلام اخ محمد عبدالله الحسن, زولك ده من جيل زمن التعريفة و لذلك يمكن اتلخبطت ليهو الفرق بين الزعمطة و الزعطة. الجداد فعلا بتزعمط بعد ادخالة في الموية الساخنة لمده اقل من 5 دقائق و بعدها الريش بطلع (بتزعمط) بسهولة.
01-08-2024, 07:30 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11562
Quote: سلام اخ محمد عبدالله الحسن, زولك ده من جيل زمن التعريفة و لذلك يمكن اتلخبطت ليهو الفرق بين الزعمطة و الزعطة. الجداد فعلا بتزعمط بعد ادخالة في الموية الساخنة لمده اقل من 5 دقائق و بعدها الريش بطلع (بتزعمط) بسهولة.
الراجل ده على علم بالكلمتين ...بعدين هو بتكلم على عطبرة ..في زمن مضى.. بعدين اشتغل فترة طويلة في الشرطة في العاصمة... عشان كده الكلمتين
ما بتكون غريبات عليه ..
** في ملاحظة زي ما قلت الكلمتين قريبات لبعض.. لربما يكون بتستخدم إحداهما مكان الأخرى..
اعتقد البرهان عارف معنى الكلمة الاستخدمها... لكن هل هو بقصد دي والا ديك...الله أعلم.
لكن لو كان بقصد هذه أم تلك فذلك لا يؤثر في تقييم البرهان من الناحية الشخصية.. عشان كده الموضوع أصلا ما حيثبت شيء ضد البرهان أو لصالحه.
01-08-2024, 09:47 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
الكلمة التي استخدمها البرهان حمالة اوجه وتفهم من سياق الكلام
مثلا طالب في الجامعة ويقول لاصحابه: الليلة البروف ظعطنا بامتحان, وهذا دلالة على صعوبة الامتحان او يجي عربيد في الحي ويقول لاصحابو الليلة انا ماشي اظعط: وهذا دلالة على نيتة ارتكابه الفحشاء والعياذ بالله او واحد ثرثار اصحابو قولوا ليه ياخ ما تظعطنا: يعني ما تزعجنا وهكذا ...
اما البرهان فارجح انه اراد بها الاغتصاب لانه ربطها بالقتل ودائما في هذه الحرب عندما تذكر جرائم الدعم السريع ففي طليعة الجرائم تأتي جرائم القتل والاغتصاب
01-09-2024, 04:58 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11562
Quote: الكلمة التي استخدمها البرهان حمالة اوجه وتفهم من سياق الكلام
مثلا طالب في الجامعة ويقول لاصحابه: الليلة البروف ظعطنا بامتحان, وهذا دلالة على صعوبة الامتحان او يجي عربيد في الحي ويقول لاصحابو الليلة انا ماشي اظعط: وهذا دلالة على نيتة ارتكابه الفحشاء والعياذ بالله..او واحد ثرثار اصحابو قولوا ليه ياخ ما تظعطنا: يعني ما تزعجنا وهكذا ...
اما البرهان فارجح انه اراد بها الاغتصاب لانه ربطها بالقتل ودائما في هذه الحرب عندما تذكر جرائم الدعم السريع ففي طليعة الجرائم تأتي جرائم القتل والاغتصاب
شرحك منطقي جدا...وهو الصحيح...
في الغالب يبدو أنه يقصد الكلمة الدالة على فعل الجنس..خاصة في السياق سياق انفعال وغضب..
** طبعا تفوّه البرهان بتلك الكلمة شغلت الناس أكثر من هول ما جرى ويجري على أرض الواقع...
01-09-2024, 06:46 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
"سقطات " الرؤساء": شكر الرئيس الفرنسي ماكرون رئيس الوزراء الاسترالي على حسن الضيافة، وأردف ذلك بهذه "السقطة" :
Quote: “Thank you and your delicious wife for your warm welcome.”
وقال البعض ان ماكرون تعمد محاكاة قول لترامب في زيارة له لباريس ، حين قال عن زوجة ماكرون:
Quote: She was in such great shape....beautiful
وهذا ما رصدته الكاميرات:
اما توني بلير فهذه قصته:
Quote: The former British prime minister Tony Blair, who speaks pretty good French, was once caught out when he tried to say, “I envy you” to his French counterpart, Lionel Jospin.
Instead of “Je vous envie”, he said: “J’ai envie de vous” – “I want you.”
تحيياتي مرة تانية يمكن تكون استنكرت في داخلك الكلمة الواردة في سؤالي اكتر من عدم فهمك لي السؤال. لاحظ معظم المتداخلين فهموها إنها عبارة فيها إيحاء جنسي وبورنو، واقرا تااني إشارة ذكية من الأستاذ الخواض رداً على تساؤلك. نحنا مجرد طرح الكلمة المعبرة عن الفعل عمل فينا كدا فما بالك بالضحايا! ومعاك بتفق الكلمة نالت اهتمام اكتر من اللازم،، بس سبب اهتمامنا دا شنو؟
ولك التحية والاحترام
01-09-2024, 09:09 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11562
Quote: بالنسبة للبرهان أعتقد أنه لن يهتم كثيرا بما قال... و المعروف(إن لم أكن مخطئا) مثل هذه اللغة متداولة في أوساط العسكرين..(لماذا؟)
لن يهتم لسببين: السبب الاول ان لا احد سينتقده من العسكريين بوصفه رئيس المؤسسة العسكرية. السبب الثاني: لو جاء النقد من "الملكيين" كما تصف الثقافة العسكرية المدنيين. فُهم في درجة أوطأ كثيرا من العسكريين.
وربما هنالك سبب ثالث هو ما تفضلتَ بذكره من ان اللغة "الهابطة" متفشية في اوساط العسكريين. لاحظْ انه تحدث عن "القطر قام" وهي تنتمي إلى ثقافة القعدات في السودان.
وقد ساهم انفعاله وغضبه في "اندلاق" ما خفي في بواطن "لاشعوره" العسكري والشخصي.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الله الحسين
Mahjob Abdalla
osama elkhawad
Mohamed Doudi
نصر الدين عشر
فيس بوك
تويتر
انستقرام
يوتيوب
بنتيريست