|
|
|
 Re: يا طلحة البرهان قاصد المعنى التاني للكلمة (Re: حيدر حسن ميرغني)
|
زمااان يا طلحة .. 2006
نشرت حاجة كده بعنوان ملغوم " ويا ما نشوف في عهد الزعاطة .. عجائب الحرطوم السبعة بقلم الدكتور. فتح العليم عبد الله
الظاهر المفردة دي كان عندها مشتقات ومعاني كثيرة اكثر من المعنى الرائج اليومين ديل
---
ويا ما نشوف في عهد الزعاطة .. عجائب الحرطوم السبعة بقلم الدكتور. فتح العليم عبد الله
يا السايق الكراون يا أب مدفعا هاون- وينك لينا؟
لفت نظري قبل ثلاثة أسابيع في منزل ضخم واسع بوسط محافظة الخرطوم حيث ذهبنا
لتعزية صديق في والده, لفت انتباهي مرور امرأتين في حالة بكاء وعويل وهما تدوران حول المبنى الداخلي
وبالتفرس في وجهيهما وسحنتيهما أيقنت أنهما ليستامن أقارب المرحوم ولا حتى من معارفه, ولما اشتد بي
الشمارسألت أحد أقارب المرحوم من الشباب عنهما فقال لي: ديل يا عمو (بكايات) يعني ببكن بالقروش،
المستطيع يأجرهن طوال أيام المأتم والعاجز يكتفي باليوم الأول فقط. لاحظ العاجز دي.. تحضر النائحة إلى
منزل العزاء وتطلب الـ CVأي السيرة الذاتية للميت من زوجته أو ابنته الكبرى:
العمر: 70 عاما.
لمهنة: ضابط معاش وله وكالة سفر وسياحة.
المستوى التعليمي: دبلوم الحربية زائدا بعض الكورسات في الترجمة والحاسوب.
أسماء أكبر الأبناء والبنات: فيصل, أحلام, رابحة, عواطف.
هل قام بأي عمل بطولي: نعم, محاولة انقلابية فشلت في فترة الرئيس نميري.
تأخذ النائحة المعلومات وتعقد اجتماعا عاجلا بزميلاتها وبعد التداول يخرجن
للملأ وهن يرددن:
الليلة ياب دقنا دايرة وخدودا نايرة وقدرة فايرة وشيكاتا طايرة- كتلنا فيك
الليلة يا أبو أحلام يا الشالوك للصالح العام وحكموا عليك بالإعدام – مو دايم
إلا الله
الليلة يا السايق الكراون يا أب مدفعا هاون- وينك لينا؟
وهنا يهج البيت ويفور بالعويل والنواح وتميل النائحة يسارا ثم تنحني ضاغطة
بيدها اليسرى على أنفها ثم تنظر إلى ابنته الكبرى نظرة ذات فحوى: لقيتيني كيف؟ أو: دا الشغل..
الليلة يا الساكن ديم لطفي أب كلمة تشفي
البجيك بتجبرو والواقع بتشيلو يا السايق الباجيرو – مو دار عمار
فقدتك السكرتيرة والطربيزة المستديرة والمرسيدس الخنزيرة – خليتنا لمنو؟!
لاحظ العربة قبل دقائق كانت كراون!).
بعد ذلك تذهب النائحات إلى غرفة قصية حيث يؤتى لهن بالثريد والإدام والزواحف
والبارد والساخن وعند الانتهاء من هذه المأدبة تنقد البنت الكبيرة النائحات
مبلغ 300 ألف جنيه وتقول لهن همسا
ضروري حضوركن بكرة المغرب عشان ناس السعودية والبلد جايين.. كويس
| |
  
|
|
|
|
|
|
|
|
Re: يا طلحة البرهان قاصد المعنى التاني للكلمة (Re: حيدر حسن ميرغني)
|
مرحبا يا حيدروف
ما استبعد والله انو الفلول يجتهدوا ويطلعوا
لينا اللخو دا صعيدي من سوهاج - جرجا
بعدين يا حيدر حتى لو قاصد بزعطكم طردكم
أها (عمل فيكم أية الحاجة ) القالا دي شنو؟؟؟
يكون قاصد بيها خلاكم تغسلوا العدة وتكنسوا
الحوش وبعد كدا تحموه وترضعوه وتنوموه ؟
ياخ دا مثلو الأعلى فرعون تقول لي قاصد وما قاصد
غايتو كامل التضامن مع الطيبين أهلنا ناس قندتو
بنهر النيل هسة يودوا وشهم وين من القرى والفرقان
المجاورة .. تاني لو ماشين لمناسبة في قرية مجاورة
إلا يتنكروا في شكل ناس تانين ما من قندتو بتاعت
الزعاط دا .
أو يطلعوا بيان طويل عريض يلصقوه في كل حيطة
وكل شجرة يقولوا فيهو انهم متبرئيين من الزعاط
رب الفور دا .
غايتو بس السواها رقدت
الله يهون عليهم وعلينا
خخخخخ
| |
|
|
|
|
|
|
| |
حيدر حسن ميرغني
طلحة عبدالله
فيس بوك
تويتر
انستقرام
يوتيوب
بنتيريست