Quote: الصفحة الرسمية للحزب الجمهوري السوداني [قبل 9 ساعات] #الحزب الجمهوري #الحرية لنا ولسوانا #بيان حول: إعلان أديس أبابا بين تنسيقية (تقدم) و قوات الدعم السريع انطلاقا من موقف الحزب الجمهورى المعلن حول إدانة واستنكار الحرب التى اندلعت فى بلادنا منذ منتصف شهر أبريل من العام المنصرم بين الجيش السودانى وقوات الدعم السريع، والتى أدت إلى مقتل آلآف المواطنين من المدنيين والعسكريين وتسببت فى نزوح الملايين، وضياع الممتلكات الخاصة والعامة وأدخلت بلادنا فى فتنة أحالت نهارها إلى ليل. وبناءًا على موقف الحزب الجمهورى الثابت من قضايا السلام والديمقراطية والحرية، فإننا نرحب بالإعلان الذى تم توقيعه فى العاصمة الإثيوبية أديس ابابا بين تنسيقية (تقدم) وبين قوات الدعم السريع، والذى اتفق الطرفان بموجبه على ضرورة وقف العدائيات فورا تمهيدا للوصول إلى وقف مستدام لإطلاق النار. إن المهمة العاجلة التي حواها الاعلان لهي الشروع فى فتح المسارات وتأمينها وتوصيل المساعدات للنازحين والمحتاجين من المواطنين والمحافظة على امنهم وسلامتهم. اننا فى الحزب الجمهورى نؤكد إيماننا العميق بأن السلام هو الطريق الأوحد للحفاظ على الوطن، وأن الصلح خير فى كل الأحوال، ولذلك فإننا ندعو قيادة الجيش السودانى للاستجابة للقاء بقيادات تنسيقية (تقدم) تمهيدا للرجوع إلى التفاوض المباشر بين قيادة الجيش وقوات الدعم السريع لوضع حد لهذه الحرب اللعينة من أجل العودة إلى العملية السياسية حيث تعود كل من القوات المسلحة وقوات الدعم السريع إلى مهامها الأساسية بعيدا عن الانخراط في العمل السياسي. يرى الحزب الجمهوري بوصفه جزءا من تنسيقية تقدم في هذا الاتفاق الذي تم خطوة كبيرة في السعي إلى إيقاف هذه الحرب اللعينة وعودة النازحين إلى بيوتهم واعمالهم كخطوة أولى في عودة الحياة إلى طبيعتها والعمل على تحقيق السلام المستدام الذي من خلاله تبدأ مسيرة العودة لطريق التغيير الشامل الذي تفجرت من أجله ثورة ديسمبر المجيدة. #الحزب الجمهوري 3 يناير 2024
01-04-2024, 06:14 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51130
Quote: فإننا ندعو قيادة الجيش السودانى للاستجابة للقاء بقيادات تنسيقية (تقدم) تمهيدا للرجوع إلى التفاوض المباشر بين قيادة الجيش وقوات الدعم السريع لوضع حد لهذه الحرب اللعينة
لن يستجيب علي كرتي ولا غندور لهذا النداء، وللاسف قائد الجيش المسروق ليس له قرار
01-04-2024, 11:17 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28863
Quote: جمال المنصوري .. دحين ما حقكم؟ أمنعوا الفلول الجمهوري دا ..
يا بريمة الفكر الجمهوري علمنا الحرية في التفكير، والعمل بما نفكر ونتحمل مسئولية عملنا وعلمنا كذلك انه ليس هناك امر منفلت من النقد بهذه الصورة الجمهوري لايقيد حريته رابط حزبي او غيره حا اقول ليك فهمي للمضوع كله واوضح ليك انا ليه واقف ضد تصرفات وانتهاكات الدعم السريع.. والدعم السريع هو اللي جر المواطنين لهذه الحرب حين دخل البيوت وانتهك الاعراض والحرمات والاموال - ده موقف فهمت يعني ايه موقف.. رؤيتي للأحداث دي كلها انها صراع بين جناحي الحركة الاسلامية (المؤتمر الشعبي، والمؤتمر الوطني) يعني كيزان هني زكيزان بي هناك دي ما فيها شك وليس لنا مصلحة في الطرفين
انا مع المقاومة الشعبية للدفاع عن العرض والارض والاموال مع المواطن يتسلح ويدافع عن نفسه زينا وزي امريكا، انتو مش عندكم في امريكا الحق الدستوري والقانوني في امتلاك السلاح؟ نحن عاوزين الحق ده بعد الشفناهو يا خي ادخلتوا الرعب في نفس النساء والاطفال عاوزني اقيف مكتوف الايدي لا والله
01-04-2024, 12:55 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51130
Quote: بهذه الصورة الجمهوري لايقيد حريته رابط حزبي او غيره
جمال المنصوري، قول الكلام لزول تانى .. يعنى عايز تقول لي أنت ملتزم بأراء الحزب وتمارس حرية الرأي في الأنضمام إلي الفلول؟ ما دام أنت في الحزب يجب عليك الإلتزام بخط الحزب .. نقطة وسطر جديد، هذه هى أدبيات الأنضمام للأحزاب.
بريمة
01-04-2024, 03:15 PM
adil amin adil amin
تاريخ التسجيل: 08-01-2002
مجموع المشاركات: 39161
الفراغ والخواء الفكري والثقافي،والسياسي للفلول والقحاتة هو الفجر النزاع تقيف النزاع كيف ؟
الحزب الجمهوري وضع اسس للدولة السودانية من 1955 كتاب اسس دستور السودان ليه ما احترمو القحاتة ديل حسنين قدم علم ورؤية ودستور،2019 ليه ما احترمو القحاتة ديل الحركة الشعبية عندها رؤية محترمة من 2005 ليه ما احترموها القحاتة ديل ياخ الجنرلات تتحكم فيهم المخابرات المصرية والشركة القابضة والدعم وقحت وحمدوك صنعتم المخابرات الامارتية وفي 650 شركة ناهبة للسودان تابعة للحيش والامن والدعم فضحا ابراهيم منعم منصور ليه ما يرجعو الاموال المهولة المجنبة في بنوك غير سودانية بنك السودان الله يرحم الاستاذ محمود واجه نظام مايو بمخازيه طوالي وواجه الثمن بشحاعة وديل يملسو في الامور مع قحت التي لا تحترم احدا وقف النزاع لا يعني حل حضاري ولا فكري ولا ثقافي ولا سياسي ولا اقتصادي،ولا اجتماعي،ولا نفسي وقحت شلة نرجسية لا ترى غير،نفسها في المشهد ولا تريد مواجهة فشلها المدمر،من 2019 وعلى ماذا يراهن الحزب الجمهوري على هؤلاء كان الاجدي يراهن على رؤية حسنين والحركة الشعبية على الاقل
01-05-2024, 00:33 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: جمال المنصوري، قول الكلام لزول تانى .. يعنى عايز تقول لي أنت ملتزم بأراء الحزب وتمارس حرية الرأي في الأنضمام إلي الفلول؟ ما دام أنت في الحزب يجب عليك الإلتزام بخط الحزب .. نقطة وسطر جديد، هذه هى أدبيات الأنضمام للأحزاب.
تسلم يا ياسر يا بريمة دي حقيقة انا لا اتقيد براي حزب او تنظيم الكلام ده يقنعك ولا لا ده موضوع تاني بس تأكد انو الاستاذ محمود لمن كان بيدقق في انو يعرف واردات الفرد الجمهوري في مسألة ما، كان بيصر ويلح في اظهار الفردية عبر الواردات الفردية البي تختلف بين فرد واخر الشيء التاني انت نفسك فلول ده انت في بداية الحرب في احد خيزط السوداني الكلس دينق قلت بالحرف الواحد انك مع بقاء الجنجويد والحركة الاسلامية او كلام في الاتجاه ده بعدين بصراحة كده موقفكم واضح انو ده صراع داخلي بين طرفي الحركة الاسلامية: او بعبارة دقيقة جدا، بين اولاد البحر واولاد الغرب في الحركة الاسلامية... يعني الناس ما عارفة ناس الربيع وانت واسماعيل وغيركم كتير انكم مؤتمر شعبي و الطرف الثاني كلهم مؤتكمر وطني يعني ممكن تقول هو صراع الترابي علي عثمان محمد طه + البلس دي هامش التدخلات الدولية على فكرة الكثير جدا من المثقفين هنا اثبتوا انو افقهم السياسي اتجاه واحد فقط ولو عاوز مزيد من الادلة كلمني وانا حاضر
01-05-2024, 03:00 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32981
الجمهورين فيهم ناس ما ساهلين .. لكن بينهم خزعبلات ساكت .. جمال المنصوري وعادل أمين .. ديل حقوا ما يكتبوا كلمة عن الجمهوريين. ما عندهم أدنى علاقة بالجمهوريين ..
الواحد يتساءل من هو الفرد الجمهوري؟ أو بالأدق عمن يعبر الحزب الجمهوري؟ هل هو حزب بدون أفراد؟ إذا فيه أفراد ماهى إلتزماتهم الحزبية؟
بريمة
01-05-2024, 03:19 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1302
Quote: لجمهورين فيهم ناس ما ساهلين .. لكن بينهم خزعبلات ساكت .. جمال المنصوري وعادل أمين .. ديل حقوا ما يكتبوا كلمة عن الجمهوريين. ما عندهم أدنى علاقة بالجمهوريين ..
الواحد يتساءل من هو الفرد الجمهوري؟ أو بالأدق عمن يعبر الحزب الجمهوري؟ هل هو حزب بدون أفراد؟ إذا فيه أفراد ماهى إلتزماتهم الحزبية؟
بريمة
ده ما الموضوع يا بريمه موضوعنا انك انت كوز وجنجويدي انت ما رديت على الكلام ده؟ ولا اجيب ليك مداخلاتك في سوانيزاولاين بعدين الاهم من ده كله بعدين خليني الاسألك سؤال ارجو ان تجيبني عليه: منو الافرج عن الكيزان الكانوا محبوسين في كوبر؟ ولمن هم رأس الفلول لماذا لم يقبض الجنجويد عليهم خصوصا وان الخرطوم وقتها كانت كاها ما عدا القيادة العامة في قبضة الجنجويد؟ قت ليك صراع اجنحة الحركة الاسلامية على السلطة بدعم دولي واسع... بس نحن المواطنين العاديين مجبرين على ان نحمل السلاح دفاعا عن اعراضنا واموالنا وممتلكاتنا .. زدي اسألتي اليك اطمج ان اتلقى اجابة عليها تقدر تنكر انو الجنجويد كيزان جناح الترابي ،والبرهان ومعاه المؤتمر الوطني كيزان جناح علي عثمان؟
01-05-2024, 04:59 AM
adil amin adil amin
تاريخ التسجيل: 08-01-2002
مجموع المشاركات: 39161
Quote: جمال المنصوري وعادل أمين .. ديل حقوا ما يكتبوا كلمة عن الجمهوريين. ما عندهم أدنى علاقة بالجمهوريين
ايواه يا بريمة عندي 10000 بوست هنا هل حصل قلت انا جمهوري وهل مقدم نفسي حصريا في البورد كشخص جمهوري يا اخوي نحن للتعريف بالسودان حضاريا وفكريا وثقافيا وسياسيا واقتصاديا واجتماعيا ونفسيا عندي مكتبة للروايات في موقع النور ومقالات في الحوار المتمدن وراي اليوم عطون وسودانيل والراكوبة وتسجيلات 65 تسجيل من قبل يعرفو الناس اللايفان وايضا يوتيوب محطة ما حصل قلت انا جمهوري لكن بعرف بالفكرة الجمهورية بالوثايق وملفها السياسي،واضح كتاب اسس دستور السودان 1955 وكتب سياسية كثيرة تحدد موقف الفكرة من من النظام العالمي الجديد وهسة افضل من يعرف بالفكرة الجمهورية في العالم المعاصر،والجامعات وبكتب موثقة هو د عبدالله الفكي البشير ومصطفى الجيلي ومصطفى دالي واعرف لو احترم العالم المتمدن والعرب والازهر،ورابطة العالم الاسلامي افكار،وكتب الاستاذ،محمود زي ما احتفو بادب الطيب صالح كان السودان فعلا اليوم علما بين الامم مش بقايا وحطام دولة تلهو فيها القردة في السوق ويبقى السؤال لماذا يراهن الحزب الجمهوري على قحت الاماراتية الفاشلة التي صعدت على جثث الشباب في القيادة وجدعت الجمهوريين حيدر،الصافي الله يرحمه حيدر بدوي عمر القراي ولاء البوشي انتو صدقتو شيوعي ولي بعثي ولي،ناصري يحترم ليكم اي،مفكر،او مشروع وطني سوداني
الكلام دا ما علي زول مكاجرك هنا في المنبر 20 سنة .. أنت في المنبر تهاتي بالجمهوريين منذ أول جئت المنبر .. وإلي يوم الناس هذا.
أنت أكتر زول حاول يخرب الفكرة الجمهورية .. مرات حركة شعبية ومرات ختمى ومرات جناح علي محمود حسنين .. أنت أركز وقول عن نفسك جمهوري جناح دالي، جمهوري جناح أسماء محمود، جمهوري جناح بروفسير عبد الله النعيم، جمهوري جناح عبد الله إرنست .. غير كدي قاعد تشوش للفكرة وتجهضها ..
بريمة
01-05-2024, 10:21 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 32981
جمال المنصوري لم تجاوب علي أسئلتي وبدأت تهرب إلي الأمام .. كعادتك في الجري والجبن .. هاك دي أقوالك
Quote: تقتلوا مننا ح نقتل من ناسكم المعانا تغنصبوا بناتنا ح نغتصب بناتكم المعانا اشيلوا رهائن ح نمسك ناسكم المعانا كان للزرع والضرع ان شاء ما تقوم ليه قائمة البيناتنا اصبح تار بايت شد حيلك
ولم تقف عند هذا الحد بل قلتعن نفسك "إننى رجل فيه شيئ من جاهلية" ..!! هذا لا دين جمهوريين ولا من تراث الأستاذ .. أمشي شوف ليك جهة تتنطع فيها ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة