وين قادة الكيزان ليقودو الجهاد ⁉️ بل أين أبناء كبار قادة الكيزان حتى يقودوا المستنفرين ؟!.
وين حامد ممتاز واولاده ؟ وين ياسر أرازل واولاده ؟ وين عبد الرحمن الخدر واولاده ؟ وين مصطفي عثمان إسماعيل واولاده؟ وين طارق سر الختم واولاده؟ . وين عصام عبد القادر واولاده؟ بتاع الاراضي. ووين الكيزان ديل ووين اولادهم؟ ليقودوا الجهاد ويحملوا السلاح . وين احمد عبد الرحمن الخضر؟ وين محمد الكامل راجل بتو الاكلو الأراضي وكتلو غسان وين محمد نافع ووين نافع ذااااتو ؟! وين عمار عوض الجاز؟ وين عمر صلاح عبد الله قوش وأخوه محمد ؟ وين ربيع عبد العاطي؟ وأولادو الفتوات السابقين الاوديو وين يوسف كبر؟ وين الفاتح عز الدين؟ القال تاني واحد ود مرا اليرفع راسو !! أهنديل الجنجويد رفعو راسهم وين قادة جهاز الأمن الأولوية والعمداء والعقداء المقدمين وروساء الشركات التابعة لجهاز الامن؟ وين رؤساء وأعضاء مجلس إدارات شركات التصنيع الحربي و الجيش وين أعضاء مجلس الفقه الإسلامي وأعضاء هيئة علماء السودان ال ٣٢٠ عالم؟ 👨🔬 وين يوسف عبد الحي لسه شاب وممكن يجي يقود الجهاد ضد الجنجويد وين علي محمود وزير المالية؟ وين بدر الدين محمود؟ وين عصام احمد البشير؟ وين أخوات نسيبة اميرة قرناط السفيرة وقمر هباني وسمية ابو كشوة والقالت للجنجويد : أضربو الحركات المسلحة كو واكلوهم نم ماقالو : لا لدنيا قد عملنا نحن للدين فداء تعالو قودو اخوات نسيبة
وين الكيزان الضاقو حلوها ليقودو الجهاد ضد الجنجويد قدامنا ونحن من خلفهم إن شاء الله ننتصر علي الجنجويد أو نلقي الله في معركة الكرامة
وللا قبضوا قبيضهم وحمدو سيدهم ..؟!
كلهم في مصر وتركيا وماليزيا والإمارات عايشين في نعيم بالأموال المنهوبة
غلبني النوم من الغبن الحسرة علي البلد وكتبت البوست الساعة ٣ ونص صباحا يوم سقوط مدني ورفاعة والكاملين ...
✍️ (محمد احمد) السوداني
12-31-2023, 03:31 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 28863
اصلا عاوزين ينتهوا من نص الشعب الفضل عشان اولادهم واولاد اولادهم ينعموا بحياة رغدة اذا كان آبائهم الذين يملأون الدنيا ضجيج بالدعوة للإستنفار ما قادرين يقحوا ، عيالهم يعملوا شنو المساكين شهداء معسكر العيلفون كان عاوزين يزجوا بهم في الحرب دون رغبتهم، لما حاولوا يهربوا رشوهم رصاص ورموهم في النيل عشان اولادهم ما يحاربوا تباً لهم ولآبائهم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
حيدر حسن ميرغني
فيس بوك
تويتر
انستقرام
يوتيوب
بنتيريست