المرحوم تم استقباله في أثيوبيا بي كركون شرف عديل ما عملوه للبرهان قريب وده مفروض يخلينا بدل نتغالط في أنو الرجل حي ولا ميت ولا أيده ناقصة ولا ضهرو طويل، نفكر بعقلانية في مغزى تأجيله لمقابلة البرهان في جيبوتي "لظروف فنية" أولا وما يرمي إليه بجولاته الحالية ثانيا. (١) في تقديري يبدون جليا أن حميدتي كان يعلم سلفا أن ظهوره حيا فقط، سيؤدي إلى حالة إحباط عامة وسط قيادة الجيش والكيزان ومستنفريهم فتعمد التأجيل ليخلق حالة إحباط في صفوف قيادة وجنود القوات المسلحة قبل ان يوافق علي مقابلة البرهان في يناير القادم.
(٢) زياراته الخارجية الحالية ليست مجردا show لكن الرجل منتصر علي الأرض ويرسل رسائل للقيادة السودانية أني منتصر وأجلت لقاء البرهان حتى أنجز خطتي سياسيا واسعي الان دبلوماسيا لتوطيد علاقاتي مع دول الجوار.
(٣) استقبال دول الجوار "يوغندا وأثيوبيا" له وتعاملها معه في استقباله كصديق حميم في يوغندا و كنائب رئيس مجلس السيادة في اثيوبيا مؤشر خطير لضرب دول الجوار عرض الحائط بقرارات البرهان ومجلسه الانقلابي فيما يخص عزل حميدتي من مناصبه الرسمية. فماذا نحن فاعلون والرجل هزمنا عسكريا في داخل البلاد ويهزمنا الآن دبلوماسي من جنوبنا الغربي ومن شرقنا؟ _____ اعقلوا وخلوا الغلاط في أنو ذكاء اصطناعي ولا حقيقة، حميدتي بكشن في بصلتنا ونحن نعوتي ونعزي "ظروفه الفنية" للفوتوشوب. Tariq Obida ✍️
12-30-2023, 04:48 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6167
استقبال دول الجوار لخيال المآتة فيه استهانة بكرامة الشعب السودانى ونوع من الشماتة….ما عارفين نحن عملنا ليهم شنو ……بعدين نحن نعوعى وين ……نحن ذبحنا وأكلنا الدعم السريع وانتهى الموضوع
12-30-2023, 05:02 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 6167
يا أميرة ياسر عطا امس قال شنو قال حميدتي مااااات ماااات ماااات شوفوا شغلتكم ما تشتغلوا بالقصص الفارغة دي كررها تلاتة مرات للتأكيد اتخيلي الكلام ده صادر من منو ووضعه شنو عسكريا ووطنيا
12-30-2023, 05:08 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1865
اخ توفيق اول مرة نتمنى الموت لى زول ….يا رب يكون كلام ياسر العطا حقيقة ……حميدتى الموت رحمة ليهو وللناس ….خرب بلدنا سلب خيراتا صرفا على اهلو. ومن والاه ……..وخرب حياتنا وشردنا كسرنا وذلنا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
توفيق عيسى مكي
Amira Hussien
فيس بوك
تويتر
انستقرام
يوتيوب
بنتيريست