# الهِدم القَديم ما بينفعو الرَّافي.. و كَضَّاب من يَجيب مَحَنَّة الجََافي #

دا كان آخر سلفي أخدناه مع هذا البلد غير الأمين
في زحمة ترويسة أعياد الكريث/مص على كورنيش كولومبيا ،
في ثوبها الجديد في عهد ولاية سفيه بنو خيبانٍ في حي بنو
يقظانٍ بود كنَّان ، هذا والله المُستعان و عليه التُّكالن

تلك الصورة الوقحة اللي نقلها الناقولن
عن صحفية اللنتباهة. , و لو كانت أحداهُنَّ ليتنفد بي
"جلدتها" من "الشحدة" لكانت هي لأنها قالو : بت ناس ،
لاكين نصحية: أوعاكي تاني تعتِّبي بهناك ، ماذا و إلَّا
سوف يحدس ما قد حدس. والمو عارف يقول عطس!

+ حيَّ الله حبيبو ود مهدنينا الدايمن مستنيا
وأسعد الله كل لصباحاتك وأماسيك و أيامك و فصول سنواتك
بكل خير. و لينا عندك طلب حسيس طالما الله جابك و يجيب
عقابك ـ تتفضل تشرح لحناكيش البورد معاني المفردات الصعبة ،
إن وُجِدت. في عنواننا المعطون لشوشته في لهيجنا السُّكري.
و يا ريت لو بواحدة من سجعاتك العصماء دي.

+# الهِدم القَديم ما بينفعو الرَّافي.. و كَضَّاب من يَجيب مَحَنَّة الجََافي #
طلعت زاتك حنكوش يا ود مهدينا متنكر في جلد قروي دايش في عم / ريكا.
دا كلام ما بتلاقاه في غوغل إيرث كان كسرت رقبتك ، فيه تشبيه ضمني
يضاهي بلاغة أبي الطيب المتنبئ. تلميحات ما ينقشا أي زول ، بالذات
أعمامنا الرَّطانة ناس ابريش و عمو علي عبد الوهاب من ضواحي الدنيا
ود اللمير خليك بعيد ، ود شيقوق ، عبدالله ود البوش، شنتير إيدكم معانا
و سوف ننبري لشرح مفرداتنا والبكا بحرره أهفلو .