|
|
|
 Re: من تؤيد فى هذه الحرب : مليشيات المؤتمر الو� (Re: Yasir Elsharif)
|
اهلا دكتور ياسر
من الحاجات الغريبة التى لاحظتها انو موقف الناس بصورة عامة عاطفي جدا ، مثلا ...اذا كراهيتك فى الدنيا للمصريين فانت حتما مؤيد لحميدتى ، اذا كراهيتك لقحت فانت مع مليشيات المؤتمر الوطني، اذا انت قومى عربى فانت مع المؤتمر الوطني وهكذا.
فعلا شعب عاطفي جدا
| |
  
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: بدر الدين الأمير)
|
سلام اخى النصرى والسلام للجميع~
*سلاما يعم السودان وشعبه ويبقى دائما
كل الخوازيق ذى بعض، أرفض الأثنين تماما
-مليشيا الجنجويد ياها صناعة الكيزان ،مليشيات الكيزان وأمنهم اخترقوهم من البداية
-مليشيات الكيزان المهووسة ستعود أكثر هوسا وعدوانية
الحرب بينهما الآن من أجل السيطرة ونهب موارد السودان
#تسقط كل المليشيات - ويبقى الشعب السودانى مواصلا لنضاله وثورته حتى النصر
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: بدر الدين الأمير)
|
انا اؤيد القوات المسلحة السودانية ضد مليشيات الجنجويد المتفلتة ..
وكلامك بأن الجنجويد اذا انتصروا وحكموا البلد فإن البلد يحكمها عصابات
متفلتة زعيمها ما بيفك الخط وسارق لموارد البلاد من الذهب والمعادن النفيسة
..وهي فعلا عصابات متفلتة ما عندها قوانين ...وانت براك شفت كيف بيعاملوا
الأسرى من جنود القوات المسلحة ...معاملة سيئة وتعذيب لا مبرر له ...
...الله يحرق البشير الذي أنشأ هذا النبت الشيطاني المسمى بالجنجويد ...
والله يحرق البرهان نفسه لانه هو الذي لمع حميدتي وعينه نائب له وما في زول
كان جايب خبره ...
نحن فقط نؤيد القوات المسلحة ...ونؤيد الضابط الذي كان يريد أن يعمل انقلاب على البرهان
ويقوم بتصفية الجنجويد ...واظن اسمه بكراوي ...وهو من الضباط الشرفاء الوطنيين الذين لا يريدون
الضيم والظلم والهوان والحقارة للقوات المسلحة ..والله
والمجد للوطن والنصر للقوات المسلحة السودانية
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: امتثال عبدالله)
|
يا هدي التي قالت
| Quote: كل الخوازيق ذى بعض، أرفض الأثنين تماما |
كلامك دا عامل زي في كورة هلال مريخ
وواحد سألك إنتي بتشجع ياتو فريق
تقومي تقولي ليهو انا بشجع الموردة
مفهوم لكن مباراتكم مع الموردة الأسبوع القادم
لكن هسع إنتي مع منو
ممكن يكون عندك حسابات مثلا لو الهلال إنتصر
فهو بيمهد ليكم الطريق يبقي الدرون كافي للفوز بالدوري
وإنتي لسه مصرة أنا بشجع الموردة بس
زمان في مثل بيقول ليك
إيه الجبرك علي المر قال الأمر منه
بالنسبة لي الإثنين تافهين
لكن من الشفناه من الجيش في أكثر من ستين سنة حكم
يخيليني اقول انا بشجع الدعم السريع
الجيش السوداني
عمالة للكيزان
عمالة لمصر عدونا الأكبر
عمالة لإسرائيل
عمالة لروسيا
خيانة وخرق عهود
بدأ من التضحية بالترابي
والبشير
لحدي التضحية بحميدتي
نهب موارنا لمصلحته ومصلحة مصر
اكثر من ثمانين في المية من الإقتصاد تحت تصرفه
كمية كبيرة من الضباط عينوا لا كلية ولا خبرة
بس لأنهم كيزان
فساد منظم
قتل منظم للشعب السوداني
فصل الجنوب
جيش رئيسه يقول نحن حركة إسلامية كاملة الدسم
وإنه البلد دي ملك للحركة الإسلامية
الجيش باع السكة حديد والنقل البحري والنقل النهري والنقل الجوي وخرب الأشغال العامة والنقل الميكانيكي
خرب مشروع الجزيرة
إستولي علي أكثر من مية مليار من قروش البترول
أغرقنا في ديون ياما
أدخلنا في قائمة الدول الراعية للإرهاب
باع الجنسيات السودانية للأجانب
نزيد ولا كفاية ’’,,..
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: امتثال عبدالله)
|
Quote: يا هدي التي قالت
Quote: كل الخوازيق ذى بعض، أرفض الأثنين تماما
كلامك دا عامل زي في كورة هلال مريخ
وواحد سألك إنتي بتشجع ياتو فريق
تقومي تقولي ليهو انا بشجع الموردة
مفهوم لكن مباراتكم مع الموردة الأسبوع القادم
لكن هسع إنتي مع منو
ممكن يكون عندك حسابات مثلا لو الهلال إنتصر
فهو بيمهد ليكم الطريق يبقي الدرون كافي للفوز بالدوري
وإنتي لسه مصرة أنا بشجع الموردة بس
زمان في مثل بيقول ليك
إيه الجبرك علي المر قال الأمر منه
بالنسبة لي الإثنين تافهين
لكن من الشفناه من الجيش في أكثر من ستين سنة حكم
يخيليني اقول انا بشجع الدعم السريع
الجيش السوداني
عمالة للكيزان
عمالة لمصر عدونا الأكبر
عمالة لإسرائيل
عمالة لروسيا
خيانة وخرق عهود
بدأ من التضحية بالترابي
والبشير
لحدي التضحية بحميدتي
نهب موارنا لمصلحته ومصلحة مصر
اكثر من ثمانين في المية من الإقتصاد تحت تصرفه
كمية كبيرة من الضباط عينوا لا كلية ولا خبرة
بس لأنهم كيزان
فساد منظم
قتل منظم للشعب السوداني
فصل الجنوب
جيش رئيسه يقول نحن حركة إسلامية كاملة الدسم
وإنه البلد دي ملك للحركة الإسلامية
الجيش باع السكة حديد والنقل البحري والنقل النهري والنقل الجوي وخرب الأشغال العامة والنقل الميكانيكي
خرب مشروع الجزيرة
إستولي علي أكثر من مية مليار من قروش البترول
أغرقنا في ديون ياما
أدخلنا في قائمة الدول الراعية للإرهاب
باع الجنسيات السودانية للأجانب
نزيد ولا كفاية ’’,,.. |
يا نصر
قريت وجهة نظرى صاح…
إنى أشجع الطرف الثالث (الشعب السودانى) وحسب كلامك الموردة
-هل نسيت الشعار الذى ما زال قائما
لا شراكة لا تفاوض لا شرعية
وطبعا لا "مساومة"
#لا ما تقيف لازم تزيد - لأنك بتكتب فى عمائل الكيزان والجنجويد معا وتؤيد فى وجهة نظرى
شايفاك أصبحت شغال بمفهوم أخونا محمد سليمان (الله يطراه بالخير) انه القاتل حميدتي (الجنجويد) عرف غلطته!
-
تكون قريت أو سمعت لغو الطرفين
-القاتل حميدتي من جهة يشتم فى صنوه (دا كضاب، دا عايز السلطة ودا شنو ودا شنو )
-القاتل برهان وياسر العطا من جهة مليشيات الكيزان يشتموا أيضا فى صنوهم (دا كضاب دا عايز السلطة وشنو وشنو)
#ولا واحد فيهم ما جاب سيرة محارق دارفور والإبادة او مجزرة الاعتصام أو قتل الشهداء فى الشوارع نهارا جهارا
#ولا واحد فيهم ما جاب سيرة هبة سبتمبر 2013 و قرب انتصارها لولا حكومة الكيزان استنجدت بالجنجويد واستشهد وقتها 250 شهيدا
ثم انه مليشيات الجنجويد ما ياها مليشيات الكيزان زات نفسها غير أن الابن الذهبى ما وقف من تحقيق كل أمانيه
يقتلنا بمال الشعب السودانى ويسرق ويهرب ثرواتنا حتى تجاوز شيوخه الكيزان ثروة.
#ما تنزعج يا نصر قد يعود الابن الذهبى - حيث لا استغرب بعد هذه الحرب اللعينة وتدمير الوطن وقتل الأبرياء أن تتحد المليشيتان ثانيا ضدنا (تسوية يعنى)
-شايفة الجماعات تبكى ومهجومة وعايزة تلقى طرف تدخل منه مع المنتصر(أردول قال الدعم السريع فتش منزله - بحثا عن سلاح😀 لو قال بحثا عن ذهب كنا صدقناه)
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
| Quote: الجيش ممكن يتصلح لانه عنده بنية اساس قديمة |
سلام النصري
الناس شكلها بتنسى
كبيرهم الذي علمهم السحر حسن الترابي قال و بوضوح
ان الجيش تمت تصفيته منذ اللحظة التي امسكوا فيها بتلابيب الحكم و الشعب (شاهد على العصر مع الكوز احمد منصور) .
و بدأوا في اسلمة الجيش من وقتها ..
الجيش الذي يقوده الان (رب الفور) لا رجاء منه ..
السودان في محنة
لا جنجويد لا كيزان .. كلاهما مر ..
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Ahmed Yassin)
|
قال كراهية، ل"المصريين" قال!!
نعم، مجرد رد فعل، من "العبيد، أهم"، للبسوو فيهو الان واللحظة فوق للسوو فينا عبر القرون، احفاد الغزاة، مستعمرينا مستعبدينا، فهذا "كراهية"، تخيلو،بمعني جريمة!!!!
لاحظ المحرك الاساسي للحاصل الان واللحظة هم اعداءنا عبر القرون!!
نعم هم الاشعلو الفتنة دي في مروي، تحديدا وهذا سلفا متداول، عشان مايكون بعض تخرصات بشاشا "الفنجاط" أمير "كارهي" المصريين!!!
أو بعد ده الهتافات في مروي، مش ضد جيش احفاد الغزاة، أو عمالة غوش، وانما "الغرابي، الحاقد" سليل التعايشي، حمدتي، لاحظو!!!
وبمثل هكذا سذاجة، عباطة، غباء، خصنا الرحمنو، في تعاملنا مع اعداءنا عبر القرون، وكنتيجة اهو، سودان مصري، الي الثانية!!!
أو بعد ده، يهاجمو البرهان، شغل اب سنينة يهاجم في اب سنيتين!!!
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Bashasha)
|
اهلا بشاشا
والله قريت مداخلتك مرتين
ما فهمت بالظبط انت بتأيد من الحروب الدائرة اليوم !!
السؤال واضح و بسيط ؛ و للتبسيط زيادة منعا للالتباس ، اذا التقى جندى من الجيش و جندى من الدعم السريع الان فى شارع الستين ولابد لاحد ان يقتل الاخر
من تتمنى ان ينتصر ؟
يلا دايرين اجابة واضحة
والخيارات تلاته لا ثالث لهم
ينتصر الجيش
ينتصر الدعم السريع
الاتنين يخسروا
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: النصرى أمين)
|
| Quote: اديني دليل واحد على كلامك ده يا نصري |
طبعا اكيد ما عندى دليل لانه نقاش ساكت ...
لكن قوانين الجيش لم تتغير كثيرا منذ انشاءه و حتى التعديلات الحصلت يمكنك اصلاحها.
الجنود معظمهم من المساكين غير التابعين للحركة الإسلامية.
فى دراسات كتيرة اتعملت لاصلاح الجيش و مافى زول قنع منه تماما
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Arif Nashed)
|
Quote: من الحاجات الغريبة التى لاحظتها انو موقف الناس بصورة عامة عاطفي جدا ، مثلا ...اذا كراهيتك فى الدنيا للمصريين فانت حتما مؤيد لحميدتى ، اذا كراهيتك لقحت فانت مع مليشيات المؤتمر الوطني، اذا انت قومى عربى فانت مع المؤتمر الوطني وهكذا.
فعلا شعب عاطفي جدا |
سلام النصري وضيوفه الكرام
استنتاجك دا جانبه الصواب
مثلا انا لا اكره المصريين وكنت مؤيد لقحت لفترة قريبة جدا ولست بقومي عربي ولا عربي حتى ومع ذلك اقف اليوم مع الجيش السوداني في خندق واحد ضد مليشيا الجنجويد
بالمناسبة الحرب اليوم بين الجيش السوداني وقوات الدعم السريع
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: نصر الدين عشر)
|
مافى مليشيا بتحكم دولة.
اتمنى النصر للجيش ؛ اتمنى عدم هزيمته.
ومثل كل تجارب امريكا الاتينية ؛ سوف يستطيع الشعب السودانى عبر نضال طويل وصبور ؛ الوصول لصيغة ترويض لهذا الاسد فى مجالى السياسة والاقتصاد ؛ وفرض الهيمنة المدنية عليه.
انا ضد اوهام القحاتة ؛ بان يتحول الدعم السريع لذراع عسكرى لهم ؛ فمن باع سيده من قبل سيبيعهم فى اقرب منعطف.
انا ضد التصفية الدموية للحركة الاسلامية ؛ كما يشتهى انصار الدعامة ؛ هذا عار ؛ ولااخلاقية.
من حق الحركة الاسلامية والتيار الاسلامى السودانى بمختلف مدارسه ؛ التواجد على الساحة وممارسة كافة حقوق المواطنة.
مدنية وان طال السفر ؛ والجنجويد للحل باذن الله.
شاهين.
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: كمال عباس)
|
هذه حرب ليس فيها خاسر ومنتصر من الفريقين المتخاربين
الخاسر هو الشعب السوداني.
الحرب تعني إنتقال الصراع على السلطة من السلمية إلى القوة العسكرية.
وواهم من يظن أن أياً من الفريقين قد ينتصر على الآخر ويستولي على السلطة ثم يقوم بعد ذلك بتسليمها لحكومة مدنية.
كل السيناريوهات المرتقبة سيئة.
أكثر السيناريوهات الراجحة هو إستمرار هذه القوضى لفترة من الزمن دون إنتصار او هزيمة لأحد الطرفين.
الفوضى تمهد لإنقلاب داخل الجيش تعقبه مصالحة مع الدعم السريع ولكن ستظل البلاد في حالة طوارء لحين قيام إنتخابات تعيد الكيزان بوجه جديد.
هذا السيناريو تم الإعداد له والحرب الدائرة ليست وليدة ظرف ناشيء عشوائياً بل هي ضمن خطة معدة مسبقاً
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Hafiz Bashir)
|
وازيدك من الشعر بيتين كمان يا النصري..
ربما يكون بين ضباط القوات المسلحة شرفاء ووطنيين ...ولكن كل الجنود في القوات المسلحة
وطنيين وشرفاء وهم عارفين ان مهامهم بتنحصر في حماية الوطن ....
ولكن كل ضباط وجنود مليشيات الجنجويد هم غير وطنيين وغير شرفاء ...فقد كان ولاءهم المطلق
لعهد الانقاذ ...والذي أسس وأنشأ الجنجويد هو زعيم عصابة اللصوص والحرامية البشير ...والإخوان
المسلمين عملوا غسيل مخ لكل ضباط وجنود مليشيات الجنجويد ولذلك أصبح وراءهم المطلق لعهد
الانقاذ القمئ ولذلك أيضا استجابوا للأوامر بارتكاب مجازر بشعة في دارفور ...
وعندما رأى زعيمهم حميدتي ان سفينة الانقاذ في طريقها للغرق قفز من السفينة وادعى أنه يقف بجانب
رغبة الشعب ...ومعه أتباعه من الجنجويد ..وللأسف وجد من يصدقه من ضباط القوات المسلحة الشرفاء
الذين وقفوا فعلا بجانب الشعب واطاحوا بالبشير وعهد الانقاذ القمئ...
فلذلك لا تتمنى أبدا أن ينتصر هؤلاء الانتهازيين من مليشيات الجنجويد عشان يجو يحكمونا بالحديد والنار ...
...نتمنى ان تنتصر القوات المسلحة السودانية وتقوم بتصفية مليشيات الجنجويد وكافة مليشيات الحركات
المسلحة ( اسفة المصلحة) حتى ينطلق السودان إلى آفاق ارحب من الازدهار والنمو والديمقراطية وحكم الشعب ..
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: امتثال عبدالله)
|
سأل النصري
| Quote: مرافعة ممتازة ؛ يلا طالما تؤيد الجنجويد فى هذه الحرب ادينا تلاته اربعة من محاسنهم |
عشان ما تغيب الفكرة الاساسية
نذكر الناس بمثل المر والامر منه
بذكر للدعم السريع حسنة واحدة
إنه في ستة أبريل سنة ألفين وتسعتاشر
كان في نية قائد الجبش وبعض كثير من ضباطه الكيزان
العمل بفتوي قتل تلت الشعب ليعيش التلثين
وكانو فعلا بصدد قتل المعتمصين في القيادة
حسنة حميدتي والدعم السريع أنه رفض تلك الخطة العسكرية الكيزانية
وتلك كانت حاسمة وقدمت دعما قويا للثورة السودانية
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Nasr)
|
نسأل سؤال إفتراضي
من في الإثنين ديل برهان ودقلو
لو إنتصر في معاركه
من فيهم سيكون مستعد علي التفاوض لتسليم السلطة للمدنيين ؟؟؟
0مدنيين دي ما بالضرورة قحت....
يعني نأيد لينا جنرال لو إنتصر سيسلم السلطة لعلي كرتي والكيزان ؟؟؟؟؟
معقولة بس؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Nasr)
|
Quote: من في الإثنين ديل برهان ودقلو
لو إنتصر في معاركه
من فيهم سيكون مستعد علي التفاوض لتسليم السلطة للمدنيين ؟؟؟ |
ولا واحد فيهم ممكن يسلم السلطة لمدنيين يمثلوا مصالح الشعب.
الإتنين ممكن يستعينوا بمدنيين لتزيين صورة الحكومة التي تخدم مصالحهم المتعارضة مع مصالح الشعب.
أي قحاتي خامر تفكيره أن حميدتي من الممكن أن يتنازل لهم عن سلطة تحصل عليها بقوة جنجويده، فهو في حاجة ماسة لمراجعة إختصاصي للكشف على اهليته العقلية.
وأي قحاتي يظن أنه من الممكن تجيير حميدتي لصالح تطلعات الشعب وضد مصالحه يبقى قحاتي حالم ويمشي يشوف ليهو ندوة شعرية يشارك فيها ويبعد عن السياسة.
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Hafiz Bashir)
|
وجهة نظر مقبولة جدا يا حافظ
علي أنني علي يقين،
وفقا لمعطيات تطور العملية السياسية منذ ثورة ديسمبر المحيدة ،
أن برهان لن ولن يسلم السلطة لقوي مدنية
ولذلك رميت طوبة في لجة بحر عميق
ورغم قناعنتي بالحلول السلمية بما فيها التفاوض مع العسكر
إلا انني أقول
لو المفاوضات دي تتطلب ولو درهم ثقة
فإنني أنصح قومي في قحت ما تثقوا في البرهان ولو بمقدار خردلة
نفس الزول الكتل ولادنا دا سبب لينا ألام ما بنطيقها
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Nasr)
|
بالرغم من كوني سياسياً مع ق ح ت، إلا أن موقفي ال الآن وهو موقف سارا بالين:
سارة بالين حاكم ولاية ألسكا والمرشح لنائب الرئيس الأمريكي،
قالت مرّة عن الحرب في سوريا:
حينما يلتقي جمعان من المجانين وكلاهما يهتف؛
الله أكبر
فيما يعتزم ذبح صاحبه، فإننا لا يجب أن نتدخل.
وأضافت أنا أقول: دعوا الله يتولى هذا الأمر!
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Bashasha)
|
اهلا بشاشا
ياخ ما قدر ده !! ده كلام كتير شديد ...
انت فاتت عليك نقطتين مهمات
الاولى انا قلت ان كثير من معارفى يتعاملون مع القضية بطريقة عاطفية، يعنى ديل ناس انا بعرفهم و بعرف بيفكروا كيف ، ليسوا غرباء لقطتهم من الشارع و حكمت عليهم بالعاطفية.
الحاجة التانية انا ضربت أمثلة بان(بعض معارفى) يتعاملون مع الازمة بالعواطف ، اذا بتكره قحت انت مع البرهان ؛ بتكره مصر انت مع حميدتى و هكذا ، يعنى حكاية مصر جات على سبيل المثال وليست لب البوست
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: النصرى أمين)
|
| Quote: يعنى حكاية مصر جات على سبيل المثال وليست لب البوست |
يالنصري،
ما ده جانب من كلامي زاتو!!!
انتا كما غيرك ماشغال بي مدبري، مشعلي الفتنة دي!!!
نعم متداول في الاسافير، كيف غوش هو الدردق حمرتي لي مروي عن طريق واحد من غواصاتو داخل منظومة الجنجويد، ومتي ما جا ذكر سليل الباشبوذغ غوش، فنحنو بنتكلم عن المخابرات الخديوية، اللي الان واللحظة شغالة ضرب جوا السودان لي سودانيين!!!
اذن او بي اعترافك بتنمط البقول بغم عن البسوو فيهو احفاد الغزاة، كانسان "عاطفي"، "يكره" المصريين، والسلام!!!
الموضوع هنا!!!
في نظرتك لي طبيعة صراع البقاء او الفناء، ك"كلام فاضي"!!!
نعم في ابتذالك لرد فعلنا، تجاه افعال مستعمرينا، بتنميطو ك"كراهية" للمصريين الانتا "بتحبهم" او كده!!!
اذن لايهم الناس البتتكلم عنهم ديل من معارفك لم لا!!!
عاين لي عناوين المنبر او شوف في كم في 100 بوست بذكر اسم "مصر"!!!
1%؟
ده ماعابر ولاصدفة اطلاقا، وكنتيجة، اهو بديل بوابين الهضيبي هم سفرجية ع الناصر، او بعاعيت البعث، او الشعوعي!!
كلها منظومات اجنبية، كما الدويلة ذات نفسها، اللي صاغا الاحتلال!!
لاجديد هنا!!!
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Ahmed Osman)
|
لو صحي جيش السودان البوديهو يعمل إنقلاب لمصلحة تنظيم سياسي شنو؟
البخليهو تحت قيادة اللحنة الأمنية المدنية المكونة من علي عثمان ونافع وعوض الجاز شنوو؟
دا جيش خايب منهزم في كل معاركه
رجالته مع العزل من المدنيين
الحيش الوطني بيحمي البلد ما بيحكمها لمصلحة تنظيم سياسي
دا ما جيش السودان
دا حيش الكيزان
وما بصلحوه الضباط الكيزانية الحرامية ديل
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
مولانا حافظ كتب:
Quote: ولا واحد فيهم ممكن يسلم السلطة لمدنيين يمثلوا مصالح الشعب.
الإتنين ممكن يستعينوا بمدنيين لتزيين صورة الحكومة التي تخدم مصالحهم المتعارضة مع مصالح الشعب.
أي قحاتي خامر تفكيره أن حميدتي من الممكن أن يتنازل لهم عن سلطة تحصل عليها بقوة جنجويده، فهو في حاجة ماسة لمراجعة إختصاصي للكشف على اهليته العقلية.
وأي قحاتي يظن أنه من الممكن تجيير حميدتي لصالح تطلعات الشعب وضد مصالحه يبقى قحاتي حالم ويمشي يشوف ليهو ندوة شعرية يشارك فيها ويبعد عن السياسة. |
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
دكتور ياسر:
Quote:
أتمنى خسارتهم الاثنين؟ وكل واحد فيهم يضعف الآخر بصورة كبيرة. ويبقى الشعب في أمان منهما.
|
الفنان إحمد:
Quote: الاتنين ارهقوا الناس ودمروا البلاد.. كلاهما خائن وكاذب وان مان برهان مراوغ بشهادة
حرب مفتعلة والخاسر فيها الشعب الطيب الغلبان
عصابة برهان وياسر وكباشي ضد الجنجويد. .. نسال الله ان ينتقم منهم اجمعين ويحفظ الشعب
عارف يا النصري محمود درويش قال :
ستنتهي الحرب
ويتصافح القادة
وتبقى تلك العجوز تنتظر ولدها الشهيد
وتلك الفتاة تنتظر زوجها الحبيب
وأولئك الأطفال ينتظرون والدهم البطل
لا أعلم من باع الوطن
لكنني رأيت من دفع الثمن. !
....
ونحن نعلم انهم من باعوا الوطن |
عارف ناشد:
Quote: لا يعنينا من سينتصر لان كلاهما يعتبران مليشيا
وفي النهاية المنتصر منهما يستعد لمواجهة الشعب السوداني |
مولانا حافظ:
Quote:
هذه حرب ليس فيها خاسر ومنتصر من الفريقين المتخاربين
الخاسر هو الشعب السوداني.
الحرب تعني إنتقال الصراع على السلطة من السلمية إلى القوة العسكرية.
وواهم من يظن أن أياً من الفريقين قد ينتصر على الآخر ويستولي على السلطة ثم يقوم بعد ذلك بتسليمها لحكومة مدنية.
كل السيناريوهات المرتقبة سيئة.
أكثر السيناريوهات الراجحة هو إستمرار هذه القوضى لفترة من الزمن دون إنتصار او هزيمة لأحد الطرفين.
الفوضى تمهد لإنقلاب داخل الجيش تعقبه مصالحة مع الدعم السريع ولكن ستظل البلاد في حالة طوارء لحين قيام إنتخابات تعيد الكيزان بوجه جديد.
هذا السيناريو تم الإعداد له والحرب الدائرة ليست وليدة ظرف ناشيء عشوائياً بل هي ضمن خطة معدة مسبقاً |
هدى:
Quote: سلام اخى النصرى والسلام للجميع~
*سلاما يعم السودان وشعبه ويبقى دائما
كل الخوازيق ذى بعض، أرفض الأثنين تماما
-مليشيا الجنجويد ياها صناعة الكيزان ،مليشيات الكيزان وأمنهم اخترقوهم من البداية
-مليشيات الكيزان المهووسة ستعود أكثر هوسا وعدوانية
الحرب بينهما الآن من أجل السيطرة ونهب موارد السودان
#تسقط كل المليشيات - ويبقى الشعب السودانى مواصلا لنضاله وثورته حتى النصر |
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: جلالدونا)
|
الهم أضرب الظالمين بالظالمين وأخرجنا من بينهم سالمين
لو أنهم تقاتلوا حتي تبقي جندي من هذا الطرف وجندي من الطرف الأخر
يكون كويس
بس دا بيكون علي حساب ساحة الحرب والتي هي السودان
قديما قالوا
لو تحارب فيلان فإن الخاسر هو العشب
ودا حال السودان
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Al Sunda)
|
سلام أخ النصري
**مافي خيار تالت؟ ههههههههه
في الحقيقة الناس أقصد عموم الناس أو الشعب دخل في حتة صعبة ..وهي إنه عليه أن يختار.. وكل خيار يحمل في داخله شرّه ومصائبه..
الناس مرات بيقفزوا للمدنية مباشرة... مع أنه الناس هسه في مرة مرحلة مبهمة وغامضة وملتبسة ... كيف بفكر في غد و أنا اليوم محكوم علي بالسجن أو الإعدام
أو النفي أو .. ومن ناحية أخرى جميع الفاعلين في الساحة قد لا يرضون تطلعات معظم الناس... يعني كل واحد عليه إكس..
استغربت من كلام الأخ نصر البقول (.....حتى فناء آخر جندي من هؤلاء وهولاء) معقول ياخ؟ تساوي هذا بذاك؟
هذا مثال للمواقف الملتبسة(لا أقصد نصر في شخصه) ولكن أقصد الخيارات...
لنعترف جميعا أننا بحق في ورطة.. ..وجميع الأبواب ستؤدي إلى المجهول ..طالما نحن بنفكر بطرئقنا المعروفة من زمان..
| |
|
|
|
|
|
|
|
|
 Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
الحرب في شهرها التاسع
وطالت ناس ومدن كتيرة
قبل أبريل كلامنا عن الحرب كان كلام نظري
الآن حتي السودانيين في خارج السودان أتضرروا منها
لكن برضو الأيده في النار ما زي القاعد جنبها وشامم ريحتها
السؤال المهم
هل تعلمنا من الحرب شيئا ؟؟؟؟
أقصد من تجرتنا العملية معها ؟؟؟؟؟
بالنسبة لي
فإن الجيش فشل في الحرب مثلما فشل في الحكم
فرط في الأرض والعرض
والدعم السريع إنتصر في عدة مواقع
وكل مرة إنتصاراته تتبعها خسارات جمة لعامة الناس
غير فقدان الأرواح فقدان الممتلكات والفوضي وإنعدام الأمان
والصورة تزداد قتامة
أزددت قناعة بالسلام وبأي طريقة
وثمنت جدا موقف القري والمدن التي فاوضت الدعم السريع علي أمنها وأمانها
ولو دا خارجنا في كل مرة فهو خير من باب إن جنحوا للسلم فأجنح لها
وإن لم يجنحوا للسلم فما في حل غير الدفاع عن النفس
كيف ووين ومتين ... دا مفتوح للنقاش
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Nasr)
|
Quote: أزددت قناعة بالسلام وبأي طريقة
وثمنت جدا موقف القري والمدن التي فاوضت الدعم السريع علي أمنها وأمانها
ولو دا خارجنا في كل مرة فهو خير من باب إن جنحوا للسلم فأجنح لها
وإن لم يجنحوا للسلم فما في حل غير الدفاع عن النفس
كيف ووين ومتين ... دا مفتوح للنقاش |
تعرف أخ نصر ،ممثلو اهالى مدينة نيالا منذ أبريل وبدايات مايو عملوا تفاوض زى دا وكمان زادوها شوية قالوا للمجموعتين امشوا اتحاربوا فى الخرطوم!
*كيف تأمن من ليس له أمان لفوا ورجعوا لمدينة نيالا وآذاقوها الإمرين…
#يجب إن تقف الحرب تماما من غير أى تأجيل
#لا تفاوض مع مليشيات أو عسكر على أرضك وبلادك
#ما يحدث فى السودان هو احتلال حتى لو كان المحتل من السودان ولكنه مدعوما من الخارج ولأهداف نهب الموارد والاستعمار الحديث ، المكشوف الآن
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
يا هدي
Quote: #يجب إن تقف الحرب تماما من غير أى تأجيل
#لا تفاوض مع مليشيات أو عسكر على أرضك وبلادك |
إنتي عاوزة الحرب تقيف وأنا والسودان كان ما كله معظمه
دايرين الحرب تقيف
سؤالنا الأساسي والبديهي كيف تقيف الحرب
الواتساب كله دعاء لوقف الحرب
وأنا متأكد أن ملايين السودانيين يدعون في كل صلاة ونافلة لوقف الحرب
والناس الفاوضوا ديل ما فاوضو علي أرضهم وبلادهم
فاوضوهم علي أمانهم
بيقولوا للدعم السريع إنتو لو عاوزين الفلول والكيزان ما عندنا فلول ولا كيزان
ولا دايرين نحاربكم ولا تحاربونا
والمفاوضات دي نجحت في قري ومدن كثيرة
بيقولوا للجيش والدعم ديك ألنقعة أمشوا أتحاربوا فيها
وما تتحاربوا وسط بيوتنا وأسرنا
فيهم كثيرين ضد الدعم السريع لكنهم يعلمون أن هذه الحرب ليست بحربهم
أشرح ليك كلامي مرة تانية :
لو التفاوض وقف الحرب والمعارك يكون كويس
زي الرسول ص ما تفاوض مع مشركي مكة في صلح الحديبية
وكان ما وقفها وزي ما قلت، ما حل غير الدفاع النفس
لكن لو الدعم ولا الجيش وافق إنه يطلع ليك من بلدك وبالتفاوض
تقول ليهو لا أنا داير الحرب ؟؟؟؟
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Nasr)
|
أشرح ليك كلامى تانى:
تعرف أخ نصر ،ممثلو اهالى مدينة نيالا منذ أبريل وبدايات مايو عملوا تفاوض زى دا وكمان زادوها شوية قالوا للمجموعتين امشوا اتحاربوا فى الخرطوم!
*كيف تأمن من ليس له أمان لفوا ورجعوا لمدينة نيالا وآذاقوها الأمرين…
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: ترهاقا)
|
حريقة ما تفض فيهم نفاخ النار يا ترهاقا
يا هدي
Quote: تعرف أخ نصر ،ممثلو اهالى مدينة نيالا منذ أبريل وبدايات مايو عملوا تفاوض زى
دا وكمان زادوها شوية قالوا للمجموعتين امشوا اتحاربوا فى الخرطوم!
*كيف تأمن من ليس له أمان لفوا ورجعوا لمدينة نيالا وآذاقوها الأمرين… |
نضرب ليك مثل تاني
ناس القطينة قدروا يقنعوا إنه الجيش يتخارج من بلدهم وبذلك قدروا يقنعوا الدعم إنهم ما يهاجمهم
بالنسبة ليك الموقف الصحيح إنه الدعم السريع ما عنده أمان ويا ناس القطينة بل بس !!!!
تشيلوا عصيكم وتهاجموا الدعم السريع !!!!!!!
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Nasr)
|
يعنى يا نصر أخوى انت مصدق الفلول الجنجويد (شعبى وخلافه) بيحاربوا فى الفلول (وطنى وخلافه)
لا لا
المجموعتين ضد الشعب السودانى
#فى العليفون وخلافها الجيش طلعوا وقفوا بعيد والجنجويد ما فضلوا شئ فى البلد!
#ما تمشى بعيد، مدنى الجيش دخل الجنجويد ياهم الجنجويد مارسوا كل أساليب النهب والارهاب وكله…
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
أقتنعت بحجتك يا هدي إنه الدعم السريع ما عنده أمان
طيب نعمل شنو؟؟؟
نحارب ؟؟؟؟
نستسلم ؟؟؟
نفاوض؟؟؟؟؟
ما براك شايفة الحرب الجيش ما قدر عليها رغم إنه ينتزع أكثر من سبعين في الميزانية
واكثر من تمانين في المية من الإقتصاد السوداني ؟؟؟؟
ولا نفاوضهم وعارفين ما عندهم أمان وبعدين بعد نعمل جيش وطني حقيقي نحاربهم
(زي ما صالح الرسول الكريم مشركي قريش في صلح الحديبية ؟؟؟؟؟؟)
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Nasr)
|
سلام نصر~
الواضح انهم الأثنين أسوأ من مشركى قريش - لا أمان لهم
#الحرب لازم لازم تقيف والشعب أقوى منهم الأثنين
تُحل كل المليشيات ويتم تكوين الجيش وطنى
رغما انه العالم يتفرج علينا ويردد الحرب قومها الأبله ونائبه
وطبعا كثيرين منهم صانعين وعارفين الموضوع أكبر من الأثنين ديل وزمان ضمنوهم وغيرهم كثيرين …
***لكن هنالك قوانين عالمية وطُرق لحل المليشيات وجمع السلاح و معاقبةالقتلة والمجرمين ، ثم تأهيل ودمج(ليس دمجا فى الجيش طبعا) أفراد المليشيات- اللذين هم مجرد منفذى آوامر - فى المجتمع المدنى
-شاهدت فيلم آخر القياصرة ، وجدت انه رغم قتل الثوار لم تكن النية ابادة الشعب الروسى
#فى السودان من الجنوب ودارفور وما يجرى الآن - الفكرة الابادة والتهجير!
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
يا هدي
Quote: لكن هنالك قوانين عالمية وطُرق لحل المليشيات وجمع السلاح و معاقبةالقتلة
والمجرمين ، ثم تأهيل ودمج(ليس دمجا فى الجيش طبعا) أفراد المليشيات- اللذين
هم مجرد منفذى آوامر - فى المجتمع المدنى |
هل يفهم من هذا موافقة علي الفصل السابع أو حتي الوصاية الدولية ؟؟؟؟
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: النذير حجازي)
|
| Quote: هل يفهم من هذا موافقة علي الفصل السابع أو حتي الوصاية الدولية ؟؟؟؟ |
ابدا أخ نصر - الاجراءت دى يعملها الشعب السودانى بعد وقف الحرب
*يوجد طرح من الحزب الشيوعى ورقة مقدمة من الخطيب منذ 2019 تتحدث عن حل المليشيات ، أيضا فى كتابات للسر بابو بنفس المعنى
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Mohamed Adam)
|
| Quote: الجيش لو عايزنا نؤيده خليو يحرر لينا حلايب،شلاتين وأبورماد من قبضة العدو مصر!! |
المتزلف الأعظم~
مصر ما جابت ليكم رد لسه ولا كيف
*كنت تتزلف وتحنس فيهم - الحاجات تصلكم فى محلكم
-اجزاء واسعة من السودان الآن تحت الإحتلال الجنجويدى الكيزانى
*الجيش لو قدر يحرر البلد منهم ، كلنا بنقيف معاه
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
طبعا مستحيل نؤيد مليشيات الجنجويد ..
وسوف نظل نردد أنه من الأفضل تأييد مليشيات المؤتمر الوطنى
او ان شاء الله مليشيات الشياطين لان هذا أخف الضررين وأخف الشرين
لان شر مليشيات الجنجويد أفظع الف الف مرة من شر مليشيات المؤتمر
الوطنى ..
وبعد القضاء على شر الجنجويد نقبل على شر المؤتمر الوطنى.
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
Quote: ولا واحد فيهم ممكن يسلم السلطة لمدنيين يمثلوا مصالح الشعب.
الإتنين ممكن يستعينوا بمدنيين لتزيين صورة الحكومة التي تخدم مصالحهم المتعارضة مع مصالح الشعب.
أي قحاتي خامر تفكيره أن حميدتي من الممكن أن يتنازل لهم عن سلطة تحصل عليها بقوة جنجويده، فهو في حاجة ماسة لمراجعة إختصاصي للكشف على اهليته العقلية.
وأي قحاتي يظن أنه من الممكن تجيير حميدتي لصالح تطلعات الشعب وضد مصالحه يبقى قحاتي حالم ويمشي يشوف ليهو ندوة شعرية يشارك فيها ويبعد عن السياسة.
|
***
قحاتى الآن تُقرأ واحد من " تقدم"
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
Quote: البرهان وحميدتي،
قبل سنوات، تناقشت مع "قحاتي"، سألني لماذا تهاجم حميدتي؟ قلت له: اجرم في دارفور وأفسد وأسرته في السودان، قال: "ناس دارفور سامحوه وجاب ليهم "السلام""، اجبته أن من امن العقاب على جرائمه السابقة سيعاودها مُجدداً في كل السودان، رد علي: "لا حميدتي فهم وبقى واعي وفي تناغم الآن مع الجيش ومع القوى السياسية"، قلت: من كان شيمته الغدر سوف يغدر بالجيش وبكم. والآن أقول لو تولى حميدتي السلطة أول من سيفتك بهم هم هؤلاء القحاتة المغفلين.
وقبل أيام تناقشت مع "بلبوسي" قال لي لماذا تقول على "الكاهن البرهان" أنه ضعيف، اجبته: كل قراراته لم يتخذها من نفسه، بل من خلال الضغوطات عليه سوى ضغوطات من جنرالاته، او ضغوطات شعبوية، ومن يضغط أكثر يرضخ له البرهان، وربما يرضخ لضغوطات إقليمية قريباً ويركبكم ماسورة خمسة بوصة والله صحي.
حميدتي: عقليته عقلية تاجر بدوي، يُخاطر دون تفكير في التبعات، وخبيث ديدنه الغدر.
البرهان: عقليته عقلية مزارع بسيط، متردد في اتخاذ القرار، لأنه يطيل التفكير في التبعات، مما يمنعه من المبادرة والمجازفة.
هذه الطبائع والسلوك لن تتغير بين ليلى وضحاها، ومن يتوقع تغير شخصية احدهما فهو واهم.
وهذا بالتأكيد له تأثير في إطالة امد الحرب،
الحل الأمثل والأسلم: هو منح البرهان بعض سلطاته وصلاحياته لآخرين، بطريقة احترافية مؤسسية |
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
يا مؤيدى آل دقلو يومها ، هل لتدميرهم للسودان وسرقة البسطاء ومحاولتهم ابادة الشعب السودانى حد!
يا للديمقراطية "الضر" لقد صدق دقلو ١ فى عبارته فى واحدة من المرات النادرة فى قول الصدق
Quote:
مش الديمقراطية العايزنها وبتنادو بيها دي والله نحنا اللابسين كاكي ديل ضر كدة بس نفتشا جحر جحر ونجرها ليكم جر ونجيبها ليكم نحنا ديل الحاقرين بينا ديل . |
*وما وقفت عند سنار ،وسنجة والدندر، ما زالوا مواصلين فى قتل الإنسان السودانى والبلاد حجر حجر…
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: هدى ميرغنى)
|
الاخ السر
اسمح لي ان اكرر ما تقول فهي وجهة نظري كذلك:
Quote: طبعا مستحيل نؤيد مليشيات الجنجويد ..
وسوف نظل نردد أنه من الأفضل تأييد مليشيات المؤتمر الوطنى
او ان شاء الله مليشيات الشياطين لان هذا أخف الضررين وأخف الشرين
لان شر مليشيات الجنجويد أفظع الف الف مرة من شر مليشيات المؤتمر
الوطنى ..
وبعد القضاء على شر الجنجويد نقبل على شر المؤتمر الوطنى. |
| |
|
|
|
|
|
|
|
|
|
Re: من تؤيد فى هذه الحرب : مليشيات المؤتمر الو� (Re: Ali Alkanzi)
|
مكرر مرة أخرى بأننا نؤيد حتى الشيطان الأزرق على هذه المليشيات المتوحشة ..
وكدي اقرا بوست الزميل ابو ذر المعنون : رجالة وشهامة ...الدعامة" .
معقولة في زول عاقل بقدر يؤيد أمثال هؤلاء الوحوش القتلة ...هؤلاء المغول والتوتر
والله حتى المغول والتتار في القرون الوسطى لم يرتكبوا مثل هذه الجرائم الفظيعة
التي ترتكبها مليشيات الجنجويد و مرتزقة دول غرب افريقيا التي تغزو الوطن وتذل
المدنيين بهذه الصورة البشعة ..
والا لعنة الله عليهم إلى يوم القيامة ...
ولكن الفرج قريب بإذن الله ..وبشريات النصر المؤزر بدأت تلوح في الافق ..
| |
|
|
|
|
|
|
| |
Yasir Elsharif
عبدالقادر محمد
بدر الدين الأمير
هدى ميرغنى
Nasr
يحي قباني
Ahmed Yassin
Bashasha
Arif Nashed
نصر الدين عشر
shaheen shaheen
كمال عباس
Hafiz Bashir
أبوبكر عباس
جلالدونا
Mohamed Doudi
محمد عبد الله الحسين
mohmmed said ahmed
ترهاقا
النذير حجازي
Mohamed Adam
Ali Alkanzi
فيس بوك
تويتر
انستقرام
يوتيوب
بنتيريست