قبل الساعه اطناشر وبعد الطابق الميه حَسَبْتَ نجوم بتتآكل وشفت النيل سرح عطشان بلا أولاد وخالي رفيق غريب في مركب الخرطوم عزيز النوم حِلِم شطار أمل شاطِر قمت شويه اتمشى واعمل لَيَّا كم خاطِر لقيت طوباً كتير أخدر شَدَر يابس جبين محروق ضفاير غريب صوتو وأصوات الحراميه التوسوس زي مَشِي الدَّابِي المنَكَّش حامي مقلوب عين شرر طاير بمرسوم فائق السرعه وخطير عاجل مختوم بي عروق الدم وقلب الثورة روح حَرَّاقَه ما بْتِنْجَمْ وابريق سِري شاقِّي سمانا لي نُصَّيْن شعور دَوَّار ونِدِيَّه وأحكام صدفه من زمن الرديء قراقوش قوانين نافذة عرفيه وجبايات زي عَمَى الأتراك سقوفها عاليه بالبرطوش ح تدفع أو كمان بالجزمه بالخرطوش خيار سافل وضيع ملطوش وناس الحله جَتْ نايمين ما حاسين بسفن الليل ولا الخان المراكبيه بلد تجري وتسابق الطير وما لاقيه البحبها جَد ولو ساعةْ مغاربيه حِليلَك يا بلد ملتاع تصارع الضلمه جوه الضو وترميك بي سهام الغدر سحب الموت والبُقَج الرمادية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالماجد موسى
فيس بوك
تويتر
انستقرام
يوتيوب
بنتيريست