---------- طبعا البلبوس المسكين زعلان من تقرير تقصى الحقائق لانه الطيره ما عارف انه البعثة اساسا طلبا البرهان يوم مشى الامم المتحدة وقعد يجعر ويحكى ويعيد ويزيد عن جرائم الجنجويد وطالب انهم يعتبروهم جماعة ارهابية واتحنفش وقال ليهم اعملوا لينا بعثة تجى السودان.. طبعا المسكين كان قايل الامم المتحدة زى شلة الصحفيين الكل يومين تلاته ماشين بورتسودان يقبضو ظرف ماااكن ويكتبوا البيملّوه ليهم... الكاهن قايل الامم المتحدة تسمع كلامه بي جاي تقول ليه صدقت وطوالى تجرم الجنجويد وتديه صك براءة
ما عارف الناس ديل ما زى النائب العام الدجال القاعد جنبه يقولو ليه اقبض فلان يقبض فلان اتهم علان يتهم علان بدون اى حيثيات.
المهم .. الامم المتحدة قالو ليه قداااام يازول نعمل لجنة تقصى حقائق تجى تشوف الحاصل شنو.. انقر صحبك الطلب اللجنه بذات نفسه قال ليهم شنو؟ بالضاااابط قال ليهم بري انا والله كنت بهظر معاكم انتو كمان ما تاخدو الموضوع بجدية.. وقعد يتمحرك يخش بي حمد ويطلع بي خوجلى ولأ ما تجونا والله ما عاوزين ما هو عااارف الحاصل والجرائم والقصص.. المهم الجماعه عملو تحقيقاتم وكتبو تقريرم والبكاء والكوراك والحنبكه بدت.. والمجتمع الدولى قاصدنا والدول الاقليمية معاديانا ودول الكاريبي مستهدفانا انتو مجانين؟ يا زول هوى والله انتو برااااكم ببلاهتكم وهطلكم مستهدفين نفسكم والما بيعرف ما يتشوبر ويغرف والجنجويد جنجويدكم والانقلاب انقلابكم والحرب حربكم والله الحكم العدل ح تدفعو حساب كامل قديم وجديد انتو وكلابكم الربيتوهم #حرب_عبثية
09-09-2024, 08:05 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Nasr
حيدر حسن ميرغني
صديق مهدى على
Hassan Farah
Yasir Elsharif
فيس بوك
تويتر
انستقرام
يوتيوب
بنتيريست