|
|
|
 Re: عاجل قوات andquot;أم باغةandquot;: تدخل الحرب بآل (Re: حيدر حسن ميرغني)
|
نعم، لكنهم أستبدلوا الزمزمية بباغة البلاستيك التى يأتي فيها العصير .. الصغيرة ..
ديل أشرس خلق الله .. ناس أكسح وأمسح.
الدعم السريع رفض إشراكهم في القتال والأستنفار منذ بداية الحرب .. وفعلاً فك لهم اللجام .. تانى الفلول محل يدخلوا ما يلقوه .. لو الفلول دخلوا جحر ضب سوف يدخلوه خلفهم.
بريمة
| |
  
|
|
|
|
|
|
|
|
Re: عاجل قوات andquot;أم باغةandquot;: تدخل الحرب بآل (Re: جمال المنصوري)
|
ول أبا جمال المنصوري
Quote: اامريكا بتحذر في العنصر العربي الدارفوري من مذبحة بشعة بس انتو فهمتوها غلط.
|
هل لم نذبح بعد ..؟ يا أخ القتل مدور فينا في جنوب كردفان وغرب كردفان منذ عام 1987م، ثم جاءت دارفور 2003م .. كل حروب الهامش الغربي وقودها أبناء القبائل العربية.
والأن موجة جديدة من الذبح فيها قطع رؤوس وبتر أطراف ودلالة بشرية عديل، رأس الواحد من أبناء الغرب بمليون جنيه. هل تصدق كون رأس الواحد فينا بمليون دي قيمة!! زمان أنس منصور يقول الواحد لا يسوي ثمن الطلقة التى يقتل بها.
enough is enough آن الأوان أن تقف هذه الحرب اللعينة.
بريمة
| |
|
|
|
|
|
|
|
|
|
Re: عاجل قوات andquot;أم باغةandquot;: تدخل الحرب بآل (Re: Biraima M Adam)
|
| Quote: يا دينق بريمة جنجكوزي قبلي كان كوز مع الكيزان وبعده مع موسى هلال والان جنجا دقلاوي وبكرة لو رجعوا الكيزان والجنجويد بفك الباغة وبرجع عبار جنجاكوزي |
وأنا زول مناوي برضو .. هسي قاعد نبحث بإيدينى وكرعينى عشان نمرقه من بورتسودان من قبضة الكيزان.
د. جبريل .. ما نافع .. كوز وفلول كيزان .. معطوب عطب لا يمكن إصلاحه، خليهو مع كيزانه.
بريمة
| |
|
|
|
|
|
|
|
|
|
Re: عاجل قوات andquot;أم باغةandquot;: تدخل الحرب بآل (Re: حيدر حسن ميرغني)
|
Quote: وأنا زول مناوي برضو .. هسي قاعد نبحث بإيدينى وكرعينى عشان نمرقه من بورتسودان من قبضة الكيزان.
د. جبريل .. ما نافع .. كوز وفلول كيزان .. معطوب عطب لا يمكن إصلاحه، خليهو مع كيزانه.
|
.
بريمة
الفراش الحائر
| Quote: هل لم نذبح بعد ..؟ يا أخ القتل مدور فينا في جنوب كردفان وغرب كردفان منذ عام 1987م، ثم جاءت دارفور 2003م .. كل حروب الهامش الغربي وقودها أبناء القبائل العربية. |
انت ما عارف ترسى علي شنو؟
العبارة دي بتفضح عدم ثباتكم على مبدأ
انكم تحت الطلب
حزب الامة يحندكم ضد الجنوبيين تمشوا تقاتلوا وتسببوا الام كبيرة للناس (قطر الضعين)
يجوا الكيزان كوالي تقلبوا جهاد
الدول العربية تدفع ليكم جري تمشوا اليمن (نرتوقة) و تكوركو الله اكبر عاملين فيها رجال
قوم ابو يمن بلاكم لمن امنتو
الغريبة انكم عندكم هوجة زي فورة اللبن وبعديها يتم بلكم بل الجن محل ما تقبلوا مبلولين
ياخي جيرانكم وشركاؤكم في الارض تدفنوا فيهم احياء
ولمن تتبلوا جري تتهموهم بانهم فلنقايات
وتقعدوا تحنسوا فيهم الحقونا
ساعدونا عاوزين نجيب حق الغرابة الاكلوه الجلابة والفلول
ياخي قبل ما تجي تقلع حق الغرابة مننا ادي الغرابة حقوقهم الانتو نهبتوها
وارضهم الانتو شردتوهم منها
وبعدين طالبهم بالوقوف معاك
واخرة المتمة عاوزين تعملوا فيها انكم ثوار ضد الظلم
دي بتذكرني بقصة على بابا والاربعيت حرامي
القاص العربي طلع الحرامي على بابا بانه بطل لأنه استطاع ان (يسرق) الاربعين حرامي السارقين قروش الناس
بس القاص العربي الفهلوي عشان علي بابا يطلع بطل وثوري نسى انو يجبر علي بابا يرجع المسروقات لأصحابها
شفت كيف يا بريمة العقل العربي مبرمج عبر الرويات انه يكون لص وحرامي وشفشاف
وزاد الطين بله انو في مثل عربي اخر بيقول ليك (سرقة السارقة حلال)
هههها
غايتو يا بريمة ح نحاول نستخدم ويكتنا المحلية المشهورة (ويكة القضارف ) عشان نلايق عباراتك المنثورة في كل مكان عشان نهضم حكاية انكم ثوار مطلبيين
(شفشفة)
| |
|
|
|
|
|
|
|
|
|
Re: عاجل قوات andquot;أم باغةandquot;: تدخل الحرب بآل (Re: Biraima M Adam)
|
Quote: أنتم يا المنصوري، حلال عليكم تبيدوا خلق الله في السودان، لكن يبقي ليكم حار لما الناس يقولوا ليكم العين بالعين والسن بالسن والجروح قصاص!
ما دا حكم الله أعتدوا عليهم بمثل ما أعتدوا عليكم. بالسنين أنتم متعدين.
بريمة |
بريمة
لا والله يحرم علينا دم اي انسان
وكلامك كله صاح العين بالعين والسن بالسن
طيب متفقين خلاص؟
اطلع انت منها وخلي اصحاب الوجعة الحقيين (الفور والزغاوة والنوبة والانقسنا والجنوبيين ياخدوا حقهم مننا ومنكم، ما تتجرس وتكورك فلنقايات والكلام الخايب ده
الناس ديل من حقهن يأدبونا ويأدبوكم انت مش رضوا كتلت فيهم، شيل شيلتك معانا سهمكم يا خوي زي سهمنا
نحن اصلوا ما اعترضنا انو الناس ديل ما ياخدوا حقهم مننا
بس انت العاوزهم يساعدوك وعامل فيها بطل
في العرف القانوني بيقول ليك
(ما تجي المحكمة تشتكي ويداك ملطخات بالدم)
الرجالة مطلوبة برضوا
خليك زي عوضالله، سمعت بي قصتوا؟
احكيها ليك
عندنا في نواحي امري (امري دي هسع غرقت بالخزان) منطقة تداخل بين المناصير والشايقية
في واحد اسمو عوض الله كان بيحب ليه بت هناك، قام اهلها عملوا ليه شرك (زي شرك ام زريدو عندكم) نحن بنقول ليه شرك ام قيردون، اها يا سيد عمك كمنوا ليه وقبوضوهو
وعينك ما تشوف النور ضرب صاخ لمن فضوا ليه المعدة قنقر كده بدون حقنة، اها يا سيد عمك شالوا ليك المخرجات دي ولطخوا ليك بيها الراس والوش وفكوه
اها عوض الله ده بقى ياسيد عمك مضرب امثال (بالشعر وكده) انا كنت حافظ القصيدي كلها الا الكبر عندوا مشاكله رست على اوضتين وصالة، قال ليك:
العايز ... ما يبقى جريس
اليسوي سواة عوض الله الفوق الدقينيس
حاجة زي دي كده...
دحين يا خوي الاقول ليك:
الداير الحكم ما يبقى جريس
يتراجل كويس وما يجيب لو فنيس
رجالة بالكضب اخرتها تبقى فنقيس
| |
|
|
|
|
|
|
| |
Biraima M Adam
حيدر حسن ميرغني
Hasheem Karouri
جمال المنصوري
محمود الدقم
Deng
Hafiz Bashir
فيس بوك
تويتر
انستقرام
يوتيوب
بنتيريست