المشهد المؤلم دا ما في غضب الراجل بس المشهد الحقيقي في إنو السوداني بقى واقف قدام سوداني تاني شايل سلاح الجزيرة ما أرض مستباحة لأي قوة مسلحة أياً كانت الراية حركة مسلحة وناس ساي المدني لما يصرخ غضباً، ده ما تمرد… ده إنذار للبرهان واعوانه لأنو وجود السلاح وسط القرى والبيوت دايمًا بينتهي بإهانة الناس قبل ما ينتهي بمعركة اللي حاصل أخطر من احتكاك عابر نحن بقينا في مرحلة كل منطقة بتحس إنها لازم تحمي نفسها من بقية البلد , والفوضي جايه والموت في الشوراع ح يحصل وده بداية الانقسام الإداري والنفسي قبل ما يكون تقسيم على الورق ولا انقسام بلد لما مواطن في الجزيرة يقول “غادروا أو نحاربكم”، دي ما مجرد جملة غضب دي علامة على إنو الثقة بين الناس انهارت، وإنو مفهوم الدولة ذاتها بقى ضعيف لأنو المفروض الزول يحتكم لدولة تحميه ما يضطر يهدد بالحرب عشان يحمي بيته التناحر بين السودانيين أخطر من أي تدخل خارجي لأنو الخارج بيستفيد من الشرخ لكن الشرخ نحن البنصنعو بإيدينا. لو كل إقليم قرر يتعامل مع الآخر كـ “غريب مسلح”، فنحن ما ماشيين لحرب واحدة ونحن ماشيين لتفكك طويل، تتقسم فيهو النفوس قبل ما تتقسم الحدود السؤال الحقيقي ما منو يطلع ومنو يقعد السؤالكيف نرجع لمفهوم إنو أي قوة مسلحة ما عندها شرعية إلا بقبول الناس وحمايتهم، ما بإخافتهم. البلد دي لو ما رجعنا فيها لخط أحمر واضح السلاح بعيد من المدنيين، وكرامة الناس فوق أي راية،ح نلقى نفسنا بنرسم حدود جديدة بيننا ونحن فاكرين بنحل أزمة وده أخطر وهم ممكن نعيشه ومنو ح يسمعنا يا صديقي .
02-28-2026, 00:48 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 35644
ول أبا حيدر لازم يتم طرد كل الحركات .. إن شاء الله يمشوا السماء ذات البروج. ولو عايزين يأتوا إلي مناطق الدعم السريع يأتوا بدون سلاح ويسلموا أنفسهم لدولة تأسيس تحّكم فيهم القانون.
الحركات المسلحة سبب مباشر فى أطالة هذه الحرب وإستعارها.
اللواء النور القبة، اللواء عبد الله شغب، والسيد العميد أبو شقرا، على رزق الله (السافنا) .. من أبناء شمال دارفور ومن كيانات المنطقة، كل أبناء غربنا الحبيب يثقون فى أحكامهم. هم يكونون عين ساهرة على دمج العائدين من الحركات.
كلاب لهب .. سخنت معاهم!
بريمة
02-28-2026, 05:23 AM
ترهاقا ترهاقا
تاريخ التسجيل: 07-04-2003
مجموع المشاركات: 9949
لو رجعنا لي ورا شوية حنلقى سبب المشاكل الحاصلة في السودان ، كل الجذور ترجع لي حركات جبريل ومناوي اللي اسسوا نظرية النهب المسلح وعقيدتهم الاستيطانية ومحاولتهم المكاوشة على السودان برمته، دييل محلهم السجون،
02-28-2026, 10:49 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 35644
رمضان كريم. السودان دا تسجن فيه مينو وتخلى مينو؟ عليكم الله أكربوا قاشكم وردوهم إلينا فى الغرب. باقى الشغل خلوه للأشاوس.
لكن أنتم متسربلين فيهم، بعض عايز يستقلهم وأخر ما عايزهم، أجمعوا أمركم وأحتكموا للشعب معروف ما دايرهم، أطردوهم. عمسيب قنع من خيراً فيهم من زمان، قال حدنا معهم يحرروا الفاشر، لو حرروها أحلوا قروش العمالة ولو لم يفعلوا لا نرغب فيهم وقروشهم نغذوا بها عميل أفضل منهم فى مساعدتنا!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حيدر حسن ميرغني
زهير ابو الزهراء
Biraima M Adam
ترهاقا
فيس بوك
تويتر
انستقرام
يوتيوب
بنتيريست