غايتو بصفتي خبير جدا في قراءة ما بين السطور والتذاكي والاعيب العفاريت بقول التقرير لصالح البشير أن غير مكانك أنت مكشوف للسابلة والنابلة .. شوف ليك جخنون تاني اتلبد فيهو ما ينيشوك اما بيان ايقاف مديرة القناة والورجغة الكتيرة الفيهو فدا هبوب ساي ولن تلبث أن تعود محمولة على البركات وما علينا نحن مثل هذه الحركات ......... الجدير بالذكر أن اليوم السبت يصادف مرور خمسة أيام بالتمام والكمال على خيبة أبو الهل الملقب بالهلال وفشله للمرة الخشرمية في انو يجيب ليهو حتى حديدة مصدية من الخارج وهكذا يكسفنا هذا الفريق المكعوج المقلبن المبشتن ككارو قديمة يجرها حمار أعرج أعور عندو فواق اللى هو أبو الشهيق أقترح صادقا أن يتم دمج هذا الفريق الهوين مع أحد فرق رابطة الكاملين على أن يبدأ مشواره من الدرجة الثانية والله ولى التوفيق .. خخخخخخ
09-20-2025, 10:54 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18570
في قراءة تانية موغلة في السذاجة والغباء كما حال الخبراء الأصطراطيييين بتقول انو دي احداثيات لضربو طيب القراءة دي ببساطة بتعني انو الحكومة سمحت بالكشف عن مكانو لضربه والمعاهو طيب لو كان ذلك كذلك ما تضربو هي وتقول ضربوه لشنو اللفة دي كلها يعنى ؟ أو أنها (أي الحكومة) فاكاها ساي وأي زول عندو كاميرا يجي يقيف جنب اللافتة المكتوب عليها ممنوع التصوير مش عشان يصور بس بل كمان عشان يوصف ويشرح الحاجة البصور فيها وفي الحالتين حكومة قاعدة ساي امفكو المهم القراءة دي ساذجة، مارقة من بلهاء ساي ودا آخر كلام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
فيس بوك
تويتر
انستقرام
يوتيوب
بنتيريست