يا اشوس قلنا لناس المنبر الحر ان الفيديو المنشور والذي يتحدث عن قصف طيران وحرق 400 مركبة عسكرية امام القصر الجمهوري مجرد علف وغباء اصطناعي قام اخونا شيخ الكنزي والمستشار طلعوني ببيع بيض ههههههههه والله حاجة غريبة جدا جد اهو عمسيب ذات نفسه اكد ان كلوا تمثيل وطفنيس في طفنيس بالرغم من اختلافه معه ان الدعامة هربوا الي دارفور عن طريق جبل اولياء الدعامة تاني رجعو شرق النيل والجزيرة والان بفتشو عن سيف السودان الجهلول كيكل شبر شبر في شرق الجزيرة وطبعن عندك كبري المنشية مغلق شرقا وغربا وانسحابات للجيش من بعض قري الجزيرة وتقدم للدعم السريع بهناك المهم متابعين.
03-22-2025, 02:53 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29537
وفي امدرمان شفشفة من امها يجو الجيش يسحلبو منك التلاجة الفاضية ويبيعوها في السوق وتمشي انت تشتريها اي تلاجتك ذاتها وعنقريبك زاتو وترجع بيهو وبعد عشرة ايام يجوك عساكر تانين يشفشوها منك ونفس العسكر يعرضوها في السوق وتجيء انت المواطن نفسو وتشريها للمرة الثانية وهكذا دواليك التفاصيل عند خال الغلابة طبعن دا لناس مصداقيتك وطاقيتك ههههههههههههه
03-22-2025, 04:39 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
فكوا البيرق يا ود الدغم ، ده غير اللي استسلموا ، وفيهم ناس جارين لي حسع حفايا ، الموت للرجّالة وقت الرجالة جات حتى غويشات وحلقات النسوان القلعوها منهن ما قدروا يشيلوها معاهم ، حتى الحجبات قنعوا منها ولقوها ناس الجيش مجدعة داخل القصر ، غايتو الفكي كاتب الحجبات إلا يشوف ليهو درداقة بعد كدة، البيتشطر على العزل والنساء ما بيقدر يواجه الرجال
03-22-2025, 06:59 PM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5277
نسبه لمراعاة مشاعر الناس . الا ان الطلب غالي . والتمن رخيص . بالمناسبه ده حق اليوم بس " تقدر تتاكد برقم التاتشر " . ده مستشفي الشعب اليوم فقط حوالي 300 فطيس . جزء من الصور ، تم اخذه من مقاطع ، واكيد مابنعرضها هنا . ( كل من يرغب برؤية المقاطع ارسال ايميل في الخاص ، وانا مابقصر معاه .) ...............................
معقول!!!!! يجيبوا أطفال بريئين زي دييل يقحموهم في حرب زي دي ؟ وده كلو عشان مملكة دقلو؟ لا حول ولا قوة إلا بالله، الاطفال دييل يشوفوا أهلهم ويين يرجعوهم
03-22-2025, 08:06 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
Quote: انباء قوية عن استعمال جيش الفلول الإجرامي لأسلحة كيماوية محرمة دوليا في معركة القصر كما استعملت من قبل في مدني و في معركة الإذاعة .. أتوقع ان يفتح عليهم بابا من العقوبات الدولية هذه المرة و لن يجدوا حاميا لهم منها .. خاصة و قد تاكد للمجتمع الدولي ان هذا الجيش انما هو جيش ارهابي تقوده حركة ارهابية منبوذة .. لا يهمه نتائج عمله من قتل و تدمير و لكن سوف يندمون على ذلك اذ سوف يؤدي ذلك إلى اصطفاف دولي ضدهم و ستكون نهايتهم باذن الله ..
يا محمود ما تسمع كلام الجنجاوي اب كرفتة قال القصر حرروه باستخدام كيماوي شفت ليك زول من الجيش في القصر لابس ليه كمامة ولا الكيماوي ده بف باف ثلاثي الإبادة بقرض الجنجا فقط
03-22-2025, 08:53 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
يا للمفارقة! بالأمس، يالدقم، كنتم تملؤون الدنيا ضجيجًا عن فضيحة "العرّيد" وتتهكَّمون على كل انسحاب للجيش وكأنه وصمة عار. أما اليوم، فقد انقلب الحال، وأصبحتم تستميتون لإثبات أن قواتكم انسحبت ولم تُباد.
سبحان مغّير الأحوال من السخرية من العرّيد إلى جعله فضيلة تُستجدى ويُتوسَّل لإثباتها!
الدقم ما عندو قوة ولا يحزنون الدعم السريع سحب قواته من الجزيرة..سنجا..الدندر الخ. وجماعتكم دخلوا هذه المناطق دون أن يخسر الدعم السريع جنودا بالنسبة لموضوع القصر ان طرحت سؤال فقط،،انتم قلتم دخلتو القصر عنوة واقتدارا،،طيب وين جثث العدو داخل القصر؟ حوالين القصر؟ اين المركبات العسكرية وعليها الجثث المتفحمة؟ الدعم السريع انسحب، وعندما دخلتم ارسل مسيرة وكتلت ما كتلت من جياشة وبراء. لذلك قلنا الغباء الاصطناعي ليس حل...
03-23-2025, 02:17 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8183
Quote: يا للمفارقة! بالأمس، يالدقم، كنتم تملؤون الدنيا ضجيجًا عن فضيحة "العرّيد" وتتهكَّمون على كل انسحاب للجيش وكأنه وصمة عار. أما اليوم، فقد انقلب الحال، وأصبحتم تستميتون لإثبات أن قواتكم انسحبت ولم تُباد.
يا دكتور الخطة الاعلامية دي وضعها الكفيل من بداية الحرب وهي ثابتة تبدأ بحملة مكثفة لإنكار أي تقدم للجيش وأي هزيمة للجنجويد. الانكار يستمر حتى تتراكم الشواهد ويصبح غير ممكن. المرحلة بعدها فيها نقطتين: الاولى التقليل من إهمية نتيجة المعركة والثانية نشر الاكاذيب عن انتهاكات الجيش في المناطق التي يدخلها. تقليل اهمية المعركة يتم بنشر الشائعات عن انسحاب الجنجويد دون قتال، ومع الشائعة دي في قصد للتخويف بتعليل الإنسحاب بأنه إعادة تموضع واستعداد لهجمات اكثر شراسة من قبل الجنجويد وأيضاً تخويف بأن الانسحاب تم بالاتفاق مع الجيش تمهيداً للإنفصال.
نفس الخطة دي تم تنفيذها الآن بدأت بإنكار دخول الجيش للقصر. والآن نشر الشائعات بأن الجنجويد انسحبوا دون معركة واتهامات للجيش بإستخدام اسلحة محرمة (كيماوي)
نفس التسلسل كان في كل المعارك السابقة وحتستمر في المعارك الجاية لغاية ما يفتح الله على الكفيل بفكرة جديدة.
03-23-2025, 02:43 AM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
✅️تلبيس ابليس يا حافظ ما اتيت به انت، انتهاكات جيشكم موثقة دوليا، وبعض عناصر الجيش برضوا ما قصروا. بضبحوا وبصورو والخرايين بستجلبوا جماجم الموتي لاطفالهم كالعاب وهدايا، وجيوشكم شغالة تشتيت وتفحيط لدرجة دخلوا دول الجوار كلها، موثق ومعلوم، وعندما نتكلم عن هذا الامر تقوموا تجلطونا كفيل وغفير وزفت الطين.. ✅️هذا لا يعني ان الدعم السريع بريء فهو ايضا منتهك لذلك أنا طالبت دشليون مرة بفريق جنائية دولية يحضر السودان ويحقق في هذه الفظائع... ✅️الكفيل وحدوتة الكفيل والتحليل الفطير دا،، ما بشتغل معاي يا مستثار😉 وهذا الايحاء مش حلو،،،الدقم لا ينتمي للدعم السريع، ولا يعرف حد من الدعامة، وحسابتنا البنكية مفتوحة للسلطات الامنية، ان يحققوا ويراجعوها من غير اذن مني، لو انت بتقصد اننا بنقبض كاش، قلنا الكلام دا مليار مرة. ✅️لكن وحتي بناء جيش وطني نظيف خالي ملايش فليسحق الدعم السريع الخرايين والعبط الخاص، ومغفليهم اينما كانو ..نقطة ع السطر..
يا الدقم ياخي إنت ما مقصود شخصياً بمداخلتي الفاتت. المداخلة عن ملاحظة عامة ولو ختفت براوزرك على الفيسبوك بتلقى للنسق الأنا قلتو الاف الشواهد.
إنت نفسك يالدقم متلقي أخبار زيك وزينا، بتقرأ وتسمع الاخبار زيك وزينا، لا بتصنع الخبر ولا بتصنع الشائعات، وإنما يتم تغذيتك بالاخبار والشائعات عن طريق مصادر يتحكم فيها الكفيل ويحركها حسب الخطة. ما بالضرورة تكون منتمي للدعم السريع ولا إلى قحت، المهم المصادر البتتغذى عبرها. أنا أبداً ما بتهمك بإنك منتمي للدعم السريع ولا يمكنني ذلك لأنني لا أملك دليل. شهادتي فيك أنك فقط منحاز للدعم السريع وبالتالي تعتمد على المصادر الاخبارية التي تخدم الدعم السريع.
للجيش إنتهاكات لا ينكرها إلا من في عينه رمد وقلبه أعمى. ولكني قصدت الحملات الاعلامية التي تنشر الأكاذيب وتضخم من إنتهاكات الجيش بقصد التضليل وتغبيش الحقائق. زعيمنا ورئيس وزرانا السابق والاسبق عبدالله حمدوك عندو صفحة في الفيسبوك، ما حصل اتكلم فيها عن انتهاكات الدعم السريع ابداً ولكنه كتب بوست عن انتهاكات الجيش بعد دخوله مدينة ود مدني. أنا لا أنكر إنتهاكات الجيش ولكني لا اتعامى عن استخدامها لخدمة اجندة الدعم السريع.
Quote: وهذا الايحاء مش حلو،،،الدقم لا ينتمي للدعم السريع، ولا يعرف حد من الدعامة، وحسابتنا البنكية مفتوحة للسلطات الامنية، ان يحققوا ويراجعوها من غير اذن مني، لو انت بتقصد اننا بنقبض كاش، قلنا الكلام دا مليار مرة.
يا زول هوي، ما كان لنبي أن تكون له خائنة الأعين وأنا في الحتة دي نبي عدييييييل، لا بغمز ولا بلمز ولا عندي ايحاءات.
ما من أخلاقي يا الدقم اقدم اتهامات مجانية في ذمم الناس، ومتوفر عندي حسن الظن بالناس لأبعد الحدود ولا اتتبع الناس خارج حدود ما يكتبونه في هذا المنبر. وفي الحقيقة أنني حتى لا اهتم بسلوكهم خارج هذا المنبر. وأنا غير مهتم نهائياً بما إذا كنت تقبض كاش او ما بتقبض ولم افكر في هذا الأمر ولا اهتم به. سبق أن مازحتك في هذا الخصوص وكان واضح انو مجرد مزاح. وحتى في مزاحي قلت أنك تستحق وقلت ليك أديني توكيل اجيب ليك حقك وحقي بره وما قدمت أي اتهام او ايحاء بأنك بتقبض.
(لو كتن عندي أي شك إنك بتقبض كاش كان طالبتك بحقي وحق هدى)😜
03-23-2025, 06:52 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1896
Quote: الدقم ما عندو قوة ولا يحزنون الدعم السريع سحب قواته من الجزيرة..سنجا..الدندر الخ. وجماعتكم دخلوا هذه المناطق دون أن يخسر الدعم السريع جنودا بالنسبة لموضوع القصر ان طرحت سؤال فقط،،انتم قلتم دخلتو القصر عنوة واقتدارا،،طيب وين جثث العدو داخل القصر؟ حوالين القصر؟ اين المركبات العسكرية وعليها الجثث المتفحمة؟ الدعم السريع انسحب، وعندما دخلتم ارسل مسيرة وكتلت ما كتلت من جياشة وبراء. لذلك قلنا الغباء الاصطناعي ليس حل..
Quote: الدقم لا ينتمي للدعم السريع، ولا يعرف حد من الدعامة
النقاش، أخي الدقم، لازم تكوم ليهو أرضية، وإلا حا يكون مجرد ونسة وطقّ حنك ساي.
حقيقةً، أنا ما فاهم إنت قاصد شنو بأنك "لا تنتمي للدعم السريع"؟
الحكاية ما مسألة عضوية بكارنيه، أو إنك تكون شايل بندقية وبتقاتل مع الدعم السريع، أو إنك بتقبض عشان تدافع عن الدعم السريع.
الحُكم مبني على مشاركاتك في المنبر ده فقط، والموضوع عندي ما فارق كتير لو إنت بتساند الدعم السريع لأي سبب. المهم أنه مشاركاتك بتصب في مصلحة الدعم السريع بغض النظر عن سبب مساندتك له.
بعدين حكاية أنك طالبت كم مرة بمحاكمة الطرفين على انتهاكاتهما برضو ما حا ترجّح كفة أنك ما بتدعم السريع.
إنت في الاقتباس الأول أعلاه بتتكلم معاي بضمير المخاطب الجمع، يعني أنا مع الجيش.
وطبعًا حا يكون شكلي شين وحا أفقد مصداقيتي بعد مشاركاتي دي كلها في هذا المنبر أجي أقول ليك ما تخاطبني بصيغة الجمع لأني ما مع الجيش، وأنا أدين انتهاكات الطرفين.
وما أظن حا يفرق كتير سبب مساندتي للجيش: لو أنا كوز، أو بيدفعوا لي ضمن حملة دعاية، أو لأسباب عرقية. المهم أن حا أفقد مصداقتي لو قلت أنا ما مع الجيش، وأنا ما مستعد أخسر مصداقيتي قدَّام أي زول أو أي جهة لا للجيش ولا غيره. الحرب دي حا تنتهي الليلة ولا بكرة. بعدين الجيش ما حا يرجّع لي مصداقيتي.
بعدين حتى حكاية أنه الواحد يحاول يثبت أنه مساند للجيش حاليًا لكن عمره ما كان كوز ولا حا يكون، بتكون مضيعة للوقت وسكّة لي حرف النقاش عن موضوعه. عشان كده ما بضيّع زمن في أني أنفي أي كوزنة أو أبرّر مساندتي للجيش.
أنا مع الجيش سواء غيري شايف أنه دعمي للجيش مربوط بظرف الحرب الآني، أو إنه شايف أني كوز عديل. الحكاية ما فارقة عندي شديد.
وبنفس القدر أنا ما حا أضيع زمن أبحث عن سبب تأييدك للدعم السريع. المهم أنه مشاركاته بتوضح لي أنك بتدعم الدعم السريع.
لكن لما تجي بعد كل مشاركاتك في المنبر ده تقنعني أنك ما بتدعم الدعم السريع، صدقني بحس أنك بتستهين بي وبتعاملني زي ما بتعامل أي زول بسيط في نواحي الفيسبوك ولا إكس. أنا عن نفسي لا أسمح لنفسي أعاملك زي أي زول بسيط في مواقع التواصل الاجتماعي، لأني بعرف أقيّم قدرات الناس اللي بحاورهم كويس.
أنا زمان خاطبت الأخ بريمة بالتعليق ده وهو قِبل نصيحتي بصدر رحب لكن ما اشتغل بيها، وفي ناس ممكن تستغرب لو لو قلت أنه حتى لحظتنا دي ورغم ما يتعرض له الأخ بريمة من هجوم من بعض الأعضاء في هذا المنبر، أنا شايف أنه بريمة ده زول جوّاهو بسيط وما كعب وعلى السجّية البدوية وما كان قايل الأمور حا تؤول إلى ما إليه، لكنه فجأة لقى نفسه بلغ نقطة اللاعودة ولذلك هو مواصل فيما هو فيهو. المهم، أنا نصحته أنه يحافظ على مصداقيته وما ينجرف مع تيار الدعاية للدعم السريع على حساب مصداقيته:
Quote: سلام يا بريمة. بس حبّيت أقول ليك حاجة بسيطة، وأرجو إنك تقبلها بصدر رحب. إنت عارف أنا لما أفتح المنبر ده أول حاجة بتجذبني للبوست هي صاحبه ثم موضوعه، لأنه الجواب بيكون باين من عنوانه. في بوستات ما بقرّب منها خالص لأنه بكون صنّفت صاحبها ضمن الأشخاص اللي ما بيضيفوا لي حاجة. وبتخيّل في غيري عندهم نفس المعايير دي. في ناس حقيقة الواحد بيستفيد وبيتعلّم من مشاركاتهم وأسلوبهم وطرقهم في صياغة حججهم، وفي ناس تمامة عدد ساي. طبعًا بوّاب البروف من المجموعة التانية، لكن أنا عامل ليهو استثناء لأنه حالة خاصة وبديت ليهو علاج في معامل "الديك او تور" وحرام ما بقدر أقطعه. أنا لاحظت أنه بوستاتك في الآونة الأخيرة أخذت منحى مؤازرة الدعم السريع بطريقة هزَّت صورتك وبشوف أنها خصمت منك كتير. لو بتسمع من أخوك "الصغير": العبرة ما بالكم، بل بالكيف. يعني بوست محكم ومظبط وما يخرّش الموية أفضل من 20 بوست متعجّل يقدح في مصداقيتك ويكون بس لمجرد تسجيل الحضور في الصفحة الأولى للمنبر. الموضوع كده بيُفهم على أنه مجرّد كوتة يومية لازم المؤيدين للدعم السريع يحققوها. الدعاية بطرق خاطئة بتكون نيران صديقة وآثارها ممكن تكون أسوأ من بوستات الطرف الآخر. ردم المنير بالبوستات بصرف النظر عن جودتها وحساب تأثيراتها الإيجابية والسلبية في الغالب حا تُفسّر على أنه الدعم السريع مغروض (desperate) لبوستات مهما كان محتواها. كمان الواحد لازم يضع اعتبار للمكان اللي بينشر فيهو، والمنبر ده أغلب مرتاديه ناس مستنيرين وسياسيين محنّكين عندهم ملكات تحليلية عالية ما زي لو إنت بتنشر في دفسيبة الفيسبوك والواتساب اللي ممكن تلقى فيها ناس بسطاء ممكن يتقبلوا منك أيّ كلام ويزدردّوه بلا تمحيص وغربلة. أنا ما بقول ليك ما تدافع عن الدعم السريع، لكن الحكاية محتاجة شوية حرفنة وتوازن بين تحقيق الكوتة اليومية والمحافظة على صورتك ناصعة. الكلام ده بيسري على ناس تانيين، لكن علاقتي بيهم ما بتسمح لي أسديهم النصح زيّك.
وكمان كتبت في مكان آخر:
Quote: أسوأ ما قد يصل إليه المشارك في أيّ منصة تفاعلية هو أن يُحسب من المخطرفين وتُستتفه أراؤه.على المستوى الشخصي، أول ما يسترعي انتباهي إلى أيّ مشاركة هو كاتبها قبل موضوعها، وهناك كثيرون هنا ممّن لا أهدر وقتًا في الدخول في منشوراتهم أو حتى قراءة تعليقاتهم في منشورات الآخرين، ويكون هذا غالبًا بعد تمحيص مشاركاتهم السابقة وثبوت ضحالة تفكيرهم وضعف حججهم وفقًا لتقديراتي
أنا أساند الجيش الآن ولكن لا علاقة لي بالكيزان خالص خالص، ولو الشيوعي أو البعثي أو الجمهوري أو الرزيقي أو المسيري أو أي جهة أو زول بيساند الجيش في الظرف الحالي فهو حليفي، وبعد زوال هذه الغمًّة كل واحد فينا يرجع لمعتقداته السياسية والفكرية والدينية.
وأنا عن نفسي حا أرجع أدافع عن المدنية وعن ضرورة عدم أدلجة الجيش وأهمية عودته إلى ثكناته عندما أصبح آمنًا في سربي وما خايف على بيتي وعرضي ومالي.
آسف للإطالة، التعليق بعد السحور واليوم الأحد إجازة.
03-23-2025, 07:40 AM
صديق مهدى على صديق مهدى على
تاريخ التسجيل: 10-09-2009
مجموع المشاركات: 11390
ادلجة الجيش واختطافه من لدن الحركة الاسلامية كلام اصبح عقيم وقديم من شدة ما هو معروف ولا يحتاج لدليل حتي من تحقيقات السيدة سناء حمد لبعض قادة الجيش الكبار من منامات علي كرتي في سلاح المدرعات من الاناشيد الجهادية الحماسية من المتحركات باسماء صحابة من ركوع قادة ومؤسسات الجيش لكتائب البراء والبنيان المرصوص وكتبية عبدالله جماع وغيرها من الملايش الاسلامية والعرقية والمناطقية يعني حرفيا ما عاد عندك جيش يا سيدي الفاضل علي كل حال هذا دليل واضح وصريح من الترابي يعترف فيه بمنتهي الاريحية بانهم قام بعمل فطام للجيش وجعلوه مليشيا اسلامية وهذا يعني انك كونك بتدعم الجيش يعني بتدعم الملايش الاسلامية وعلي راسها البراء التي تراسها اسامة الجعلي احد ابرز قادة تنظيم القاعدة بسوريا والذي لقي حتفه هناك ايضا
03-25-2025, 03:58 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
Quote: حُكم مبني على مشاركاتك في المنبر ده فقط، والموضوع عندي ما فارق كتير لو إنت بتساند الدعم السريع لأي سبب. المهم أنه مشاركاتك بتصب في مصلحة الدعم السريع بغض النظر عن سبب مساندتك له.
بعدين حكاية أنك طالبت كم مرة بمحاكمة الطرفين على انتهاكاتهما برضو ما حا ترجّح كفة أنك ما بتدعم السريع.
لو لاحظت بانني اجلب الاخبار التي تتحدث عن ما فعله الدعم السريع ضد هذه المليشيات الاسلامية باعتبار ان الاطراف الاخري بتجلب اخبار العبط الخاص والبراء الدراعة الخ واذ كانت هناك مقارنة بين دعم ملايش اسلامية متطرفة احد مؤسسها قتل في سوريا محاربا في خندق واحد مع البغدادي وبين الدعم السريع اللي هو في النهاية بتبع لمؤسسة الجيش السوداني بقرار عسكري وبموافقة الشعب السوداني من داخل قبة البرلمان السوداني فمن الطبيعي انك لا تصطف مع الدواعش كما يفعل بعض اليساريين والعلمايين والاسلامنجية شيء طبيعي وهذا لا يعني بالضرورة غض الطرف عن انتهاكات الدعامة ضد المواطنين قبل واثناء وبعد ابريل 23. واذا كنت عضوا مباشرا في الدعم فماذا الذي يمنعني من اعلان ذلك؟ فانا مقيم في اوربا قرابة ربع قرن لو مااكثر ولا ينقصني شيء والحمدلله ولو كنت عضوا او منتميا او اعشق الانتماءات لوجدتني في نيروبي مثلا او يوغندا او جنيفّّّّ.. المهم من يدفع الثمن وراء كل هذه الفوضي هو المواطن والمستبب في كل هذا الخراب هم الاخونجية والاسلامنجية وعليهم وعلي داعمهيم يساريين ووسطين وما بينهما تحمل عواقب ذلك. علي المستوي الاخلاقي والقانوني.
03-25-2025, 07:05 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
Quote: ولكني قصدت الحملات الاعلامية التي تنشر الأكاذيب وتضخم من إنتهاكات الجيش بقصد التضليل وتغبيش الحقائق.
تسلم اخ حافظ علي التوضيح بخصوص المقتبس اعلاه هذه الحملات الاعلامية التي تناولتها انت في الحقيقة بعض عناصر الجيش ساهمت فيها بشكل كبير جدا خذ مثلا ما حدث في مجزرة الابيض عندما قام احد ضباط الجيش وفي معيته بعص عناصره بذبح وقتل مواطنيين ابرياء وتصوير المشهد فهم بذلك يعطون الراي العام العالمي ادلة واضحة بانهم وراء هذه المجازر ايضا تصريح السيد البرهان احتفاءا بكيكل قال فيما معناه انهم زرعو كيكل داخل الدعم السريع وهذا ايضا اعتراف واضح بان المؤسسة العسكرية كانت تعلم تماما بالجرائم التي ارتكبها كيكل ومجموعته تجاه بنات عمومته واهله وعشيرته وعموم اهل الجزيرة من اغتصابات وسحل وشفشفة الخ الاسبوع الفات ايضا ظهرت مجموعة اخري عبارة عن اشخاص عدد ثلاث قالوا انهم استخبارات وكانوا مزروعين داخل الدعم السريع ليقوموا بمهام معينة حتما من ضمنها السرقة والشفشفة والاغتصاب الخ شكرا لك
03-25-2025, 05:17 PM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
يا الدقم اوعا ناس هاشم ومنتصر وترهاقا يغشوك الصور الجابوها دي من بوروندي وحقيقة كلامك صاح اين الجثث؟ لانو جماعتك عردوا ودا اسمو الانسحاب التعريدي وليس الانسحاب التكتيكي وخليكم معردين كدا ما تحوشكم الا تشاد وافريقيا الوسطى ودولة جنوب السودان وفي رواية اخرى ليبيا حيث حفتر
03-25-2025, 10:18 PM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1896
Quote: واذا كنت عضوا مباشرا في الدعم فماذا الذي يمنعني من اعلان ذلك؟ فانا مقيم في اوربا قرابة ربع قرن لو ما اكثر ولا ينقصني شيء والحمدلله ولو كنت عضوا او منتميا او اعشق الانتماءات لوجدتني في نيروبي مثلا او يوغندا او جنيفّ.
كما ذكرتُ لك، يا الدقم، ليس بالضرورة أن تكون عضوًا؛ المحكّ هو أن توجهاتك من خلال مشاركاتك تميل إلى مساندة الدعم السريع.
أعلم جيدًا أنك في غنى عن أي مكاسب، ولم ألمّح إلى أنك تستفيد ماديًا من موقفك الداعم للجنجويد، بل إنني "استبعدت" في التعليق القديم أدناه أن يكون دافع المؤيدين للدعم السريع في هذا المنبر ماديًا، ورجَّحت أن معظمهم يشغلون مناصب محترمة؛ غير أن هذا لا يعني بالطبع أن الإقامة في أوروبا أو أيّ مكان آخر تنفي استفادة بعض المؤيدين للدعم السريع من علاقتهم به.
Quote: صحيح أن عدد الموالين للجنجويد بلا مواربة في هذا المنبر قليل كما تفضّلت، ولكن من يناصرونهم لأسباب سياسية من خلف حجاب - وأعني قحَّاطة المنبر - ليسوا بقلّة، وهم في تقديري أشدُّ خطرًا من الموالين الفاقعة جنجويديتهم.
أتفق معك في أن دافع معظم المناصرين الظاهرين للجنجويد هنا قبلي وجهوي، إذْ لم يقم الدعم السريع أصلاً على فكرة صلبة تجعل المستنيرين يظاهرونه؛ كما أن العامل المادي مستبعد، إذْ إن معظم الموالين للجنجويد هنا - مما أرى وربما أكون مخطئًا - متميّزون في مجالاتهم ويشغلون مناصب محترمة، ولكن يجب ألا نغفل أن كثيرًا ممن يوالون الجنجويد على أساس عرقي وجهوي يرون في اعتلاء الجنجويد ظهورنا فرصة ليرتقوا مكانةً، وهم لا يدرون أنهم كانوا قبل أن يخونوا وطنهم وجيرانهم وأصدقاءهم في مقامٍ لا مقام بعده في نظر مجتمعهم.
أما السابلة من مناصري الجنجويد إعلاميًا في وسائط التواصل الاجتماعي، وخاصةً الذين لا ينتمون إلى القبائل التي تناصر الجنجويد، فهؤلاء دافعهم المال والأمل في تغيُّر أوضاعهم بعد سيطرة الجنجويد على مقاليد الأمور في البلاد.
03-26-2025, 00:42 AM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
الكارثة التي ارتكبها ما يسمي الجيش الذي تؤيده هو قصف وحرق حواضن الدعم السريع، ظنا منه انه بذلك سيجعل الدعامة ينسحبون من الشريط من النيلي، وهو اسلوب معلوم للجيش واثبت نجاعته مع الحركة الشعبية والحركات الدارفورية، لكنه فشل فشلا بشعا مع الدعامة بل الالاف من أفراد الجيش من كردفان ودرافور انضموا للدعم السريع نتيجة لهذا الغباء..
فبالتالي من الطبيعي انني لن اقف مع جيش مرهون للاخونج، ومصنوع ومطبوخ في مطابخ التطرف الاسلامي بشهادة الترابي، جيش يرتهن لتفاهات الانحرافي وعمسيب، ويقتل حتي ضباطه كما فعل مع الضباط الاسري بالقصر الجمهوري، وبالمس قتل حواضن المشتركة ولم تبادر لا انت لا غيرك من مناصري هذا الجيش بادانة هذه الجرائم، و من غير المنطقي جيش ياتمر بتعليمات البراء الذي لقي قائدهم المجدد أسامة الجعلي حتفه ك قائد داعشي في سوريا عام ٢٠١٧، هذا الامر مستقبلا ربما يؤثر علي وجود من يصفق لهذا العبث قانونيا لمن هو مقيم في اوربا-كندا-استراليا-اميريكا، باعتبار أن هذه المنصة سودانيزاونلاين تحت المراقبة من غير تفاصيل كتيرة.
03-26-2025, 00:56 AM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
الدعامة ايضا ارتكبوا انتهاكات، ومن فعل فيهم هذه الانتهاكات فورا يجرم بواسطة القضاء، مع كامل ادانتي لهذه الانتهاكات، ولقد ادنت فعلهم عشرات المرات هنا وفي غير مكان.. لكن الفرق ان من الصعوبة اثبات تهم هذا الانتهاكات الدعامية، لكن من السهولة اثباتها في الجيش. فمثلا هنالك صور لدواعش جيشك يا د.محمد صديق يحملون جماجم ضحايا مدنيين وهم منتشين، هنالك اب داعشي بلباس الجيش يحمل جمجمة ويقدمها لطفله كهدية، هنالك عنصر تابع لسلاح مظلات جيشك يبقر ويقتلع امعاء واحشاء مواطن من غرب السودان بالجزيرة، وغيرها من اطنان الادلة، ففي ظل ضياع الطاسة لم يعد معروف من هو الداعشي والجياشي والفلنقاي، واي تايد منك لأي طرف يعني حرفيا انت متماهي وطالع بشكل او بآخر في الورطة ، ومتشعلق اخلاقيا وقانونيا مع الفكر الداعشي غض النظر ما اذا كنت مؤيد للمشتركة/الدراعة/الجيش،،،او ما منتسب لاي منهما لكنك تصفق عاطفيا ومناطقيا وعرقيا للجيش.
03-26-2025, 05:26 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 5277
Quote: هذا الامر مستقبلا ربما يؤثر علي وجود من يصفق لهذا العبث قانونيا لمن هو مقيم في اوربا-كندا-استراليا-اميريكا، باعتبار أن هذه المنصة سودانيزاونلاين تحت المراقبة من غير تفاصيل كتيرة.
السلام عليكم . كيفك يادقم
اولا :
اهنئ نفسي ، واهنئ كل الشعب السوداني . " الاغلبيه يعني " . لانه في " ناس " وجزء ، لايسرهم هذا الانتصار الكبير ....
اهنئهم بدحر الجنجويد ، وسقوط " صنمهم هبل " .
..............
انجغموا ...
اتبلوا ...
انسحبوا ..
استسلموا ...
اعادوا التموضع ...
او .. اوووو.
المهم . ده في الاعراف العسكرية اسمو " هزيمة " .. وهزيمة نكراء ، وشنيعة ، وقاسية . .......
ثانيا : عنوان البوست " وين الصور يامستهبلين " 😃 . نحنا ياحبيب مامستهبلين . نحنا قاعدين في السودان ، وشائفين الماشائفينه انتو ...
وعشان " نثبت " انو مافي " استهبال " . جبنا ليكم صور منشورة علي التلغرام ، وجبنا ليكم روابط المواقع زاتها ...
ثالثا : فورا ، وبعد ان تاكدتم ان الصور حقيقية ، وشاهدتوها بانفسكم في تلك المواقع . بدأتم في " المكابره " . ووصفتوا ، تلك الصور بان القتل تم " باسلحه كيماوية " 😀...ودي طبعا معلومة جديدة . انو السلاح الكيماوي بترك اثار دماء كما هو واضح في الصور .
رابعا : طبعا نقدر الصدمه ، والفجيعة التي المت بكم " داعمي الميلشيا " . عند رؤيتكم جنودكم المحصنين " بالاحجبة " ، مجندليين ، وغادرونا دون رجعه ، والتي كنتم ، وكانوا يظنون انها ستحميهم من الموت . لكن امر الله نافذ .
خامسا : الم تشاهدوا صور شهداء : الجزيرة ، سنجة ، سنار ، ود النورة ، السريحه ، النيل الابيض ، الاسري والمعتقلين الذين اصبحوا هياكل عظميه تتحرك ، الشهداء الذين القي بهم في الابار ، وهم احياء ، الشهداء الذين تم قتلهم امام ذويهم . استعمالكم للثنائي والرباعي ، والكورنيد ، في قتل وحرق المدنيين !!! كل ذلك لم تشاهدوه ؟ ولماذا تغضوا الطرف عنه ؟؟؟؟ واين كنتم ؟؟؟؟؟
سادسا واخيرا : وهو الاهم . التهديد لمن يقيم خارج السودان ، بان تلك الدول ، سوف تعاقب ، وتقوم بابعاد كل من يجيب سيرة الحرب ، وان المنبر مراقب ، وووو . ده كلام فاضي ، وتهديد اجوف ، فالعالم اصبح قريه صغيرة ، ولايوجد شئ مخفي او مدسوس ، والقانون واضح ، ولايمكنه ألاعتراض او مسأالتي ، في متابعه ومايحدث في بلدي وابدأ رائي الشخصي . تعودنا علي هذه الترهات من داعمي الميلشيا في كل العالم ، فهم يظنون انهم علي حق وكل العالم يدعمهم في ذلك ، خصوصا اذا قالوا . " ديل اسلامين " !! شنو يعني اسلامين ؟ . توجد الف دولة مسلمه ، فهل هذا يشكل جريمة للعالم ؟؟ .... اعترفوا بهزيمتكم ، وانكم اخطأاتم ، بقتلكم الناس ، واحتلالكم لبيوتهم ، وقتلهم ، واغتصابهم ، ونهبهم وسرقتهم .
وعليكم السلام هاشم،، انها الحرب، قتلي هنا وقتلي هنالك، فيما يخص موضوع القصر سبق تحدثت عنه كثيرا الشيء الاخر التفاخر بالوطن وحب الوطن هذا شيء طبيعي بل ل لا احد يلوم احد فيه لكن تشجيع قتل الاطفال والنساء والعجزة بالشبهاات والتشعبط بالجماعات المتطرف امثال الهراء والعبط الخاص والاحتفاء جرائمهم المروعة وتشجيعهم علي ارتكاب المزيد يعتبر جريمة وهذا ما قصدته في كلامي واصلا انا اخاطب الناس المقيمة بالخارج. المهم زي انت قلت من قبل العبرة بالخواتيم
03-26-2025, 07:19 AM
محمد صديق عبد الله محمد صديق عبد الله
تاريخ التسجيل: 09-05-2017
مجموع المشاركات: 1896
كل تعليقاتك في هذا المنبر، أخي الدقم، تؤكّد بما لا يدع مجالًا للشك انحيازك الصارخ للجنجويد رغم محاولاتك المتكررة لتقمُّص دور "المحايد".
أسلوبك في الكتابة يفضح هذا التحيُّز بوضوح، فلا تكاد تخفي موقفك الحقيقي إلا لتنكشف في كل جملة تكتبها.
تتحدَّث عن "حرق الحواضن"، لكن الجميع يعلم أن الجيش يستهدف مساكن حوَّلها الجنجويد إلى مخازن أسلحة وثكنات عسكرية.
محاولتك مساواة "جرائم" الجنجويد بـ "أخطاء" الجيش العملياتية لا تقوم على ساقين، ومن الواضح أنك تضع الجيش في قفص الاتهام بينما تلمّح بخجل لجرائم الجنجويد وكأنك تحاول صرف الأنظار عنها.
المساواة بين جرائم الجنجويد وأخطاء الجيش أشبه بمقارنة طبيب فقد مريضه أثناء الجراحة بسفاح قتل ضحيته عمدًا، كما ذكرتُ من قبل في هذا المنبر. الفارق الجوهري هنا هو "نيَّة" الفاعل: فالجيش لا يستهدف المدنيين عمدًا، بينما الجنجويد يرتكبون مجازرهم عن سبق إصرار وترصُّد؛ وأنت تعلم قبل غيرك أن الجنجويد يمارسون جرائم ممنهجة لا يمكن إنكارها أو تبريرها. أما الجيش، فإن أخطأ في عملياته العسكرية، فذلك ضمن سياق مواجهة ميليشيا مسلحة اختارت أن تتحصَّن وسط الأحياء المدنية وتحتمي بالسكان.
أما حديثك عن سهولة إثبات جرائم الجيش وصعوبة إثبات جرائم الجنجويد، فهو تسطيح مخلّ بالواقع ومحاولة مكشوفة لتبرير فظائع ميليشيا الدعم السريع. تحدّثني عن صور وأدلة، وقد فقدتُ يوم أمس وحده 11 فردًا من أهلي من المدنيين البسطاء في قريتين صغيرتين بالجزيرة لا يميزون بين الكلاش والآر بي جي. تقول إنك تدين انتهاكات الدعم السريع، ولكن ما قيمة الإدانة إن كانت تتبعها مباشرة محاولة لتقليل شأن هذه الجرائم أو الادعاء بأنها "صعبة الإثبات"؟ جرائم الجنجويد، يا الدقم، ليست بحاجة إلى صور مفبركة أو قصص ملفقة؛ فهي تُشاهد بالعين المجردة، وتوثّقها آلاف الشهادات الحيَّة من ضحايا ما زالوا يعانون القتل والتشريد والاغتصاب والنهب الممنهج. أتحدّثني، يا الدقم، عن صعوبة إثبات جرائم الجنجويد وقد شرَّدوا والدتي السبعينية المريضة واتخذوا دارها بلا أدنى خجل ورقة ضغط في التفاوض مع الجيش؟
أما زعمك بأن الجيش تنظيم متطرف، فهو يضعك في مأزق منطقي لا فكاك منه، لأن الدعم السريع نفسه خرج من رحم هذا الجيش، وكان طوع أمره حتى 15 أبريل 2023. فإذا كان الجيش كما تزعم كيانًا متطرفًا، فكيف للدعم السريع الذي نشأ في أحضانه أن يتحوَّل بين عشية وضحاها إلى "حامل لواء الديمقراطية" و"المدافع عن المهمَّشين"؟
استماتتك، أخي الدقم، في تهويل أخطاء الجيش لإكسابها صفة الجرم بغرض خلق توازن زائف لن تنطلي على الشعب السوداني، الذي اكتوى بنار الجنجويد وعانى من إجرامهم وارتكابهم انتهاكات ترقى إلى جرائم حرب وإبادة جماعية، مستعينًا بمرتزقة من كل حدبٍ وصوب.
لست متأكدًا، لكن استماتتك في الدفاع عن الجنجويد مع محاولاتك المتكررة لنفي علاقتك بهم والتظاهر بالحياد، تبدو لي وكأنها من باب التحوُّط القانوني لا أكثر.
03-26-2025, 07:43 AM
محمود الدقم محمود الدقم
تاريخ التسجيل: 03-19-2004
مجموع المشاركات: 13724
هل قصف سوق طره الاخير بالفاشر وحرق وقتل أكثر من ٢٠٠ مواطن دليل علي ان الجيش كان يستهدف أماكن الجنجا؟ علما ان السوق اصلا يقع في دائرة حلفاءكم المشتركة؟ هل يوجد دعامة في مستشفي النساء بكتم؟ بمستشفي شرق النيل، بمستشفي المجلد وبابنوسة؟ الخ لماذا جيشكم قتل وذهق أكثر من ٥٠٠ راس للماشية بمليط والمويلح وغيرها؟ هل هذه الماشية جنود دعامة؟ المنظمات الدولية اثبتت هذه مقتلة جيشكم للمدنيين واحتفاءهم بالجماجم وفي حق المدنيين... اما نقطة شرح انني دعامي اعتقد تحدثت فيها بما يكفي،،،وليس هناك مخاوف قانونية او تحوطات قانونية من طرفي، ولا شيء. الاشخاص المفترض يبحثون عن تحوطات وتبريرات قانونية هم من دعموا السحل والدهس والذبح وقنبلة البيوت بالقنابل والبراميل، وصفقو وهللو للبراء والبنيان المرصوص، وكتايب عبدلله جماع، ولكيكل الخ بخصوص الشفشفة فالجيش ومليشياته ايضا ضالعة في الشفشة ولجان المقاومة بامدرمان تحدثت حول ذلك باسهاب وتقارير خال الغلابة وغيرها من التقارير لكن لم نجد اي ادانة واضحة من طرفكم الا اللمم،، وتاني وتالت كل من اجرم في حق الشعب قولا او تشجيعا او تصفيقا لابد من محاكمته داخل او خارج السودان...
03-26-2025, 08:00 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 34314
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمود الدقم
حيدر حسن ميرغني
Hafiz Bashir
Zakaria Fadel
هدى ميرغنى
ترهاقا
Hasheem Karouri
محمد صديق عبد الله
صديق مهدى على
Ali Alkanzi
Biraima M Adam
فيس بوك
تويتر
انستقرام
يوتيوب
بنتيريست