|
|
|
 Re: القاهرة تحذر من مشروع توصيل مياه النيل إل� (Re: زهير ابو الزهراء)
|
حبيبنا زهير،
مياه الشرب لمدينة بورتسودان من أبو حمد محدود جداً من حيث الكمية ويقع ضمن حصة السودان في اتفاقية مياه النيل،
ليس للقاهرة سند قانوني للاعتراض، هذه الكمية لا تشكل شيء من حصة السودان غير المستهلكة التي تقدر بملايين الأمتار المكعبة من المياه
أظن أن خبر الاعتراض قد يكون غير صحيح، فالقاهرة لا تحتاج لاثارة مشاعر السودانيين في موضوع المياه في شيء لا يسوى ولا يؤثر على الأمن المائي المصري.
| |
 
|
|
|
|
|
|
|
|
Re: القاهرة تحذر من مشروع توصيل مياه النيل إل� (Re: أبوبكر عباس)
|
بصفتي خبير خلوني أوضح ليكم بالحسابات،
لو افترضنا قطر أنبوب بورتسودان من أبي حمد ح يكون ١٢٠سم
هذا الأنبوب طاقته القصوى ٧٠ ألف متر مكعب يومياً
يعني في السنة 25 مليون متر مكعب
حصة السودان الضائعة من المياه تقدر بعشرة مليار متر مكعب
يعني كمية مياه بورتسودان من الحصة الضائعة، زي زول قعد اتوضأ في أبي حمد
غالباً قطر الأنبوب المقترح ح يكون في حدود ٨٠سم
| |
|
|
|
|
|
|
|
|
|
Re: القاهرة تحذر من مشروع توصيل مياه النيل إل� (Re: أبوبكر عباس)
|
سلام يا زهير وسلام يا مستنير
إضافة لحسابات المستنير، استهلاك بورتسودان من مياه النيل أصلاً صغير جدًا مقارنة بحصة السودان،
مصر ما اظن تحتج على مشروع وهمي ما حيتنفذ.
مد خط مياه من النيل إلى بورتسودان مشروع مكلف جدا،
تكلفة انشاء حوالي 7 مليار دولار لازم تتدفع قبل ما تصل اول قطرة مياه لبورتسودان.
ودي قروش السودان حالياً ما عندو ليها قدرة.
عشان كدا أي كلام عن مد خط من النيل لبورتسودان عبارة عن كلام للاستهلاك السياسي فقط.
الحل العملي لمشكلة مياه بورتسوجان هو مشاريع تحلية مياه البحر الاحمر.
مشاريع بتكلفة انشاء اقل كتير من تكلفة مد خط ناقل من النيل،
وممكن تتدرج حسب الحاجة والميزانية.
| |
|
|
|
|
|
|
|
|
|
Re: القاهرة تحذر من مشروع توصيل مياه النيل إل� (Re: أبوبكر عباس)
|
Quote: حسب خبرتي في تكلفة مياه القضارف من خزان ستيت
المسافة كم وستين كيلو والتكلفة كانت مقدرة في حدود أقل من خمسين مليون دولار |
خط ستيت القضارف يختلف كتير من خط ناقل للمياه من ابو حمد لبورتسودان.
الخط الناقل من ابو احمد لبورتسودان كانابيب قد تكون تكلفته في حدود 700 مليون لواحد مليار دولار.
ودي تكلفة قريبة من تقديراتك ومن قريبة من مقارنة خط ستيت القضارف م اعتبار فرق المسافة.
لكن الاختلاف الكبير في تكلفة محطات الضخ.
بورتسودان محتاجة لمحطات كبيرة لضخ المياه ومحطات توليد طاقة لضخ المياه بسبب أن الخط يمر بمرتفعات البحر الاحمر.
المسافة بين ستيت والقضارف مستوية وقد يكون الانحدار في مصلحة القضارف لذلك لا تحتاج لمحطات ضخ كبيرة ولا محطات كبيرة لإننتاج طاقة للضخ.
مشروع تغذية القضارف من ستيت دا عبارة عن مواسير بس ودي تكلفتها بسيطة جداً مقارنة بمشروع من ابوحمد لبورتسودان.
| |
|
|
|
|
|
|
|
|
|
Re: القاهرة تحذر من مشروع توصيل مياه النيل إل� (Re: أبوبكر عباس)
|
| Quote: توصيل الكهرباء للمحطات |
ما توصيل يا مستنير
توليد عديل.
ضخ المياه من ابو حمد لبورتسودان محتاج طاقة كهربائية كبيرة ومؤثرة على القطاعات الاخرى المستهلكة للطاقة.
الشبكة الحالية والسعة التوليدية لا تحتمل.
| Quote: لكن برضو تكلفة مياه بورتسودان من النيل لن تصل لمليار دولار فهي في حدود 500 - 750 مليون دولار بكل محطات الضخ |
مليار دولار بتركب ليك مواسير PCV
وممكن برضو تجيب بيها مضخات صينية زي الجابها الصافي جعفر لمشروع سندس الزراعي.
أنا لو اديتوني المشروع بجيب ليكم انابيب فولاذية مضادة للصدأ والتآكل،
تكلفة الكيلومتر 1.8 مليون دولار.
واربعة محطات كندية لضخ المياه تكلفة الواحدة 350 مليون دولار شاملة تغطية تكلفة محطة توليد الكهرباء لكل وحدة ضخ.
المجموع 3.2 مليار دولار،
في تاني تكاليف لوجيستية بنتفق عليها بعدين لو كامل ادريس جادي.
تكلفة استشارتي القدمتها ليكم دي عفيتها ليكم.
| |
|
|
|
|
|
|
احدث المقالات بسودانيزاونلاين اليوم
| |
زهير ابو الزهراء
أبوبكر عباس
Hafiz Bashir
فيس بوك
تويتر
انستقرام
يوتيوب
بنتيريست