|
|
|
 Re: الخليل (Re: أبوبكر عباس)
|
في الخريف بتحركوا شمالاً تماماً زي ما بقول كتاب الجغرافية بتاع المتوسطة؛
رسم يوضح رحلة البقارة في الخريف.
عبد الله مع ذكاءه كان قوياً كجاسوس الخلا، لم تشهد ولن تشهد ديار البقارة رجلاً في صلابته وقوته،
كان يتحرك راجلاً ويقود الحمار ويضع سامانه عليه ويتقدم القطيع والخيل،
مدردم يشبه قدرة الفول، ذو وجه دايري جميل، يستطيع سحق عضام يد من يصافحه إذا أراد!
في واحدة من استراحات الرحيل، الخليل ود أحمد وكان أكثر ذكاءً من الجاموس، كان بتطعمج على عمه مع أخيه محمود،
قال ليهو:
أقوى رجل الحصان دا ولّ كراع عمك التور دا؟
محمود لم يبتسم ولم يرد، لكنه في مناسبة ثانية قال للخليل:
عمك الجاموس دا بتحرك بالشم، إنه خليط من جواميس الخلا والذئاب والبشر،
الخليل قعقع لحدي ما طرش روب ملخبط مع بطيخ
| |
 
|
|
|
|
|
|
|
|
Re: الخليل (Re: أبوبكر عباس)
|
في الرحيل أمهم قاعدة تركب تور وهي امرأة صامدة وكغير عادة النساء صامتة، قد يمر شهر دون ان تتحدث مع أحد، ما بقدر أوصف شكلهاا لأنو معاي صحبات كتار في الفيسبوك ناشطات في مجال حقوق المرأة، لو قلت أي شيء في المرأة بنطن لي في رقبتي، لكن لو كان على سودانيزاولاين كنت قلت أي حاجة،
المهم أنا كخالق للشخصيات أراها جميلة بطريقة مختلفة، كانت متزوجة من رجل دين تونسي في غاية الوسامة، توفى عنها وترك عبد الله وأحمد صغار، أبوها ساقها مع الطفلين وظلوا كل هذه السنين وراء الأبقار.
المرأة الثانية أم الخليل ومحمود سوف أسقطها من الحكي بدون أسباب واضحة وحتى ما داير ذاتو أتعب وأدبها اسم
| |
|
|
|
|
|
|
|
|
|
Re: الخليل (Re: أبوبكر عباس)
|
مرّة بعد محمود والخليل جوا راجعين للتايه والحصان ملان أرانب،
وأثناء ما الأولاد الثلاثة الشغالين معاهم يعدون في الطعام،
محمود بعد سلم من صلاة المغرب، ألتفت للخليل وقال ليهو؛
كيف أنت وجاموس الخلا دا حافظين القرآن وما قاعدين تصلوا؟
وأنا وعمك يعقوب أبداقوسة دا الحمدو ما حافظنها كويس وترانا الصلاة دي بنعافرها؟
الخليل قال ليهو؛ لو درت شوري الصلاة أتركها وخليك في فروسيتك وصيدك ديل، راجيك دواس كتير،
والجاموس دا الله بكفينا شرو.
| |
|
|
|
|
|
|
|
|
|
Re: الخليل (Re: محجوب البيلي)
|
مصداقاً لكلامك دا يا حبيبنا البيلي،
قبل شهر لاقاني مثقف كبير زيك كدا اسمو عباس الأمين بدبي،
قال لي؛ عليك الله، يا مستنير، ترجع تكتب في سودانيزاونلاين، يا أخي، المنبر ما فيهو أي حاجة تستحق القراءة، عليك الله، أرجع
| |
|
|
|
|
|
|
|
|
|
Re: الخليل (Re: أبوبكر عباس)
|
Quote: أحمد تزوج وأنجب محمود والخليل، قبل يموت بلحظات قال ليعقوب وكنت أظنه يوصيه على زوجته وعياله، لكنه لم يفعل إنما قال له:
ما كنت قايل في الجنّة ليس لنا أجساد! |
ذكرتنى عمنا "أبد الهميد " لمن أبوهو كان على فراش الموت و الناس بتنظرون من حوله وفجأة قال للناس " نادو لى أبد الهميد" فجاء عمنا عبد الحميد مسرعا وقال ليهو " أيوا يا أبوي " فرد عليه فى جمع من الناس " يا أبد الهميد أنا داير بطيخ"
فرفع عمنا أبد الهميد رأسه مبتسما ثم أعاد النظر وقال له " Ogol jo kal"
:)
| |
|
|
|
|
|
|
احدث المقالات بسودانيزاونلاين اليوم
| |
أبوبكر عباس
محجوب البيلي
Amira Hussien
walid taha
باسط المكي
فيس بوك
تويتر
انستقرام
يوتيوب
بنتيريست