تلعب الحمير في السودان دوراً اقتصادياً هو الأهم في مساعدة الناس في الانتاج وتسيير حياتهم اليومية، لو كان الأمر بيدي لجعلت الحمار زمز للدولة بدل صقر الجديان اب سيقان دا
11-13-2026, 10:02 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 4101
تعتبر حمير شندي والدامر أجمل الحمير في السودان وهي تستخدم لركوب الوجاهة، أما حمير غرب السودان وجنوب النيل الأزرق فهي أقل جمالاً وقصيرة، لكنها حمير شغل جد
11-14-2026, 00:01 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 37198
لو مرقت من أبو حراز (ملتقى النيل الأزرق مع الرهد) واتجهت شرقاً مسافة خمسين كلم، تنعدم المياه الجوفية لأنو توجد طبقة صخرية تمتد لمسافة طويلة شمالاً المشكلة الأراضي دي خصبة جداً وبها زراعة مطرية ومراعي ممتازة، لكن حفايرها ما بتم السنة، شخصياً حفرت حفير في منطقة اسمها السعدية تجاور الكاهلي زيدان بلد كيكل والكاهلي دي هي نفسها الهاجمها الجنجويد بمسيرة وكتلوا أخو كيكل،
داير أقول شنو؟ نسبة للمراعي والزراعة المطرية توجد قرى كثيرة هناك ولكنها ليست لها آبار لمياه الشرب والناس ديل تقريباً شهر أربعة وخمسة وستة برسلوا الشفع بالحمير للقرى القريبة لجلب الماء. ممكن من الصباح تلقى ليك خمسين حمار ماشين مع بعض عشان يجيبوا الموية اسمهن حمير الري وعادة يتم مع حمير الري التسوق وبشتغلن زي البوستة لتوصيل الأشياء الصغيرة مع القرى الفيها الماء ونقل الأخبار،
حمير الري في هذه المناطق هي عصب الاقتصاد ولو لا الحمير لما استطاع الانسان الاستفادة من موارد هذه المناطق
شكراً حمير الري بشرق الجزيرة
عندي صورة مع دحش مر حمير الري برسلها لحافظ ينزلها لي هنا
11-14-2026, 08:42 AM
Biraima M Adam Biraima M Adam
تاريخ التسجيل: 07-04-2005
مجموع المشاركات: 37198
بريمة يا وهمي، يا أخي، الابل لا تستطيع القيام بهذه المهمة، المسافة هي زي تمانية كل بعد الثمانية كلم دي من حدود الآبار كل المساحات شرقاً خالية من السكان حتى نهر عطبرة. والله، يا أخوانا، لو قدرنا ركبنا طلمبات صخمة تجاه أبحراز ورفاعة والهلالية وسقينا بس الأراضي على بعد خمسين كلن شرقاً وتمتد شمالا لحدي التقاء عطبرة بالتيل عند الدامر، نستطيع حل مشاكل الموارد بدارفور وكردفان وترحيل الناس ديل لهناك يعني القروش الانصرفت في الكرب دي كانت حلت مشكلة الناس دي لحدي النيجر، الأموال الكانت مع حميدتي دي كان ممكن تحل كل المشاكل.
كان بس دلير بحكم والصادق المهدي قال ليهو بالسلاح ما بتحكم أعمل ليك حزب، لكن هو (ما حمار) طبعاً لا بمكن أسب حميدتي وأقول ليهو انت حمار وأنا رئيس الجمعية وأحتفي بالحمير أينما كانت
حميدتي يا ما حمار
11-14-2026, 12:08 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 4101
Quote: والصادق المهدي قال ليهو بالسلاح ما بتحكم أعمل ليك حزب، لكن هو (ما حمار) طبعاً لا بمكن أسب حميدتي وأقول ليهو انت حمار وأنا رئيس الجمعية وأحتفي بالحمير أينما كانت
حميدتي يا ما حمار
مأخدين بالكم .. بقينا فى الأعتذار الملتوى ..!!
المستنير، مويتنا التى تذهب هباءً إلى مصر، كان جعلت السودان بأكلمه أخضراً لو تم أستغلالها ..
بعدما تحتلكم الجارة الشمالية ح تنفذ كل مشاريع المياه ..
أنتم حرامية أول ما تشوفوا القروش تسرقوها وبالتعالى تعذر قيام مشاريع تنموية بعد خروج المستعمر ..
بريمة
11-15-2026, 09:23 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 6959
قال سقراط يومًا: “إذا ركلني حمار، أفأقاضيه؟ أم أبادله الركل؟”
ليست كل المعارك تستحق خوضها، ولا كل النقاشات تُكسب بالرد. فالصراخ لا يدل على قوة الحجة، بل على فراغها، والحكمة غالبًا ما تختار الصمت لا عجزًا، بل سموًّا.
حين يختزل الآخرون الحوار إلى إهانات وضوضاء، فأقوى رد هو أن تترفع. فالعقل الراجح لا يثبت نفسه بالصياح، بل يفرض حضوره بهدوئه واتزانه. https://up6.cc/
11-15-2026, 09:50 PM
Biraima M Adam Biraima M Adam
تاريخ التسجيل: 07-04-2005
مجموع المشاركات: 37198
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة