Quote: البعشوم vor 9 StundenSonntag, 15. November 2026 um 23:03 [قبل 8 ساعات] يا حميدتي، إنت اتلعب بيك… لكن المصيبة إنك لحدي هسع ما عرفت اللاعب بيك منو ! اقرأ الكلام ده كويس، وما تستعجل أقعد مع نفسك وفكر. بتتذكر تمرد هيئة العمليات؟ بتتذكر الزول الاتصل عليك من الإمارات وإنت قاعد في جوبا، وقال ليك إنو التمرد ده وراه صلاح قوش؟ أيه رأيك، أنا اتكلمت مع أفراد هيئة العمليات وقت احتجاجهم، وكان مطلبهم الوحيد، يقابلوك إنت شخصياً. عارف ليه؟ لأنو في ناس مشوا ليهم ووعدوهم إنك حتديهم حقوق أكتر من الحقوق القرر دمبلاب يصرفها ليهم. قوش نفسه وقتها كان مدسي من التصريحات قام عمل أول تصريح وقتها في الـForeign Policy، ونفى علمه بالموضوع أصلاً. ودي مسرحية مضحكة! انقلاب بقوموا بيهو 13 فرد، وتكون وراه أجهزة ومخابرات وقوش؟! في شافع بمشي عليهو كلام زي ده ! وبمناسبة الإنقلابات ، هل تعلم أنه إنقلاب رئيس هيئة الأركان الأسبق ما كان هو صاحب فكرته ! افاجأك اكتر على كرتي نفسه كان ضد الإنقلاب ده، رئيس الأركان بعد ما سجل البيان اتردد وغير رأيه ومشى كلم البُرهان، وبعد شهور انت عرفت، وحتى اليوم المخططين وأصحاب فكرة الإنقلاب لا عارفهم انت ولا عارفهم البُرهان، ولا عارفهم علي كرتي .. خلينا من دي، دي تفاصيل بنشرها في الوقت المُناسب... نجي للتعايشي. قبل ما تجيبو وتعينو في وهمة تأسيس، سألت نفسك التعايشي كان بقول عنك شنو في الاجتماعات المقفولة؟ مثال قبل سنة من تعيينه و في اجتماع ضم "الباش كاتب"، وعرابو الشفيع خضر، والتعايشي والمحبوب عبدالسلام، ومجموعة من السفراء والمسؤولين الدوليين، التعايشي وصفك فيهو بالمجرم، لكن قال رغم اجرامه لازم "نحتويه". الاجتماع ده كان في جنيف في يونيو 2024 ، فاسألو وقول ليهو يا التعايشي انت فعلاً قلت كده ؟ واذا قلت كده قصدك شنو بالاحتواء ؟ تحتويني سياسياً ولا كقوة ممكن تستفيد منها وبعداك يتم التعامل معاها بالطريقة البتناسب مصلحة الدول الأجنبية !. اسألو بنفسك. واجهو بالسؤال وشوف ح يقول شنو. وتحية من هنا للتعايشي والباش كاتب. نرجع للزول الاتصل عليك في جوبا. تخيل يا حميدتي هو نفس الزول القال ليك إنو الكيزان، و بمعاونة مصر😆 ، دايرين يعملوا انقلاب عليك عشان الإطاري، وإنك لازم تتغدى بيهم قبل ما يتعشوا بيك. الزول ده، هل راجعت معاهو المعلومات دي؟ هل سألتوا عن مصادرها؟ وهل فكرت مرة في المستفيد الحقيقي من القرارات البنيتها على الكلام ده؟ الزول اللعب بيك يا حميدتي هو الآن البملك النسبة الأكبر من مصالحك وممتلكاتك في الإمارات ! يا حميدتي، اسمعها مني، الزول البخوفك من كل الناس عشان يخليك ما تثق إلا فيهو، ما بالضرورة يكون خايف عليك. والزول البقنعك إنو كل الناس أعداءك، ممكن يكون أول زول مستفيد من عداوتك مع الجميع. راجع الناس القربتهم منك، وراجع الناس البعدتهم عنك، وراجع القرارات اتخذتها بناء على المعلومات الاتقالت ليك. ما كل زول وقف جنبك كان معاك، وما كل زول حذرك من عدو كان ناصح ليك. عرفت ليه البرهان وصفك بالأرجوز؟ انت خسرت ناسك و خسرت سلطتك و قضيت سنين بتحارب في فزاعات وطواحين هوا ، صنعوها ليك المستفيدين حالياً من الحرب وفي النهاية حتطلع انت الخاسر الوحيد … بلا هدف، بلا قضية، انتهيت من أهلك وضيعت قروشك .. من البعشوم، عدوك الحقيقي .. 😉
11-16-2026, 07:31 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 53660
Quote: البعشوم Donnerstag, 8. Oktober 2026 um 14:19 8. Oktober · شوف يا جاهزية يبدو انه مافي زول حريص عليكم لا من آل دقلو ولا من الجيش ولا حتى من الشعب، فحاقول ليك معلومة واستفيد منها ... لو بتعرف 10 جنرالات في الدعم السريع الآن (قول اسماءهم وانت بتعد باصابع يدك ) بشرط ما يكون ماهرية.. ال10 القلتهم ديل في منهم 4 عرضو يسلمو للجيش عن طريق الاستخبارات (الاستخبارات قالت ليهم وجودكم هناك اكتر فائدة من تسليمكم الآن) فاضل ليك ستة ، الستة ديل اتنين منهم بامنو في اسرهم واولادهم للتسليم للجيش، فاضل كم اربعة .. الأربعة ديل تفتكر حيقيفو قدام متحرك دارفور الفيهو النور قبة، والسافنا، ودحلوب، والفنجري .. ولا قدام الجيش الجاب اسلحة وطائرات لمن خلا الدولار يطير السما ! ولا قدام المشتركة ولا ناس كيكل ! والله مافي أي قضية ، ما تضيع زمنك، ارمي سلاحك وشوف مستقبلك وين، الامارات نفسها رمت طوبة آل دقلو، حالياً مركزة مع ناس حمدوك و خالد سلك ودي تصريحاتهم ما كلامي، وأفهم لمن دولة كانت بتدعمك تركز على بديل سياسي وتموله معناها قنعت منك تب .. اعلام الدعم السريع ونشطاءه ديل مأجورين وانت كجندي اخر همهم، همهم ينشرو ليك التضليل والتخدير وياخدو ايجارات شققهم، ونثريات وسفريات وانت مجرد اداة مجدوع حق الفطور وحق العلاج ما عندك، والشفشفتو زاتو انتهى ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة