|
|
|
 Re: أسوأ ما فعله تروس -- تعالوا صفقوا كلكم (Re: Hafiz Bashir)
|
أسوأ ما فعله تروس؟!
تعالوا صفّقوا لـ “حافظ”البلوبسي النوعي … مايسترو الهروب الكبير!
يا سلام عليك يا حافظ… تحليل استراتيجي من العيار الثقيل، محتاج ليهو ميدالية “الالتفاف البهلواني”.
قال شنو؟ أسوأ ما فعله تروس إنو شغل الميديا بنقاش عقيم وحرَمنا من قصيدة أزهري!
ياخي بالله؟
يعني بلد مولعة، دم سايل، حاميات اتبخّرت، ضباط كبار عملوا فيها “عدّائين أولمبياد”، وإنت زعلان عشان قصيدة اتزحزحت من الترند؟
إنت داير وطن ولا داير أمسية شعرية في نادي الخريجين؟
يا حافظ، خلينا نفكها حتة حتة، يمكن الصورة توضح -أولاً: حكاية “الميديا انشغلت”
الميديا ما انشغلت ساي.
الميديا اتخنقت لأنو جماعتك – البلابصة وخدامين البلاط – قرروا فجأة يتحولوا من خبراء حرب واستراتيجية إلى مفتشي أخلاق وسراويل
سابوا الحرب، سابوا الخراب، سابوا الجثث، ومسكو في “تروس لابس شنو وتحت شنو”
دي ما ميديا، دي حفلة نفاق مفتوحة
ثانياً: “النقاش العقيم”
العقيم ما نقاش تروس،
العقيم هو محاولة تحويل فضيحة وطنية كاملة إلى موضوع
“هل يجوز فنيّاً لبس سروال تحت البنطلون؟”
ياخي ده نقاش برنامج صباحي، ما بلد واقعة
العقم الحقيقي إنك تشوف مؤسسة عسكرية اتعرّت قدّام العالم، وتقول
– لا لا… خلونا في الأدب والجماليات
ثالثاً: قصيدة أزهري (الاستهبال المهذّب)
قصيدة أزهري وصلتنا، وانتشرت، ولمست الناس البتفتش عن سلام بجد
لكن إنت داير تعمل بيها شنو؟
داير تعملها ستارة دانتيل تغطّي بيها عورة سياسية ما بتتغطى لا بشعر ولا بنثر
إنت زعلان لأنو تروس ما “خلّى الجو رومانسي”،
ما زعلان لأنو قال الحقيقة المرة
إنو في جيش ومليشيات عرايا من المشروع، من الأخلاق، ومن الشجاعة
رابعاً: لبّ الموضوع (الوجع الحقيقي)
أسوأ ما فعله تروس – ودي ما حتغفروا ليهو –
إنو زول أعزل، كوميديان، بلا دبابة ولا رتبة،
قدَر يفضح منظومة كاملة
خلّتكم تتلخبطوا،وتجروا من السياسة للأخلاق،ومن الحرب للسروال،
ومن الدم للقصيدة
وده الوجع…
إنو الحقيقة جاتكم من زول ما “مفروض” يتكلم في الكبير ده
صفّقوا لي حافظ يا جماعة
الزول ده بقى بيرمم انهيار أخلاقي وسياسي شامل
بـ فرشة أدب وعلبة قصائد
لكن معليش…
لما السروال السياسي يقع،
لا قصيدة بتسترو
ولا بلاغة
ولا تحليل “ناعم” بيفيد
الريحة طالعة…
والحاصل أكبر من شعر،
وأكبر من ميديا،
وأكبر من كل محاولات الهروب الأنيق ياظريف .
| |
  
|
|
|
|
|
|
|
|
Re: أسوأ ما فعله تروس -- تعالوا صفقوا كلكم (Re: زهير ابو الزهراء)
|
Quote: ياخي بالله؟
يعني بلد مولعة، دم سايل، حاميات اتبخّرت، ضباط كبار عملوا فيها “عدّائين أولمبياد”، وإنت زعلان عشان قصيدة اتزحزحت من الترند؟
إنت داير وطن ولا داير أمسية شعرية في نادي الخريجين؟ |
بغض النظر يا زهير عن إني داير وطن او ليلة شعرية،
الليلة الشعرية اتعملت في كمبالا وكمان معاها مسرح رغم إنو البلد مولعة والدم سايل.
أنا ما عملت الليلة الشعرية عشان كدا سؤالك دا احسن توجهو للناس العملو الليلة الشعرية في كمبالا.
| |
|
|
|
|
|
|
|
|
|
Re: أسوأ ما فعله تروس -- تعالوا صفقوا كلكم (Re: Hafiz Bashir)
|
صباح الفل
يا مولانا سيبك من الذكاء الاصطناعي بتاع زهير دا
أنت هسة مع القصيدة الاتقالت وسط الدم السايل والبلد المولعة
واللا ضدها واللا لا معاها ولا ضدها واللا كيف انو تروس
شغل الناس عنها ودا الأسوأ ؟
........
اتا يا اللخو زهير ما قلت الذكاء الصناعي بتاعك دا ما بجيب
كلام بالدارجة ؟؟؟
تقول جرب وتمشي انت طوالي تجرب وتلقاهو بجيب وتخمش
وتجي تردم هنا ؟؟
دا كلام دا اااااااعبدالله ؟؟
| |
|
|
|
|
|
|
|
|
|
Re: أسوأ ما فعله تروس -- تعالوا صفقوا كلكم (Re: طلحة عبدالله)
|
تحياتي وتقديري،
إهتم الناس بقاعة كمبالا، ولم تهتم بحفل ود الأشبه في حديقة السويدي الرياض،
لأن كمبالا - حسب اعتقادي - لها مآرب سياسية بحتة، ولها ما بعدها، بينما الرياض كان حفلا غنائيا فقط انتهى بنهايته،
بالرغم من أن في كمبالا كان الاداء رجاليا وفرديا، بينما في سويدي الرياض اغلب الحضور رقص وعرض، رجال ونساء،
| |
|
|
|
|
|
|
|
|
|
Re: أسوأ ما فعله تروس -- تعالوا صفقوا كلكم (Re: Hafiz Bashir)
|
سلام حافظ
تروس لم يشغل الميديا بنقاش عقيم، تروس قدم عرض مسرحي محدد عري فيه ضباط وجنرالات وقيادات وشيوخ ولصوص ومجرمي الاخونج والدواعش والمنافقين وماسكين العصي من النص، من شغل الميديا والتايم لاين السوداني اعلاميا
هم المرعوبين من العرض الذي قدمه
تروس كان لهم ان ينطموا ويصمتوا وكانت الليلة تعدي علي سكات وهدوء، لكن البلابصة والاخونج والكيزان وحملة المباخر والسراويل المتسخة في الاساس ما عايزين
حد يذكرهم بضحايا ديسمبر وانين قتلي ديسمبر من الشباب والشابات الغر الميامين لذلك
احدثوا هذا الضجيج والنعيق الذي ارتد اليهم في حلقوهم، هذا لا ينقص من عطاء الشاعر الكبير في شيء.
| |
|
|
|
|
|
|
|
|
|
Re: أسوأ ما فعله تروس -- تعالوا صفقوا كلكم (Re: محمود الدقم)
|
صباح الورد طلحة
Quote: صباح الفل
يا مولانا سيبك من الذكاء الاصطناعي بتاع زهير دا
أنت هسة مع القصيدة الاتقالت وسط الدم السايل والبلد المولعة
واللا ضدها واللا لا معاها ولا ضدها واللا كيف انو تروس
شغل الناس عنها ودا الأسوأ ؟ |
أنا نزلت القصيدة لأني بشوف إنها بتحمل رسالة واضحة ومؤثرة
وبتعبر عن آلامنا وأحلامنا في السلام وفي رفضنا للدم السايل والنار البتحرق البلد.
يمكن إنت سألتني عشان شايف إنو أنا بنتقدالخطاب السياسي لتقدم/صمود الرافعة شعار لا_للحرب
وفي نفس الوقت تعجبني قصيدة تغني للسلام.
في فرق كبير بين دور الخطاب السياسي وشعاراتو وبين دور القصيدة الشعرية.
دور الشاعر والقصيدة إنو يعكس الواقع بخطاب جمالي وعاطفي،
مقياس جمال القصيدة هو قدرتها على استخدام تعابير جمالية وبلاغية في التعبير عن آمالنا وآحلامنا وطموحاتنا.
القصيدة والشاعر ما مطالبين بتحقيق نتائج، مطالبين فقط بالتعبير عننا.
في المقابل الخطاب السياسي مطالب بتغيير الواقع عمليًا.
مقياس نجاحه هو قدرته على تحويل آمالنا وأحلامنا لأفعال ومشاريع قابلة للتنفيذ
الخطاب السياسي مطالب بتحقيق نتائج على ارض الواقع.
الشاعر مطلوب منه يحلم والسياسي مطلوب منه يخطط وينفذ.
لمن الشاعر يقول: "بالمحبة علي صوت الرادي حبة ووطي صوت الانتينوف".
الشاعر هنا بعبر عن رفضه للواقع ويعبر عن احلامه بعالم آخر مغاير.
وكدا الشاعر أدى دورو تماماً.
لو السياسي في خطابو لأطراف الحرب قال ليهم علوا صوت الرادي حبة ووطوا صوت الانتينوف،
بيبقى خطاب سياسي فاشل وسلبي وانهزامي ما لم يقدم خطة واقعية قابلة للتنفيذ وتحقق نتائج على الارض.
الفرق بين قصيدة ازهري محمد علي وعرض تروس المسرحي
رغم إنهم الاتنين هدفهم يوصلوا نفس رسالة رفضهم لواقع الخرب هو:
وضوح التعبير في قصيدة ازهري وقدرتها في توصيل رسالته بتعبير جميل.
عرض تروس المسرحي فشل في توصيل رسالته وخلق في ذهنية المتلقي جدل بعيد عن رفض واقع الحرب.
| |
|
|
|
|
|
|
| |
Hafiz Bashir
زهير ابو الزهراء
طلحة عبدالله
قصي محمد عبدالله
صديق مهدى على
محمود الدقم
فيس بوك
تويتر
انستقرام
يوتيوب
بنتيريست