Quote: الفيدرالية) هي شكل من أشكال الحكم تكون السلطات فيه مقسمة دستوريا بين حكومة مركزية (أو حكومة فيدرالية أو اتحادية) ووحدات حكومية أصغر (الأقاليم، الولايات)، ويكون كلا المستويين المذكورين من الحكومة معتمد أحدهما على الآخر وتتقاسمان السيادة في الدولة. أما ما يخص الأقاليم والولايات فهي تعدّ وحدات دستورية لكل منها نظامها الأساسي الذي يحدد سلطاتها التشريعية والتنفيذية والقضائية ويكون وضع الحكم الذاتي للأقاليم، أو الجهات أو الولايات منصوصاً عليه في دستور الدولة بحيث لا يمكن تغييره بقرار أحادي من الحكومة المركزية.
06-13-2021, 03:36 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
يا وطنى يا بلد أحبابىA فى وجودى احبك وغيابى يا الخرطوم يا العندى جمالك ..جنة رضوان طوول عمرى ما شفت مثالك فى اى مكان انا هنا شبيت يا وطني يا وطني يا بلد أحبابى فى وجودى احبك وغيابى يا الخرطوم يا العندى جمالك ..جنة رضوان طوول عمرى ما شفت مثالك فى اى مكان انا هنا شبيت يا وطني زيك ما لقيت يا وطني فى وجودى احبك وغيابى ياحليلك وياحليل ايامك على ليالى زمان وقلبى عايش لغرامك ما بعد غرام كانت أيام يا وطني زى الأحلام يا وطني بتذكر فيك عهد صبايا على شاطئ النيل حبيبى جالس حدايا أسمر وجميل انا بفخر بيك يا وطني بالروح افديك يا وطني
يا الخرطوم يا العندى جمالك ..جنة رضوان طوول عمرى ما شفت مثالك فى اى مكان
06-13-2021, 04:56 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: لأحد 13 يونيو 2021 32°C أبوظبي تسجيل الدخول
الرئيسية أخبار شرق أوسط نافذة مغاربية الولايات المتحدة عالم رياضة علوم اقتصاد منوعات فيديو مزيد عاجل مباشر راديو خاصالخرطوم بالليل.. مبادرة مجتمعية لإعادة الحياة للعاصمة l 6 مايو 2021 - 21:54 بتوقيت أبوظبي محمد علي - سكاي نيوز عربية - الخرطوم
بعد ان كانت الخرطوم تعج في ستينيات القرن الماضي بالحياة الثقافية والاجتماعية بكل رونقها وحيويتها ليلا حتى أن معظم إذاعات العالم العربي حينها كانت تنام على أنغام أغنية "يا جمال النيل والخرطوم بالليل". اليوم، انقلب الأمر راسا عن عقب فقد تحولت معظم مناطق وسط الخرطوم إلى مدن أشباح بالكاد تحظى ببعض الأنشطة الفردية في شوارع ترابية مظلمة. ومن أجل استعادة الحياة الليلية لعاصمة ملتقى النيلين الأزرق والابيض، أطلق مجموعة من الشباب والمثقفون والناشطون مبادرة مجتمعية وجدت تجاوبا كبيرا من الكثير من شرائح المجتمع السوداني. وتبدو المهمة صعبة للغاية إذ طال الدمار والخراب كل شيء تقريبا، فأكوام النفايات والأتربة تحيط بالأحياء الرئيسية، والظلام يعم أغلب الشوارع التي تنعدم فيها الإنارة ما يعزز من المخاوف الأمنية ، بينما دور السينما والمقاهي مغلقة جراء تحطيمها وملاحقتها بقوانين ما يعرف شعبيًا بقوانين سبتمبر 1983 التي سنها نظام الراحل جعفر نميري بإيعاز من جماعة الإخوان التي سيطرت لاحقا على كافة مفاصل البلاد بزعامة المعزول عمر البشير الذي حكم البلاد 30 عاما قضى خلالها على ما تبقى من معالم جمال وحياة في العاصمة السودانية. حملة وطنية وفي مطلع أبريل الماضي، أطلقت مبادرة "الخرطوم بالليل" نداء لنظافة وسط العاصمة السودانية. وبدأ متطوعون حملات النظافة والبحث عن مشاريع لإنارة المدينة التي غابت عنها الحيوية لسنوات.
شارع الجمهورية بالخرطوم ألق قديم يحاول العودة ويقول عضو المبادرة طارق الأمين لموقع "سكاي نيوز عربية" إن انتزاع وسط مدينة الخرطوم سيما السوق العربي والأفرنجي وشارع الجمهورية والقصر الرئاسي من حالة الذبول جاءت على خلفية مبادرة أطلقها وحظيت بإقبال كبيرة لأن الجميع يتفقون على أن المنطقة لا تشبه دولة عاصمة عرفت معنى الحياة من وقت مبكر. مناطق حيوية تضم وسط العاصمة مقار القصر الجمهوري ومجلس الوزراء ومبنى برلمان ولاية الخرطوم والبنك المركزي والبريد والبرق والمؤسسات الحكومية والمراكز التجارية الرئيسية. وأغلقت المقاهي القديمة ودور السينما في هذه المنطقة بالتزامن مع وصول "الإخوان" لإلى السلطة في العام 1989 وعززت ملاحقات شرطة النظام العام من إغلاق المتاجر مبكرا والمراكز الثقافية والتقلبات السياسية. ويحمل طارق الأمين مسؤولية تدهور وسط العاصمة السودانية إلى النخب السياسية والمثقفين والفنانين والحكومات والمسؤولين موضحًا أن من شاهد الخرطوم في سبعينات القرن الماضي لا يمكن ان يراها الآن وهي تذبل وتتوارى عن الانظار مبكرًا وتخفت الأصوات ليلا وكأنها مدينة أشباح. تحول كبير يوضح محمد الحسن عوض البالغ من العمر 62 عاما والذي عمل نحو 35 عاما سائقًا لسيارة الأجرة "التاكسي" أن المساحة الجغرافية لوسط العاصمة تبدأ من المقرن غربًا وحتى ضفاف النيل الأزرق شمال الخرطوم مساحتها حوالي 15 كيلومتر مربع.
ويضيف الحسن: "كانت منطقة وسط الخرطوم صاخبة بالحياة تأثرت بتطبيق قوانين سبتمبر 1983 والتي اغلقت بموجبها العديد من الأندية والمراكز الثقافية والحيوية التي كانت تعد متنفسا لسكان الخرطوم. ويتحدث الامين بحسرة شديدة عن حال العاصمة الآن ويقول "اعتقد أن القوانين هي التي حطمت هذه المدينة ونشرت فيها البؤس". ويضيف "حينما تشاهد وسط الخرطوم اليوم تلاحظ بوضوح أن المنطقة التي ضمت في السابق أشهر المقاهي ودور السينما والمتاجر والفنادق، وشهدت حركة سياحة قوية في سبعينات القرن الماضي وأوائل الثمانينات، أضحت شوارعها الآن عنواناً لـ مستوعبات القمامة، وانتشار تجار العملة وباعة متجولون وشوارع ترابية". ويؤكد الأمين أن مبادرة الخرطوم بالليل ستعمل على نظافة الشوارع وإنارتها أولا، إلى جانب تبديد المخاوف من الشوارع المظلمة ومن ثم تعتزم إحياء الحفلات الغنائية والمسارح، وتشجيع فتح المقاهي الثقافية وعمل المراكز التجارية حتى وقت متأخر بدلا من الإغلاق المبكر. وأضاف: "نريد إحياء الساحات والمعالم الرئيسية مثل ساحة أتني وبابا كوستا والمكتبة القبطية وتأسيس منابر جديدة. لا يمكن أن نشاهد موت وسط الخرطوم أمامنا لابد من التحرك لاستعادتها". ويقول السودانيون إن عاصمتهم كانت في منتصف القرن الماضي تشكل انموذحا أسست عليه عدد من المدن العربية والافريقية، وهي من أوائل المدن التي عرفت الشوارع المسفلتة وتنظيم حركة المرور وإضفاء الطراز المعماري على مبانيها، لكنها اليوم تتذيل العواصم الإفريقية والعربية من حيث النمو والتطور. ويوضح طارق الأمين: "أنظر الى الفرق بين نيروبي والخرطوم كلاهما تأسست عن طريق الاستعمار البريطاني من حيث الطراز المعماري لكن الخرطوم تخلفت بينما نهضت العاصمة الكينية كثيرا خلال السنوات الماضية".
مع التحيات الطيبات للأخ (طارق الأمين).
06-14-2021, 01:31 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8946
سلام اخونا سيد احمد, العاصمة ما بتجيها عوجة. سكانها الاصليين حيرجعو ليها و حيكون عندهم الرغيف متوفر و موية الماسورة و الكهربة متوفرة بعد ما ناس الضهارى يرجعو ضهاريهم. ده بالنسبة للمواطن.
القرار السياسى حيكون مدستر و في اى قرار يتم اتخاذه بكون في ممثلين من كل السودان للادلاء بارائهم و مناقشة اى قرار قبل ان يصير قانونا.
06-14-2021, 01:45 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
ليه الخرطوم حجر عثرة في التنمية؟؟ شنو مبرراتك انت وعادل أمين؟؟
ماهي العوائق التي شيدتها الخرطوم في مسار التنمية؟؟
عندما أتساءل عن القرار السياسي يا محجوب أتساءل عن أغلبية ,جماعة,معظم أهل السودان- بمعنى آخر كيف ستقف الخرطوم عائقآ في التوافق لإصدار القرار السياسي الذي يصب في مصلحة البلاد؟؟
ألا تتفقو معي في أن الخرطوم كمدينة -أفردت ذراعيها لكل مكونات السودان وبالمقابل نالت السخط كمكافأة على بسط اياديها!!
لماذا توضع الخرطوم في قفص الإتهام؟؟ ولماذا يتم تحمليها كل الإخفاقات التي كانت - وبكل تأكيد التي ستكون؟؟
06-14-2021, 01:52 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8946
سلام الشيخ يبدو لي احنا الاثنين في خطين مستقيمين. انا بتكلم عن القرار السياسى و اللى دائما خلفه اناس. ده منذ العام 56 و كل القرارات التى صدرت و تصدر غير مدروسة و تخضع فقط لاراء القائمين علي امر ادارة الدولة و النتيجة ان كل السودان ارتحل نحو الخرطوم (انت تراها الخرطوم فتحت زراعيها) و هذه هى المشكلة او نتيجة الاخطاء في ادارة دولة علي انها مدينة.
06-14-2021, 02:02 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
رمزية الخرطوم بتشكل رمزية وطنية ذا عمق تاريخي في نفوس السودانيين. يبقى لمن نقول انها فتحت ذراعيها بنعني انها ألقت بظلالها على كل مكون سوداني مجتمعي قبلي - هذا الظل شكل لبنة لقيام دولة إسمها السودان. طيب- لمن نجي نقول ان الخرطوم هي اس البلاء لأن خلل إدارة الدولة كان مركزه الخرطوم ببقى كده نحن ما كنا منصفين. ليه؟
لأنو الخرطوم كمدينة كانت ولازالت عبارة عن موقع جغرافي - شكل الموقع يا محجوب أوجد ديموغرافيا معينه تطورت علاقاتها لدرجة الذوبان في بعضها البعض وأصبحت الخرطوم وطن لتلك الديموغرافيا. عشان كده لمن نجي نشير باصابع الإتهام معناها نحن برضو بنشير الى تلك المجموعات السكانية التي إستوطنت الخرطوم وأنشأت علاقاتها الإجتماعية بمفهوم جديد بعيد عن الصراع القبلي. ديل مصيرهم شنو يا محجوب؟؟ هل هم برضك مدانون ومتواجدون في قفص الإتهام؟؟ شنو التهمة الموجهة إليهم؟؟
06-14-2021, 02:23 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8946
Quote: عشان كده لمن نجي نشير باصابع الإتهام معناها نحن برضو بنشير الى تلك المجموعات السكانية التي إستوطنت الخرطوم
هذا غير صحيح و ليس قابل للتأويل. الكلام عن مركز القرار السياسى. المواطن في كل مكان سواءا كان في قرية او مدينة, لا علاقة له الا في اطار تأييده او انتمائه الي منظومة ما ارتكبت خطأ بين.
06-14-2021, 03:22 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: هذا غير صحيح و ليس قابل للتأويل. الكلام عن مركز القرار السياسى. المواطن في كل مكان سواءا كان في قرية او مدينة, لا علاقة له الا في اطار تأييده او انتمائه الي منظومة ما ارتكبت خطأ بين.
حتى القرار السياسي يصدر من مجموعة من المواطنين-لكن الفرق انهم يمتلكون السلطة لإتخاذ القرار. جزئية الإنتماء والولاء سنأتي إليها لاحقآ. ترى هل سيكون رايكم ذات الرأي إن كانت عاصمة البلاد في مدينة أخرى غير الخرطوم؟؟
06-14-2021, 04:05 AM
adil amin adil amin
تاريخ التسجيل: 08-01-2002
مجموع المشاركات: 36923
سلام يا الشيخ ويا ود محجوب والله برنامجي في البورد من شدت ما شرحتو وكررتو لحدي ما اتحلجت بقيت كل كلي كو ياخ اي بوست تفتحو حتلقي فيه برنامج واضح وثابت وواعي وساهل جدا وتلقي الاجابة ليه الخرطوم بي شكلها الحالي لا تصلح ابدا عاصمة للسودان وقيامة كوش الثانية انا بتكلم عن مركز ودولة مركزية مفضوحة الان تماما دمرت الاقاليم وفصلت الجنوب بي مشاريع مصرية وانقلابات مدعومة من المخابرات المصرية وقوضت الدولة الحديثة الاساسا الانجليز ومشو وكانت دولة مدنية محترمة جدا جدا اشادت بيها نيوز ويك الامريكية زمن نص العالم مغمت واكبر خطئين استرتجيين والخطا الاستراتيجي ما تظهر اثارة الفادحة علي المدى البعيد 1- حشر السودان في جامعة الدول العربية وجامعة الدول العربية برستيج مصري منتهي الصلاحية في عالم متغير وافضل لينا دول الايقاد بس والاتحاد الافريقي 2-الاصرار علي الدولة المركزية والاصرار علي اجهاض المشاريع الفدرالية بي استمرار حتي الوثيقة الدستورية اجهاض للمشروع الفدراالي دستور 2005 والمحكمة الدستورية امشي اي بوست بتلقي برنامج تحول ديمقراطي كامل لم ترجع الاقاليم برجعو ناس الاقاليم حيث الموارد ويحرسو الموارد والقسمة مع المركز 50%=50% وحراسة الموارد ما بتكون الا بي \محكمة دستورية ومراجع عام في المركز وحاكم اقليم وبرلمان اقليم ومجالس محلية منتخبة وادراة اهلية والجنسية الخضراء ثم برلمان مركزي منتخب ايضا في انتخابات ثانية ثم انتخاب رئيس جمهورية مدني وحكام الاقاليم يشكلون المجلس الراسي في القصر الجمهوري وحاكم الاقليم بي درجة نائب اول في دستور 2005 وصلاحياته كمان الكلام ده قلتو مليون مرة من 2010 لحدي الليلة ولا هدف واحد ما اتحرك فيه حمدوك ولي البرهان او اي جهة سياسية محترمة وقاعدين يمشطو في الانقاذ بي قملا لحدي الليلة ومدورين سيرك في جوبا حاصل فارغ وبقيف لحدي هنا وانا بفضل تكون العاصمة السودانية كوستي مستقبلا في السودان او العاصمة التجارية زي شنغاهي المهم شكل الدولة السودانية هل هي مركزية وفاسدة وفاشلة وفاشية وتصدر الموت الرخيس للاقاليم ونهب الموارد\ام مدنية ديمقراطية فدرالية اشتراكية حرة توزع السلطة والثروة وتمكن السودان من رسالتو الحضارية واطعام مليار نفس في العالم بعد مجاعة الكرونة وعندي المشاريع وعندي الوعي االكافي ليها ومشروحة كويس في 10000 بوست هنا وفي الواتس وامشي لي بوست اوعك تخاف بتلقي البرنامج كلو موجود وواضح ابسط حاجة نجدع عالم مايو ونرفع علم الاستقلال في كل بيوت السودان واكبر حاجة نرجع الجنوب باسس جديدة https://top4top.io/
06-14-2021, 05:39 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
بالغت يا شيـخوف.. الاستاذ عادل امين ما محتاج سؤال .. تشوف اي مداخلة او بوست مشارك فيهو جقود من طرف ومهمن كان ان شاء الله بوست طهارة.. وحا تلقاهو كابي الرؤية دي كلها ونظريتو بالتفصيل وذاكر ليك المحكمة والبرلمان الاقليمي ودستور 1973م وويستمنستر.. وكان شايل معاهو عبد الرحمن المهدي حاتلقاهو رخاهو في الفترة الاخيرة وبقى مركز مع جعفوري الحلو..:)
الحبيب محجوب له التقدير على ما قريت وفهمت رايه فأظنه بيركز على الجانب التنموي والديموغرافي بإعتبار انه مركزية القرار السياسي وتكتل الخدمات والإجراءات الحكومية في الخرطوم خالق نوع من التهميش للاقاليم وعازل المواطن في محله من المشاركة الحقيقية في القرار او التنمية وبيضطر يهاجر ويملأ الخرطوم وغش على الوغش الفيـها .. مافي اي اشكالية مواطن الخرطوم في نفسه لانه في الاخيـر إقليمي ايضاً بعدت ام قربت جذوره الاشكالية في المركزية الادارية ..المشكلة في المركزية الإدارية ..
06-14-2021, 06:11 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: لم ترجع الاقاليم برجعو ناس الاقاليم حيث الموارد ويحرسو الموارد والقسمة مع المركز 50%=50%
اها يا عادل -كده فتحت لينا نفاج تاني. لأنو إتفاقية جوبا مافيها نسبة متساوية للأقاليم. مثلآ الإقليم الشمالي نسبة التحصيل ح تكون 30 % لمصلحة الإقليم. والباقي يمشي للخزينة المركزية.
Quote: وانا بفضل تكون العاصمة السودانية كوستي مستقبلا في السودان او العاصمة التجارية زي شنغاهي
طيب كده يا عادل كأنك يا ابوزيد ما غزيت. لأنو مانخاف ان يحدث في الخرطوم سوف يحدث في كوستي. نفس الديموغرافيا الموجوده هناك ح تتأثر.
ليه ما تكون في عاصمة إدارية للبلاد؟؟ موقع تقام عليه دواوين الحكومة ومكاتبها وسكن العاملين فيها. عشان نضمن إنتقال العدوى الصحية(إن جازت العبارة) من الخرطوم إلى بقية المدن- وبي كده نكون سلمنا المدن الموجوده من عين الغبن والكراهية وحافظنا على وجود مجتمعاتها بذات كيفية تعايشها بمختلف قبائلها.
06-14-2021, 06:14 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
انت عارف يا حيدر- كدي لاحظ لي مسار كتابة (عادل أمين) من زماااان ح تلقاهو بيقول في نفس الرؤية دي- لكن الإسلوب إحتلف. بدأ اسلوبه بي كتبات هادئة- ثم إنتقل إلى اسلوب اكتر حدة ثم الى اسلوب محاضرات- الى ان وصل لمرحلة الحدة المفرطة في بعض الأحيان. نفس الرؤية مع اختلاف الاسلوب.
Quote: بالغت يا شيـخوف.. الاستاذ عادل امين ما محتاج سؤال .. تشوف اي مداخلة او بوست مشارك فيهو جقود من طرف ومهمن كان ان شاء الله بوست طهارة.. وحا تلقاهو كابي الرؤية دي كلها ونظريتو بالتفصيل وذاكر ليك المحكمة والبرلمان الاقليمي ودستور 1973م وويستمنستر.. وكان شايل معاهو عبد الرحمن المهدي حاتلقاهو رخاهو في الفترة الاخيرة وبقى مركز مع جعفوري الحلو..:) ا
عادل مؤمن بإتفاقية نيفاشا وبيفتكر انها الحل للخروج من مأزق السودان- أنا شايف انو المأزق مصنوع بايادي سودانية وبي لوجستيك خارجي.
Quote: الحبيب محجوب له التقدير على ما قريت وفهمت رايه فأظنه بيركز على الجانب التنموي والديموغرافي بإعتبار انه مركزية القرار السياسي وتكتل الخدمات والإجراءات الحكومية في الخرطوم خالق نوع من التهميش للاقاليم وعازل المواطن في محله من المشاركة الحقيقية في القرار او التنمية وبيضطر يهاجر ويملأ الخرطوم وغش على الوغش الفيـها .. مافي اي اشكالية مواطن الخرطوم في نفسه لانه في الاخيـر إقليمي ايضاً بعدت ام قربت جذوره الاشكالية في المركزية الادارية ..المشكلة في المركزية الإدارية .
ممتاز يا حيدر.
يبقى عشان تسلم الخرطوم من الغبن والكره يتم انشاء عاصمة ادارية منفصلة تحوي دواوين الحكومة وسكن الموظفين العاملين فيها. مع إتفاقنا على ضرورة بعث الريف وتوفير معينات الإنتاج. القضية المقلقة يا حيدرنا ان تتجه اصابع الإتهام للخرطوم كمكون مجتمعي مختلف الأعراق -لأن الخرطوم هي سودان مصغر يحلم به الكثيرين لما يحويه من تآلف بين هذه المكونا المجتمعية.
06-14-2021, 06:56 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8946
Quote: عادل ومحجوب بيفتكرو انو الخرطوم رمزية للفشل. ده خلافي معاهم.
سلام الشيخ رغم انى اوضحت وجهة نظرى و لكن ما زلت تؤول كلامى في غير ما هو. تجريد سلطات رئيس الوزراء (حمدوك حاليا) او اى رئيس وزراء في المستقبل لا علاقة له بسكان الخرطوم او قدوم الشعيرية. هى فقط اعادة توزيع السلطات بين رئاسة الحكومة الفيدرالية و حكام الاقاليم و التى تشمل الخرطوم كاقليم.
__________ عمارتك ما تخاف عليها.
06-14-2021, 07:51 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 8946
ما هي النخبة الاتعاملت معها مصر والمخابرات المصرية في المركز وفرضت مشاريعا بي الانقلابات وخلت الاعلام المصري يحتقر السودان والسودانيين لحدي الليلة من زمن الصاغ صلاح سالم لحدي ومن دمبلاب ؟؟ وما هي النخبة الاتعاملو معاها الانجليز البصنعو الطائرة الايرباص والرولز رايس ومنها احترمو السودان والسودانيين لحدي هسة ؟؟ عشان تعرف في اقليات مشوهة في الخرطوم دي بس وما عندها اي انعكاس في الاقاليم واخر من فضحهم ابراهيم منعم منصور اصلو لو كانو سودانيين محترمين ما كانت البلد في الوضع الازل الان في حاجة اسما علم النفس الاجتماعي السياسي انت قلت شايقي ومن الاقليم الشمالي مش ده بدافع الحثالة السودانية وادمان الفشل ليه والمشكلة شنو تكون شايقي ختمي مركب مكنة حركة شعبية مالك ومال الخرطوم وناسا انا ما بعرف المليس والعلاج بي المسكنات انت جاوب الكتل الناس في الاقاليم الستة بعد الاستقلال وبدد ونهب الموارد لصالح دول اقليمية منو وبي ياتو برنامج ؟؟ والبوست بتاعك اتملي كعوك وترهات بضيع زمني ساكت حيدر الزين ده قال من عطبرة ....بدل يشوف الطلع دين السكة الحديد الجابوها الانجليز شنو ومنو قاعد يتمسخر هو من قرود الموز وزيو وزي جلادونا من كلاب الحر المدربة للدفاع عن مخازي المركز والاقليات الاجتماعية البتتحكم في كل السودان ومستمرة في تقطيع اوصاله قباني معذور بدافع عن النظام المركزي البمثلو وعيو ما فايت من فتيح للخور للمغالق وشعار قحت المقطوع من خلاف وانت هسة يا الشيخ مع منو ومع شنو والحقيقة مرة اي زول ما عاجبو كلامي ده...المشكلة فيه هو ونفسية وليس سياسية شفت الخمسة ديل اضل والعن سياسيين في السودان الكوز والسلفي انقلاب 1989 الشيوعي والبعثي والناصري 1969 اي زول بنتمي ليهم او يدافع عنهم من الاقاليم الستة يجيني مارق في البوستات البفتحا تاني ما في زول بيرقص ويغطي دقنو المسخرة ما وعي من الاساس ولكن انعكاس للحالة النفسية المريضة خلت البورد مصحة ودي بن خلدون عنده فيهم راي بشع جدا الاجابة عن لماذا تهين الدولة المصرية السودانيين ؟ لانهم عارفين اتعاملو مع حثالة اجتماعية في المركز لماذا تحترم بريطانيا السودانيين ؟ لانهم تعاملو م ع وجوه المجتمع السوداني ومن يمثلون فعلا الهوية الدينية والسياسية في السودان وقرررط علي كده وقارن بين اللورد كشتنر الراقي وبين الصاغ صلاح سالم السفيه ؟؟ و كلام صلاح احمد ابراهيم عن نخبة الخرطوم مثقفوالخرطوم قهوة ونومةوسهرة وسكرة واتذكر السودان جابو ليه لوردات من انجلترا وكان تحت وزارة الخارجية وليس وزارة المستعمرات سيئة الذكر وبعد الاستقلال قعدو تحت جذم المخابرات المصرية والشركة القابضة الفضحا ابراهيم منعم منصور كان انت شايقى حر بتفهم الكلام ده كويس غير كده انت عارف نفسك
06-15-2021, 04:56 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
ياتو عمارة فيهن يا الهبيب. واحدة في بحري والتانية في الخرطوم والفيلا الكبيرة في الشمالية :)Just kidding شن طعم البيت يا محجوب من غير جيران وضيوف و (مرحب ادخل لا جوه) عندنا ذكريات في الخرطوم عندنا عشرة سنين عددآ- أهل واصدقاء وأصحاب ده هو الشئ القلقانين عليهو.
06-15-2021, 05:32 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
يا عادل من أدافع عن الخرطوم -بدافع عن فهمي للمدينة وما بدافع عن المركزية. لمن اقول المدينه أعني بيها الناس العشنا والنشأنا بينهم بمختلف قبايلهم- دي رحلة عمر ممتد وما ممكن اقبل انو كل السنين دي -فجأة القاها إتمسحت بسبب انو الرمزية عند البعض انها مركز الفشل- طيب اذا إتصلحت الأوضاع مش ممكن برضو نقول انو الخرطوم مركز النجاح.
انا رايي مختلف عنك وعن محجوب- وعندي قناعة أنو مأزق السودان مصنوع بأيادي سودانية وتم وفير دعم له من الخارج. يبقى المشكلة في العقول والأفكار البتقود البلد مش في الناس العايشة في البلد. ذنب الخرطوم شنو يا عادل انها توصف بالسوء- ياخي يمشو يعملو عاصمة ادارية ان شاء الله يعملوها في حدود (مصوع) بس مايهبشو لينا الخرطوم ولا يحملوها وزر إخفاقاتهم المتكررة.
Quote: ما هي النخبة الاتعاملت معها مصر والمخابرات المصرية في المركز وفرضت مشاريعا بي الانقلابات وخلت الاعلام المصري يحتقر السودان والسودانيين لحدي الليلة من زمن الصاغ صلاح سالم لحدي ومن دمبلاب ؟؟ وما هي النخبة الاتعاملو معاها الانجليز البصنعو الطائرة الايرباص والرولز رايس ومنها احترمو السودان والسودانيين لحدي هسة ؟؟
طيب يا عادل- انا متفق معاك هنا- مصر ظلت تحيك الدسائس للسودان وستظل. علاقة الخرطوم شنو بالجزئية دي؟ لمن تقول النخب (مع تحفظي على هذا المصطلح) بقصد شنو؟؟ بتقصد انو سكان الخرطوم هم النخب؟؟ منو الخلاهم يبقو نخب يا عادل؟؟ وين اصول الفئة دي- في زول ماعندو جذور في الأقاليم ؟؟ ما ممكن كلنا نكون نخب في الخرطوم-ياخي في ناس كتيرين جدآ ما عندهم شغلة بالسياسة - اها ديل ذنبهم شنو؟؟
Quote: لماذا تحترم بريطانيا السودانيين ؟ لانهم تعاملو م ع وجوه المجتمع السوداني ومن يمثلون فعلا الهوية الدينية والسياسية في السودان وقرررط علي كده
منو الموجود الآن وممكن يمثل وجوه المجتمع السوداني والهوية الوطنية؟؟ مافي زول بيشكل رمزية في السودان الآن. ليه؟؟ لأنو البتقول عليهم نخب هم من عمل على تشويه صورة الرموز الوطنية في الشارع. دوافعهم شخصية بحتة - لكن المؤلم ان التخطيط لهذا الفعل (الحقير) جاء من الخارج. شخصيآ لا أحترم فيهم أحدآ وتصنيفي لهم انهم عملاء منقادون أوردوا البلاد مورد الهلاك. الآن البلد محتاجة لي راجل قيادي يركب فيها ويقود الناس ويخلصنا من المجمجة الفي جوبا دي. منو القيادي البتتفق حولو الناس وممكن يكون هو المنقذ؟؟
Quote:
وانت هسة يا الشيخ مع منو ومع شنو ابراهيم منعم منصور كان انت شايقى حر بتفهم الكلام ده كويس غير كده انت عارف نفسك
انا مع السودان . شايقي ههههههه نعم -وبي جروفنا وجناينا وتمورنا يا عادل :) ومربوط بي وتد في ديار الشايقية. ومتفق معاك في كتير من طرحك حول الأقاليم وضرورة التنمية. اما الخرطوم عندنا فيها اهل واصحاب واصدقاء. اذا انتو عايزين تكسرو الخرطوم عشان هي رمز للفشل في رؤيتكم معناها ح تكونو زي البتطعنو في ضل الفيل.
المؤسف حقآ هو تلوث المناخ السياسي وعقمه في ولادة قيادة سياسية ذات خلق وطني - ده اصل المشكلة يا عادل وليست المدينة الوادعة عاصمة الجمال خرطوم الروعة.
06-15-2021, 05:53 AM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
بعدين يا عادل لمن تقول انو الخمسة ديل هم اس البلاء- وين البرنامج السوداني الخالص اللي ممكن الناس تتابعو وهي بثثق فيه.
طيب - نجي للحركة الشعبية. حسب إفادات السفير السابق في واشنطن (خضر هارون) فإن رؤية الأمريكان كانت واضحة -اما ان يحكم الجنوب كل السودان او ينفصل. كده بالواضح وبدون اي زيادات. وقد كان - انفصل الجنوب. انت بتفتكر انو الحركة الشعبية كانت رؤيتها وطنية؟؟ ليه؟؟ شنو الحاجات العملتها الحركة الشعبية وكانت منصفة في تعاطيها مع كل مكونات السودان؟؟ وين الارادة السياسية عند الحركة الشعبية في رؤيتها حول الوحدة؟؟ لماذا نشطت جوبا بعد ذهاب الإنقاذ وعملت على تقريب وجهات النظر؟؟ لأنها ببساطه ترفض القيادة ذات الأصول الشمالية - بكل وضوح وبدون رتوش. يبقى وين الشعارات الكانت بتنادي بيها في رؤية سودان واحد موحد؟؟
06-15-2021, 08:33 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: وما هي النخبة الاتعاملو معاها الانجليز البصنعو الطائرة الايرباص والرولز رايس ومنها احترمو السودان والسودانيين لحدي هسة ؟؟
انا هنا بقدم خدمة " جقود ترانسليت " لتوضيح ما إستغلق من قول جقود..
الاستاذ عادل امين هنا قاصد ماهي النخبة التي صنعها الانجليز واستغلوا بيها السودان والسودانيين لحدي هسة ؟؟
الإجابة بالتاكيد معروفة يكفيك تقرأ التوقيع على بيان إدانة ثورة اللواء الابيض ومذكرة الإعتراض على إلغاء الرق في السودان وحا تعرف النخبة دي..
Quote: الاجابة عن لماذا تهين الدولة المصرية السودانيين ؟ لانهم عارفين اتعاملو مع حثالة اجتماعية في المركز لماذا تحترم بريطانيا السودانيين ؟ لانهم تعاملو م ع وجوه المجتمع السوداني ومن يمثلون فعلا الهوية الدينية والسياسية في السودان وقرررط علي كده
من هم الحثالات الاجتماعية ؟؟! الاجابة: كل من تعامل بالسياسة والشان العام ولم يكن ينتمي لبيوتات النخبة المذكورة أعلاه..
جقود والتبعيـة >>>>>>>>>>>>
06-15-2021, 01:58 PM
الشيخ سيد أحمد الشيخ سيد أحمد
تاريخ التسجيل: 07-14-2008
مجموع المشاركات: 2666
Quote: من هم الحثالات الاجتماعية ؟؟! الاجابة: كل من تعامل بالسياسة والشان العام ولم يكن ينتمي لبيوتات النخبة المذكورة أعلاه..
ههههههههه بالغت يا حيدرنا.
عادل اكيد مش قاصد كده:)
انت عارف انا بحترم في عادل شنو؟؟ ثباته على رؤيته طول الفترة دي. الفرق انو صبرو بقى قليل لمن شعر انو مافي تجاوب -عشان كده لجأ لإسلوب يجنح للتطرف أحيانآ:) شخصيآ بتفق معاهو في كتير من رؤيته -خاصة جزئية الريف وتفعيل برلمانات الأقاليم وبحثه عن بعث جديد للحركة السياسية السودانية بمفهوم قومي وطني خالص.
واحده من نقاط خلافي معاهو هو إستعانته بي الحركة الشعبية كمرجعية للشأن السياسي. ولا زال سؤالي إليه- ماهي الأشياء الي قدمتها الحركة الشعبية للدفع نحو وحدة السودان وعدم إنفصال الجنوب.
06-17-2021, 07:15 AM
adil amin adil amin
تاريخ التسجيل: 08-01-2002
مجموع المشاركات: 36923
Quote: علاقة الخرطوم شنو بالجزئية دي؟ لمن تقول النخب (مع تحفظي على هذا المصطلح) بقصد شنو؟؟ بتقصد انو سكان الخرطوم هم النخب؟؟ منو الخلاهم يبقو نخب يا عادل؟؟ وين اصول الفئة دي- في زول ماعندو جذور في الأقاليم ؟؟ ما ممكن كلنا نكون نخب في الخرطوم-ياخي في ناس كتيرين جدآ ما عندهم شغلة بالسياسة - اها ديل ذنبهم شنو؟؟
من كتاب محمد ابوالقاسم القيم السودان مازق التاريخ وافاق المستقبل (جدلية التركيب) ونحن في 2017 والتتار على الابواب اخذكم في سياحة في رؤية الكاتب عن نهوض كوش وجدلية التركيب باسس جديدة لان الراحل انقطع عمله الله يرحمه وبقى له العلم الذي ينتفع به وهذا السفر القيم .. كما هي دعوة لكل السودانيين للعودة في قراءة الكتب التي تركها لنا الرعيل الاولي وفيها عصارة تجاربهم حتى نملك الجيل الحاضر مفاتيح لمستقبل جديد للسودان قائم على وعي حقيقي ومعرفة حقيقية ..وما اكثرها الكتب القيمة التي اندثرت عبر الزمن في كهف النسيان..ونحن نعيش اسوا سنوات التيه ..سأتناول قضية حساسة تتعلق بالمركز والشرائح الاجتماعية التي استوطنته عبر العصور ولماذا ظل عائق امام نهوض السودان الحقيقي حتى الان .. تحت عنوان جانبي((كلية غردون ضد القاهرة)) ذكر المفكر السوداني الراحل محمد ابوالقاسم: قد عمد الانجليز على تخطيط اكثر خبثا حين استقطبوا لكلية غردون اعدادا من الطلاب السودانيين ((السود)) من سلالات عهد الاسترقاق حتى بلغ عددهم (67) طالبا في1906 مقابل(138) طالبا من ابناء القبائل العربية في كل السودان والهدف من الخطة كان واضحا اذا اعتقد الانجليز ان ابناء سلالات الرقيق بحكم وضعهم التاريخي الاجتماعي سيكونون اكثر ولاءا للبريطانيين واقل طموحا في سلم الترقي الإداري ما يعني استبدال المصريين بعناصر موالية لا تطرح في المستقبل أي نوع من الطموحات الوطنية وقد كذبت حوادث 1924 هذه النظرية كما سياتي شرحه =انتهى الاقتباس الكتاب ص 184 و185 **** طبعا وفقا للرؤية الايدلوجية التي كان يعاني منها محمد ابوالقاسم نفسه في كتابه القيم وعداءه للإنجليز وموالاته من وراء حجاب لمصر وتركيا والخلافة المزعومة التي يتغنى بها الاخوان المسلمين في السودان حتى الان على حساب المهدية وقبلها الشايقية ومعركة كورتي والجعليين وحرق اسماعيل باشا في المتمة تعكس تماما ان يكون الانجليز خبثاء وهم يمارسون السودنة ويدعمون شعار السودان للسودانيين كما زعم..الخبثاء كانوا المصريين في حركة 1924 ومن الكتاب نفسه توصلنا الي حقيقة مرة ان مصر تعاملت مع السودان والسودانيين عبر العصور من دخولهم مع الاتراك1821 بطريقتين فقط توصفا بالخساسة والانتهازية ووعي اتفاقية 1899 ما عدا فقط محمد نجيب الله يرحمه فقط لا غير وقد فقد علي عبداللطيف عقله بسبب خذلان المصريين له وانقلب كثير من السياسيين السودانيين ضدها وبقي فقط نخب المركز من احفاد هؤلاء الاقليات المسترقة يشكلون شريحة اجتماعية كبيرة في الخرطوم مصرين يكونوا عرب الي يومنا هذا ويتهافتون على مصر وأيدولوجياتها المشبوهة ووعي الدولة المركزية الذى لا يتجاوز جمهورية العاصمة المثلثة ويجهضون أي مشروع سوداني فدرالي للنهوض بكوش من مشروع الحزب الجمهوري محمود محمد طه و اسس دستور السودان 1955ويهينوا الجنوبيين وكل ابناء الهامش الغربي في المركز بالكشة وفي الهامش بحروب الابادة تحت اشراف البنك الدولي ومشاريعه الشيطانية المعروفة في العالم وعقدة استكهولم التي تجعلهم يتهافتون على مصر والعرب وتركيا الى اليوم ..نحن اصلا جاءنا الاسلام قبل الف عام عبر التجار اليمنيين والهاشميين والطرق الصوفية من العراق تلاميذ الشيخ عبدالقادر الجيلاني وجعلوا اسلام السودان صوفي مرتبط بمحبة ال البيت كما هم الانصار والختمية والجمهوريين ولم يطالبونا بان نكون عرب اطلاقا ..فما الذي يجعلنا الان نبحث عن عروبة مستعارة بالكريمات والحقن واسلام مشوه جاء به الفلاتة والتكارين من جامعة ام القرى السلفية في السعودية او الاخوان المسلمين المصرية او الخلافة الداعشية التركية ونسقط التاريخ المشين للوجود التركي المصري في السودان الذى استدعى ان تتوحد كل قبائل السودان بما في ذلك الكجوريين تحت راية المهدية للتحرر منه في 1885 ووفقا لنظرية جدل التركيب نفسها التي ابتكرها ابولقاسم حاج حمد لقد مثل المهدي الشمال وانجز مهمته في تحرير السودان من الاتراك والمصريين وايضا نقفز ونتجاوز انتكاسة عبدالله التعايشي لأنه لا يمثل الغرب ..الذى يمثل الغرب هو السيد عبدالرحمن الذى جلب عبقرية سلاطين الفور من امه وايضا جمع السودانيين كلهم بطريقة حديثة تناسب المرحلة وحولهم من مقاتلين الى مزارعين ثم ناخبين في حزب الامة العريق ليخرج الانجليز بطريقة راقية عبر الانتخابات في 1 يناير 1956 ثم جاءت انتكاسة اخرى بالأيدولوجيات المصرية بعد الاستقلال من ناصريين وشيوعيين انقلاب 1969 ثم الاخوان المسلمين انقلاب 1989 ليدخل السودان من جديد جحر ضب خرب مع اقليات المركز المذكورة انفا والوافدين الجدد على السودان ...ويأتي اخونا دينق الذى جعله ابوالقاسم عنوان الفصل الثامن (عودة الاخ دينق ) في دور الجنوبيين في نهوض كوش جاء مهدي الجنوبيين دينق في صورة د جون قرنق ورؤية السودان الجديد واتفاقية نيفاشا ودستور 2005 لاستعادة كوش واستنهاضها لاكتمال (جدلية التركيب) والدور الرائد لكتلة الجنوب..ومات جون قرنق بصورة فاجعة 2005 وبقيت الرؤية تنتظر فارس جديد يكمل مهمة كل الرعيل الاول للنهوض بالسودان او كوش الثانية من عباءة المهدية وشعار السودان للسودانيين الذى استهجنه نخب الخواء المزخرف في مؤتمر الخريجين والتحرر من هذا الاستلاب المصري المشين لابد من العودة الى مسار مهدي الجنوب دينق تقديرا لأبناء الجنوب الذين حاربوا في المهدية واطلقوا علي المهدي دينق كما ذكر فرانسيس دينق في كتابه القيم السودان صراع الروى والهوية ..اقروا يا سودانيين كثيرا في كتب الرعيل الاول لتبصروا طريقكم من جديد واتركو العبث في الواتس اب واستهلاك نفسكم فيما لا طائل تحته.اقرا 50 صفحة في اليوم ستكون قرات كتاب كل اسبوع سيكون حصيلتك المعرفية 48 كتاب في السنة وهذا كافي جدا لتكون واعي وفاعل في استعادة روح السودان سودان الحضارة الكوشية .والحديث ذو شجون
اما الحصحاص في الجذمة البليد حيدر الزين عنده معلومات مرحلة ليه من الجيل المؤدلج الفاشل ابوعيسي وبابكر عوض الله والترابي ومدور بهيا هنا الحركة الشعبية اعلي وعي ورؤية ومسار وعندها دستور 2005 والمحكمة الدستورية وافضل مليون مرة \ من الوثيقة الدستورية المضروبة وسيرك جوبا المقال ده بفك ليك شفرة الخرطوم واقلاتها المشوهة والوظفتهم المخابرات المصرية لمصالحا واولادهم واحفادهم لحدي الليلة ورسالة ابراهيم منصور فضيحة عديل ومشكلة الخرتوم وناس الخرتوم نفسية ما سياسية وعرفت الفئة الما عندها انعكاس في الاقاليم مش كده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الشيخ سيد أحمد
Mahjob Abdalla
adil amin
يحي قباني
HAIDER ALZAIN
فيس بوك
تويتر
انستقرام
يوتيوب
بنتيريست