جونا نازحين اسي من منطقة في الجزيرة لحدي كسلا معاهم أولادهم شباب 19/17 سنة مضروبين في راسهم قالو لينا ارتكاز الجيش وقفهم و قال ليهم اولادكم الملولوين شعرهم ديل هم الجابو الثورة هم الجابو لينا الابتلاء- نزلو الاولاد من الحافلة و حلقو ليهم بسكاكين و جرحوهم شديد واحد فيهم الدم لمن ملا وشو و فكوهم بصعوبة بعد انتهو منهم نهائي. اتحركو وصلو أقرب مركز صحي اتضطرو خيتو ليهم راسهم و لفوه. حمدو ربهم علي انهم مرقو و واصلو رحلة نزوحهم لحدي ما لاقاهم ارتكاز جيش تاني في منطقة تانية(جيش عقار) - نزلو الرجال كلهم و خلو النسوان و الاطفال، و بعد فتشو الرجال، مسكو الاولاد قالو ليهم ديل دعامة انتو مهربينهم، قدر ما حلفو ليهم انو دا الجيش حلق ليهم افتكروهم بنبذو الجيش قالو ليهم امشو من هنا و مسكو الاولاد، النسوان و الاطفال يبكو، الرجال حلفو ليهم مصحف انو ديل اولادهم - بعد تحنيس و رجاء و كل محاولات الرشوة و التطبيل و كل شي فكو الاولاد اخيرا. بعدها من الرعب اتحركو في يوم واحد لحدي كسلا وصلونا مرعوبين و حالتهم صعبة و الاولاد حالتهم أصعب من اي شي. دا الجيش حقنا و دي فلاحتهم علي المواطن و دي شغلتهم، الرشاوي، المرور، حلق الراس و ترويع المواطنين. لم############ الجيش الحيجي يقول داير إثبات حقول ليك سلامة الاولاد و الاسرة عندي اهم من تصديقك. دعواتكم للأولاد ديل و لاسرتهم يصلو أهلهم بالسلامة و دعواتكم للبلد و يعني يخوانا حسبي الله و نعم الوكيل بس. #انقذو_السودان #talkaboutsudan #KeepEyesOnSudan
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة