فرصة جديدة وعلى طبق من ذهب للدعم السريع

كلام عجيب يا أبا ذكر، ما خطر حتى
على بال بريمة و لا الدقم و لا حتى الماهري زاتو.
يعني ممكن نتخيل معاك استعادة الثقة بعد اللي كان كان
تكون كيف؟! مسلن يستردوا أرتال المنهوبات من النيجر؟!
و لا "يرقعوا" بكارة من اُغتُصِن من الحرائر؟! و أنت سيد
العارفين أنو مسائل الشرف بالذات متل عود الكبريت لو
اشتعل تاني إلا يترمي في أقرب زبالة.
+ رجاء ترجع البصر عدَّة كراتٍ لتجد أن ما حدث
و يحدث من هؤلاء نما صورة طبق الأصل من فظائع
جهدية ود تورشين والعملوه في أهلك من سنار و منذ 138
سنة لا تزال كدماته غئرة في قلوب الأبرياء.

+ سلامات وتراجيب كوتارات قريبيي العركي/ المحسي
الحِمِش الحفيان فوق النار تمش وكان زي ما بقولو الجمل ما
بمش بي ضبنو ممكن نديك تعريفة حبوبتك وتدلى في ود كنَّان.
علا حاشاك وأنت شدرة في المدنيين . طبعن ألذ حاجة انو الحاصل
دا لو ما ليه أية محمدة تُذكر فيكفي أنه خلا عنقالي زي حلاتي وأديب
نحرير من عيار أبي ذر، ينخرطو في لغاويس ساس يسوس، دي زاتا
قريبة من حكاية مُداح لاقو دراويش .، و أكيد ما بنختلف.

Quote: لأنه الدخول في النوايا صعب جدا لو ما كان مستحيل يعني التعامل مع النوايا في ظل وضع البلد الحالي ما اظن يكون مفيد والمطلوب هو التعامل مع الحقائق

+ و لكن الأنا شايفو دي ما نوايا، دا عفص نخرة
للتاريخ عشان يعيد نفسه و يضحك من نفسه ، و أحسنت
لامن قلتا لينا أنو دا ما سبق ليها مسيل لا في تركية سابقة
ولاحت من جهدية ود تور شين، على الأقل ديلك كانو بلقو
الولية حامل يبغرولا بطُنا بي كوكاب و لكن حاشاهم ما
حصل اغتصبو ولا نهبو . و في مداخلتي أمس قربت
أشغل ليك ونَّانة عنترياتنا بتاعت نحنا و نحنا ، من قيبل:
"لا يسلم الشرف الرفيع من الأذى حتى يُراقُ على جوانبه الدم"
علا لاكين خفت بريمة ينط لي يكسر لي الدوش في يدي يقوللي:
ماعندكم ديش. لاكين أصبر ليو حسابي معاه بعدين بنتلاقى
في فرقة وبلحسو ليك المرقة ، عامل عضيناتو متل صفق
العُشر و راسو المقودس متل سرج العجلة.