المسافة صفر،مشروع الفوضى الخلاقة وادواته الرخيسة في السودان💣👹 طيب لو اصلا المشكلة كيزان وزواحف مالين الولايات الغبية من 1989_ 2023 بتنكلو بي الكيزان الماسكين القروون ليه في الولايات يا دعامة ويا قحاتة يا عيب الشوم عليكم جماعة كوبر قااااعدين والكيزان الكبار قاعدين في السودان ويرفسو لحدي هسة ناس البشير،وعلي عثمان و على كرتي واحمد هارون . ...الخ
انت لو ما عايز كيزان الاقاليم ( الزواحف🐢 )مش قلنا ليك من 2019 اسقط الولايات الوسخة دي والسيستم بتاع الانقاذ،من راسو لي ساسو من 1989 وخلو مليس ده مؤتمر وطني وده مؤتمر،شعبي،وترهات ما جايبة حقها من 30 يونيو 1989 لحدي هسة 2024 ورجعو الاقاليم الخمسة باسس جديدة بتنتهي الزواحف براها في الاقاليم تصفي حسابات مع الكيزان التحت وهم اجوع منك ليه في المدن الاقليمية الكالحة ؟ ثانيا الجيش والدعم والامن الوطني عندهم 600 شركة نهب وافقار هل فكرو يرجعو الدولارات الفلكية في حساباتم خارج بنك السودان للسودان من 2019 زي ما قال ابراهيم منعم منصور عشان نحترمهم ما تشكر لينا الراكوبة في الخريف الدعم السريع مؤسسة مجرمة ومشبوهة وليس البديل للقوات النظامية وقحت انتهازية وشعار الثورة واضح( الجيش للثكنات والجنجويد ينحل) وده كان ممكن جدا بي اتفاقية نيفاشا ودستور 2005 والمحكمة الدستورية ومبادرة نافع عقار 2011 المجمدة واهملا البشير،وركب الكركابة احسن من سلام جوبا الاماراتي البييض وفشل هسة
المثقف من يضع الحق في مواجهة القوة نعوم تشومسكي طيب القحاتة لمن عارفين الجيش رمم والدعم مجرمين ودو الشباب القيادة ليه؟
ليه ما سمعو كلام حسنين وودو الناس المحكمة الدستورية صبوها هناك وراهنو على الشعب والانتخابات ؟ وايضا صبوها في عواصم الاقاليم الخمسة برؤية وعلم ودستور حسنين2019 هل سمع خالد سلك بي على محمود حسنين وابراهيم منعم منصور وقرا رسالته للبرهان وحميدتي ،ود منصور،خالد قال شنو قبل يتوفى ؟ مش كانو حيين لمن قام الحراك الشبابي وديل من افضل اعمدة الحكمة السبعة الكوشية هسة بسالك ما هي اقوى مؤسسة في الدولة في القرن 21 المحكمة الدستورية ولي الجيش والامن والشرطة ؟ بعد التجربة المحكمة الدستورية انقذت مصر وتونس من الفوضى وايضا قادت التحول الديمقراطي في كل العالم بعد سقوط جدار برلين1989 وينا المحكمة الدستورية حتى في وعي القحاتة ؟ هي موجودة في دستور2005 فصل كامل لي حالا وبها 9 قضاة الرهان على نزع الكيزان بالدعم السريع رهان خاسر،تماما والرهان على حكومة كرزايات مركزية ايضا وجربتو وفشل 4 مرات السودان بتسمكر من الاقاليم اولا الى المركز وليس العكس وهسة المركز ذاتو راح واكلو التمساح 🐊 ونشوف قحت بتوصلنا وين مع الدعم وقريب جدا جدا 🙊🙉🙈 واضح رهان قحت على الدعم ومافي داعي يغطو دقنهم لانه المحرك واحد دويلة الامارات ووراها امريكا واسرائيل والبنك الدولي وسفن سسترس ومشروع تفكيك السودان اصلا بدا بي فصل الجنوب2011 انسداد الافق بتاع السياسيين المسنين بعاعيت مايو 1969
انا حركة شعبية من 1983 و1988 و2005 ولحدي هسة وبدعم برنامج علي محمود حسنين الان للشماليين الما عايزين وماقادرين يهضمو مشروع الحركة الشعبية العظيم ( نقل المدينة الى الريف ) والتحرر،من اصر الدولة المركزية البغيض وشايفنو برنامج عبيد ساكت ☻ حسنين شمالي وعنده علم ورؤية ودستور قاعد في مكتبة النور 2019 وانا عايز اقلع الانقاذ،نفسها كنظام فاشي مجرم من 30 يونيو 1989 لحدي هسة2024 برؤية واضحة ومؤسسات واضحة وليس افراد او رموز انتقائية والمؤتمر الوطني فقط وفلان وعلان والحل ببدا عندي بعودة الاقاليم وال11 مؤسسة القلتها هنا من 2019 وبكرر فيها 4 سنة وعارف تماما ا لصراع الصفري ده بين الفاشل والافشل بوصلنا الفصل السابع والتدخل الدولي المشين وتدمير ما تبقى من السودان وبنفس الادوات الرخيسة الحصل في افغانستان والعراق واليمن وسوريا وليبيا غزة الان😭😭😭😭😤😷 نحن بنعرف الديمقراطية من زمن اللورد كتشنر،1938_1956 وطلعنا بيها الانجليز الراقين البصنعو الطايرة الايرباص والسودان كان دولة مدنية حديثة وهوية وحضارة ومحددين هويتنا بالمادة 7 في دستور1957 سودانيين فقط وبالجنسية الخضراء، افسدتا الانقلابات ومشريع الصرف الصحي المصرية والعربية المازومةىوالفشلت حتى في بلدا الجماعة ديل مواسير وكيسم فاضي 👇 الشيوعيين الناصريين البعثيين الاخوان المسلمين السلفيين وهم لا بمثلون 5 % من المجتمع السوداني، واعلى وعي وبرنامج سوداني مؤسس الان هو الجبهة العريضة حسنين2019✌ الحركة الشعبية الاصل ✌2005 غير كده الوعد الحق والفجر،الكاذب ومتاهة شعب اسود بثقافة بيضاء،مزيفة زي ما قال باقر العفيف والزمن بينا يا قحاتة ويا فلول 🐒🍌 فااااااتكم القطار😏 الثورة الثقافية 💚💛💙 عادل الامين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
فيس بوك
تويتر
انستقرام
يوتيوب
بنتيريست