وماذا نفعل مع مصحح كروم الغبى تكتب الكلمة صاح يقلبها ليك غلط.. مفروض يسموه المغلط وليس المصحح. اصلو ما عرفت اتخلص منه.
النصرى مبروك صورة البروفايل الجديدة.. شاب جلد ما شاء الله. بالنسبة للإجازة عليك بالصين لن تندم صدقنى.. ولو عاوز معلومات وامكان وعناوين ادينى خبر.. تانى كل سنة حتمشى هناك
يا حليلك يا النصري معقوله الحرب عملت فيك كده؟؟؟؟ انت كنت مرجع في السفر و جهه الكل كان برجع ليها في قضايا السفر و عندك بوستات و صور في ارشيف المنبر توضح ذلك,,,, لا أملك إلا أن أقول حليل الكان بهدي الغير صبح محتار يكوس هداي,,, رحم الله المبدع وردي
11-29-2023, 05:12 AM
Abureesh Abureesh
تاريخ التسجيل: 09-22-2003
مجموع المشاركات: 30182
بالمناسبة اوع تمشى منتصف يناير.. كل الصين تشطب ومافى نفاخ نار فى الشارع لغاية شهر فبراير. اسمه China spring festival ممكن تقوقل بالكلمات التلاتة ديل الناس كلها تسافر القرى بتاعتها والمدينة تكون اشباح.. لا مطاعم لا محلات لا دكاكين.. ودى الفترة الوحيدة الحكومة تسمح لاصحاب المركبات الخاصة يشيلوا الناس بقروش عشان أصحاب التاكسى كلهم يتركوا المدن لقراهم.. تكون مسجون فى الفندق تلاتة اسابيع
11-29-2023, 10:24 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
نهاية بطل يا حامد الشكر للسادة المعاتيه برهان و حميدتى.. الخطة كانت خمسة اسابيع فى السودان بين الأهل والأصدقاء. دلوقتي حار بى الدليل ،مستحيل اقعد فى كندا فى يناير اطير و ين يا حامد مفكر البرازيل ، سنغافورة او يوغندا
يا ابريش رفعت معنوياى فوق فوق فوق و تراااااااااااااح ضربت بى الدلجة . حالتى جريت افتش التذاكر ابوالرخا .. فعلا الصين فى يناير بتنتهى عديل متذكر مرة اشتريت مكنة من الصين و كان التنفيذ فى يناير اتعذبت عذاب قبورة البلد بتقفل شهر كامل خلاص شطبنا الصين من القائمة
وتاشيرة السعودية تجيك في بريدك الالكترونى في ١٠ دقائق بعد ما تدفع الرسوم اونلاين وهي حوالى ١٤٧ دولار ...وتاشيرة مفتوحة لمدة سنة و multiple entry. والعلاج مجان. انا كنت هناك وقضيت ثلاثة أسابيع ورجعت يوم الثلاثاء الماضى ...سوف تشهد تغيير كبير جدا في كل مدن المملكة العربية السعودية ...السعودية أصبحت الآن من دول العالم الاول .. وأدعو لصاحب السمو الملكى محمد بن سلمان حفظه الله ورعاه واطال الله بقاؤه ...
11-30-2023, 05:12 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: يا ابريش رفعت معنوياى فوق فوق فوق و تراااااااااااااح ضربت بى الدلجة .
آسف يا عمى الشيخ.. ما أقصد والله لكن هذه هى الحقيقة.. ورغم ان المناسبة نفسها اخر يناير لكن المدنا تبدأ تفضى من السكان من ديسمبر عشان كل العالم تضرب القرى والجبال لأهملهم.. تعلم تقريبا المدن الكبيرة عمروها العاملين من الضهارى.. بس شوف محطة قطارات قوانقزوو المديثنة الكلمتك عنها .. شوف الزحمة.. تذاكر القطارات تتباع قبل شهيرين اونلاين وتخلص .. وعملوا كنترول على التذاكر عشان ما يبيعوها فى السوق السوداء.. شفروا فيها معلومات المشترى ويقارنوها بالبطاقة لما يجى المحطة. ما فى تلاعب الألفاظ..
خلاص بقينا على كينيا يوغندا رواندا ، اصلا تاشيرتهم واحدة . و كينيا ابوالرخا فى السكن ، عشرة دولار فى اليوم و من هناك نتسلل لجوبا مالك على و شوية شوية نصل كوستى و منها مدنى ولا ننسى ان ندعو على حميدتي و البرهان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Hamid Elsawi
محمد الأمين موسى
Elamin Medani
فيس بوك
تويتر
انستقرام
يوتيوب
بنتيريست