لم أك أظنني سأجهد نفسي المجهدة أصلا ..من عدة نواح . بكتابة بوست حواري جدلي في أي من المنابر السودانية .. خاصة، بعد تهكير حسابي في فيسبوك الذي لذت به زمنا .. وتأكد لي أن التهكير المحكم قد حدث من قبل لاجئى دولة مجاورة يقيمون حاليا بالسويد . والله أعلم .
11-25-2023, 04:44 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25106
سلام كنداكتنا أمونة أكيد الجهل بالتاريخ وكمان بالقبائل وبالمدن خارج حدود "المركز" الذي عمل على تغبيش الوعي منذ الاستقلال
Quote: المُجلد .. تتخيلو واحد بلبوسي دخل على في الخاص وسألني المجلد دي جنب شنو ؟؟؟ وين وين ؟؟ خشيت صفحتو لقيتو خاتي صورة الفريق كباشي !!!! الحقيقة ما أستغربت منو أغلب البلابسة أول مرة يعرفوا اسماء مدن دارفور وكردفان ... هم كانوا قبل الحرب فاضين من كافتريا زون وعفراء مول وحفلات هدى عربي .. المهم رديت على البلبوسي بالقول : والله يا ولدي أحسن ما تعرف عنها حاجة في الوقت دا بالذات لأنو فيهم جغم وقافي.
وكان هذا ردي عليه ..، ولكن لا أعد بمواصلة الجدل البيزنطي ..فلقد أتسع الرتق على الراتق ..وبحت الحلاقيم :
Quote: ياتو قبيلة في النوبة ؟!! النوبة ٩٩ جبل. وهم ما بيعرفوا نفسهم بالنوبة..فكل قبيلة عندها إسم ورسم وجبل وأمجاد. راجعوا لقاء شهير مع شهيد الحرية الراحل القائد يوسف كوة..وماذا قال عن مسمى ( نوبة). . وأنباي ..لقب مسئ في اللغة المروية ..ولا يزال كذلك في التراث الشعبي لغرب وشرق السودان . إسأل علماء اللغويات ..خاصة الفرنسي كلود رايلي ..الذي عكف على فك شفرة اللغة المروية . .. والفتوحات الإسلامية هي من إستلمت المسمى ..ثم أطلقته على البلاد جنوب مصر ..من ( ألفنتين) إسوان القديمة وإنت نازل. ... ثم،تبناه علماء المصريات..فاطلقوا على بلادنا وآثارها مسمى ( نوبيا), والذي فرح به الأمريكان من أصل إفريقي جهلا ..وكيدا في منجهية. علماء المصريات العاطلة ،والتي نسبت حضارة وادي النيل لأصل قوقازي. بالضبط مثل مسمى ( كوش) ، والذي لا يزال معناه عند البجا أحفاد المجاي The Medjay معروفا حتى اللحظة . وكذلك تبنت مسمى نوبيا ..حملة إنقاذ آثار النوبة من قبل اليونسكو..أيام بناء السد العالي المصري الذي أغرق آثار بدايات حضارات وادي النيل .. الله أعلم إن كانت مؤامرة ..أم عباطة أو تأمر دولي إنساقت له مصر . ثم، تبناه علماء المصريات الجهلة ..وأطلقوا علينا لقب بلاد نوبيا..والتي تعني بالمروية عبيد.
..
فسل كبار أهلك يا كاتب البوست عن معنى مسمى نوبة. . وهل يعتبرون أنفسهم فعلا نوبيين؟ . هذا الدرس في التاريخ لأنني لاحظت أنك جهلا تظن..أن النوبة قبيلة ..وإن هم قومية واحدة ..!! كما تم إيهامكم مؤخرا ... عبر عدة جهات منها كلية غردون..
11-25-2023, 05:32 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
غايتو كان مت يا جماعة إعتبروني بالجمبة كدا شهيدة للوطن .. والنصب التذكاري عافياكم منه ..مافي داعي ..هههه .. العزيز حيدر ..شايفاك طلعوك جنجاويدي..
أها أنا عاد أمي رزيقية محاميدية شطية ..الله يرحمها.. وقد كانت الملهمة الحقيقية لكلمات أغنية ( بتقولي لا ).. وخالي عمدة الرزيقات في بورتسودان .. ومع ذلك،نحن البجا ..وآل دقلو قرايبي عملاء الإمارات ..الشحمة والنار بسبب الموانئ والساحل السوداني والأمن القومي.. منذ أيام قحتهم ومؤتمر مهنييههم وحمودكهم لغاية أسامة داؤودهم... .... وبرضك قال نحن فلول ..اليفلل عيدان كبريتكم ..يا جهلة. ... لعب عيال مستعمر فعلا .. طظ واحد واحدة ...يا القام من نومو لقى كومو..
11-25-2023, 05:52 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27583
لو في زول في المنبر يعرف جبال النوبة أكثر منى .. وإنا حمت الجبال علي كراع راعي؛ هو أستاذنا حسن فرح ..
أستاذنا حسن فرح هو درّس في مدارس السودنة في جنوب كردفان .. وقت طردنا المستعمر .. الوقت داك شاب خريج كتاب جديد لنج .. قال لقوا الكنجيمورو ومع أصحابه عبوا فيها أفتكروها مشروب سمسم ساكت .. سكروا سكرة لما رقدوا خلا .. طشوا من محل المدرسة الماشين ليها.
------------------- خخخخ .. جلدونق حسن أظهر وبان بليس!
( قال لقوا الكنجيمورو ومع أصحابه عبوا فيها أفتكروها مشروب سمسم ساكت .. سكروا سكرة لما رقدوا خلوا .. طشوا من محل المدرسة الماشين ليها.) ------------------------------------------------------------------------------------------------------------------------------- ههههههه بريمة المطموس بطل اللولوة واسرد الحكاية كما كانت: فى اوائل اكتوبر 1962 انطلق بنا الكومر من الابيض متوجهين الى كادوقلى الوقت داك ما كان فى شارع اسفلت حتى الدبيبات الطريق نوعا ما سالك لكن من الدلنج ولا قدام بقايا الخريف لا زالت تعيق الحركة وفى النهاية وقعت الكارثة وتعطل الكومر وفضلنا مقطوعين مويتنا كملت وضربنا العطش نزلنا وتوجهنا لقطاطى غير بعيدة عن الردمية استقبلونا الاهالى قاموا بالواجب واكرمونا و(حدس ما حدس)
11-25-2023, 10:54 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5391
Quote: ههههههه بريمة المطموس بطل اللولوة واسرد الحكاية كما كانت: فى اوائل اكتوبر 1962 انطلق بنا الكومر من الابيض متوجهين الى كادوقلى الوقت داك ما كان فى شارع اسفلت حتى الدبيبات الطريق نوعا ما سالك لكن من الدلنج ولا قدام بقايا الخريف لا زالت تعيق الحركة وفى النهاية وقعت الكارثة وتعطل الكومر وفضلنا مقطوعين مويتنا كملت وضربنا العطش نزلنا وتوجهنا لقطاطى غير بعيدة عن الردمية استقبلونا الاهالى قاموا بالواجب واكرمونا و(حدس ما حدس)
الذ شيئ في الجبال، المفاجعات .. مرة أنا طفل والدي وصحبه من دارفور ساقونى معهم للتجارة وتركونى مع جمالهم في طرف السوق، جاء رجل من أهل الجبال .. ومعه أطفال أصطادوا كمية من الفئران وأظن زي 2 سنجاب squirrels وقط وأظن كذلك أب دربان (ظربان) وكم قرد .. عبيت معهم لحمة من جميع الخزعبلات .. ما عدا القرود، عفتها .. اليوم داك، أبوي الليل كله يهمز لي في بطنى .. وأنا شبعان دوز وهو مفتكر أنا أنتفخت! ----------------- أمونة .. عفوا قلبناها ونسة.
بريمة
11-26-2023, 04:42 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9185
((أصطادوا كمية من الفئران وأظن زي 2 سنجاب squirrels وقط وأظن كذلك أب دربان (ظربان) وكم قرد .. عبيت معهم لحمة من جميع الخزعبلات .. ما عدا القرود، عفتها .. اليوم داك، أبوي الليل كله يهمز لي في بطنى .. وأنا شبعان دوز وهو مفتكر أنا أنتفخت!)) --------------------------------------------------------------------------------------------------------------------------------------------------------------- هههههه هسع بالله شوفوا منطق العريبى دا: اخير قرعة الكنجيمورو وللا لحم الكدايس والفيران؟ هسع تلقاهو فى امريكا واقع فى ال mortadella pork
Quote: الجهل بتاريخ السودان هو سبب كل حروبنا الطويلة ،والتي هي أطول الحروب في القارة الإفريقية وكل القارات.
الحقيقة يا اختنا آمنة .. ما بس الجهل بتاريخ السودان .. الاسوأ منه الجهل بجغرافية السودان .. و الحدود الجغرافية و اسلوب الحياه الزراعية و الرعوية في تلك الحدود .. درسونا صديقنا منقو و صديقنا فلان زي الرفاهية انه يا عيال في ناس تانين غيركم في مناطق تانية .. و لا اكثر من ذلك .. انسان الوسط و الشمال السوداني هو اساس مشاكلنا .. قمنا جهلاء بكل ما حولنا من ضعف المناهج المدرسية ثم استلم الكيزان جهلنا و اتحفونا بسياسة تجهيلية مؤسسة ادت لانهيار كل شي ..
11-26-2023, 10:01 AM
عبدالقادر محمد عبدالقادر محمد
تاريخ التسجيل: 07-09-2018
مجموع المشاركات: 2780
Quote: الحقيقة يا اختنا آمنة .. ما بس الجهل بتاريخ السودان .. الاسوأ منه الجهل بجغرافية السودان .. و الحدود الجغرافية و اسلوب الحياه الزراعية و الرعوية في تلك الحدود .. درسونا صديقنا منقو و صديقنا فلان زي الرفاهية انه يا عيال في ناس تانين غيركم في مناطق تانية .. و لا اكثر من ذلك .. انسان الوسط و الشمال السوداني هو اساس مشاكلنا .. قمنا جهلاء بكل ما حولنا من ضعف المناهج المدرسية ثم استلم الكيزان جهلنا و اتحفونا بسياسة تجهيلية مؤسسة ادت لانهيار كل شي ..
والله انسان الوسط بريئ براءة الذئب من دم بن يعقوب لعله الأكثر تهميشاً وتغييباً في وطننا الكبير مشاكل السودان كلها تخرج من بقعة جغرافية صغيرة جداً وضيقة جداً ضيق افق من يطفح علي سطحها يتحدث باسمها واسمنا ويتخذ القرارات المصيرية كذلك نسأل الله السلامة
11-26-2023, 07:21 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27583
طبعاً أنا كثير الأسفار في جهات السودان المختلفة .. الشعوب السودانية في مواطنها الأصلية تختلف عنها في المدن. النوبة في الجبال من أجمل وأحلي شعوبنا السودانية، اسألوا أستاذنا حسن فرح ..
لو جيت نزلت عندهم كضيف، ومددت أقامتك تظل ضيف وحتى لو بعد ست أشهر ويعاملونك معاملة الضيف .. ولو ذهبت وجيت راجع لهم هناك تصبح صاحب بلد، يدوك أرض تفلحها ولو رغبت في الزواج منهم يزوجوك .. لو حردت أهلك أو صعبت عليك المعيشة تذهب وتزوج وتسكن معهم ..
الطبقة المثقفة منهم نقلت كل أمراض وعلل السودان في العنصرية .. مثقفي شمال الجبال مثل مدينة الدلنج وحتى كادقلي يعتبرون أنفسهم أفضل من غيرهم من سكان الجبال.
بريمة
11-26-2023, 06:23 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
Quote: غايتو كان مت يا جماعة إعتبروني بالجمبة كدا شهيدة للوطن .. والنصب التذكاري عافياكم منه ..مافي داعي ..هههه .. العزيز حيدر ..شايفاك طلعوك جنجاويدي..
أمونة الثورية حبابك دخلت بالغلط قلت البت دي برهنت نظريتها! لقيت تريقة لا غير! عناوين وهمية لردود ذاتية زي دي, إن لم تسبري غورها بالإدلة فهي في ميزان منقصاتك الجنجويدي عمره جنويدي يا أخية ونظرا لكون الرابط هو الحمية - لا فكرة ولا وطن ولا دين ولا إنسانية- يتم استصحابها, فإغفال المظالم من سحل وتهجير جماعي ودفن أحياء وسرقة بيوت واغتصاب نساء وهدم منازل وإزاحة دور العلم والمتاحف يعتبر عملا أخلاقيا من كافة كل الجنجويد: ميتهم وحيهم من فك الخط منهم ومن غارق في بحيرة جهله من كان زعيما للقبيلة ومن كان منسيا
لعلمك, لم أرد على ميرغني لعدم الرغبة في السجال مع شخص أطلق راحلته صوب الظلم استحياء!! ولم ارغب في التطرق إلى عدم مصداقيته طالما مصر على أن يحمل قلبين!! طاعنا في الحديث, ما جعل الله لرجل من قلبين... وهو قلب مع الجنجويت وقلب مع الوقوف مع إبادة المساليت!
نرجع لعنوان بوستك يا جنجويدية غافلة الذبح والتهجير من أجل استيطان الذين لا وطن لهم في هذا الكوكب قاطبة إلا على ظهور الثيران وسنام الوبر منذ فجر التاريخ!
حسب تحققي, أن سبب الحروب في السودان هو أن الإنسان السوداني لم يصل لمرحلة القومية بعد وإنما مستف في قمقم القبيلة التي أقام معها عقده الاجتماعي والقبيلة تتقاطع البتة مع القومية وتعمل على إلغاء كيان الدولة, يعني سيستمر السودان منذ عبدالله جماع وعمارة دنقس و إلى البرهان دنقس وحميتي جماع بنفس الوتيرة طالما صهصلق مثلك يرفع راية للمعرفة وهو مجرد جنجا! مثال ذلك: طرحك الموؤد الفكرة والذي لا يحمل غير تريقة والتريقة زي الصفارة أي زول كبير ولا صغير رجل ولا امرأة ختو ليه صفارة حينفخها طقيق, لكن وين خلاصة جهود الفكرة! . قالت صنفوك جمجويدي! قر قر قر ! يا لصفاقة القتلة ومن رفع لهم إصبع
11-26-2023, 11:29 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10914
سلام أمونة حسب ما أرى وأسمع وأقرأ التاريخ خطير...فهو وعي الحاضر لذلك قد يكون سببا للحرب كما قد يكون سببا للسلام. في السودان أقرب لان يكون سببا للسلام..الا اذا كانت رؤية الذين لم يفهموا التاريخ غير ذلك. التاريخ معرفته سلاح..قد تقتل به وقد يقتلك. وتحياتي موصولة للضيوف المكارم.
11-27-2023, 02:13 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
آدم صيام ..أولا ..ميرغني دا منو ؟ الذي كتبت عنه فقرة كاملة في بوستي هذا ؟!!
يازول ركز شوية ...آي كلنا ما مشوشين بسبب الحرب ..لكن إنت عيارك فلت ..منذ أن كتبت إنه حبوبتك جنجاويدية..الله يرحمها . زول طلع حبوبته همباتية لا إيدها لا كراعها ..تفتكر حا يهمني يعني وصفي بالجنجاويدية ..فقط بسبب التصنيف القبلي..والذي تدعي في مداخلتك إنك ضده يا متناقض ؟!! ... بعدين شايفاك شاني هجوم وأساءات ضد أهلنا الفلاتة في كذا بوست..لا إيدهم لا كراعهم ..ومصر تحملهم وزر جرائم السحل والقتل في الجنينة وغيرها..عبر الخلط المتعمد ومحاولة تزوير التاريخ
Quote: نرجع لعنوان بوستك يا جنجويدية غافلة الذبح والتهجير من أجل استيطان الذين لا وطن لهم في هذا الكوكب قاطبة إلا على ظهور الثيران وسنام الوبر منذ فجر التاريخ!
قول إسم القبيلة وخشم البيت والناس الإرتكبوا جريمة الجنينة عدييييل.. وما تقعد تتزواغ ..ومرة تلصقها في الفلاتة ..ومرة تقول جنجاويد..كلقب لافي ساي بقى ..
مع إنه أي طفل صغير في السودان عارف إنه .جنجاويد..دا لقب لهمباتة ثم تحول لمليشيات قبلية.. أذكرها بالإسم ..وحدد نشاطهم الاقتصادي كأبالة ..ملاوز مالك ومصر تلصقها في رعاة البقر الأماجد في كل افريقيا ( الفولان). فاكرها شتيمة يعني لما تحاول عمدا الخلط بين الرزيقات والفولان ؟...والله نتشرف بيهم يا عنصري يا مريض..
كذلك، أي زول عنده حبة معرفة بالسودان يعرف رزيقات شمال دارفور الأبالة من رزيقات جنوب دارفور البقارة.. أهل النظارة في الضعين. فبلاش لعب الأكروبات الصينية دي .. ... فبالله فكنا من التضليل المتعمد المصر تعمل فيهو دا .. وسمى الأشياء بمسمياتها.. ولا ترمي الأبرياء من طرف وانت قاعد في هونق كونق.. تعال شيل سلاحك وقاتل دفاعا عن أهلك وأرضك ..كما فعل جدودك السلاطين تاج الدين وبحر الدين ...والذين تداعت لهم القبائل نصرة لهم في حربهم المجيدة لصد الاستعمار الفرنسي .. ومن ضمن القبائل دي أهل أمي الرزيقات..وأهل حبوبتك . .... شخصيا لم أعد أعتمدك كشخص موثوق به ..بل مهرطق كبير..منذ بوستك ذاك الذي حاولت فيه تحميل قبائل الفولان الإفريقية الكبرى ..وزر بعض مليشيا إعراب الرزيقات وغيرهم من مستعربي دارفور والبعض من جماعات من قبائل السودان الأخرى ..وبالطبع قد فيهم بعض متفلتي الفلاتة .. ولكني،،كمتابعة أكيد مثلك للفتنة القبلية التي حدثت بين بعض الرزيقات وفلاتة تلس.. فلذلك أعرف أن معظم جنود فلاتة الدعم السريع إنسلخوا عنه . وحتى الآن لم يصدر بيان من أي فرع من فروع الفلاتة بإعلان إنضمامهم للحرب الدائرة لأي من الطرفين. ... فبالله عليك بطل عنصرية وقبلية ودجل ..وخليك حقاني زي الإخوة المساليت في المنبر هنا . فلست بمسلاتي أكثر منهم ..وحتى علاقتك بالمساليت ضعيفة. . فما تعمل لينا فيها عنتر شايل سيفه ..هنا في المنبر .. أمشي داوس هناك في الميدان ..يا شاتم حبوبتك !!
وكان على التريقة والشتم أنت أستاذ ..فكل بوستاتك الأخيرة عبارة عن شتم وردحي وبالفصحى الدارفورية كمان ..( وش ساخر).
وخلي بقارة السودان في حالهم ..كان فلاتة كان غيرهم .. وخلي حركات المصابين بالبارانويا دي .. .... لاحظت في أفراد وجهات مصرين يدخلوا مكونات السودان كلها في الحرب ..غصبا يا ترى ، من يحرك هؤلاء ؟!!!
11-27-2023, 02:17 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
والله لقيت الزول لما يخش في دواس المنبر بيتفكفك شوية .. أتاااري علشان كدا آدم صيام يطشم ويدور فينا .. مع إنه أكيد تمن التذكرة لمحل الدواس في السودان عنده ..
11-27-2023, 04:35 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25106
سلام امونة صيام ده اصلوا كده يورجغ من غير فهم يا مان الردح الاسفيري ده خليناهو زمااان جدا .. فكنا من ترصدك الغبي ده تطلعني جنجويدي فلولي حركة شعبية ما بتفرق معاي كتير .. قال واقف مع ابادة اهله المساليت مع اني جلبت له بوست ادانه كتبته عند مقتل الوالي خميس
Quote: وهو قلب مع الجنجويت وقلب مع الوقوف مع إبادة المساليت!
يقرأ ولا يستوعب عليك الله فك دربي
11-27-2023, 05:09 PM
Bashasha Bashasha
تاريخ التسجيل: 10-08-2003
مجموع المشاركات: 25803
العزيز ادم صيام، ارفع الرجل من البنزين شوية!! اختك زعلت، أو لو ده حصل لايهم منو الصاح، بقدر مايهم جبر الخاطر، مادام زعلت. امونة بت الشيخ حمد، ابوها كان مزواج خلاس، ناسب جميع اهل السودان!! لذا اشهد رغم علاقتا الاسرية بزعيم الجنجويد ولكنها لم تنحاز من منطلق قبلي، آفة السودان المصري، وكانت ضد الجنجويد!! امونة ياعزيزة: طولي بالك معا اخوكي ادمو، لانو وبحكم العايشو فطبعي يكون ده موقفو من الشايفم مؤيدين للجنجويد، حتي لوفاهم غلط. أما اهلنا الفولان، فهم اباء هذا السودان وهذا مانجهله، أهل جدنا "دان فوديو" البشر بي عودة "اوسار" وقد صدق، شيخنا، لهم التحية.
11-27-2023, 07:58 PM
آدم صيام آدم صيام
تاريخ التسجيل: 03-11-2008
مجموع المشاركات: 5736
Quote: العزيز ادم صيام، ارفع الرجل من البنزين شوية!! اختك زعلت، أو لو ده حصل لايهم منو الصاح، بقدر مايهم جبر الخاطر
شكرا بشاشة وشكرا آمنة مختار
بس تكرار عنصريتي مع الفلاتة دي مكررة بشكل مخل وغير أمين زي دعاية الببسي- الشركة أرباحها في ازدياد يوميا ومصرة تصرف ربع رأسمالها في الدعاية حتى في صحراء كلهاري- بينما لم أتطرق للفلاتة إلا في بيان ناظرهم بانحيازه للجنجويد وهو لا يدري المسكين باعتباره من منظور أصغر تليس جنجويدي لا يعدو كونه رطاني (امباي) إن حارب معهم يجب وضعه تحت صامت (العين الطويلة) وإلا تم سحله واغتصاب نسائه واحتلال أراضيه!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
AMNA MUKHTAR
حيدر حسن ميرغني
Biraima M Adam
Hassan Farah
محمد جمال الدين
يحي قباني
عبدالقادر محمد
أبوذر بابكر
آدم صيام
محمد عبد الله الحسين
Bashasha
فيس بوك
تويتر
انستقرام
يوتيوب
بنتيريست