|
كتب الكاتب الفاتح جبرا المتوفرة بمعرض الدوحة
|
|
 Re: ياها ذاتها الطاقية الحمراء الفضلت (Re: Mahjob Abdalla)
|
Quote: …كل هذه الفترة كنا نتجارى من التصنيف بالفلول او تحويل الحرب الدائرة بين ابناء الاقليم الواحد.
و اخيرا اتضح جليا ان الاكليشيهات لن تنفع ف قررنا ان الطاقية الحمراء دونها الدماء في الركب.
… |
سلام واحترام اخى محجوب~
*قالوا انه الحرب بس العاصمة بحسب تكرار أمثال عزت+الماهرى "الحرب فى المركز…"عشان أهل الخرطوم يفهموا ، رغما من إن سكان العاصمة خليط من كل أنحاء السودان
*قلنا خلاص يدمروا العاصمة وأهلها يذوقوا طعم الحنظل وعماراتها تسكنها الكدايس وتبقى خالية زى مليط (كل الحقوق محفوظة)
***لكن لا ،الحقيقة عينهم ومقصدهم غرب السودان حيث الموارد والأرض التى يمكن طرد سكانها الأصليين وابادتهم قبائليا ومواصلة تبدليهم …
***الربيع الجاى من لندن فى وسط مجموعة يتوعد كل السودان!
| |
  
|
|
|
|
|
|
|
|
Re: ياها ذاتها الطاقية الحمراء الفضلت (Re: هدى ميرغنى)
|
| Quote: ***لكن لا ،الحقيقة عينهم ومقصدهم غرب السودان حيث الموارد والأرض التى يمكن طرد سكانها الأصليين وابادتهم قبائليا ومواصلة تبدليهم … |
سلام اخت هدى,
و شكرا لمرورك الكريم,
طبعا في نشوة انتصاراته, جاء لناس الفاشر و فعلا اجتمع ببعض اهل السلاح او زى ما بقولو العساكر بعرفو بعض و ممكن يتكلمو بطريقة حضارية :)
المهم قال كلامو و الناس سألوهو ليه عملت العملتو داك في الجنينة و دفنت ناس احياء؟
قال ليهم ديلك المتفلتين العملو كدا.
قالو ليك خلاص قدامك مهمة كبيرة امشى امسك المتفلتين الذين ارتكبو تلك الجرائم اولا.
_____________
اللسان و العقل السليم ما بمشو مع بعض.
| |
|
|
|
|
|
|
|
|
|
Re: ياها ذاتها الطاقية الحمراء الفضلت (Re: Mahjob Abdalla)
|
Quote: كتم و كبكابية كانت جوز المركوب
الجنينة الاولى كانت قد شرطت ابتكتنا فكشفت عورتنا على خجل.
تم اتت نيالا و خلعت جلابيتنا.
و اتت زالنجى و خلعت عراقينا
و اتت الطامة في الجنينة الثانية التى ملصت ابتكتنا و كشفت عورتنا كاملة.
ثما جاءت ام كدادة (ساعة اليد)
و لا اعرف موقع الضعين من الاعراب.
الان بقيت الفاشر, طاقيتنا الحمراء بفعل الدماء التى سالت في اطراف جسدنا الاخريات.
كل هذه الفترة كنا نتجارى من التصنيف بالفلول او تحويل الحرب الدائرة بين ابناء الاقليم الواحد.
و اخيرا اتضح جليا ان الاكليشيهات لن تنفع ف قررنا ان الطاقية الحمراء دونها الدماء في الركب.… |
تحياتى تانى محجوب~
إن مكتوبك هذا من أكثر الكتابات تعبيرا ووصولا لواقع ما حدث ويحدث وسيكون…
*تعبيرات فارقة جد جد
| |
|
|
|
|
|
|
|
|
|
Re: ياها ذاتها الطاقية الحمراء الفضلت (Re: هدى ميرغنى)
|
Quote: تحياتى تانى محجوب~
إن مكتوبك هذا من أكثر الكتابات تعبيرا ووصولا لواقع ما حدث ويحدث وسيكون… |
محجوب دا شيخي يا هدى.
كتاباته مليانة بالحكمة التي تحتاج التأمل.
لما يكتب أنا ما قاعد أتداخل معاه تأدباً أمام حكمته.
| |
|
|
|
|
|
|
|
|
|
Re: ياها ذاتها الطاقية الحمراء الفضلت (Re: Hafiz Bashir)
|
حبيبنا محجوب..
معليش نحن ناس ضواحي الدنيا
اللغة العربية اتعلمناها في المدارس
مشكلتي مع سودانيز اللغة العامية
معليش، ما فهمت العنوان (الطاقية الحمراء)
لدرجة اني اختبر قدراتي في قراءة بوستات حبيبنا الجميل َدالاصيل
معليش ا شغلناك.. واصل
متابع
| |
|
|
|
|
|
|
|
|
|
Re: ياها ذاتها الطاقية الحمراء الفضلت (Re: Mahjob Abdalla)
|
| Quote: معليش، ما فهمت العنوان (الطاقية الحمراء) |
سلام اخ على عبدالوهاب,
طلباتك اوامر يا هبيب.
عندنا في اسطورة النهب المسلح او الهمبتة التى تحولت بعامل السلاح الى نهب مسلح في الثمانيات.
القصة بتقول واحد كان ماشى في الخلا على ظهر جمله. يقومو يقابلوهو الحرامية و ينهبو منو كل شئ كان عندنا و لما الحرامية لقوهو زول مسكين شالو منو حتى ملابسه و اظنك تعرف الـ "ابتكة" و لم يتركو له غير طاقية.
عاد الى قريته و هو كذلك ف سألوهو ناس القرية "ليه الحرامية اخدو كل شئ و بس خلو ليك طاقيتك". يقال انو قاليهم "لو كان هبشو طاقيتى دى كان الدم وصل الركب".
واقع ذلك الشخص او تلك الاسطورة المتداولة ينطبق علينا تماما الان.
| |
|
|
|
|
|
|
|
|
|
Re: ياها ذاتها الطاقية الحمراء الفضلت (Re: Mahjob Abdalla)
|
Quote: قلنا خلاص يدمروا العاصمة وأهلها يذوقوا طعم الحنظل وعماراتها تسكنها الكدايس وتبقى خالية زى مليط (كل الحقوق محفوظة)
***لكن لا ،الحقيقة عينهم ومقصدهم غرب السودان حيث الموارد والأرض التى يمكن طرد سكانها الأصليين وابادتهم قبائليا ومواصلة تبدليهم …
***الربيع الجاى من لندن فى وسط مجموعة يتوعد كل السودان! |
بحرفنة شديدة، دست ليك السم فى الدسم...وبدموع تماسيح.. صدقنا خطابكم يانخب وتأكد لنا همكم الاول والأخير هو إقليم غرب السودان وليس المركز الخرطوم!!!
.
| |
|
|
|
|
|
|
|
|
|
Re: ياها ذاتها الطاقية الحمراء الفضلت (Re: Mahjob Abdalla)
|
| Quote: يقال انو قاليهم "لو كان هبشو طاقيتى دى كان الدم وصل الركب |
تحياتي يا محجوب
بعيد عن مرارة الواقع وبؤس حالنا
قصة الطاقية ذكرتني نكتة الجماعة الجاهم الحرامي بالليل وهم نايمين
المرا صحت راجلها قالت ليه
قوم في حرامي حايم في البيت
قال ليها احسن تمشي ليهو انتي
انا كان مشيت عليهو بعوقو
هههههههههههه
معليش يا محجوب
خلينا نفرق على روحنا شويه
حتى لو بي ضحكة مستلفة
| |
|
|
|
|
|
|
|
|
|
Re: ياها ذاتها الطاقية الحمراء الفضلت (Re: Mahjob Abdalla)
|
Quote: معليش يا محجوب
خلينا نفرق على روحنا شويه
حتى لو بي ضحكة مستلفة |
و عليكم السلام اخ اباذر,
بل نحتاج الى لحظات كهذه او لنضحك ف حالتنا السودانية اصبحت تراجيدية بحق و حقيقة.
و كذلك ينطبق علينا مثل الثور الاسود و الابيض. عندما تم الاعتداء علي الجنينة و التمثيل بجثة الاخ خميس, ظننا انه الثور الوحيد المطلوب اكله, اما نحن الثيران الاخرى سالمون غانمون و الحمدلله
| |
|
|
|
|
|
|
| |
Mahjob Abdalla
هدى ميرغنى
علي عبدالوهاب عثمان
Hafiz Bashir
Mohamed Adam
أبوذر بابكر
فيس بوك
تويتر
انستقرام
يوتيوب
بنتيريست