Quote: من اشهر اصحاب مطاعم السوق الكبير
|
+عJJJJارفك أبو ذكر يا غفاري، ح تدقنسني تمرقني
سقَّا جاي أبيع الخوية بالخرُج في حارة السُّقاة و عطشان.
وما عارف دي فاتت علي كيف ، والغريبة عمو حسن جاد االله
أنا كاتب عنو في (من أرض المحنة و في قلب الجزيرة) معلقة
منحوتة في لافتة (ابتسم فانت داخل على محراب الحمال و الحب
في بلادي) فوق حنك كبري البوليس.، معاه كوكبة نجوم من علامات
ود مدني الفوارق متل بياكم (كنتور) ناس المساحة. منهام فول أبو ظريفة ،
جرتق لاجزيرة لصاحبه ال أب صلعة ،عبدالحق التنابيك و ود عمَّار الممتاز،
كباشي حسونة للعطارة جوار قهوة منضور. دا طبعن فضلاً عن ظُرفاء قاع
المدينة، ناس أعمامك ناس حيدر قطامة ، الصادق أبو العافية ، ود الفِتِلِّي
وعمك الغائب عن عينَّا بس حاضر في قلوبنا / عوض حلاوة ،
+ مطعم عمك حسن جاد الله كنا نركب ليه رفَّاس عم عبدو من
جنتوب الجميلة مخسوس عشان نمخمخ شُفَلإ سمك المقلي متل
لقيمات حبوبة الشباك بت جماع، و من هناك يا السينما الوطنية
جوك سعاليك بين أمية نكتل ليك الدور الدور الأول فيلم كابوي
ستيف أو ترنتي الجبار أو الفك المفترس و نعيد الكرة في الدور
التاني عشان نبيخ الفلم نقولليلمه : "بتل هنا ما يموت".
و بعداك بكون الرفاس رمولو الهلب و توقف، و يلا
نشيلا كداري بالكبري عبر الدباعة و توتو ماتا.
عائدين أدراجنا إلى داخلية جمَّاع.